23-02-2011, 17:01 | #1 |
شـــاعر
|
يارب أنا وِصِلْت حَدّي مْـن الْمَـادْ
يارب أنا وِصِلْت حَدّي مْـن الْمَـادْ=مَن لي سِواك أصيح عِنده وانـادي يارب أنا في حاجتك وانت عـوّاد=أنت الكريم اللي عليـه اعتمـادي مَن تُضْلِلِه مالِه مِن الله مـن هـاد=ومن تُرشده يَسْلك طريق الرشادي إرحم جَوَاي اللي حَرَم كبدي الزاد=لما غَديت مْـن الهـزال مْتَهَـادِي يارب قِدّام افْتِضح بيـن الأجـواد=إفْرغ عليّ الصبر واربط فـؤادي تِعبْت واتْعَبْت الْقِرِيب مْـن الأولاد=اللي عليـه مْـن النَجَابـه مبـادي يَبْكي وِياخذني على جَنْـبِ وِحْيـاد=وِيقول وِشْبك يايِبَه مانـتْ عـادي صَارِح ولدك اللي لِوَاجِبْـكِ سَـدّاد=كَسّرْت قلبي كِـل يـوم مْتـرادي وْتَعانِقَـنّ أعْناقِنـا حُــب وِوْداد=في منظرٍ يِبْكي عيـون الجمـادي مايَدري ان ابوه "صيد امس" مِنصاد=وِمْعَلّـقٍ تَعْلِيقـة الإضطـهـادي مشكور ياقُرّة عيونـي والاسعـاد=ماجِبْتِـك إلا للأمـور الـشِـدادي الله يامابي ونـا ابـوك وِش عـاد=مافي يَدك حيله لـو انـك مْفَـادي ابـوك عِلاّتـه قِدِيمـات وِجْـداد=مْـن العِتـاق الأولـي والتـلادي غِير الطعون اللي لها القلب مِلْجَاد=سرداد مِردادي صباحـي هَجَـادي وين العهود الموثقة وين الأوعـاد=وين النقاء والصدق وين المبـادي راحت هَبَا مُنْبَثّ . بالريح وابْـدَاد=واضْحيت في رَمْضَاي مثل القرادي مِمَن نِقِيتَه بيـن غَضّـات الأنهـاد=نَقْوَة عيون الصقر وقت الهـدادي وانزَلْتَها في مِشّة الزور من غـاد=في منزلٍ قِرقوف ضِلّـه بَـرادي سَنّدتْ في وادي وهي حَـدّرَتْ واد=وْلا تِلْتقي وِجْهَة حِـدور وْسنـادي الله يسامحها على . الدال والصـاد=ويبيحهـا منـي بيـوم التـنـادي |
24-02-2011, 00:49 | #2 |
شــاعر
|
رد : يارب أنا وِصِلْت حَدّي مْـن الْمَـادْ
إقتباس » الله الله ياحمد ما اجمل هذا النص وماتطررق اليه من مصداقية التعايش حتى مع اقرب الاقرباء بطريقة تربوية لايستطيع المربي البوح بما في كنينه له نص مشبع للمتذوق ومفرداته ذات مدلول اصيل قل مانجده لله درك من شاعر لاعجمت ولاهفيت |
24-02-2011, 01:12 | #3 |
شــاعر
|
رد : يارب أنا وِصِلْت حَدّي مْـن الْمَـادْ
دائما ما تحيرني يا حمد ماذا تركت للشعر ... ماذا تركت للنثر .. ماذا نقول الصمت هنا أبلغ ... اعجااااااااابي الشديد ياحمد من أول نص قرأته لك . تقديري واحترامي |
01-03-2011, 01:59 | #4 |
شـــاعر
|
رد : يارب أنا وِصِلْت حَدّي مْـن الْمَـادْ
إقتباس:
أبو مقبل وما أجمل وأكرم مرورك وتعليقك دائماً تأسرني بكريم فضلك لاهنت كل الشكر والتقدير لراسك لك من القلب ود ومن الكف تحية |
01-03-2011, 02:02 | #5 | |
شـــاعر
|
رد : يارب أنا وِصِلْت حَدّي مْـن الْمَـادْ
إقتباس:
خالد العروي شكراً لشعورك الأخوي الصادق كم يسعدني إعجابك ومتابعتك ومداخلاتك ماعليك زود لاهنت لك الود وتحية |
|
عدد المتواجدون في هذا الموضوع » 2 , عدد الأعضاء » 0 , عدد الزوار » 2 | |
|
|
|