[عبدالرحمن اليحيى]

بسم الله الرحمن الرحيم

هذه القصيدة نظمها الشاعر ابرهيم بن عبدالعزيز اليحيى ( ابن مريح )

عندما سمع خبر وفاة ثلاثة من قبيلة الطخيس في الدوادمي بتاريخ 3/7/1424هـ

اللهم ارحمهم برحمتك التي وسعت كل شئ واكرم نزلهم

[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
علمٍ سمعته ليتني فيه ما أوحيت = ماودي إن اذني توحت بطرياه
منه انفجر بالقلب مثل الديناميت = علمٍ فجعني وانفجع من توحاه
عقبه وانا قلبي يجر التناهيت=مؤمن واعرف إن القدر بأمر مولاه
ثلاثة خذهم سوا خالق البيت = كلٍ وقف يومه وعود لمأواه
ما دار لي اسبوع من يوم عزيت = في رابعٍ قبل الثلاثة فقدناه
من الطخيس اللي لهم بالعرب صيت = ماجت به الاقدار لا بد نرضاه
هذي حياة الناس فرقا وتشتيت = الموت حق وكل حيٍ بياطاه
كثر الدعا يجب على الحي للميت = يارب من يدعي لهم تقبل دعاه
يارب ثبتهم بجنتك تثبيت = كلٍ عطه يارب كتبه بيمناه
من الغلا اللي داخل الصدر كنيت = اعدهم ربع و عواني لهم جاه
من دمعتي في صدر الأوراق خطيت = ابيات شعر صغتها من معاناه
والختم أصلي عد ما اصبحت وامسيت = على النبي من ثبت الشرع واحياه

[/poet]

و الحمد لله الذي لا يحمد على مكروه سواه

[طميران]

صح لسان الشاعر وتسلم يمين الناقل والله يجبر مصيبتهم ويسكنهم الجنه وتحياتي للشاعر المبدع (بن مريح )

[نمرالعتيبي]

الاخ عبد الرحمن

صح لسان الشاعر وتسلم على هالاختيار الرايع والله قصيده مؤثره لله در الشاعر ولله درك

ولك

مني


صادق الود والاحترام


من اخوك

نمر العتيبي

[خالد التميمي]

عقبه وانـا قلبـي يجـر التناهيـت
........... مؤمن واعرف إن القدر بأمر مـولاه


بارك الله فيك ياعبدالرحمن وفي ابرهيم
صح لسانك ..


واحسن الله عزى آل طخيس ..

تحياتي

[أحمد الديهان]

اللهم صلي على محمد وعلى آله وصحبه اجمعين




الله يعطيك العافيه على هالنقل .....


صح لسان ابراهيم وتسلم يمينك يا بو عليا ......!

الله يرحمهم ويسكنهم فسيح جناته




تحياتي لك



اخوك احمد بن ديهان .

[نـــداء]

الاخ عبدالرحمن اليحي :
يعطيك العافية على هالنقل
ابيات مؤثرة
جبر الله مصابهم
واحسن الله عزاءهم
ويرحمهم ويرحم جميع موتى المسلمين
اختك ...جروح