11-02-2007, 03:21 | #1 |
شــاعر
|
نـشـوة دنــوّي ....!!
جبران : الو جبرانه :هلا والله جبران :هلا فيك .. شلونك جبرانه : طيبه انت شلونك جبران : انا طيب وبخير .. هدوء عندك جبرانه : لاني بغرفتي لحالي جبران : طيب خليك معي باسمع هالخبر جبرانه : أي خبر وش هالازعاج بعدين جبران : والله الدنيا تخوف مات مية بالعراق وقاعدين يحفرون اساسات المسجد الاقصى جبرانه : اقول ماشفتني اليوم بدعت بالعرس جبران : كم هدف حطيتي قصدي أي عرس؟ جبرانه : مدري دقت علي نوف قالت خاويني خاويتها جبران : ليه مأجرينك مع الكوشه انتي في كل عرس رازه الفيس جبرانه : عادي عادي جبران : أكلمك عن الاخبار واوضاع العالم ودي اناقشك بشي يسوى وتقولين عرس جبرانه: اي اي عرس والله ياقهرت لك وحده لابسه ليموني جبران : أجل انتي رقصتي بعد جبرانه : اي قهرتني وحده ترقص عراقي مسويه فيها ملكة جمال الحفله جبران :تدرين الشرهه مو عليك علي خليني اتابع بس باي جبرانه : بكيفك مالك بالطيب نصيب جبران : هــا .. أي نصيب؟ جبرانه : كنت بقولك وش لابسه بالعرس جبران: طيب خلاص قولي جبرانه : لا باي مشغوله اخليك مع الاخبار جبران : تعالـــ ي طووووط طوووووط تعالي شاعرك ولّع قصايد ..شمعه .. وجمره . . . . . . . . تعالي واشعلي باقي القصيده وارفعي جوّي تعالي يابعد ( أربع خناجر ) يابعد شعره . . . . . . . . تعالي ياأسفل الضّلع الحدب ياقمّة علوّي وش أسوي لو انك ماتجيني بأول السهره . . . . . . . أمانه بس قوليلي وش أسوّي وش أسوّي تحسبيني قوي وأقول عادي انتظر بكره . . . . . . . غبيه ماعرفتيني ترى ماهوب من قوّي مشاعل .. والهوى مثل الأدب يحتاج له خبره . . . . . . . وانا بأوّل علاقه يامشاعل توني توّي ماعرف ان الهوى لمسه .. اعرف ان الهوى نظره . . . . . . . إلين انه دهشني الخصر هذا شلون متلوّي ؟ هنا .. بس طارت الفكره وجت ياضامي السكره . . . . . . . . قضيت لكل جمله تبتدي (ياليتني ولوّي ) عرفتي ليه ماحب الظّهور وطاري الشهره . . . . . . . . . حرام أرقى على كتف الحقيقه وأعلن سموّي وانا شاعر كذوب ولا انكشف يتحجج بطهره . . . . . . . . كثر مادنّس الواقع كثر ماشعره يدوّي يبيع الوهم لعقولٍ غبيّه ( تدمن الفكره ) . . . . . . . . . يفلّون الحجاج إليا وصلت لـ نشوة دنوّي تعالي بس يا (عصرة عنب ) يالبيضه السمره . . . . . . . . . . أجل علْتي عليهم ياقمر يانور يامضوّي لبستي الي على بالي أمانه شصار بالسهره . . . . . . . . . سمعت أخبار هالعالم بعدها ويش بسوّي ..! اخر تعديل كان بواسطة » جبران في يوم » 11-02-2007 عند الساعة » 03:35. |
11-02-2007, 03:31 | #2 |
شــاعر
|
رد : نـشـوة دنــوّي ....!!
لبستي الي على بالي أمانه شصار بالسهره . . . . . . . . . سمعت أخبار هالعالم بعدها ويش بسوّي ..! مما يشرفني أن اكون أول زائر للمتصفح جبران أمتعتنا....ولكن رجعت وقتلتنا نص.. يجسد....معاناه.. حقيقه...بواقع معكوس تحياتي لقلمك النقي |
11-02-2007, 09:36 | #3 |
شاعـرة
|
رد : نـشـوة دنــوّي ....!!
جبران أنت رائع وربي رائع ... الله يرضى عليك ويسعد أيامك |
11-02-2007, 10:33 | #4 |
رجّال أجودي / شــاعر
|
رد : نـشـوة دنــوّي ....!!
جبران لله درك شفافية رائعة كم يعجبني الشاعر الذي على سجيته سجل اعجابي بلابسة الليموني <==قصيدتك اقصد ..لااحد يفهم غلط / / \ دمت بود |
11-02-2007, 17:05 | #5 |
شـــاعــر
|
رد : نـشـوة دنــوّي ....!!
جبران....وجبرانه...محادثه تلتها غيمة شعر.... الف صح لسانك والله اطربتني |
11-02-2007, 17:09 | #6 |
حــبّــا ً
|
رد : نـشـوة دنــوّي ....!!
|
11-02-2007, 21:17 | #7 |
شــاعـر
|
رد : نـشـوة دنــوّي ....!!
جبراااااااااااااااااااااااان الف الف الف شكر لجبرااااااانه على انها اثاارت فيك القريحه وتنااااثرة هالراااااااااااااااااااااااااااقيه وابدعت في رسم حرووووووووفها صح لسااانك مليار ولله درك من راااااااااااااايع اخوك نمر العتيبي |
12-02-2007, 18:03 | #8 |
شــاعر
|
رد : نـشـوة دنــوّي ....!!
مدهل : صح قلبك وعينك وكلك .. جميل تفاعلك السريع مع النص مع انه توه طالع من الفرن الله يديم المحبه بيني وبينك .. |
13-02-2007, 02:48 | #9 |
شــاعر
|
رد : نـشـوة دنــوّي ....!!
منتهى القريش : في ردودك أجدك مرادفه لكل ماهو صادق .. وانا اعشق هذا النوع من الردود غير المكتوبه ..! لك الود والحب .. |
13-02-2007, 09:23 | #10 |
الضغط العالي
|
رد : نـشـوة دنــوّي ....!!
جبران هذا وهي ماكملت المكالمه وصار فيك كذا اجل لو انها كملت وش يصير فيك صح لسانك ملااااااااااااااااااااااااين قصيده من اجمل ماقريت سجل اعجابي الى مالا نهايه وتقبل خالص تقديري واحترامي |
13-02-2007, 11:00 | #11 |
شـــاعرة
|
رد : نـشـوة دنــوّي ....!!
صح قلبك جبران قصيدة رائعة وتتعالى فيها نرجسية الشاعر في بعض الأبيات تواجدك يسعدنا جداً في شعبيات لا خلا ولا عدم من هذا التواصل خالص الأحترام |
14-02-2007, 02:41 | #12 |
بقـايا حُلـم
|
رد : نـشـوة دنــوّي ....!!
وانا شاعر كذوب ولا انكشف يتحجج بطهره . . . . . . . . كثر مادنّس الواقع كثر ماشعره يدوّي يبيع الوهم لعقولٍ غبيّه ( تدمن الفكره ) . . . . . . . . . يفلّون الحجاج إليا وصلت لـ نشوة دنوّي أول شاعر يعترف صح لسانك وصح إحساسك امتعتنا |
15-02-2007, 04:00 | #13 |
شــاعر
|
رد : نـشـوة دنــوّي ....!!
رجال أجودي ... هلا وغلا صح قلبك وكلك .. أنا مثلك ما أحب المتصنعين مثل بعض الناس ..؟ سعدت بردك ولك مني عصير ليمون برشة نعناع .. |
15-02-2007, 13:00 | #14 |
شاعر
|
رد : نـشـوة دنــوّي ....!!
صح لسانك يا جبران قصيده جزله من شاعر جزل والله نفرح بوجود أمثالك وبنتظار كل جديد يصدر منك تقبل تحياتي وأعجابي |
15-02-2007, 13:00 | #15 |
غيمار / شــاعر
|
رد : نـشـوة دنــوّي ....!!
جبران صح لسانك أجل ننتظر المحادثة الثانية وش تجيب غيمار |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|