03-06-2011, 16:50
|
#1 |
|
شــاعر
|
[ مِتْعب التُركِي ] !
 .... |
|
|
|
03-06-2011, 16:55
|
#2 |
|
شــاعر
|
رد : [ مِتْعب التُركِي ] !
قالوا حبيبك يسمع الشعر قلت أيه يقـراه بعيونـي قبـل تسمعونـه لولاه حتى طاري الشعر ما ابيـه مير أكتبه من شان خاطر عيونـه هو روح شعري وأمنياته وماضيه جذع الشجر وش كان لولا غصونه اكتب لغيره والقصايد تجـي فيـه كن القصايد حالفـه مـا تخونـه هذاك لا منه زعل قمـت أهاديـه حتى وهو مخطي تعـذرت دونـه يمكن لو أنه يلمس الجرح بيديـه يستغرب ان اللي لمسهـا طعونـه ابطى وهو غايب وزلت حراويـه وأنا من العـام آتحـرى مزونـه هو مادرى اني في غيابه محاتيـه ليته نشد عن حالي اللـي يجونـه واقلبي اللي توه أفلـت عراويـه كيف انسرق وضلوع قلبي حصونه عجزت أرده كان مانـي براعيـه يوم انتثر شوقه وهاضت شجونـه يبسن عروقي لكن اللـي يعزيـه ان اكثـر العالـم تـردد لحونـه خافو من الله لا تجيبـون طاريـه لا صرت أنا موجـود لا تذكرونـه لو كـل غالـي جابـه الله لغاليـه ما شفت لك مخلوق تبكي عيونـه |
|
|
|
|
03-06-2011, 16:55
|
#3 |
|
شــاعر
|
رد : [ مِتْعب التُركِي ] !
توديع الأحباب مثل الموت له سكره .......................ادمى جروحي وشق الصدر منيّـا والقلب طير ضلوع الآدمي وكـره .......................لأشاقـه الطلـع لاسلـم ولاحيّـا مصير الأحزان تنساني وتفتكـره .......................ماكل الأيام بيض وسمحـة محيّـا قل غيرها ماأنت لامجبر ولامكره .......................لاصار ماهي غلا ماأبي لك حميّـا لو في يدي شي ماقلت الوعد بكره .......................حزمت حدب الضلوع وقلت لك هيّا لو كل غالي يجي دايم على ذكـره .......................ماصرت اشوفك هناك وحبك هنيّا ياليتني لابغيت اكره قدرت اكـره .......................ماكان قلبي ليا جيت اكرهك عيّـا مادامك معيف رح لكن على فكـره ....................... ماقلت لي ليه دمعـك سـال منيّـا |
|
|
|
|
03-06-2011, 16:56
|
#4 |
|
شــاعر
|
رد : [ مِتْعب التُركِي ] !
البارحة مدري وش اللـي خذانـي ....................... يوم اجنبوا عني من الضيقة اشملـت جيـت أتكلـم بـس عيـا لسانـي ....................... ماكني إلا مرتكب ذنـب واخملـت الله يسامح مـن ذكـرت ونساني ....................... وأنا أدري إنـي لاذكرتـه تجملـت عانيت وأدري كـل طيـب يعانـي ....................... وعلى حساب طعوني الخضر جاملت ياماخذوا منـي ولا احـدأ عطانـي ....................... من طيبتي في حق نفسـي تساهلـت عـزاي لامنـه تجهـم زمـانـي ....................... يممـت وجهـي للكريـم وتوسلـت واللي يبي قربـي وبعـدي لقانـي ....................... أمشي على وضح النقاء ما تختلـت يامن سكنت اجمل زوايـا كيانـي ....................... ياما على نفسي عشانـك تحاملـت مرات احس انك معي شخص ثانـي ....................... ومرات احس انك حبيبي وما زلـت لاتفرح انك دجـت بيـن المحانـي ....................... لو ماتخـون الذاكـره مـا تسللـت عشان ماضيك الجميل وعشانـي ....................... حاول تشيل من الوفا ربع ماشلت ماني على خبرك حبيبي ترانـي ....................... حتى عن اصغار الاماني تنازلت |
|
|
|
|
03-06-2011, 16:58
|
#5 |
|
شــاعر
|
رد : [ مِتْعب التُركِي ] !
قبل اسافر وتنسى جيت اسلم عليك .. .. .. .. .. .. جيت ابي عمري اللي اكتشفته غدى ضاعت اجمل سنيني من عمايل يديك .. .. .. .. .. .. اكذب ان قلت راحت لاجل عينك فدى فرصة العمر قالوا لا غدت ما تجيك .. .. .. .. .. .. جتني اكثر فرص عمري وضاعت سدى جرب الخوف مره حس به يعتليك .. .. .. .. .. .. وارفع الصوت ماتسمع لصوتك صدى تدري اللي ذبحني قولتك ما ابيك .. .. .. .. .. .. مابقالي لثاري لو بغيته مدى ما هقيت المشاعر كلها ترتجيك .. .. .. .. .. .. قل لها بالمفارق منهو اللي بدى هاك دمعة عيونٍ بــاكيه تشتكـيك .. .. .. .. .. .. هاك ريح ضميرٍ مـا استراح وهدى ما تناظر عيوني زول هذي وذيك .. .. .. .. .. .. ما يهز المسامع اسم ريم وهدى قلت ماعادلي رغبة وشوفات فيك .. .. .. .. .. .. قلت يا نفس طيبي يفرحون العدى " قلت عايف ونفسي بالخفا تشتهيك .. .. .. .. .. .. عزة النفس تدري طيب ماهي ردى " خل عينك تهل دموعها وش عليك .. .. .. .. .. .. انت خدك ورود ودمع عينك ندى |
|
|
|
|
03-06-2011, 16:59
|
#6 |
|
شــاعر
|
رد : [ مِتْعب التُركِي ] !
ماقلت لي شي وش خليت ماقلته .. .. .. .. .. اسكت وخل الكلام لجرحي الدامى لوغيرك اللي يسولف ماتحمّلته .. .. .. .. ..لكن على شان عينك هانت ألامى للحب مفهوم عمرك ماتخيلته .. .. .. .. ..ماأظن يستوعبه تفكيرك السامى هذا الفراق الطويل وهذي أسئلته .. .. .. .. ..هذا حصاد السنين وهذي أيامى ياما وياما عليك البال طولته .. .. .. .. ..والعمر عدى وأنا عايش على أوهامي حتى طريق الفراق اللي تساهلته .. .. .. .. ..لقيته أصعب على نفسي من أقدامى اصبرلي شوي لودمي تثاقلته .. .. .. .. ..بحاول أستوعب اللي صار قدامي الحب ضحكة بعينك بس ماطلته .. .. .. .. ..عمرك بهالكون شفت أبسط من احلامي! القلب لوماخفق لك كان ماشلته .. .. .. .. ..ولوماأنت ملهم قصيدي جفت أقلامي هذا قصيدي بعينك لو تجاهلته .. .. .. .. ..ينزف على شأن يروي قلبك الضامى العام طاري غيابك ماتقبلته .. .. .. .. ..واليوم حرماني أصبح مصدر إلهامى لاتعتذر لي وابنسى كل ماقلته .. .. .. .. ..وش ينفع العذر لامن ضاعت أيامى ؟ |
|
|
|
|
03-06-2011, 17:00
|
#7 |
|
شــاعر
|
رد : [ مِتْعب التُركِي ] !
مرفوض ياللى بعت غيره عشانه .. .. .. .. .. .. أزريت عن رد الجزا أو تهاونـت مابي لك أكثر سد بـاب الميانـه .. .. .. .. .. ..بانت مع الوقت الخفايـا وبينـت مادام مالى وسـط قلبـك مكانـه .. .. .. .. .. ..أنا بعد مثلك عن الحـب هونـت أنا مثـل خيـال خانـه حصانـه .. .. .. .. .. ..عذره يقول من الرسن ماتمكنـت غرّه مع المركاض وارخى عنانه .. .. .. .. .. ..مخطى وانا غلطان يوم انى امنت لو كنت وافى ماتخـون الامانـه .. .. .. .. .. ..ياللى تقول تشيب روحك ولا خنت ذاك الهوى لو ماشعـرت بحنانـه .. .. .. .. .. ..ماكنت فى حلو القصايـد تفنّنـت شاعر تزلزل من فراقـك كيانـه .. .. .. .. .. ..لك يعترف مايسكن القلب غير انت لو كان قلبك صافى الـود خانـه .. .. .. .. .. ..فى ذمّتى ماهان حبّـك ولا هنـت أحدٍ يخون وواحد الوقـت خانـه .. .. .. .. .. ..أنا ترى الثانى وألاوّل تـراه أنـت |
|
|
|
|
03-06-2011, 17:02
|
#8 |
|
شــاعر
|
رد : [ مِتْعب التُركِي ] !
حسّي بلوعات الليالـي والاحـزان .. .. .. .. .. .. بعديـن حسـي بالهـوى لا بغيتـي وش به يهمك لو يقولون زعـلان!؟ .. .. .. .. .. ..لو فيك ذرّه من غـلا .. ماجفيتـي يالي تقولين الخطـأ زلـة لسـان .. .. .. .. .. ..في زحمـة الايـام ليـه اختفيتـي خطاي وان جا مدري الذنب وش كان .. .. .. .. .. ..ليه انتهـى ذاك الغـلا وانتهيتـي؟ وقفت في وجه الزمن قدر الامكـان .. .. .. .. .. ..وانتي جنح فيك الخيال .. وغفيتـي غلطان انا في كل الاحوال غلطـان .. .. .. .. .. ..اسرجت لك خيل القصيـد وسريتـي جيتي وقلت الجرح يوم اقبلت هـان .. .. .. .. .. ..واثرك على الجرح القديم ارتكيتي!! قلتي لي ان الحـب لابـد ينصـان .. .. .. .. .. ..واليـوم ماكنـك دقايـق هويتـي! شافوك حساد الهوى شوف الاعيان .. .. .. .. .. ..يومك على رجـم القصيـد رقيتـي العام لك طاري بقلبي ولـك شـان .. .. .. .. .. ..واليوم احـس بغلطتـي لا طريتـي وان قدّر المولى وعشتي بحرمـان .. .. .. .. .. ..ومن حرّ لوعـات التجافـي بكيتـي تذكري قلـبٍ لـه سنيـن شفقـان .. .. .. .. .. ..شوفي بحقـه ياكثـر مـا خطيتـي كل القصيد اللي اقوله علـى شـان .. .. .. .. .. ..تهزك الذكرى عقـب مـا نسيتـي كل القصيد اللي اقوله علـى شـان .. .. .. .. .. .. تهزك الذكرى عقـب مـا نسيتـي |
|
|
|
|
03-06-2011, 17:02
|
#9 |
|
شــاعر
|
رد : [ مِتْعب التُركِي ] !
يوم طاب السهر عيّت تطيب النفوس .. .. .. .. .. .. جت من الله وانا كم كنت محتاجها كنها من حلاها كل ليله عروس .. .. .. .. .. ..خايفه من عيون الناس واحراجها حى هالطول يازولٍ عساه محروس .. .. .. .. .. ..من عبث لوعة الايام وازعاجها تزعل نفوس والا تمتلى غيظ روس .. .. .. .. .. ..من يقرّب لها وضلوعى سياجها لامتى وانت ياشوق القلوب محبوس .. .. .. .. .. ..طالب السالفه وابطيت بعلاجها جعل قلبٍ على نار الغياب محموس .. .. .. .. .. ..يحترق بين صاليها ووهّاجها من خبر له غلا بين الضلوع مغروس .. .. .. .. .. ..غرسةٍ كلبو شعرى من انتاجها لاتقرب لك الفرقا هذيك الهجوس .. .. .. .. .. ..من متى والبحور تفارق امواجها لازم اصبر على وجه الزمان العبوس .. .. .. .. .. ..لين سود الليالى يضحك احجاجها من بغى يقطع الفرجه يعاف الجلوس .. .. .. .. .. ..لين ياصل نهاياتها ومخراجها كان شعرى قصر ماطال شمس الشموس .. .. .. .. .. ..تستريح القصايد داخل ادراجها |
|
|
|
|
03-06-2011, 17:04
|
#10 |
|
شــاعر
|
رد : [ مِتْعب التُركِي ] !
لا يا علي الوضع هذا ما يناسبني .. .. .. .. .. .. .. قله " يفارق " ترى لي بان تزييفه .. ! يروح يبعد .. و ثم يرجع يقربني .. .. .. .. .. .. ..يبيني اتبع هواه .. واخضع لكيفه .. ! يخطي و يزعل ويرجع لي يؤنبني .. .. .. .. .. .. ..اسكت وانا اسمع تفاهاته وتخريفه .. ماني بتمثال وقت الضيق ينصبني .. .. .. .. .. .. .. ( عنه ) اتلقى خطا غيره وتهديفه .. عذروبي اللي يعرفه ما يعيبني .. ! .. .. .. .. .. ..كتاب مكشوف واضح فيه تحريفه .. الموقف اللي حصل بالحيل متعبني .. .. .. .. .. .. ..ولا يحاول بثوب الكذب تلحيفه .. ! قله فراقه ترى ( ما عاد يرعبني ) .. .. .. .. .. .. ..ما عاد يسوى بعيني ربع تعريفه .. ! انغام عزفه ترى ما عاد تطربني .. ! .. .. .. .. .. ..عندي تساوى برود شتاه مع صيفه !! ماني معاتب / وقله لا يعاتبني .. .. .. .. .. .. ..جوي تعكر ولا اطلب منه تلطيفه نهر العطا جف قله لا يحاسبني .. .. .. .. .. ..القلب مما علق به صعب تنظيفه |
|
|
|
|
03-06-2011, 17:05
|
#11 |
|
شــاعر
|
رد : [ مِتْعب التُركِي ] !
مفتوح باب الرجى لو هب مليون ريح .. .. .. .. .. .. .. .. والريح ماتاخذ الغرسه مـن عروقهـا القوس مكسور والرامي يقوم ويطيـح .. .. .. .. .. .. .. .. والسهـم منعـاج والايـام خازوقهـا لو لبسو ساقط الهرجه ثيـاب المديـح .. .. .. .. .. .. .. .. قلنـا سحابـة وبلـة يابـس حلوقهـا ياحادي الركب لا توده عليه وتصيـح .. .. .. .. .. .. .. .. ماعاد هي سالفـة ليلـى ومعشوقهـا مديت شوفي وشفت الكون رحب وفسيح .. .. .. .. .. .. .. .. والارض حدر المواطي والسماء فوقها مادام عين الرضا ماها هماج وشحيـح .. .. .. .. .. .. .. .. ابتبـع الغيمـة اللـي رفـة بروقهـا مدري عن المقبلة لكن عسى الله يبيـح .. .. .. .. .. .. .. .. اللي تهـز القلـوب وهزنـي شوقهـا غنيت للحب ولسـان المحبـة فصيـح .. .. .. .. .. .. .. .. والبدو سبـة غناهـا ضيقـة خلوقهـا باكر يروح الشتاء والثلج قصره يسيح .. .. .. .. .. .. .. .. مايفضح الثلج غير الشمس وشروقهـا |
|
|
|
|
03-06-2011, 17:07
|
#12 |
|
شــاعر
|
رد : [ مِتْعب التُركِي ] !
لو قلت مرتاح ما نفسي بمرتاحه .. .. .. .. .. .. .. .. .. غير التعب في غيابه ماني بلاقي .. من عام الاول وقلبي تنزف اجراحه .. .. .. .. .. .. .. .. .. ضاقت على الوسيعه والفضا ضاقي .. لا بال مرتاح لا فرحه ولا راحه .. .. .. .. .. .. .. .. .. كم لي سنه وانتظر غيبات سراقي .. ارجيه عقب البطا لو طال مرواحه .. .. .. .. .. .. .. .. .. كانه على هقوتي ماخان ميثاقي .. قلبٍ يذوق الهوى من يكبح جْماحه .. .. .. .. .. .. .. .. .. خلوه يرتاح دامه بالهوى شاقي .. اضحك وقلبي مع اللي عجة ارياحه .. .. .. .. .. .. .. .. .. لا قلت ياقلب طالت قال وش باقي .. اللي عيونه وساع سود ذباحه .. .. .. .. .. .. .. .. .. ازريت اداري غلاه بخافي اوراقي .. ساكت وعيني ولو ماقلت فضاحه .. .. .. .. .. .. .. .. .. حتى القصايد تخون وتفضح اشواقي .. لو ما بغيت الهوى صابتني ارماحه .. .. .. .. .. .. .. .. .. ماجاه دون اللحم ساتر ولا واقي .. مثل البحر كم غرق به ناس سباحه .. .. .. .. .. .. .. .. .. تضيع مع قوَ موجه هقوة الهاقي .. خبري بقلبه صدوق الشوق يجتاحه .. .. .. .. .. .. .. .. .. عندي خبر فيه مايقوى على فراقي .. اتعب وغيري يجي وياخذ على الراحه .. .. .. .. .. .. .. .. من حظ غيري وانا اللي زارع وساقي .. |
|
|
|
|
03-06-2011, 21:03
|
#13 |
|
الدانه بنت عبدالله
|
رد : [ مِتْعب التُركِي ] !
ياليتني لابغيت اكره قدرت اكـره .......................ماكان قلبي ليا جيت اكرهك عيّـا مادامك معيف رح لكن على فكـره .......................ماقلت لي ليه دمعـك سـال منيّـا . . الله الله وربي (ذوق) يامحمد وربي .., متعب التركي ..ولازال لهذا العملاق ..انفاسٌ متعبهٌ تسكننا.. .. بالتأكيد سأكون هنا..  محمد العارضي ...شكراً لكل هذا ...........  |
|
|
|
|
04-06-2011, 08:26
|
#14 |
|
شـــاعرة
|
رد : [ مِتْعب التُركِي ] !
وش نقول وش خليت يامحمد اروع اختيار والشعر الأروع الأروع متعب التركي تسلم يمينك ومنتظرين الاضافات   |
|
|
|
|
04-06-2011, 13:03
|
#15 |
|
شــاعر
|
رد : [ مِتْعب التُركِي ] !
وحش .. فعلاً متعب " مٌرهق جداً " ! يكتب الآرواح / وبحب .. شكراً لك |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
