16-01-2011, 05:04
|
#1 |
|
متنبي الشعر الشعبي
|
((( المقـ ( اسبوع بدون جمعة ) ـبره!! )))
 فوز .. وااللي من 18 سنة قطعته الألسنه ومن خميس الى خميس يحتري الحظ التعيس عنده الأسبوع.. ( 6 ايام ) وسابع ايامه .. نذير اعداام ولا اقبل الجلااااد .. سيف ونطع ولثام وحسام تنشده بالعين دمعه : هو بقى بالعمر شمعه ؟؟ هو به اسبوعٍ يمرّ بدون جمعه ؟!!! فوز .. ياطفلة قدر .. ياسمينٍ ماسقاه الاّ الدهر.. دم وقهر تعرفين الحزن ؟؟ او هو يعرفك ؟؟!! او تلاقيتوا بلا سابق وعد ؟؟ من شرى لك لعبة العيد الجديده؟؟! ليش ماتشبه هداياك الهدايا ..؟! كل عيد .. والهدايا جرح واحزان وقصيد ولو عطوك الليل .. لول وزخرفوا عقدٍ فريدٍ .. من النجووووم ولبسوووك الصبح عااااج الحذر لايخدعووك .. يمكن انك عايشه .. بطحاانة امك بس .. مالك غير ابوك! مالك الا ّ وجه ابوووك! ماحمى حقل السنابل غير مرجامة هله! وان نسوا منه العصااافير بتجيه .. وتآكله! وانتي .. اجمل سنبله! لكن خلااص .. قحّم البندق .. وبان الشيب في راس الرصاااص!! .. فوز .. وش معنى الحياة وتالي الحيّ الـتراب؟ مقـبره .. والميــت والله ماتــردّه مقـبره فوز .. لا صرتي مره / تدرين ليه الظن خـاب وليه ابــونا آدم من الجنه خـرج سبّة مره! فوز .. ما تروي مهـاميه الزراج إلاّ الســـراب والهبــوب الذاريــات اصفى ملامـحها .. غبره فوز .. ويش الصاعـقه تآخذ من البيت الخراب ؟ والأمل كهلٍ بكى .. يومن ضحـك شيـب شعره فوز .. لو تطمن مشــاريف النـوايـف للهضـاب واستوى الغارب مع حدب السنام اش نخسره ؟ لا الذّره كانت ذنوب .. ولا الرحا منْ الذنب تاب وحكمـة الله يالرحا .. تاطا على خشـم الذّره!! والبعــير.. البعير .. ليا ِدبَرْ ظهره نقـض ِدبَرْه غــراب وان شكا ضيم اظهره .. وش بالبعير الاّ اظهره ؟! الرضا / ماله صـديق ليا زعل / غير العتــاب والعفـو / ماله عــذول / الاّ ملام المقـدره! كيف يالتـوبه حضورك يبري جـروح الغـياب ؟ واطهرك .. ذنبٍ يصك البـاب دون المغفـــره?! فووووووز.. يبطي الظن ظنّ / ولو فتق صدر الصـــواب وابسـط اقـدار المنــايا : / كلّ جــمع تبعـــثره! قالها اللي راح يستسقي شهالـــيل السحـــاب ابدويٍ .. ابدويٍ ..كان يطـفي القيــض بظـــلال شْجـره ان ذكر حـيّه .. وسَمْ دمعه على ردون الثيـاب! وان ذكر ميـته .. عقـل زامـل ذلــوله وانـحـره! وشــاعرٍ .. ماسخــّر اشعــاره لتلعات الرقــاب اجـــوديٍ .. مير دق الفقــر بـابـه واقهـــــره! راح يحدي له حيالٍ واغفلت / راحت .. ذهاب مالها وصفٍ يبيـنه ( النبـــيه ) ويضهره! مابقى الاّ ( فاطر ٍ) لاهي ( مسوح ) ولا ( ركاب ) لا ظمت / تشرب بجلد حْــوارها مستبشره واقسمه نصفين حظّه / نصف ..بآحزان وعذاب ونصـفه الثاني .. خـذاه الموت/ يوم استكثره! مانشد ( يـوسف )؟؟ مانشد (يوسف ).. عن الغي وقميـصه والذياب!! ما نشد ( يعقوب ) .. دمعه وش خذا من محجره ؟! المصيبة.. شوف المصيبة .. لا رمى الفارس بصدره للحــــراب مادرى انه كلّ حصني / في بلاده عنتره!! فوز .. لاصرتي مره / تقرين صفحات الكتاب وتعرفـين ان الزمن رجــّال / لاصرتي مره!! وتعــذرين اللي قفل حظّـه بوجـهه / كلّ بـاب وانفـتح له بـاب لكن / كان .. بـاب المقـبره!! محمد الدحيمي |
|
|
|
16-01-2011, 07:00
|
#2 |
|
شـاعر
|
رد : ((( المقـ ( اسبوع بدون جمعة ) ـبره!! )))
هنا تكمن الاستذه ابو بدر ..نص يجير الفوز ل الشعر والشعر ل الفوز وكلاهما ..يجيران الابداع لك فشكرا ل الشعر بك وشكرا لك بالشعر دمتما بود اخر تعديل كان بواسطة » فهد الغبين في يوم » 16-01-2011 عند الساعة » 08:40. |
|
|
|
|
16-01-2011, 08:02
|
#3 |
|
مشرفة التصوير والتصميم
|
رد : ((( المقـ ( اسبوع بدون جمعة ) ـبره!! )))
كمية الألم والتعب هنا كبيره ياابو بدر تكتب بلغة مغايرة جدا هنا تعجز القلوب والأقلام صح نبضك ... |
|
|
|
|
16-01-2011, 09:33
|
#4 | |
|
شاعر
|
رد : ((( المقـ ( اسبوع بدون جمعة ) ـبره!! )))
إقتباس:
فوز ومتنبي الشعر الشعبي الدحيمي نص للتاريخ وشاعر عظيم مدرسة شعرية والله يابو بدر بكل حالاتك تصل لسقف الشعر تحية وإعجاب متجدد  |
|
|
|
|
|
16-01-2011, 13:36
|
#5 |
|
شــاعر
|
رد : ((( المقـ ( اسبوع بدون جمعة ) ـبره!! )))
ماحمى حقل السنابل غير مرجامة هله! وان نسوا منه العصااافير بتجيه .. وتآكله! مشْكلتك يابوبدر انّك تحْرق متصفّح البوح مع نصّك الجديد يعني الله يسلمك لابغيت تكتب نص جديد فعلمنا نصرّف النصوص على النسبه ونطلع من السوق ونخليه لك لحالك  اليوم هنا درس من دروس التحكم بالشعر والتلاعب بقلوب متذوقي الشعر والابقاء على شعْرة معاويه بين الشاعر وبين جماهيره التي يرضيها حتى البيت ماقبل الاخير ثم يعلْقها وكأنه يقول للشعر بقيه ....ولطالب الشعر ان يلْهث ويتحرّى حتى ان يقول والله اني اعرفك يامحمد من نصّك حتى لو ماكتبت اسمك وتوقيعك. تحياتي ياكنق |
|
|
|
|
16-01-2011, 15:30
|
#6 |
|
شــاعرة
|
رد : ((( المقـ ( اسبوع بدون جمعة ) ـبره!! )))
محمد الدحيمي كنت ولازلت مُضيء لـ شعبيات بِشعرك .. وقلبك .. ومنهجك فوز ماهي إلا مُـفرده .. وتجربة.. ناضجة مُكتملة الملامح نابعة من قاموس شِعري يستحيل أن يتكـــرررر ابوبدر تورطنا دوماً بـ كيفية الرد عليك سامحك الله : ) |
|
|
|
|
16-01-2011, 17:51
|
#7 |
|
شـــاعــر
|
رد : ((( المقـ ( اسبوع بدون جمعة ) ـبره!! )))
الله يالدحيمي .. من جديد تختصر الحضور .. صح لسانك واحساسك .. يارائع تحيتي لك |
|
|
|
|
16-01-2011, 20:14
|
#8 |
|
شـاعر
|
رد : ((( المقـ ( اسبوع بدون جمعة ) ـبره!! )))
صح لســانك .. مجهود جميل |
|
|
|
|
16-01-2011, 21:19
|
#9 |
|
عضو شعبيات
|
رد : ((( المقـ ( اسبوع بدون جمعة ) ـبره!! )))
ابن عمي محمد الدحيمي سجلت عندكم بس عشان استمتع من قريب بقصيدك وماتصدق فرحتي يوم حصلت مسج من صديقتي تقول اخو تكفا نزل قصيده الله يحفظك ويخليك يابو خالد وإلى مزيد من النجاح لك الاعجاب متجدد |
|
|
|
|
17-01-2011, 00:41
|
#10 |
|
شـــاعــر
|
رد : ((( المقـ ( اسبوع بدون جمعة ) ـبره!! )))
استاذنا العلم صح لسانك ملايين بيض الله وجهك دمت بخير |
|
|
|
|
17-01-2011, 03:00
|
#11 |
|
عضو شعبيات
|
رد : ((( المقـ ( اسبوع بدون جمعة ) ـبره!! )))
صح السانك ابوبدر |
|
|
|
|
17-01-2011, 09:28
|
#12 |
|
عضو شعبيات
|
رد : ((( المقـ ( اسبوع بدون جمعة ) ـبره!! )))
صح الله لساااانك وننتظر جديدك |
|
|
|
|
17-01-2011, 18:11
|
#13 |
|
مشرف الرحلات البرية والسياحة
|
رد : ((( المقـ ( اسبوع بدون جمعة ) ـبره!! )))
ابو بدر مدرسه ابداع وكل بيت يوازي قصيده وعز الله ان الكلمات تعجز عن اعطاء صاحب القصيده و القصيده حقها |
|
|
|
|
17-01-2011, 19:45
|
#14 |
|
شـاعر
|
رد : ((( المقـ ( اسبوع بدون جمعة ) ـبره!! )))
اعود بعد غيبة كنت ارى انها طويلة الى ان قرأت هذه الفارعه فأروت ماعطش من ذائقتي في تلك المدّه تحيّة ليست مثل غيرها يابو بدر |
|
|
|
|
17-01-2011, 20:27
|
#15 |
|
شـاعر
|
رد : ((( المقـ ( اسبوع بدون جمعة ) ـبره!! )))
صح لسانك يا بو بدر نص فخم ومميز مزيدا من الشعر والتميز تقبل تحياتي |
|
|
|
 |
| عدد المتواجدون في هذا الموضوع » 11 , عدد الأعضاء » 0 , عدد الزوار » 11 | |
|
|
|
|
