[غارم العمري]

عرفتك اييه ..
تشبع واجوع ..
واعليت راية نظرتك .
ونكست رايات الوجيه ..
مردت باوطان الفكر .. شلة ذهول ..
علمتني ..
كيف ان سرعة هالزمن عندي تطول ..
علمتني ضيق الافق ..
معنى الارق ..
وعلمتني .......
لحظه ؟؟
وش تقوووول ؟؟؟؟
نفترق ..؟
وانا اللي ابغيبوبة البرد احترق ..
واجمد على نار الفصول ..
الا لاجل عقليتك
ازرع على ظلك عقول ..
واقطف من اعماقي عقول ..
وألحف أوراقك ندااي ..
تنسى الظما ..
يجحظ على آثارك نداي ..
لين انعمى ..
يا حبيبي ..
كثر طيبي ..
طاح في سكة قهر ..
وسال في صدري نهر ..
والبشر قصة عطش ..
وما قوى لدغ الحناجر ..
اتفق في ملحمة صمته يهاجر ..
للشتات اللي تلمه ظفتين
ظفه اشواق وحنين ..
وظفه هموم وسهر ..
نسمته فيها تسامح ..
وصار تيار الملامح ..
في طريقه بالخناجر ..

خل فراسك ..
ان في ضعفي صمود
وانس باني بسمة ٍ تقطر أمل
في حلق ياسك ..
وانس باني كنت اجود ..
يوم اناثر في يباسك ..
من شراييني حقول ..
خلني قصة نكد ..
روح لا تخجل ابد ..
الا من حاجه وحيده ..
ماهي عبراتي الزهيده ..
وما هو عبسي ضد غيرك ..
وماهي اهانة طوح ..
وما هي برد ٍ لانتخى ينعش هجيرك ..
ولا جروح ..
ولا نزوح ..
ولا مصيري اللي تنكل في مصيرك ..
اخجل من حاجه وحيده ثم روووح ..
تفتكر حبي الجموح ..
ثم تخجل من ضميرك

تحياااتي

[خالد العروي]

هي الدنيا هي الظروف
كما هو العمر لحظات لقاء وفراق
وينتهي ...

هنا وجدت كل شيء جميل رغم العطش
وقلت الموارد إلا إن هذا النص يروي

تحياااااتي

[مها العيسى]

غــــــارم

جــداولـك البــاردة تجعــل روحـي تهـوي اليهــا إنتعــاش

مـتألــق دائـــماً

هـمــس

[زين الخليل]

الله الله الله

غارم ,, بصراحه انت شاعر مبدع يحلق خارج السرب

يا أخي عندك إسلوب عجيب ورائع ومذهل

تفعيله جميله وممتعه وممتلئه بالإحساس العذب ياعذب

ألف صح لسانك يامبدع

ودي وإحترامي

[فيصل فهد]

شموخ و عزة

العمري غارم

لا أزايد أكثر , فأنت غني .. !!

تحيه

[محمد آل مريع]

غارم العمري

بين جنبات متصفحك وما حمل من الآحاسيس العذبة .. أجد مكان مناسب لكي أثمل

تقديري لك ولما كتبت يمينك ...

[عنود]

اوووووووه ياغارم
غرُمت بإحساسك العميق ونصك الغارق
بكل مانحب من احاسيس وشعر شعرنا به
سجل اعجابي

[علي التركي]

جميلة هي أحاسيسك غارم
من الكلمة تصنع نغم
ومن النغم أنهار عشق

[الجازي]

وانس باني كنت اجود ..
يوم اناثر في يباسك ..
من شراييني حقول ..

ألم موغل الجرح
جدت عليها بالبوح
وجدت علينا بالشعر والإحساس الصادق
شكرا غارم
شكرا لـ حضورك ..

[غارم العمري]

خالد العروي

همس الشواطئ

زين الخليل

فيصل فهد

محمد الحجري

عنود

علي التركي

الجازي

اشكرك من اعماقي على العبور والاطلاله ..

لكم كل التقدير .. واسف على التاخير