19-06-2011, 00:22 | #1 |
عضو شعبيات
|
سمعت واحد يقول لصاحبه طعني
السلام عليكم ورحمة الله وبركاته للتواص معكم
سمعت واحد يقول لصاحبه طعني=كلٍ يدور لرزقه عند رزاقه لاتعتذر عن خطاك ولا تكلمني=جعل الذي يعتزي بك تنكسر ساقه إما اشلع السالفه دغري وعلمني=واقلط مع الباب لا تدخل مع الطاقه ولا الزم الصمت واركد لا تعاتبني=لا خير في واحدٍ ما صان ميثاقه حبرك على هامش الوجدان يكتبني=وخطاك دايم على الهجران سبّاقه ماهي كذا يالسنافي هات والحقني=موترك شبهه وعشرين الف لحّاقه قدامك الفين بالسكة تزاحمني=والفين نسمع بواريها على الساقه وانا على خبرك اقشر ما يناسبني=إلا الذي ما يسوقه غير سواقه تمر البواسق وشوفه فوق يعجبني=ما تصله السايبه ويدين بواقه لو طاح من فوق لايسمن ولا يغني=تقتشه الطير والرعيان تحتاقه وانا غروري وشفي عذق يشبعني=ما ناش يعسوبه الطرقي ولا ذاقه انا كذا هكذا طبعي وتعرفني=راقي وما احب صحبة ناس هبّاقه غصنٍ قوامه وظلّه كان يجذبني=حوّل عليه الدبا واستيسر اوراقه شفتك بالاوصاف لا تنكر وتجحدني=تمشي ورى مهرةٍ شقرا وعملاقه يا لعنبو فيس بوك اللي شعا سمني=غش الغلابه وعلقهم بعلاقه لا شفت ابو سلسله والجنز تنكرني=اللي تفنن براسه موس حلاقه راع الصديري على الجنبين والمتني=مكشوف ماله سوى خيطين وبناقه إن سمع طبلة رباب وفرقة اجرحني=ولا تقاسيم جوهر لأجل عشاقه قام يتناقز ويرقص رقصة الحصني =كنه خرز فتخةٍ في كف طقاقه انشهد ان الزمن فعله يروعني=قيد بعير الحمول وهمّل الناقه ارض الوفا عشبها ريحه يشوقني=لاهبت النود صوبي ريحة اشواقه اعيش فيها وادوف القاف واغني=واتبع وفاها ولمعة نوض براقه ولابد يا صاحبي بالخير تذكرني=لا شح ميصالهم تاتي بك الفاقه |
19-06-2011, 01:43 | #2 |
شـــاعــر
|
رد : سمعت واحد يقول لصاحبه طعني
أرحب أرحب جدا جزلة ووافية محمد الأجدل أبدعت، وحبكت وسبكت ، وأسكت.. أخوك. |
21-06-2011, 09:03 | #3 |
متنبي الشعر الشعبي
|
رد : سمعت واحد يقول لصاحبه طعني
هنا شعر حقيقي لايمكن ان تقاومه اي ذائقه فووووووق ياشعررررررر |
25-06-2011, 12:28 | #4 |
شـــاعــر
|
رد : سمعت واحد يقول لصاحبه طعني
محمد الأجدل صح لسانك ملااااااااااااااااااااايين ودمت بالف خير تحياتي و احترامي |
26-06-2011, 11:48 | #5 | ||
شــاعر
|
رد : سمعت واحد يقول لصاحبه طعني
الله الله يا الأجدل .... هنا نص جززززل شعر حقيقي ... وقصيده قرأتها مرتين وساعود مرارا فهي تستحق وانت تستحق ....
وانت راقي شعر وشعور ... تقبل تحياتي اخيك سالم |
||
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|