[سراديب]

هذا المكان لأرواحكم / أرسموا لنا أفكاركم /
أنشدوا لنا أحوالكم / هاتفونا من كيبورداتكم /
لكن بطابع رمضاني مميز ومختلف ..

احكوا لنا عن خططكم الرمضانيه , وعن ذكرياتكم الرمضانيه
وماننسى ألذ الأطباق وأشهى المأكولات على موائدكم
ولا نمانع بالتذكير بالأدعية الطيبة والتشجيع على ختم القرآن "

فنحن معكم على مدار الساعات .. نتبادل اجمل وأعذب العبارات
تهنئات وتبريكات في شعبيات .. ومع رمضان تحلى معكم السهرات

نستعد معكم من الآن لرفع أعمدة الخيمه ، التي نتمنى أن تتسع للجميع من خلال مشاركاتكم المثريه
والشيقه والممتعه و التي تطرز بنكهه رمضانيه من نوعها ..


فالموضوع مفتوح للجميع ..
ورمضان مبارك "

[نادر]

خيمه رمضانيه مباركه ان شاء الله
وبالنسبه لطقوس واجواء رمضان دائماً رائعه واكثر شي يميزها روحانيتها في اداء فريضة الصوم وكذلك صلاة التراويح والتقارب يزيد مابين الاهل والجيران والاصدقاء
الله يعيينا على صيام هالشهر وقيامه ، عاد السنه هذي رمضان صادف موسم حر ورطوبه تكوي كوي الله يرزقنا وياكم الجنه

لي رجعه بإذن الله للخيمه

[دِيار.]

.

أهلا قلب

مبارك عليك الشهر , وخيمه رمضانيه مباركه وحافله بالسوالف والتذكير ان شاء الله


يا حلو رمضان والله , مجرد ما قالو بكرا رمضان انشرح صدري
تحسن تجاهه بشي عجيب سبحان الله
اجوائي دوام صباحي ونومة قايله ثم مطبخ ثم فطور ثم تي في , واكيد يتخللها قراءة قرءآن
اختي مسويه لاخواتي الصغار جدول لختم لقرءان , عجبني مرتب كثير وتشجيعي للاطفال
وله مكافأه آخر الشهر .

خيمة رمضان حلو اننا نشاركهم لو باشياء ومشروبات بسيطه


لي باك ان شاء الله للخيمه
عوافي قلب يابعدي

[الجازي]

فكرة رائعة اختي قلب ..
وكل سنة والجميع بخير ينعاد عليكم بالصحة والعافية ورضا رب العالمين ..
خيمة مباركة إن شاء الله .. ولا ننسى نجيب مكيف صحراوي على الأقل حتى
تكون مرتاحين في الجلسة ونقدر نسولف ..
الطقوس زي كل رمضان .. صيام وافطار وصلاة وعبادة ..
يحضرني اليوم قرأت في كتاب أدعية خاص وتحديدا في المقدمة احببت مشاركتكم فيه

أن من أسباب إجابة الدعاء , الرزق الحلال فهو مفتاح الإجابة

عن ابن عباس قال: تليت هذه الآية عند رسول الله صلى الله عليه و سلم ( يا أيها الناس كلوا مما في الأرض حلالا طيبا ) فقام سعد بن أبي وقاص فقال: يارسول الله ادع الله أن يجعلني مُستجاب الدعوة ، فقال له النبي صلى الله عليه و سلم:" يا سعد أطب مطعمك تكن مستجاب الدعوة , والذي نفس محمد بيده إن العبد ليقذف اللقمة الحرام في جوفه , ما يتقبل منه عمل أربعين يوما , وأيما عبد نبت لحمه من السحت والربا فالنار أولى به "

[ رواه الطبراني عن ابن عباس ] [ الترغيب والترهيب عن ابن عباس ]
واستناداً لقوله تعالى ( كلوا من طيبّات مارزقناكم ) سورة البقرة آيه (57)

ومن أقرب مايكون العبد لربه وهو ساجد فمن تواضع لله رفعه

وفي حديث رَبِيعَةَ بْنُ كَعْبٍ الْأَسْلَمِيُّ قَالَ: كُنْتُ أَبِيتُ مَعَ رَسُولِ اللَّهِ صلى الله عليه وسلم فَأَتَيْتُهُ بِوَضُوئِهِ وَحَاجَتِهِ فَقَالَ لِي: (سَلْ) فَقُلْتُ أَسْأَلُكَ مُرَافَقَتَكَ فِي الْجَنَّةِ (قَالَ أَوْ غَيْرَ ذَلِكَ؟) قُلْتُ هُوَ ذَاكَ، قَالَ: (فَأَعِنِّي عَلَى نَفْسِكَ بِكَثْرَةِ السُّجُودِ) رواه مسلم

إلى أن اعود ان شاء الله ..

[وحش]

.
.
الله يعطيك العافيه اخت^ قلب طفله^ على المجهود الرائع والخيمه الأكثرمن الرائعه ..,
اما عن أجواء رمضان عندي ..الله يسلمك ..
عندي اليوم فطور رجال حوال 18 رجال والله يكتب اجرناوأجركم.. وياشين لحظة تحضير الفطور احس بربكه وخوف خصوصاً إذا كان عندي معازيم....وياشين نظام الفطورين فطور اول وفطور ثاني..
عذاب ..الله يرحم ايام الشرقيه وفطورنا الواحد....
اماقراءة القران والله مابدأت الابعد صلاة التراويح وكملت بعد الفجر وخلصت الجزء الأول.
اما التلفزيون ماشفت ولاحاجه بس قالو لي عن حلقة طاش ماطاش انهاكانت قووووويه ..
.
والله يعيناعلى صيامه وقيامه بأكمل وجه..,

.
.

[!!هذّيان حلمْ!!]

وأخيراً

يا أهلاً وسهلأ بربعنا في خيمتنا

::


تصدقون لين اللحين ماحسيت اني برمضان

عزايم وناس ماهمها الى وش تطبخون

مدري وين راحت ايام رمضان والعباده

الله يهون ّ من الحال

قلب طفله ياعسى ربي يسعدك يالغاليه


لي عود يإذن اللي ماتنام عينه

[لينـا]

بركة الشهر يااحبه

انا كثير احب رمضان مادري احس لمة الاسرة واشياء كثره ماتجي الا فيه
بكره اصور لكم سفرتنا : )
عاد العجيب انو نزلنا امس السوبر ولقيت اغلب الاماكن فاضية الناس شغالة تشري اكل مادري لية
ماياكلو الا برمضان شكلهم؟

[عبدالرحمن الربيّع]

مساكم الله بالخير وكل عام والجميع بخير وصحه وعافيه ..
والله يتقبل منا ومنكم صالح االاعمال في هذا الشهر الفضيل ..
ويجلعنا واياكم من صوامه وقوامه ..
وخيمه رمضانيه مبارك يامال العافيه اختي قلب طفله ..

<<< اخذ له مركى وجلس وده يسولف

امس كنت نايم بمان الله الا ام العيال الله يهديها تقول :-
دحيييم دحوووم قم تاخرت
وتقعد تزعجني قوووم تاخرت يالله ترى ما علي منك

رفعت راسي وانا غرقان في النوم قلت وش تاخرت عليه
قالت على الدوام

قلت اي دوام يوم الخميس الله يصلحك

تعال دورها من التلقيط هههههههه

شكلها مع الاجازه ضيّعت بين الايام

[عبدالرحمن الربيّع]

ايه نسيت اقول لكم

وش رايكم بمسلسلاتنا المحليه هالسنه شكل المواضيع فيها جريئه جدا واكثر فايده من السنين اللي راحت ..

يعني االموضوعين اللي جت في طاش ما طاش اشوف انها مفيده وفكرتها جدا روعه اللي رجع لسكيورتي
واللي صار خاله بطرس وقسيس

وبعد فيه مسلسل اللي فيه مناحي موضوعه اليوم جدا جميل عن بيع المراه للملابس النسائيه بدال اللبنانيين والهنود والبقاليه

الحلقات اللي قبلها ما شفتها للاسف

حتى مسلسل بيني وبينك طرح فكره وصداها اكثر من رائع اللي فيه الفتاوي اللي صار كلن يفتي على كيفه وما احد يقول لا ادري زي الطفل اللي هبل فيهم

عساهم يقدمون كل شي ينفعنا دايم ويفكونا من الاسفاف والضحك على الفاضي

[[فطيِم الخآلدي]]

رمضآآآآآآن .. شهر الرحمة والغفرآآآن
.. بس بهالحـر ..
سقآ الله أيآآم البـرد .. الوآآحد لآجى ينتفض وينويٍ يشب المشب
وكل واآحدن لآبس له دولاب ملابسه كله < ولا بو فروه .. !
الله يآزين صبآحية رمضآآآن ..
وعلى طآري المسلسلآت .. < من جنبهآآآ صرنآ نتعيجز نشوُف
يالله يغفر لنآ بهالشهـر الفضيٍل .. والله يحقق امنيآتنآ ..
وخوووؤش ديوآنيه حبوبه ..
ممتلئة بعبقْ الإيمآآن .. وهكذ1 شهـر رمضآآن !

تحيآآتيٍ

..

.

[حرف !]

صبّحكم الله بالخير جميعاً ..
وكل عام وأنتم بخير يـاربي ..
ورمضـان كريم على الجميع !

طوّلنا الغيبة لكن إنتم كريمين وتعذروون
ظروف السفر والحين رمضـان والواحد بعيد عن النت
تُجبره في بعض الأحيـان على الغيـاب
لكن
يعلم الله مكـانكم مازال في القلب

ربي يحفظ الجميع
وخيمة مباركة يارب

[حرف !]

الرسالة الأصلية كتبت بواسطة عبدالرحمن الربيّع

ايه نسيت اقول لكم

وش رايكم بمسلسلاتنا المحليه هالسنه شكل المواضيع فيها جريئه جدا واكثر فايده من السنين اللي راحت ..

يعني االموضوعين اللي جت في طاش ما طاش اشوف انها مفيده وفكرتها جدا روعه اللي رجع لسكيورتي :d
واللي صار خاله بطرس وقسيس :d

وبعد فيه مسلسل اللي فيه مناحي موضوعه اليوم جدا جميل عن بيع المراه للملابس النسائيه بدال اللبنانيين والهنود والبقاليه

الحلقات اللي قبلها ما شفتها للاسف

حتى مسلسل بيني وبينك طرح فكره وصداها اكثر من رائع اللي فيه الفتاوي اللي صار كلن يفتي على كيفه وما احد يقول لا ادري زي الطفل اللي هبل فيهم

عساهم يقدمون كل شي ينفعنا دايم ويفكونا من الاسفاف والضحك على الفاضي

هلابك أخوي عبدالرحمن
شوف يالغلا ،،

حلقة طاش عن السعودي والأجنبي يشهد الله إنهم بردوا كبدي
وطلعوا المستخبي ، والمشكلة أن فيه ناس تعارض الحلقة والسبب
أنه يوم قال غيرك ينقص وانت تزودي .. رد يقول : ماظنتي !

مشكلتنا للأسـف ..
إننا نعيش في بيئة مش فـاضلة ونتصنّع أنها فاضلة وأجمل بيئة
وإلا فالفسـاد الإداري والغش التجاري والبطالة والفقر والدخل المحدود
مشـاكل ومصايب في مجتمعنا إلا أننا نطمر في بير ولا من شاف ولا من درى
ونتظـاهر إننا عايشين في بيئة فـاضلة !!

صحيح فخر الإنتمـاء السعودي الكل يتمنـاه
لكن في أشياء يجب أننا ما نكابر عليها ونصبر وحنّا نشوف غيرنا
يُفضّل علينا بالمميزات والبدلات وابن الوطن يتنتفس بدخل محدود
مع أن المؤهلات كلاها مثل بعضها !!

حلقة خالي بطرس :d
أنا ماشفت الجزء الأول منها ، شفت آخر الجزء الثاني
بس كمآن لازم يدقّون في مناهجنا ولو بالكذب ، أجل مناهجنا
تعلمنا إننا نحـارب الكفّـار ؟؟؟ واضح أن مشكلتهم مع رجال الدين
لازالت قـائمة ، وصدقني ما يرتاحون حتى يحققون مناهج بدون دين !

الشيء الثاني كيف يقولون أن المسيحية مسملة ؟؟؟
اعوذ بالله من الجهل والجـاهلين ..
الله في كتابه يقول :
لَقَدْ كَفَرَ الَّذِينَ قَالُوا إِنَّ اللَّهَ ثَالِثُ ثَلاثَةٍ وَمَا مِنْ إِلَهٍ إِلَّا إِلَهٌ وَاحِدٌ
وهـم يقولون أن عيسى ابن الله وهو الرب تعالى الله عن ذلك ..!
فوينك يالقصبي والسدحان وبطرس عن كلام ربي وربكم ؟؟
اجل المسيحية ديانة فـاضلة وصحيحة ؟
والله حلقة كلها مغالطات !

هذا اللي لحقت عليه من حلقـاتهم
والله يستر بجد من القـادم

[نجلاء الشريف]

الشهر مبارك عليكم جميعاً
ياحلو هالخيمه وياحلو رمضان وحلو اجواءه كلها روحانيه
رمضان له نكه جميله لا تُمل على أننا نفتقد هذه السنه .. من كانوا معنا العام على مائدة الافطار .. الله يردهم بالسلامه
وبما إني في مكه وقريبه جداً من البيت الحرام فالنا احتاكك مباشر بالزوار والمعتمرين.. فا نشاركهم متعة الجو الرمضاني .. والوالده مو مقصره
كل يوم وهي جايتن من المسجد جايبتن معها معتمرات تركيات تضيفهم
بعدها متأثره بالأجواء التركيه
و تحكي لهم عن حبها لتركيا وعن جمال أرضهم والله يهنيكم فيها<<<< مترجمة الله بالخير ...
المهم قدرت اوصلهم المعلومه
وهم يبكون لوجودهم في مكه ويحسدوننا على وجودنا بجوار البيت العتيق
اللهم لك الحمد والمنه على ما تفضلت به علينا..
عساني ماثقلت عليكم حبيت اشاركم شوووي ..

خــاتمة من القلب
قال عبدالله بن مسعود «إنَّ هذا القرآنَ مأدُبةُ اللهِ فاقبلوا مأدُبَتَه ما استطعتمُ، إنَّ هذا القرآن حبلُ اللهِ المتينُ والنورُ المبينُ، والشفاءُ النافعُ، عصمة لِمَنْ تمسَّكَ بِهِ ونجاةٌ لِمَنْ اتَّبعَهُ، لا يزيغُ فَيُستَعْتَب، ولا يعوَجُّ فيقوَّمُ، ولا تنقضي عجائبه، ولا يَخْلَقُ من كثرةِ التَّرْدَادَ، اتلُوه فإنَّ الله يَأجُرُكُم على تلاوتِهِ كلَّ حرفٍ عشْرَ حسناتٍ. أمَا إني لا أقولُ الم حرفٌ ولكِنْ ألِفٌ حرفٌ ولاَمٌ حرفٌ وميم حرفٌ»

[هند سليمان]

جميل ..
ربّما لا أُجيد الحديث كالعادة بحضور الجميع
لكنّني مُستمعة جيّدة فحسب


شكراً لكم

: )

[نِهآل]

< داخله وبأيدها صينية حلا وتعلق عباتها على حدا هالأعمدة اللي بالخيمه

مساكم الله بالخير , السلام عليكم ورحمة الله وبركاته
الشهر مبارك ع الكل رمضان صراحة ماينوصف
وش أقول جمعة وناس صايمه يتسابقون ع المساجد ويتحادون مين يختم القران قبل < أبدا مش انتو

لو راح اتكلم عن يومي انا مش روتينيه ابداً
اعمل تقريباً كل يوم نفس الشي ولكن التوقيت لأ

بالنسبة لختم القران بعد كل صلاة 4 أوجه بكذا كل يوم 20 وجة وان شاءالله على اخر رمضان
و4 قبل الصلاة و 4 بعد مرتين ان شاءالله

التلفزيون ما اطالع فية الا 3 برامج
والطبخ الكل يساعد بعض وان شاءالله راح اصور - اللي يخصني

امممممممم الرياضة لازم اكيد ( أو الهرولة p: )
اللي متعودين يعملونها واهم طربانين
جربوا نظامي كل 10 دقايق اقول استغفار شكل مرة الحمدلله ومرة سبحان الله
يخلص الوقت بسرررعه , تفيد صحتك واخرتك باذن الله

واحب اكون صاحية كل الوقت اللي اصومه ومتى يتسلط النوم الساعه اربعة

ان شاءالله اجي ثانيه + بالصور