08-11-2001, 06:31
|
#1 |
|
شـــــاعــــــر
|
الإهداء لهاوي قصيد ( تلها الطيار من نجد العذية)
الإهداءالى المتفاني في خدمة التراث الشعبي والمتميز في ذلك من هنا من الوطن الغالي الى بلد الغربة والحنين توجه المرسول بالرسالة الى هاوي قصيد الأخ والصديق ولآن ادعوكم اخواني جميعاالى الرسالة راكب اللي بالكفر تمشي شوية ****************** وباقي المشوار تبرى للهبايب ما عليها من نظام الجاذبية ***************** دام ما جا في محركها مصايب لا سبير ولا شراع ولا حنية **************** ولا يعلق في جوانبها جنايب تلها الطيار من نجد العذية ***************** تاصل اللي عن فيافي نجد غايب صاحب نفسه على النوماس حية ***************** لو تغرب ما نسى دار الحبايب في مريكا بس قلبه في نحية ******************* للبلاد وللرفيق وللقرايب تستطيب الى وصلت اطراف حية ****************** ريحة الجاوي تجيك مع الهبايب ولا وصلت الباب ريح الشاذلية ****************** يغني العمسان عن لف العصايب ناد يا سلطان يا ذيب السرية ***************** جازم انك ما تعود منه خايب لا لفيته بادره باغلا تحية ***************** وانقل علوم(ن) من الديرة طرايب ثم قله يا خوي(ن)من خويه ****************** ما تبرَا لو ينوبنه نوايب الحق اللي عقب الايام الخلية ********************* صوبه رمح الهوى بين الترايب يا صبي المجد الأول والحمية ******************** دوك راسي من هواها صار شايب وكان تنشد ليه كثرت الشكية ********************* وليه لحقت الطلايب بالطلايب البلا زينة وصوف(ن) وادمية ******************** وبنت ناس(ن) فعلهم يوم الحرايب اتحلا مشيها بالراعبية ******************** واتحلا بالعيون من العجايب لابحور ولا جيوش ولا منية ******************** نوع سحر من العيون الى الذوايب مزنة حول مطرها عقربية ******************* خيلتها العين واشقيت الركايب كم بنيت آمال واحلام(ن) ندية ****************** وكم بعثت من االهدايا والقضايب ومدها الدلال للتاجر هدية ******************* وضاع حلمي ما طلعت من النسايب وسلامة الجميع |
|
|
|
08-11-2001, 06:45
|
#2 |
|
موقوف
|
الغالي والاخ اللذي لم تلده امي: بو نوت عسى ان اكون عند حسن ظنك وما وصفتني به وعسى ان اكون عند حسن ظن الجميع نعم انا مدمن للشعر -----محب جدا لتراثنا الاجتماعي والثقافي واحاول قدر الامكان ترسيخ قيم نبيله في اخواننا وابنائنا بعيدا كل البعد عن غير ذلك: لدينا تراث نفخر به ويفخر به الجميع يجب المحافظه عليه ونقله الى اجيال جديده عن طريق الانترنت: الشعر هو روحنا وتراثنا : الشعر هو ما نتنفس به ونعيش به(هذا بالنسبه لي) واعتقد ان الغالبيه كذلك: الغالي بو نوت صدقني اني بحاجه الى مثل هذه الكلمات بهذا الوقت بالذات: جزاك الله عني وعن الجميع كل خير: صح لسانك ولا هنت يا غالي |
|
|
|
|
08-11-2001, 07:11
|
#3 |
|
عضو شعبيات
|
ابو نوت شـكرا لذوقـك000وصـح لسـانك 000 0 0 0 هاوي قصيد يسـتاهل الطيب راعي الطيب 000 موفق بدراستك باذن الله000وترجع بالسلامه00 وشـاكرين لك خـدمة التـراث 000 ويعطيك الف عافيه 00 [ نوفمبر 08, 2001: تم تعديل الموضوع بواسطة : دنيا من الوله ] |
|
|
|
|
08-11-2001, 09:36
|
#4 |
|
سيـــف الســـيــف
|
خالي ابو نوت صح لسانك صح لسانك انت اهديت وابو محماس يستاهل ويشكر على كل اللي هو يبذله وانت تسلم يمينك على هالرائعه اللي جت في محلها اخوي سلطان ليتك تحاول تنسق وقتك يابعدي وتنتبه للي قالته الاخت/ دنيا من الوله لكم تحياتي جميعا  |
|
|
|
|
08-11-2001, 18:49
|
#5 |
|
موقوف
|
اعذروني اخواني لو حصل قصور سواء بتكرار القافيه او قصور بالوزن: صاحبي غنى اللحون السامريه نقض الخفاق من زود العطايب مرحبا حييت يا زبن الونيه صاحب(ن) معروف في وقت النوايب صاحبي راحت علومي الاوليه ما بقى من ذكرها كود النصايب صاحب(ن)وقف على يمنى خويه وصاحب(ن) قفى يا عله للذهايب الخفوق اليوم فيه الفين كيه من طعون الوقت واسرار المصايب الهديه نبغى نبدلها هديه والهدو قرب قلوب(ن) هي غرايب هاجمتني رجال في ارض(ن) خليه لا معي ربع(ن) ولا حولي قرايب شربوني بالوهم طعم المنيه ذوقوني بالصدر طعم اللهايب اطعنوني بالحراب الشوشليه طعنة(ن) بالصدر اركوها عذايب الطعون اليوم هي فيني نديه والسبب الشعر ملعون الصلايب شاقني شوف الديار السعوديه وتلعب الغربه بجوفي بالحرايب وشاقني شوف العجوز الاجوديه امي امي جعل تفداها عرايب وشوف شايب دوم يعطيني الوصيه قد كبر سنه وصار الراس شايب رب يا معبود يا رب البريه تحفظ الاثنين لرجل(ن) راح غايب ديرة(ن) ماهي بديرتك اجنبيه لو ثراها عشب واعلاها سحايب تشتكي من حب الهنوف الغشمريه? الصبر يا خوك هو راس الطلايب انت مثلك يا كبير المقدريه مثلكم تطلبه ربات الذوايب وان بغيت القرب فاقدم عليه زوجك ربي ولا نبغى وهايب وسلامتكم [ نوفمبر 08, 2001: تم تعديل الموضوع بواسطة : هاوي قصيد ] |
|
|
|
|
08-11-2001, 19:20
|
#6 |
|
شــاعر
|
اخوي الرائع بو نوت: صح لسانك وبيض الله وجهك...اشهد انك ما قصرت...قصيده اكثر من رائعه..وافيه المعنى ...قيمة الحروف...جزله من شاعر جزل...اشكر لك هذا الابداع.. كما اقول لاخوي هاوي صح لسانك..على الرد الجميل..وان كان لي عليه ملاحظات في الوزن...امل ان تلافاها.. اخوي بو نوت..سياسة المنتدى..تطلب التنسيق بين المواضيع...وبما ان موضوعك الجميل هذا هو من نوع المساجلات...سوف اقوم بنقله لمنتدى المسجلات..عند اخوي عكاشه وتصطيع متابة الردود هناك.. تقبل تحيات اخوك البدوي |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
