26-02-2002, 08:00 | #1 |
عضو شعبيات
|
ياعيونك
الاخوه والاخوات الاعزاء .... كل عام وانتم بخير وعساكم من عوادة العيد واليوم السعيد يارب. هذه هي المشاركه الاولى لي في هذا المنتدى الرائع واللي كنت في البداية اردع نفسي عن المشاركه فيه لاسباب يعرفها الاخ الغالي راعي العنود ولكن مادعاني للمشاركه هو وجود نخبه من الشعراء الرائعين واللي دون اي شك وجودي معاهم يسعدني ويشرفني ويكون كفيل لاي شاعر انه يطور في شعره سواء في قوة المعاني او جزالتها. اليكم المشاركه الاولى واملي بالله سبحانه وتعالى ان تحوز على رضاكم ياعيونك جيتك امشي شايب(ن) ضاعت سنينه ** يرتجي فزعة ظنينه والبخت عيا يجيبه ياعيونك كنت مدري بخافي العمر ودفينه ** احسب ان رمشك ظلالي من عنا الشوق ولهيبه الله اقوى باح سري وانفضح ضامر كنينه ** وجف دمع العين الاسمر وامحلت عقبه سريبه لعنبوك الشـوق فيني والوفاء ماتنكرينه * * اسـالي سود الليالي عـن مـواصـيل(ن) صعيبه واسـالي هـمس القصـايد والمواويل الحـزينه ** واسـالي جـرح الضماير ليش نزفه فيه ريبه واللـه اني شفت نعشي في رموشـك شـايلينه ** بس قلت الموت منها غـاية النفس وطليبه حسبي اللـه يازمـاني والهـوى ذل وغبـينه ** والا انا قـرم العيال اللي يهـينون الصـعيبه ورغم هذا جيتك امشي شايب(ن) ضاعت سنينه** شف عيونه من دموعه مثل شمس(ن) في مغيبه |
26-02-2002, 08:19 | #2 |
سيـــف الســـيــف
|
واللـه اني شفت نعشي في رموشـك شـايلينه ** بس قلت الموت منها غـاية النفس وطليبه خالي فهد حياك الله يابعدي وكل عام وانت بخير يالغالي تو شعبيات نورت زين خالي انت ماتجيب الا كل طيب ياطيب صح لسانك وسلميت يمينك كلامك وشعرك 00 واخلاقك 00 كلها درر يابعدي لك تحياتي وتقديري سيف السيف |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|