24-11-2011, 00:54 | #1 |
شــاعر
|
ياشينها لاصرت محتاج للناس
ياشينها لاصرت محتاج للناس= وتراعي العالم على شان حاجه تروح كنّك كلمةٍ بين الاقواس= قوسٍ قفاك وقوس قُدْمك مواجه لاباس ياقلبي من الهم لاباس= مافيه ضيق الا وراه انفراجه لاحتْ ريش الطير سمّوه قرناس= ولاحتْ ريش الديك سِمّي دجاجه والطيب في سلم العرب ماله قياس= لانه طبيعتهم وسهل انتْهاجه لكن بنكه صابه اليوم الافلاس= من يوم ماثّر فيه سلم الخواجه لاصار ماهو لاطبيعه ولاساس= محدٍ يجيه الطيب يتبع مزاجه واللي ماهوب يشوش لاسمع الاجراس= هذاك قُرْصه يحترق وسط صاجه واللي حياته كلّها نوم ونعاس= هذاك فاج الخير ماهوب فاجه واللي مشى بين المخاليق بلاّس= هذاك صيده ضيّعه في عجاجه واللي من العالم على طول حسّاس= هذاك كسره مثل كسر الزجاجه والصاحب اللي لاقسا الوقت ينحاس= شرهة مقصاتي على راس تاجه باسحب عليه وباقطعه قطعة الفاس= ماعاد به سلْمٍ عليه انتواجه ماهوب كفو اشاركه طيب الاحساس= وهو من المعروف بيره هماجه واللي مواقيفه معي ترفع الراس= وعند الطلب ماهوب يقْضب حْجاجه لاجا لزومه يلبس الدرع والطاس= ويطبْ لو ما كان يعْرف خراجه هذا عسى الله لايورّيه الاتعاس= ولايشوف من الزمان العواجه خْشوم من طيب الرياجيل تنباس= وخْشوم ما فيها من الطيب حاجه |
24-11-2011, 01:22 | #2 |
متنبي الشعر الشعبي
|
رد : ياشينها لاصرت محتاج للناس
احترافية قصيد ومرجله صح لساااااااااانك يامبدع حجز اول فاخر |
24-11-2011, 01:58 | #3 | |||||
شــاعر
|
رد : ياشينها لاصرت محتاج للناس
ابو مقبل بيض الله وجهك وصح لسانك ابيات فيها من الحكمه ودروس الحياه الشي الكثير أعجبتني هذه الابيات دون قصور في باقي القصيده
اخر تعديل كان بواسطة » غرم البهيشي في يوم » 24-11-2011 عند الساعة » 02:02. |
|||||
24-11-2011, 03:16 | #4 |
عبداللطيف العمري / شاعر
|
رد : ياشينها لاصرت محتاج للناس
الله عليك يا معلّم ... قرررب شوي ابا حب خشمك وأنا اشهد إنك سيّد الطيب صح لسانك ملااايين . اجود التحايا يا رادار الشعر . |
24-11-2011, 05:42 | #5 |
شـاعر
|
رد : ياشينها لاصرت محتاج للناس
صح لسانك يابو مقـبل ,, شاعر بالفطره وهذا الشي متجلي بالابيات ,, شعارك يابو مقبل >>لاتصنع وفعلاً التصنع يضعف القصيده في كثير من الاحيان جزل جزل جزل .. بس اتوقع البيت هذا سقطت منه كلمه اثناء الطباعه واتوقع ان الكلمه ( جور) أو (هول) أو (مـيــل) ولاتواخذني على التخمين بشوف عندي فراسه ولا لا ههههه هــــــــذا عــــســــى الله لايــــورّيــــه الاتــــعـــــاس ولايـــــشــــــوف مـــــــــــن الـــــزمــــــان الـــعــــواجــــه ولايشوف من ..... الزمان العواجه لافض فوووك اخر تعديل كان بواسطة » عبدالرحمن أبن عويض في يوم » 24-11-2011 عند الساعة » 05:46. |
24-11-2011, 09:22 | #6 |
متنبي الشعر الشعبي
|
رد : ياشينها لاصرت محتاج للناس
لا ياعبدالرحمن .. انت لخبطت والبيت سليم ولا سقط منه سهواً اي شي بالعكس لو زدت كلمة هول او جور دخلت في بحر ثاني اسمع البيت سماعياً بإلقاء سعيد |
24-11-2011, 10:43 | #7 |
شاعر
|
رد : ياشينها لاصرت محتاج للناس
الله الله هذا القصيد اللي يقعد الراس لذيذه هالقصيده عندي عمي شايب يقول تكفى حب لي خشمه صح لسانك يابومقبل الى مالا نهاية |
24-11-2011, 14:12 | #8 |
شــاعر
|
رد : ياشينها لاصرت محتاج للناس
عشرة على عشرة أبو مقبل يسعد لي هالخشم أبيات محكورة صح صح روحك يا ابعدي |
24-11-2011, 15:47 | #9 |
عضو شعبيات
|
رد : ياشينها لاصرت محتاج للناس
لن أزيد فشهادتهم سبقت حرفي لكن لك تحية والسلام لا حرمنا المميز |
24-11-2011, 16:34 | #10 |
شــاعرة
|
رد : ياشينها لاصرت محتاج للناس
ثمانٍ وعشرين درة تُعيد ترتيبهم كما ينبغي وتمنحنا دهشة نتحسسها بذواتنا سعيد الأكلبي لازلت ذات التألق .. وذات الشعر شكراً يـ أنت اخر تعديل كان بواسطة » نجلاء الشريف في يوم » 24-11-2011 عند الساعة » 16:45. |
24-11-2011, 17:20 | #11 |
شـــاعــر
|
رد : ياشينها لاصرت محتاج للناس
الله الله يالاكلبي.. صح لسانك قصيده بين قوسين.. تحاياي لك |
25-11-2011, 02:33 | #12 |
شـاعر
|
رد : ياشينها لاصرت محتاج للناس
إقتباس:
الاستاذ والاخ والشاعر الكبير محمد الدحيمي... كلامك في محله انا نطقت الشطر بطريقه لاتلائم الشطر.. وللأسف ان المقطع الصوتي مايشتغل عندي .. واصلن هي ماتحتاج صوت بس انا استعجلت. تشكرات افندم وصوره مع التحيه والاعتذار للشاعر الكبير سعيد بن مقبل الاكلبي اخر تعديل كان بواسطة » عبدالرحمن أبن عويض في يوم » 25-11-2011 عند الساعة » 04:46. |
25-11-2011, 08:52 | #13 |
شـــاعــر
|
رد : ياشينها لاصرت محتاج للناس
سعيد الاكلبي والحضور والاسلوب المغايرين دائما لله درك وصح لسانك دائما تقديري |
26-11-2011, 16:12 | #14 |
مشرف الرحلات البرية والسياحة
|
رد : ياشينها لاصرت محتاج للناس
خْشوم من طيب الرياجيـل تنبـاس وخْشوم ما فيها من الطيـب حاجـه الله الله ياابو مقبل صح لسانك وعز الله انك تستاهل حبة الخشم |
26-11-2011, 19:50 | #15 |
شاعـر
|
رد : ياشينها لاصرت محتاج للناس
وخشوم مافيها من الطيب حاجة .. صدقت وبيض الله وجهك على هذه الرائعة التي حفلت بكثير من الحكم والدروس التي تختصر علينا كثير من الوقت لنتعلمها في مدرسة الشاعر الكبير/ سعيد الاكلبي .. |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|