[حمد البادي]

تمام الخامسه والنصف من فجرٍعليـه إخيـال=ملبـد بالغيـوم وراعْـدِه يِطْـربـك دِنْـدَانـه
صباح الخير والبرق ايتكاشف والمطـر همّـال=وجـوٍ شاعـريّ يِنْـدِّي الـوجـدان هَتّـانـه
أشوفك في فتوق المزن بـدرٍ مُتّسِـقْ وهـلال=تبيـن وتختفيـن وتقـل مكسوفـه وخجلانـه
عروسٍ تو ليلة عرسهـا مالـه ثـلاث اليـال=إلـى طالعتهـا حمـرة وجنهـا تقـل رمانـه
تمنيت إن لي جنحان جبريـل وعصـا ميكـال=أسوق السُحْب ويضمك فؤادي حـدر جنحانـه
وتمتصك خلايا الجسم واعيشك هـدف وآمـال=ولا عاد أفْقِـدك والفِقْـد أقطّـع كـل وردانـه
أماني لو نواميس الطبيعه فـي يـدي واحتـال=أمل . لكنهـا تبقـى أمانـي نفـس وجعانـه
وصلت من الجوى حاله خطيره واشتباه اهبـال=اشوف إعيون واجد مير عنها العيـن عميانـه
ما اشوف إلا عيونه . تقل ماحولي ونس وازوال=تحت تأثير سحـرٍ خاضعـه نفسـي لسلطانـه
منام العافيه ياللـي بنومـك مستريـح البـال=ماهمك من يموت ابشوفتـك ويـذوب وجدانـه
أنا اشيل الليالي عنك واسهرهـا قفـى وقبـال=وممنونٍ لـك أشـد إمتنـان إنسـان لانسانـه
يالذة عمري اللي باقيٍ لي كـان فيـه إمهـال=وكانـه منتهـي يفـداكِ حـبٍ لِـفْ باكفانـه

[محمد الدحيمي]

الله الله الله ياحمد
هنا شعر حقيقي بكل ماتعني الكلمة
اطربتني والله

[حمد البادي]

الرسالة الأصلية كتبت بواسطة محمد الدحيمي

الله الله الله ياحمد
هنا شعر حقيقي بكل ماتعني الكلمة
اطربتني والله

وهنا ذوق راقي أخي
محمد
مشكور يابعدي لاهنت
لك الشكر الوفير
وتحية

[يحيى ابن فالح الاحمري]

صح لسانك يا بو شنب

ابداع وشعر قليل ما يكتب مثله

مريت من هنا

ارجو ان تقبل مروري

[نجلاء الشريف]

نص كُتب من اجل أن يُحفظ ويستقر في الذاكره

حمد البادي
كنت مُضى كشمعة في مدارات الشِعر
فـــا لك الشُكر حتى ترضا

[سعيد بن مقبل الأكلبي]

وصلـت مـن الـجـوى حـالـه خطـيـره واشتـبـاه اهـبـال
مجرد استخدام مفردة الجوى يكفي لختم هذا النص بختم الجوده
لاعجمت ولاهفيت ياحمد

[عبدالله الســعيدي]

الله الله ياحمد ..


نــص عانق الغيم ..

صــح لســانك ..