24-06-2009, 22:37 | #1 |
شــاعر
|
موجز اخباري
صديقٍ عزيز يقول لي ليه ماتنشاف=ولا لك مع الشعّار فالمنطقة طاري وانا لانشد عنّي فنا ماعلي خلاف=مادام انه وشرواه جمهور لاشعاري انا خابر انه يوم ينشد يبي الانصاف=يهمه سمان الهرج وسمان الافكاري وهذي طبيعه فالمناعير والعُرّاف=وساعٍ نهاياهم بعيدين الانظاري يبين الوفا والطيب في حزة الميقاف=وبعض القلوب صحاح والله بها داري ياراعي الكلام الذرب بهْدي عليك القاف=واغنّي على طرقٍ يغنّي به الساري واعلمْك بعلومي عساها تجيك خفاف=وافصّل لك النشرة على موجز اخِباري انا ماكتبت الشعر لاجل اكسب الالآف=ولانيب اوقّف به على بايع وشاري ولا رحت ادوّر للمجلة عشان غلاف=وهي مالها بين النشامى ولا قاري مانيب آتمذلق لين اطبّح على الاكتاف=ولا ادوّر الشهرة بتصريحي الناري ولا اتعبت رجلي فالقنوات بالوِقّاف=وهي ماتبي الا من يذرّي مع الذاري ماذليت عمري لو تبيّن علي الاجحاف=لإني عزيز النفْس واعز مقداري عز الله محطات الشعر بعضها ينعاف=وعلى هَدمة الموروث مفعولها ساري وسايط وجمع فلوس ومرايشه واحلاف=وصوتٍ على اذن المستمع يدخل اجباري الا مارحم ربي مثل مطلق وصيّاف=والا مثل ابن جدلان ومحمد الصاري رموزٍ عن الشعّار والا الشعر مضياف=ومعازيبة الجزلين في كل الاقطاري وانا مايهيّضني لاعديت فالمِشّراف=الا دبرة الله فالصحاري والاقفاري لاشفت الفيافي قُدم عيني وهي انظاف=هواها من هموم الحشا والقلق باري يجيني على بدع المثايل ولَع وشْعاف=وهي كنّها تقول لي طب واختاري ولا ابي نتايجها تجيني على الصرّاف=ولاهيب راس المال فحسابي الجاري ابيها على قلبي تجي كنّها الاسعاف=لامنّه سرا ليل الهواجيس سمّاري وابيها معا ليل الدجى كنها الكشاف=لامنّه ولع فالليل ماحوله انواري وابيها لاعِدّت فالمحاضر يصير اهتاف=ويطرب لها الجمهور من كل الاعماري هذا راس مال الشعر والشاعر الحوّاف=اللي يحترم جمهوره كبار واصغاري يطول الزمن ويدور ونهاية المطاف=يصح الصحيح وتنكشف عورة العاري |
25-06-2009, 01:46 | #2 | ||
متنبي الشعر الشعبي
|
رد : موجز اخباري
اي والله انك صادق واشهد لك وأنا اولهم بحكم اخوتي وصداقتي لك وواحد من جمهور اشعارك
|
||
26-06-2009, 18:27 | #3 |
بقـايا حُلـم
|
رد : موجز اخباري
مادام انه وشرواه جمهـور لاشعـاري سجلني من جمهور اشعارك شاعر كبير بالفعل واعجبني اعتدادك بنفسك |
27-06-2009, 10:14 | #4 | |||
شــاعر
|
رد : موجز اخباري
الله الله عليك يا بن مقبل شاعر من فحول الشعراء والفخر للإعلام ان انصفك تستحق صدور المجلات وشاشات القنوات وانت اهل لها وتستاهلها بدون مجامله
اشهد انك تطب ولا تجيب الا الجزل ... بيض الله وجهك وصح لسانك تحياتي اخيك .. وواحد من جمهورك سالم |
|||
29-06-2009, 02:28 | #5 |
شـــاعرة
|
رد : موجز اخباري
صديقٍ عزيز يقول لي ليه ماتنشاف ولا لك مع الشعّار فالمنطقة طاري وانا لانشد عنّي فنا ماعلي خلاف مادام انه وشرواه جمهور لاشعاري انا خابر انه يوم ينشد يبي الانصاف يهمه سمان الهرج وسمان الافكاري وهذي طبيعه فالمناعير والعُرّاف وساعٍ نهاياهم بعيدين الانظاري يبين الوفا والطيب في حزة الميقاف وبعض القلوب صحاح والله بها داري ياراعي الكلام الذرب بهْدي عليك القاف واغنّي على طرقٍ يغنّي به الساري واعلمْك بعلومي عساها تجيك خفاف وافصّل لك النشرة على موجز اخِباري انا ماكتبت الشعر لاجل اكسب الالآف ولانيب اوقّف به على بايع وشاري ولا رحت ادوّر للمجلة عشان غلاف وهي مالها بين النشامى ولا قاري مانيب آتمذلق لين اطبّح على الاكتاف ولا ادوّر الشهرة بتصريحي الناري ولا اتعبت رجلي فالقنوات بالوِقّاف وهي ماتبي الا من يذرّي مع الذاري ماذليت عمري لو تبيّن علي الاجحاف لإني عزيز النفْس واعز مقداري عز الله محطات الشعر بعضها ينعاف وعلى هَدمة الموروث مفعولها ساري وسايط وجمع فلوس ومرايشه واحلاف وصوتٍ على اذن المستمع يدخل اجباري الا مارحم ربي مثل مطلق وصيّاف والا مثل ابن جدلان ومحمد الصاري رموزٍ عن الشعّار والا الشعر مضياف ومعازيبة الجزلين في كل الاقطاري قصيدة الجمت كيبوردنا من صدقها وجمال روح شاعرها ديوانك في شعبيات ينتظره جمهورك من فترة طويلة وان تملأ فراغاته بأشعارك الرائعة الصادقة التي تحاكي الواقع والمظاهر التي لايجرؤ البعض طرحها والبعض لايجيده فعلا انت شاعر متميز وستبقى http://www.sh3byat.com/vb/dewan.php?pid=&page=2 http://www.sh3byat.com/vb/dewan.php?pid=44 |
29-06-2009, 19:14 | #6 |
شاعر
|
رد : موجز اخباري
الله الله الله يابن مقبل يارجل فريد يارجل مميز يا رااااااااااجل بتعمل اييييييه شاعر بكل ماتحملة الكلمة يابن مقبل لو الشعر رجال ماله منصى الا الي مثلك وشرواك يالقرم كسبت الجماهير بحروفك النادره والفريده ياشيخ لله درك كل التقدير لشخصك استاذ احمد عوض |
30-06-2009, 00:11 | #7 | |||||||||
شـــاعــر
|
رد : موجز اخباري
بيض الله وجهك نص فاخر أصبت كبد الحقيقه بتميز من خلاله دام أبداعك وتوهجك |
|||||||||
03-07-2009, 18:41 | #8 | |||
شــاعر
|
رد : موجز اخباري
إقتباس:
يكفي مرورك واشادتك عن جميع وسائل النشر عساني ما اعدم راسك ياعريب الساس |
|||
07-07-2009, 01:01 | #9 |
شــاعر
|
رد : موجز اخباري
|
11-07-2009, 12:25 | #10 | ||||
شــاعر
|
رد : موجز اخباري
إقتباس:
والله يبقيك والله يبيض وجهك ياطويل العمر |
||||
11-07-2009, 18:05 | #11 |
شـــاعر
|
رد : موجز اخباري
الاخ / سعيد الاكلبي نص يمتلك الجمال والجاذبية والوضوح والجرأءة يقف خلفه شاعر يقتنص الهرج الجزل وتعرية ظواهر الساحة الشعرية بمصداقية جميلة .. سعيد الاكلبي صح لسانك يالاجودي وتقبل اجمل التقدير حسين |
15-07-2009, 02:29 | #12 | |
شــاعر
|
رد : موجز اخباري
إقتباس:
والله يجمل حالك على مرورك واطرائك والديوان تمت معالجته وشكرا على التذكير يالذربة |
|
15-07-2009, 05:06 | #13 |
شـاعر
|
رد : موجز اخباري
هذا راس مال الشعر والشاعر الحـوّاف اللي يحترم جمهوره كبـار واصغـاري يطول الزمن ويدور ونهايـة المطـاف يصح الصحيح وتنكشف عورة العـاري انا اشهد لله درك يا سعيد عملاق كما عهدتك دمت بخير |
16-07-2009, 16:23 | #14 |
علي القرني / شــاعر
|
رد : موجز اخباري
انا معجب في شعرك كل شعرك وليس هذه فقط |
16-07-2009, 22:36 | #15 |
شـــاعــر
|
رد : موجز اخباري
حي الله بن مقبل وحي ماجاب صح لسانك ملايين تقديري واحترامي |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|