27-08-2003, 21:56
|
#1 |
|
أطــلال
|
قصة واقعية " الجزء 3 "
اهليــــــــــــــــــــن مساء النور وصباح الورد  بأكمل لكم القصة وهذا هو الجزء الثالث منها .... بس قبل بتلاقون هنا الجزء الاول : http://www.sh3byat.com/vb//showthre...=&threadid=5805 وهنا الجزء الثاني : http://www.sh3byat.com/vb//showthrea...&threadid=5881 وهذا هو الجزء الثالث اتمنى تستمتعوا بالقراءة  ..( رحلة التعارف ) بعد كذا صلّح صديقي إبراهيم من جلسته . وتنهد من اعماق صدرة . وسكت شوي . بعدين قال لي . تصدق ان احلى شي بالحياة هو الشعور بالنجاح . لاني اذكر هذاك اليوم اللي قريت اسمي فيه بالجريدة . وجبتها للبيت وانا طاير من الفرحة واستقبلتني امي عند الباب . وضمتني على صدرها ودموع الفرح تنزل من عيونها وهي في غاية السعادة .. وما نست في هاذيك اللحظات من شكر رب العالمين . وتوجهت للقبلة ورفعت يديها وقالت .. الحمدالله اللذي طلبته وما خيب رجاي .. يالله ياوليدي جعل اللي فرحني بنجاحك يفرحني بزواجك . ويرزق الذرية الصالحة ..يالله جعل ما سويتوه فيني يبركم به عيالكم . الله يرضى عليكم مثل ما انا راضية عليكم ياوليدي .. وبصراحة . عيوني معد قاومت دموعها . وبكيت . وقلت هذا كله بتوفيق الله ثم بدعاك لي .. المهم قعدت استقبل التهاني من كل جهه . اللي شخصياّ واللي بالتلفون ..والبعض فرح لي فعلا . والبعض الموضوع عند عادي لا يقدم ولا يأخر ... يوم جاء بعد الظهر .. وجاء الوالد للبيت .. كنت اول المستقبلين له عند الباب .. وحبيت على راسه ويده وبشرته بنجاحي .. قال .مبروك مبروك . الحمدالله والله يوفقك ياولدي .....طبعا ما استغربت منه كل هالبرود . لان ابوي الله يرحمه . هذا طبعه ..وكلنا عارفينه ..يكون فرحان من جوا لكن ما يبين عليه ..والدليل انه لين قعد مع احد .. يقول شفت ابراهيم ماشاءالله تخرج من المعهد . في الليل اجتمعت مع اخواني الكبار . وناقشنا موضوع التعيين . وين بيكون . وقلت لهم المجال مفتوح ..هنا وهنا وهنا ....الخ . فكل واحد منهم اعطى رايه عن الوزارة الفلانيه ..والمصلحة الفلانية .. والمؤسسة الحكومية ..طبعا ما فيه واحد منهم حاول يفرض رأي او يجبرني على الانضمام الى أي مكان .. وفي اليوم الثاني ..اجتمعت مع زملائي وناقشنا نفس الموضوع ..البعض منهم كان مقرر من البداية وجهته . والبعض منهم فرض عليه ابوه او اقاربه المكان الفلاني ..واللي مثلي بقي لنا المجال مفتوح وش نختار بس ... طبعا كان تخصصنا ينفع لاماكن كثيرة في الوضائف الحكومية ... بالنسبة لي .. رحت للــ ( ....... ) ويمكن السبب الاتفاق مع كم واحد من الزملاء .. وغير كذا ..عندهم العمل اللي انا احبه فعلا ..والحمدالله قبلت كل اوراقي وتم تعييني عندهم ... باشرت العمل هناك . طبعا كان المجال للابتعاث للخارج والتدريب من اساسيات الوضيفة .. وبلغوني ان مو عد سفرنا بيكون بعد عشرة ايام . رحت وطلعت جواز السفر واشتريت الملابس اللازمة ..وكل ليله اجتمع مع زملائي وندور في هالاسواق .. ونبحث عن الملابس الشتوية ..لشدة برودة الطقس .. في اوربا ذيك الايام .. وأمي الله يخليها كل ما جيتها لينها تصيح وتقول ياوليدي ما صدقت على الله ان اخوك يرجع من امريكا .. والحين انت بتروح .. المهم حاولت اطمنها واقول هذا مستقبلي .. وكلها انشاء الله سنتين واعود .. يوم جاء موعد السفر .. تركزنا في المطار . كننا ببغانات . من الوان اللبس اللي علينا .. طبعا كل واحد قعد يعلق على الثاني .. ولكن بروح رياضية جداَ .. وتفاجئنا في المطار انه معنا حوالي اكثر من عشرين شخص ما نعرفهم . وفي المطار والطائرة .. تعرفنا على بعض طبعا .. وكانت الرحلة حوالي ست ساعات .. وبالنسبة لي وللأغلبية . هذي اول مرة نسافر خارج المملكة .. وبعد الوصول ..الى مطار ( ...... ) استقبلنا واحد عربي هناك ورحب فينا .. واخذنا امتعتنا . وتوجهنا للباص . اللي بدوره بينقلنا الى مدينة تبعد اكثر من 100 كيلوا عن المطار .. لكن بصراحة .. اول مرة اشوف الثلج بحياتي كانت الارض مثل البساط الابيض ... والبرد مقطعنا تقطيع .. وبدت التعليقات على الشوارع والسيارات واهم نقطة ..اثارت الاغلبية .. يوم شافوا الحريم يسوقون ... بعد كذا وصلنا للفندق . واستقبلونا ..ووزعونا على الغرف ... وقال المترجم .. بكرة الصباح الساعة الثامنة بيكون الباص جاهز عشان ياخذكم لمركز التدريب .. لانه مرتب لكم حفل ترحيب وتعارف ..بينكم وبين الموجودين من قبل ..والزملاء الاخرين من مختلف دول العالم ...طلع كل واحد لغرفته ..وانا طبعا . قعدت ارتب ملابسي واوزعها في اماكنها المناسبة .. لان الفندق ما كان من الخمسة نجوم .. بس الحمدالله ..على مستوى عالي من النظافة والترتيب والخدمة الجيدة ..الوقت كان حولي الساعة الثانية ظهراَ . وحاولت اريح نفسي شوي لكن تعرفون الواحد عندة شوي حب استطلاع ولقافة بعض الساعات . وغيرت ملابسي ونزلت الى بهو الفندق ..عشان اتمشى شوي ..ولقيت الملاقيف واجد هناك .. يعني الحمدالله منيب لحالي ..... طلعنا في الشارع وتفرجنا على الشوارع الجانبية للفندق ... وفي اليوم التالي .. طلعنا لمركز التدريب .. ولقينا كم واحد واقفين على الباب يرحبون بانظمام المجموعة الجديدة .. ووصلنا الصالة .. اللي كان فيها متدربين كثييييييير .. وبعد شوي ارتجل مدير المركز كلمة ترحيبية بالانجليزي ..فهمنا تقريبا نصفها .. وانهدينا بعدها على البوفيه المفتوح ..وكل واحد كل لين شبع .. بعدين ابتدأ التعارف بين الطلبة وعرض التخصصات الموجودة بالمركز ..والمجاملات كانت بالكوم هناك .. الكل وده يخدمك . عشان توك واصل من السعودية . ( يعني مرييش ) ... كان ذاك اليوم يوم خميس .. والدراسة بالمركز تبدأ يوم الاثنين .. رجعنا للفندق ومعنا كم واحد من الزملاء السعوديين الموجودين هناك من اول وكملنا السوالف . وسألناهم وين نقدر نروح اماكن للترفيه والاسواق والسهرات . في الويك اند . وعلمونا كل شي بعدين طلعنا من الفندق ورحنا للداون تاون . ( السوق ) ومشينا لين قلنا بس . ورجعنا ميتين من البرد متى الواحد ياصل غرفته بس .. ويوم جاء يوم السبت بالليل . لبسنا طبعا ملابس السهر ورحنا مع بعض متوجهين للديسكو ( المرقص ) كانت اول مرة في حياتي ادخل مثل هالمكان وبصراحة شفت العجب صوت الموسيقى العالي والزحمة والظلام كلها اجتمعت . وصلنا لطاولتنا ولقينا بعض الشباب موجودين هناك وقعدنا ساكتين نتأمل هالانفتاح الموجود عندهم . والكل من الحظور لاهياَ في نفسة والاغلبية منهم كان في حاله مزرية من الثمالة . مرت الساعات وطلعنا من هناك الساعة حوالي الخامسة صباحاَ ..وقعدت يمكن 24 ساعة ما اسمع من الطنين اللي في اذني من قوة صوت الموسيقى في المكان . وهذا كان اول ويك اند يمر علي في خارج ديرتي الحبيبة ..ويوم جاء يوم الاثنين الساعة السابعة صباحاَ طلعنا في الباص متوجهين للمركز لبداية اول يوم دراسي . البقية في الجزء القادم وتقبلوا خالص التحية من اختكم جروح اخر تعديل كان بواسطة » جروح في يوم » 27-08-2003 عند الساعة » 22:00. |
|
|
|
27-08-2003, 23:51
|
#2 |
|
يعطيك العافيه جروح جهد تشكرين عليه تحياتي لك .. |
|
|
|
|
30-08-2003, 05:06
|
#3 |
|
أطــلال
|
اختي العزيزة الجازي : هلا فيك ومشكورة على الرد ما قصرتي والله وحياك تحيات اختك ...جروح |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
