02-07-2005, 13:25 | #1 |
متنبي الشعر الشعبي
|
الكريســــ (جديده) ـــــتاله
صباح الخيرات انا مرة اخرى ابطيت عنكم وحبيت ارجع واصافحكم بقصيده جديده لم تنشر من قبل وقبل نشرها
ليل وكريســـــتال .. نوض زمـــــــام مضنــوني=يبرق زمــامه .. ويســـــري بي كريســـــــتاله ليلٍ غـــــــــــداريه ودوني .. وجابــــــــــــوني=من شــــارب أعــوره طحت .. بدقن دجــــــاله ياعـــــزوتي .. عاتبــــــــــوني .. لاتعــــــــذلــوني=والاّ عـــــذولي .... ( فـ .. فال الله ولا فاله) لا مرزقي في يدّْ اللي يشــــري غبــــوني=ولا أبيــه جــدي .. ولاني بأصـــغر عيـــــــاله وش له ومن يستـــبيح العمر ويمـــــوني=اليا استـباح الدحيـــــمي كيف يحـــــلا له؟! شاعر يغـنّي .. وكم شعّـــــار سبـــــقوني=غنّوا بـرووس النـــــــوايف .. ( يالالالاله ) واللي على طرقتي غنّى من لحـــــــــوني=ماهــو على قـــــدّها لو ميّـــــــل عقــــــاله وناسٍ على ( موتة الجمعه ) .. يحســــدوني=ياصــبر قلبي عليهم .. والله اقوى له قدلي وأنا أحدي لهم وضـحي .. وحــدّوني=أضيّــــع الفاطـــــر أم خــــــزام وشمـــاله الســوق ســــوقي ... وعيّــــوا لايبيعــوني=والطـــيب مشـــــراه .. مايحتــــاج دلاّله ويوم إنهم بالردى عالطيب .. جـــــازوني=خليت للطـــيب جــــاله .. والردى جــــاله يبطــون في فتنتي .. والترف مفـــــتوني=ويبـــطي ببالي .. ويبــطي بي على باله ويبطــون لوّامـــتي .. مهما يلـــومـــــــوني=إمّا خــــــذاني غلاه ... أخـــــذتني القـــاله ياقبلة الله ليا اقبل .. وأنخـــطف لــــوني =ماكن دقّـــات قلبي دقّــت .. الاّ .. له لبّا مــراســـيل عطره يـــوم زاروني=قبله .. يزفّــون لي بشـــــراه بقبـــاله لبيّـــه كلّه .. ولبّا البــعض .. والدونــي=لبيّـــه من هامته .. ليا حــد خلخـــــاله لبيّـــه يالمسته .. ومصــــافح شجــــوني=لبيّـــه يافزعـتــه .. في فزّة جفـــــاله لبيّـــه ياخثــرته .. تنشـــــدني شلــوني؟=لبيّـــه ياسجّــته .. ليا عضّ سلســــــاله ليا قال لي: (ويش حالك ) قلت : ياعــوني=يلعن ثوى الحب .. يلعن جدّها حاله أن جيت اباأضحك ..حظــوظي فيك بكــوني=وإن قلت ابانسى غرامــــك .. أتعنى له!! ويضحك .. وأنا أنشد عيوني وأنشد جفوني=من شاف لول الثمان..؟؟وبارق هلاله؟؟!! في ضحكته .. يرجــع الديّان مديـــــوني=وفي فرحته .. من غنجه يداعب ضلاله وبعتابه .. يجيك مخطي قال : خطّــوني=واليا زعل .. تقلْ طفلٍ ضيّـــع رياله تكـــفون لا ســجّ قلبي عنه خلــــــوني=في سجّتي عنه .. لا ذاكـــر ولا داله حذرا لو الشوق هبّل بي تطيــــــــعوني=وأضوي بدون الجمل .. والبدو جمــاله وإذا غلبـــني هـــواه وقلت : ودوني=لا تتركــــــوني كذا .. والحــال يرثى له وش عاد عـــذري لو الجــــيران شافوني=خامس سنه .. يابن عمّه! .. ياولد خاله! مايكفي اربــع سنـــينٍ فيه ســــــاقوني=ورجعت رجلي .. وأنا من صلب خيّــاله أمسي وأنا للعرق وســمٍ على ردوني=وأصبح والأحـــــزان .. نزّالـه ونقّـــــاله ورّدت وأول طعــوني .. أجمل طعــوني=وصدّرت .. وآخر منافي داره .. أطلاله والعمر .. عشقٍ جمع منفى ومسجوني=والعشق .. من قال طاله .. مات ماطاله يامال سقوى البَرَدْ من عذب المــزوني=ياليلةٍ .. رحــت من الصبح اتهـــيّا له ليـلٍ تّمــايل غصونه .. ومالت غصوني=واليا تثنى دلع .. قمـــت اتــثنى له! وشــــلال شـــعره .. وقذلــته ايتبــلوني!=ومن جور قذلته .. رحت بوجـه شــلاله! سرّاي من نحره .. لخاله على هــوني=الله .. وشلـــون أضيــــع بنحــره وخاله! فديت عذْبــه .. وسحـره شعر وفنـــــوني=فديت سحــره .. وعـذب الشعر وأمثـاله وفديــت ذبــح اللواحـــظ يوم خــزوني=فديت غيـــم الرمــــــوش وفيّ مقـــــياله وفديت لثـــغة حكـاه .. بضحـــكة سنوني=فديت ضحــكته .. يــوم يمـــدّ بشـــماله وفديت خــوفي عليه ان راح من دوني=فديت عضّــة شفاه .. ليا مشــى لحــاله وفديت جــــدران بيـــــته يــوم يرثــوني=فديت حوشــه .. فديت الباب .. وأقفــــاله وفديت عمره .. بعــمرٍ لأجله يهــوني=وفديت ريح اقهــــوته .. ونكـــهة دلالــه الله يبيــــحه .. وأنا به محسن ظــنوني=إلين يــدرون عـــــــذّالي .. وعــــذّاله ويدرون غيّـــــابي اللي يوم يقروني=إن أجمل اللي ألبّي .. وأتفدّى له ضحكة كريستال .. وزمـــامٍ لمضنوني=زودٍ على حسنه القتّال .. قتّـــاله اليا التفت لي .. جهر بزمـامه عيوني=واليا ضحك لي .. ذبحني بالكريســـتاله! اخر تعديل كان بواسطة » محمد الدحيمي في يوم » 17-09-2005 عند الساعة » 10:28. |
02-07-2005, 13:52 | #2 |
شـــاعــر
|
رد : الكريســـــــــــــــــــ (جديده) ــــــــــــــــــــــتاله
(1) |
02-07-2005, 13:52 | #3 |
شـــاعــر
|
رد : الكريســـــــــــــــــــ (جديده) ــــــــــــــــــــــتاله
صح لسانك يابو بدر قصيده جميله من شاعر لم نتعود منه إلا الجمال.. تقبل تحياتي،،، اخر تعديل كان بواسطة » محمد الشهري في يوم » 02-07-2005 عند الساعة » 14:09. |
02-07-2005, 14:13 | #4 |
شـــاعــر
|
رد : الكريســـــــــــــــــــ (جديده) ــــــــــــــــــــــتاله
. سبقتوني يا اثنين هلا وغلا فيك وفي رجعتك و مصافحتك قصيده غير غير و ربي ابداع و جنون و و و ...... ولا هي غريبه من شاعر بحجم محمد الدحيمي .. رجعتك فرحه للجميع اتمنى ان ضروفك زانت يالغالي وان تستمر بالحضور فــ محبينك بحاجه لوجودك بينهم ... صح قلبك و كلك .. و لله درك ... و دام تألقك ... اخوك احمد بن ديهان . . |
02-07-2005, 15:13 | #5 | |
شـــاعــر
|
رد : الكريســـــــــــــــــــ (جديده) ــــــــــــــــــــــتاله
إقتباس:
ابوبدر عوده حميده وعوده لقلب الشعر الاصيل الله يحييك يا سيدي حضر الشعر بكامل حلته هنا .. اما عن القصيده لا مجال للاقتباس يا بوبدر هذي الباذخه ليس لها مثيل حروفي تتقزم امام هيبة شعرك يا سيدي لذا اتركني هناا اردد فاتنتك إلى ان ارتوي |
|
02-07-2005, 15:29 | #6 |
شاعر
|
رد : الكريســـــــــــــــــــ (جديده) ــــــــــــــــــــــتاله
الله عليك يااخي شارد عليك حضورك مبهر ورائع بروعة احساسك دمت بالف خير |
02-07-2005, 15:41 | #7 |
شــاعـر
|
رد : الكريســـــــــــــــــــ (جديده) ــــــــــــــــــــــتاله
ابو بدر الله محييك وهلا وغلا من بعد الغياب رااااااااااااااايع وشاعر رووووووواع ومبدع وجزل صح فكرك على هالرقي في الطرح وعلى هالابداع في الحضور والله يجعلك على القوه اخوك نمر العتيبي |
03-07-2005, 01:22 | #8 |
شــاعـر
|
رد : الكريســـــــــــــــــــ (جديده) ــــــــــــــــــــــتاله
محمد هنا حظر الشعر بكامل أناقته صح لسانك بلا عدد اخوووك |
03-07-2005, 01:55 | #9 |
شـــاعــر
|
رد : الكريســـــــــــــــــــ (جديده) ــــــــــــــــــــــتاله
الرائع محمد الدحيمي صح السانك ملايين ولاهنت على القصيده الرااااائعه تحياتي واعجابي اخوك |
03-07-2005, 06:14 | #10 |
متنبي الشعر الشعبي
|
رد : الكريســـــــــــــــــــ (جديده) ــــــــــــــــــــــتاله
الغالي مرزوق بن فيحان شرفتني بقراءتك شكراً لك لا خلا ولا عدم |
03-07-2005, 06:19 | #11 |
متنبي الشعر الشعبي
|
رد : الكريســـــــــــــــــــ (جديده) ــــــــــــــــــــــتاله
الأخ محمد الشهري شكرأ لمرورك الكريم لاخلا ولا عدم |
03-07-2005, 06:21 | #12 |
متنبي الشعر الشعبي
|
رد : الكريســـــــــــــــــــ (جديده) ــــــــــــــــــــــتاله
الغالي احمد الديهان لاهنت يالغالي وابشر انشاء الله بالتواجد لاخلا ولا عدم |
03-07-2005, 06:26 | #13 |
متنبي الشعر الشعبي
|
رد : الكريســـــــــــــــــــ (جديده) ــــــــــــــــــــــتاله
الأخ فيصل المريسي اشكرك على مرورك الكريم لا خلا ولا عدم |
03-07-2005, 06:29 | #14 |
متنبي الشعر الشعبي
|
رد : الكريســـــــــــــــــــ (جديده) ــــــــــــــــــــــتاله
الغالي نمر العتيبي هلا بك وغلا شكراً لمرورك الجميل لا خلا ولا عدم |
03-07-2005, 06:32 | #15 |
متنبي الشعر الشعبي
|
رد : الكريســـــــــــــــــــ (جديده) ــــــــــــــــــــــتاله
الاخ خالد الذيابي صح بدنك شكرا لمرورك الجميل لا خلا ولا عدم |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|