25-06-2010, 21:29
|
#1 |
|
أبو تركي / شاعـر
|
تيس محشي
البارح بس هدى الله الشباب بعد محاولات من شهر  كنا واعدينهم بتيس محشي وأخيراً قالوا تم بدينا من بعد الظهر بالتتبيل وتركناه بالثلاجة لبعد العشاء بعد ما تكاملوا الشباب علشان يعاونون بس المصور خوينا المكشاتي ( ذيب الفيافي ) صور مليون طعش صورة لكن ما شفنا غير هاللي بين يديكم مقدور هداهم الله ومثل ما تشوف ونبي ملاحظاتك عسى عمرك طويل وأنا غير مسؤول عن أي شيء يحصل للي يمر من هنا أبعدنا عن الدم حفاظاً على مشاعر بعض الخوافين وشي ثاني نخاف من منظمة حقوق الحيوان لأنها صارت أهم من الإنسان !!  شكلي كثرت الهذر بس أول مرة تحملوني وارحبوووووا على راي البعض هنا تفضلوا من البدية المكرونة قبل الحشو  الخياطة بعد وضع الحشوة وتظهر أصابع الشيف  جاهز لوضعة داخل النار  الجمر ينتظر  نزل داخل البرميل    بعد ساعة ونصف جاهز    وبالعافية على قلوبكم وأتمنى إن شغلنا يواجه مقدور مشها هالمرة يمكن ما وصلنا لبعض ابداعك ولكن الجايات أكثر  |
|
|
|
26-06-2010, 01:22
|
#2 | ||||
|
مشرف الرحلات البرية والسياحة
|
رد : تيس محشي
ارحب ياشيفنا على التركي  إقتباس:
 والمعاون زين عشان يحسون بالتعب وبطعم الطبخه  إقتباس:
 ولو انه نسى يصور التتبيله ومكوناتها إقتباس:
بس ترا مهب يخالف لو شطبت وجه الخروف اتعب انا على الدسوس وشغل الاتكيت  ياحليل هالتيس غادي تسنه حويشي على هالسنام وشف ياخالي احسن شي الى بغيت التتبيله تطعم جب لك طشت واخلط فيه بهارك همن جرح التيس جروح بسيطه بحيث انه يتشرب البهار وخل التيس بوسط الطشت له ساعه شغل الله الله وترا نسيت تنبه ياخالي ان المكرونه لازم تسلق قبل ماتحشى وتصير نص استواء إقتباس:
وشيف مافيها كلام عطنا اوراقك خل نرسلها لنوره والجازي عشان مشروع المطبخ واكيد اخوي علي نترقب للجايات وتسلم يدياتك وعساه بالعافيه على قلوبكم يارب |
||||
|
|
|
|
26-06-2010, 02:14
|
#3 |
|
شــاعر
|
رد : تيس محشي
يممممممممممممم يمممممممممم حلالاه ياترباعة على الصحن ياعلي ما اطيب راسك وما اطيب ما جبت يسلم راسك وقلبك ياعلي . . انا اشهد ان مقدوور دكتور مكشات يقول بشّط اللحم حتى تمسك التتبيله في اللحم ياسلالام يالشطاره يامقدوور |
|
|
|
|
26-06-2010, 02:15
|
#4 |
|
شــاعر
|
رد : تيس محشي
مكرر |
|
|
|
|
26-06-2010, 05:31
|
#5 |
|
رد : تيس محشي
 إقتباس  وشيف مافيها كلام عطنا اوراقك خل نرسلها لنوره والجازي عشان مشروع المطبخ    والدعاية للمطبخ ازهلوها شعبيات ماهي مقصرة علينا .. تسلم الايادي ياعلي .. ماشاء الله عليك ..  |
|
|
|
|
26-06-2010, 05:54
|
#6 |
|
أبو تركي / شاعـر
|
رد : تيس محشي
هلا والله بمقدور أجل عدت على خير والحمد لله ههههههههههههههههههه الله يرحم اللي عقّبوك بالنسبة للمكرونة سلقناها نص استواء مثل ما تشوف في الصورة الأولى أما التتبيلة فالرجال ماعطانا الصور والا متأكد أنه مصورها وتراها ما غطت الا نصف التيس لكن قلبناه مرتين خبرك من الظهر وهو يسبح بوسطها لكن بوسط قدر ويمكن الطشت مثل ما قلت أحسن لكن تعرف استراحات وحر واللي فوقه مثل ما تشوف باقيها صبيناها عليه بالشبك أما خوينا راعي الدسيسات والله أنك جبتها لكن مسوي فيها يمكن علشان التصوير مدري !! وبالعادة نبذّحه بالسكين لكن المرة هذي ما لمسناه لحاجة بنفس يعقوب شاكر لك استاذنا حضورك وملاحظاتك وأكيد نتعلم منك والأوراق ترى طيّرناها بالطريق لكم خبرك العج عندنا أسرع من البريد لكن مدري وش شغلي بالمطعم لا يصير غسيل صحون الله لا يحرمنا طلتك ويعطيك الف عافيه |
|
|
|
|
26-06-2010, 14:19
|
#7 |
|
شاعـرة
|
رد : تيس محشي
أحلى شي الحشوة ولا يهون التيس .. تسلم الأيادي .. منكم راح نتعلم الطبخ على أصوله.. |
|
|
|
|
27-06-2010, 01:03
|
#8 |
|
عضو شعبيات
|
رد : تيس محشي
الله الله لله ,,الشغل المتك تك,, كالعادة شغل نظييييف أبو تركي,,وطبخ ولا أروع بس ليتكم فصلو شوي عن طريقة الطبخ,, عموما بالعافية على قلوبكم,,وابحث عن النوايا الحسنة لاهنت! |
|
|
|
|
28-06-2010, 16:06
|
#9 |
|
الدانه بنت عبدالله
|
رد : تيس محشي
. . تسلم هالايادي .... عندي إستفسارلماحطيتوه في البير الحركه هذي وش يقالها؟ اتوقع لها مسمى غير ذلك ولاانا غلطانه تلخبطت الامور عندي لاهنت اخوي علي .... |
|
|
|
|
28-06-2010, 18:03
|
#10 | |
|
أبو تركي / شاعـر
|
رد : تيس محشي
إقتباس:
حياك أبو مقبل والله أنك غانم وراس الطيب سلمت والله تشرفنا أما مقدور فكل شي عنده مقدور عليه |
|
|
|
|
|
28-06-2010, 18:06
|
#11 | |
|
أبو تركي / شاعـر
|
رد : تيس محشي
إقتباس:
الجازي أنا عليّ مدن شمال الرياض وانتم الباقي والدعاية الشغل الزين سلمتِ |
|
|
|
|
|
28-06-2010, 18:12
|
#12 | |
|
أبو تركي / شاعـر
|
رد : تيس محشي
إقتباس:
منتهى الجماعة هنا من أكلة اللحوم ! تذكرت محاضرة قديمة لإحدى المشائخ يقول : ( احمدوا ربكم الجراد مرّ افريقيا فالتهم محاصيلهم ووصل هنا فالتهمنااااه !! ) تسلمين وحبذا لو نشوف بعض طبخاتكم هنا ومنظر الدم كله شلته من الصور |
|
|
|
|
|
28-06-2010, 18:16
|
#13 | |
|
أبو تركي / شاعـر
|
رد : تيس محشي
إقتباس:
هلا والله وغلا بمحمد يا رجل ليه شايف نفسك نتصل وتتعذر !! التفصيل في الطريقة والنوايا الحسنة على الطعس شرّف بس وأبشر بسعدك طلبناك ياغفّار تغفر ذنوبنا اخر تعديل كان بواسطة » علي التركي في يوم » 28-06-2010 عند الساعة » 18:21. |
|
|
|
|
|
28-06-2010, 18:20
|
#14 | |
|
أبو تركي / شاعـر
|
رد : تيس محشي
إقتباس:
سلم قلبك أما البيرالحركة فهذي تسمى برميل مندي وتبنى من الطوب وكذا تباع جاهزة مصنوعة من الحديد أو الفخار ولاتهوني سعدت جداً بك هنا |
|
|
|
|
|
28-06-2010, 22:16
|
#15 | |
|
عضو شعبيات
|
رد : تيس محشي
إقتباس:
أبو تركي,, يازقينك زقيناااه.. |
|
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
