[صالح العصيمي]

السلام عليكم

جديدة .. لعلّها أن تشفع لي بعد هذا الإنقطاع

حفلة خفوقي

على وتر عود المحبين دندنّت = وجريت لك موال حبي وشوقي
وقلت القصايد في عيونك ولحنّت = وسويت لك حفله بداخل خفوقي
وغنّيت لك قصة غرامي وبينّت = باسلوبي الراقي وحسّي وذوقي
ابيك لامنّك تسمّعتها لنّت = لابسط مطاليبي ولأصغر حقوقي
قدرك ، ماهوب الماس في ساعة ( اورينّت ) = ولا حروفٍ جمعت في الحلوقي
اصدق مشاعر شاب تنقال في بنت = ينبض بها قلبي ، وتجري عروقي
وإن كان من بد الملا . ما اعجبتك انّت = وإلا عساها ما تبارك طروقي
طلب صغير ، ارجوك ، تكفى و لاهنّت = إن ما نويت الوصل ، عطني سبوقي

وسلامة ارواحكم

[الجازي]

اصدق مشاعـر شـاب تنقـال فـي بنـت
ينبـض بهـا قلبـي ، وتجـري عروقـي





جميل هذا الشعر النابع من الشعور ..
صح نبضك ..
وأهلاً بـ عودتك ..

[نوف السالمي]

’

وإن كان من بد الملا ما اعجبتك انّـت
............. وإلا عساها مـا تبارك طـروقي ..!

صالح العصيمي :

يا حياك ربي ..
أبيات راقيه بـ رقي عودتك ..
صح بوحك ..~

\

[نورة العجمي]

وقلـت القصايـد فـي عيونـك ولحـنّـت
وسويـت لـك حفلـه بـداخـل خفـوقـي

صالح العصيمي
صح لسانك وخفق قلبك
كانت قراءة ممتعة

تحياتي

[سعيد بن مقبل الأكلبي]

ابيات عن قصائد
ومخاطبة بدون تكلّف
صح لسانك وبدنك