30-06-2003, 19:46
|
#1 |
|
العضوية الماسية للموقع
|
ملف الشاعر / عكاشه
1 هيـبـات الامجاد يانجم راسلني على السين والصاد والا على التشفيره الابجديه هندبت لي في طرقةٍ مالها ابعاد تفّجر مدارك حافـظ الدرسعيه اضرب وانقص واجمع احروف واعداد ولاكل حكمٍ ينتطبق عليه طرقي وعيني يم هيبات الامجاد دويتلي مع طرقةٍ عالميه ولاكل رجالٍ يبي يقطع الماد واكبر خطا تطلع عن الجاذبيه الشعر مايرفع مقامات الاوغاد والطِيب ماقاسوه بالشاعريه ومادامني مع سكة الصدق منقاد مالي ومال امكبرين الخطيه فرض الخطا من عصر شداد ابن عاد قانون جبري واسمه العنجهيه قانون شيد به إرم عل ماشاد شادت بعد ميه وميه وميه وفرض الحمايه كان من عصرالاجداد قانونها بنده على العنصريه يحصل تكتلها على الدم والزاد والمصلحه ..والعشق.. والمقدريه وانا دخلت ابلاد وابلاد وابلاد طرقي وحيد وضاربن مهمهيه زاحمت صدقاني وزاحمت الاضداد على النقاء والنفس دايم نقيه ولا قد دخلت ابوجه عبدي وعباد ولا قد رجيت من الخلايق عطيه يوم إن غيري مرتكٍ له على اسناد ما اثر عليه اغياب نصف السريه ولا قد طرح راسي سوى حب الاولاد وامي وابوي وحب نجد العذيه لو قالوا اني للقشر راعي شداد صحين!! ياويلك ياراعّ الرديه ماابلش مع الطيب ولو زاد بعناد يفداك ياعناده ثمانين عيه ياسيرة الايام وش عاد وش عاد وش عاد باقي عقب هذي وذيه قامت تنازعني مشاريه الاجواد اللي لهم في خاطري قابليه الشاعر/ عكاشه/ سيف السيف ــــــــــــــ 2 نــــوت البارحه ليل الفراق انتحابـي ليل نحابعقاب عن عشـقته نوت ليل(ن) سكونه زاد لوعة عــذابـي مافيه غير اهموم والباقي اسكـوت وشق السكوت..ابكاي واروى صوابي بكيت لين الحلق ماعـــاد به صــوت ان كان مكتوب(ن)شـــقاي بشبابي ماتختلف باقي حيــاتي عن المــوت يامـرخصتني ويش قلـــبك نـوابــي روفي بقلب(ن) من سبايبك منحـوت ســألت ولسانك نطــق بالجـوابـــي وعندك جواب(ن) كان بالقلب مكبوت لــوان قـلبك رد.. خفف مصابي لكـن دفنتـــي رد قلـبك بتابوت وان كان شفتي مقدم الراس شـابي انا اقدر ابدا كن مافاتني فـوت وانتي رســم وقتك عليك الضبابي ماينفعك عــقدين لولو وياقــوت لوكان عنقاء مارجــيت اللقابي ولاعـاد لك بالجاش صيـوان وبيوت وان بعتي ارضاي وشــريتي غيابي غيبــي غياب العـمر ياحبة التــوت ولــو طــول اعنادك زمن وانتحــابي تراي ابا انسـى مامضالي مـع نـوت الشاعر/ عكاشه/ سيف السيف ــــــــــــــ 3 ((000عبث000)) كضت وجضت مقدمة قاف الاعسار وإذا انعسر قافي ..ذبحني غبينه لوكان يدفعني على غير ما اختار ماله عذر مادام عندي قرينه على مزاجي ينكتب فوق الاسطار واطلق سراح افكار كانت رهينه ياقاف سامحني على ضعف الابصار مافيه بين الناس عينٍ فطينه مافيه نظره تسبر اغوار الاغوار حتى تجي باعذارها مستعينه يامعاتبتني لو تعيدين الانظار بمعاتبة جرحي عليك السكينه انا الوحيد اللي بكى سر وجهار وانا الوحيد اللي ضحك بالمدينه التوبه..التوبه.. من انصاف الاعذار التوبه..التوبه.. من ام الحزينه التوبه..التوبه.. من ايمين ويسار مادام فوق الارض للشعر عيّـنه ماقلت قافي كنه السيف بتار ولاقلت فيديني مسار السفينه ولاقلت لي قدره على كشف الاسرار لكن بعد.. ما افضح علومٍ دفينه حاصرني استجواب حرفك وانا.. حار ياام الحروف اللي لحرفي جنينه لاتساليني عن مدى بوح الاشعار خلي حصونه مثل ماهي حصينه ادريبك انتي لك على بوحي اسبار وعزاي يوم انك على البوح امينه امنّت مكنوني وانا كلي اصرار وعندي ثقه واحروف قافي مكينه استعذب احروفك وتنبت لي اشجار حتى قطفت الشعر خوخه وتينه ولاقد ذبحني عشق حوى ولا صار ولا احطها لاسرار قلبي خزينه واللي تحاول تقتحم بعض الاسوار من دونها جدران قلبي متينه ماهام فيها بيت شعري ولا حار لو حاولت تصبح بعيني خدينه ياقاريه حرفي ترى الوضع منهار دفنت سري فالبيوت الرزينه خليني امارس عبث..حب الاعسار مابي اموت وباقيٍ بي غبينه الشاعر/ عكاشه/ سيف السيف ــــــــــــــ 4 دمعة النوماس لها الله نفسٍ عاقبتها الهواجيس عليها يمر الليل عبره وهوجاس على سالفة ليلى على سالفة قيس على سالف الذكرى على مر واتعاس على محور الضيقات نار ومقابيس على داعي المقصود إالى هب نسناس عليها تدور اوضاع ناسٍ متاعيس عليها هموم اكبر شريحه من الناس يجور الزمان ابدمعتينٍ مراويس رفضهن مقام الطرف عزه ونوماس ورديت عنه الدمعتين المحابيس حشيمه.. ولكن حولن لي من الراس وياشين دمعٍ مانعته النواميس ومن ناحيه يبراله الهم والياس لك الله يادمعٍ سطا فالاحاسيس ويادمعة النوماس لاباس لاباس على لهفة الخاطر بكل المقاييس يطول النيا والشوق والود مقياس ليا مرت الذكرى سواة النسانيس تهز الكيان ويلتهب شوق وإحساس تخمه عليها مرمسات الوساويس وانا اعوذ بالرحمن من كل وسواس غرامك على قلبي بنى السور تاسيس علشان عشقك ساد قلبي على ساس لها الله نفسٍ عانقتها الهواجيس على بعد راعية الغلا هاض هوجاس الشاعر/ عكاشه/ سيف السيف ــــــــــــــ 5 طرقة غرام طرقـة غـرام.. وليـل.. وعيـون حـسـاد ودربٍ طويـل وحيـش.. والليـل غـدرى وقـلـبٍ يـمـوت وقـدمـه الـفـيـن مـيــلاد وإحساس عاشـق يدفعـه حـب عـذرى ورهبة لقا.. وإنسـان وجروحـه إجـداد وهيبة مفاتـن حسـن.. وعيـون خـدرى سـاري غـرام.. وسـاق عمـره لميـعـاد لاعــــاد مـيـعـاده..ولاعـدت مــســـرى ياطـوول ليـل الجـفـن ماحـولـه ارقــاد بيـنـه وبـيـن امعـانـق الـنـوم هـجــرى بيـن الجفا..بيـن الوفـا ..وقفـة اعنـاد تكتـب تعازيهـا علـى الـجـاش واقــرا يـامـطــرق الـريــحــان لاعــاد..لاعـــاد لاعاد ترهي بي على الشوف واضـرى تــراي مونسـهـا عـلـى الكـبـد قـــداد وحـطـت لـهـا بـيـن المعالـيـق مـجــرى يامسـرفـه باحـسـاس.. وشـعـور وداد بالله قولـي لـي متـى الـجـرح يـبـرى يامسرفه بأخـلاص0 جـورك علـي زاد يامخلـصـه لإسرافـهـا ..الـحـال قـشـرا الحـال فـي متابـع رضـا حضرتـك بـاد واسدرني المشوار..في دروب سـدرى راحــت طبيـعـة يـومـي اجهاد بإجـهـاد تتجاهلـيـن الـوضـع وانـتـي بــه ادرى ياسايقـه عــذرك عـلـى بـنـد الاوعــاد مــادام انـــا ويـــاك مـاعــاد نـصــرى مـادام يجمعـنـا عـلـى العـشـق مـيـراد لا تجحديـن العشـق لــو كــان ذكــرى ذكــرى بـدايـات الـهـوى يــوم ينـقـاد اول مـواجـه سـقـت انــا فـيـه بـشـرى يـوم السمـاء ونجومهـا كانـت ارصــاد ترصـد ثـوانـي فــورة العـشـق وادرى يـوم المـذارع صافـحـت هــام الامـجـاد وليـلـي شـعـرك الـلـي نثرتـيـه نـثـرى وحـرّ النفـس خـلـى المشـاريـه مـرمـاد قلتي لي اخرى؟قلت وايّ بالله اخرى وطرّق الغرام اصبح علـى عيـن حسـاد لـيـلٍ وحـيـش وطــال دربــه وغــدرى الشاعر/ عكاشه/ سيف السيف ــــــــــــــ 6 رافع كلتا يداه الحمامه كل ماغرهدت فوق الجريد ذكرت قلبي زمان(ن) قديم قد نساه من هموم الوقت جاني كفايه لاتزيد ماتحمّل زوّد.. والقلب جاله ماكفاه ياحسين الدل شوفتك عندي يوم عيد لاتشح بجيتك يكفي الوقت وغثاه لاتغلى وانت غالي ولو انك بعيد الغلا في داخل الجوف شيد لك ابناه تعرف اني فيك مجبوور لوراسك عنيد قدرك اكبر من طميه وضلعان السراه وش سبايب غيبتك عطني العلم الوكيد كل عذر(ن) باقبله ماعدى هرج الوشاه كيف تسمع هرجة اعداي ياعنق الفريد صدّ عن هرج القفا لو رواه اللي رواه من عذابي يادعج العين مانتب مستفيد لد عينك في غريق(ن) يدور للنجاه الغريق اللي ملكه الهوى بايعك سيد قدم افروض الولا رافع(ن) كلتا يداه ياشبيه الريم يابسمة العمر الجديد الحياه اللي بدونك ترى ماهي حياه اشري ارضاك وحنانك عسى عمرك مديد خاطرك ياسيدي همي الاكبر رضاه مستعد اعطيك عمري تحطه لك رصيد ياعسى حالي فداياك ياظبي الفلاه ضاع عمري في ترجيّك قلي وش تريد وش نسوي لاجل ترضى ولله السووواه كل غالي ياسمي المها لاجلك زهيد في سبيل اللي جماله رفيع(ن) مستواه لك عيون(ن) كل ماسلهمت لازم تصيد واعذاب القلب من رمش عينك واعناه ولك شفايف ورد وايضا ثنايا من جليد والحلا من بينهن ليت من يقطع ظماه مابقالك عذر وإن مت باسبابك شهيد واكتبوا فوق النصايب توفى من هواه الشاعر/ عكاشه/ سيف السيف ــــــــــــــ 7 ياطواغيت ياطواغيت القصيد اللي براسي علميني كم باقي من قصيده؟ ويش طول وعرض ممدود المراسي؟ مقبلٍ يمك من القبله فريده حدها لك فالمسيره قوّ باسي سطوتي ماهيب لعبه فالنشيده يامقاديم الفريده دوك كاسي انهلي .. هداج ماغلق رصيده عقب ماتروين ..فالمجلس تواسي واحضري مارد قصيدي يامريده واكرميه بذبح مكسور المواسي طير حر وياعسى ماله شريده مابقا عنده ولاذرة حماسي عقب صكيت الحديده بالحديده وقولي إن اللاش جاء فيه التماسي راحت إعظامه من الذله عصيده مانت كفوٍ تعترض مانتب مقاسي عارفين الشعر واعرف من عقيده من رسالتنا حصل فيه التباسي عقب ما اوحى خبطها داخل بريده ياطواغيت القصيد اللي براسي اسالك هو كفو لحروف القصيده؟ر الشاعر/ عكاشه/ سيف السيف ــــــــــــــ 8 تـسجـيمة المسحووور على هامة سنام الشعر لامنهي ولامامور بعد قامت تزاحم في خفا الهاجوس قيفاني واذا هاضت هواجيس المعنى ماحجبها سور انوخها على جال البحر ويترجم لساني (احصّنها وقايه) قبل لاتعرض على الدكتور وانا دكتورها اللي يعتني فيها علشاني مراسم وصف موكبها..عطيته موجبه بالـدور وزنته حسب عرف الهاجس اللي قام يشعاني يباريني وانا فوق العشر بأربع وبضع شهور مضت عقدين انا وياه محدن بار بالثاني هلا واثني هلا يادرةٍ ماهيب صيد ابحور فريدٍ شكلها ما جا على لولو ومرجاني قنصها مرمس المشوار في رجوى(كنين صدور) مقادمها تجي رجفة رعد.. وتقول تنخاني!! تمثنت واستباحت عرش فكري والغت الدستور ولا واعي ولاغايب.. ولاعايش ولا فاني تهجاني طلاسمها (عبث تسجيمة المسحور) تتمتم في تهجيها طلاسم روح كهاني يقول امارس الهام القصايد في عيون الحور وانا لولا ولولا كان اقول الهام شيطاني تفرد مذهبية هاجسه مابين طور وطور على ماينتهي هوجاس جا هوجاس يبداني على عكس الرضا؟ والا على الفطره معه مسخور؟ جهلت الرد!! لكنه على مشهاه وداني وكاد انه يساعدني على الضيقات يوم اتثور تذوب ارداهن القشرى على لاحي وليحاني يعزيني ليا حارت بعيني عبرة المكسور على مطعون رمشك يوم يكتبني ويقراني وفا..لي بعد ما ماتت نوامي عشقي المنحور بعد حال القدر دونه وعنه الحظ نحاني وفا في ليلة الذكرى بعد ماضاع منها النور ترى هذي نتايجها علي (ياسيد خلاني) والا ياليلي المثقل تحت جفن السهر ماجور من الدمعه واثرها ..والزمن..وانواع حرماني هلكت بليل صمتك يابقايا حلمي المقبور تكفني توابيت العنا ياقمة احزاني خيالي كل ماشافك..(هناء غيري) صرخ مقهور فظيعه صورة الواقع..ياليت الوقت ينساني واذا صوّرك في حضن القهر كني بدون اشعور صرخت بحرفك الاول.. وتالّ الاسم ما امداني الشاعر/ عكاشه/ سيف السيف ــــــــــــــ 9 سلطنة كاسك على ثغرٍ يضيع ابسكره طعم العنب والتوت على ثغرٍ نفث روح الشقاء مع زفرة انفاسك بعد ثورة سحاب العولمه والخافق المكبوت على روح الشهيد اللي طبع دمه على كاسك يسلمك الشقي روحه بعد ماشاف منك الموت تحت جنح الظلام ورهبته باطراف نعاسك تحرر من قيود الأمس لحظه.. وافتح التابوت حرام إن الزمن(عقمه)يكون القيد لاحساسك مسا حسنك مسا وردك مسا اللولو مسا الياقوت فديت الورد والوانه.. بعد ماداعب الماسك مساء ليل طبع لك فيه مقتولك ثلاث اكروت على وردك.. تحت ماسك..على قدك ومياسك على اخر كرت نلعب به.. قبل ما تحتسبها فوت بديت اداعب اسطور الميانه فوق كراسك اجل وشلون لو خالط مساء الروعه مساء بيروت مسا الروعه..مسا العاشق.مسا الدنيا فدى راسك مادام انه كذا موج الخليج ايصير ماله صوت خطير ايموت مغرمها قبل مايحتمل باسك على ثغرٍ خلقه الله عذابٍ للعنب والتوت يذوب التوت لعيون العنب في سلطنة كاسك الشاعر/ عكاشه/ سيف السيف ــــــــــــــ 10 عـمـدة.. تـل ..ابيب تخطيط عمدة تل ابيب ونظامه من داخله نكبه ومن خارجه سمت واللي يقول انه بيقطع سلامه!! سلمت والا رحت ماعاد سلمت كن مطمئن!! ماقد حسبت الهلامه خلك مواصل حلمك اللي تحلمت ياهيه كلٍ يحتفظ في كلامه انا على درق القفا ماتأقلمت وبعض الملامه ما اعتبرها ملامه ليتك قصرت الصوت ياللي تقدمت ونقص الكرامه شين نقص الكرامه وينك قبل مده ورى ماتكلمت؟ قولوا لعمدة تل ابيب:-احترامه اكبر خطأ,, لكن تراني تعلمت والرجل دايم هيبته من حزامه وانا الصراحه (بالصراحه) تحيزمت ياللي ذبحك الحقد حالك علامه؟ ادبر وانا مانيب في حالتك شمت سحرك معقد في جناح النعامه وعلى حقيقة رمز سحرك ترهمت رمز النعامه عكس رمز القرامه لوكان في جحرك زمرت وتقرمت مالك طهور بيم تسعين قامه عورة نجس مافاد بك لو تيممت يغسل سبع مرات وانتم كرامه والثامنه عمّت ماله سوى العمت قام ايتجنبها وهي باستلامه يحوزها يمي وانا ما تظلمت واصبح يخيل له بغفوة منامه اني على فرقاه ضعت وتحطمت وانا بفرقا (تل ابيب ) وظلامه عينت خير .. وما اذكر اني تندمت وماارتاح باله لين ساق اتهامه بزوره وبهتانه .. وانا لازم الصمت وإن كان صمتي يحسب انه رخامه الله يعينه يحتمل عقب ماقمت مانيب قايل قومتي له قيامه لكن ليا واجهت خصمي توثمت ترى الغراب اغراب واعرف مقامه وضيع ياغراب الخنا.. لو بعد حمت الحر ماوسّر بريشة حمامه انذار وصلك وارجو إنك تفهمت ياغفلة العمده وغفلة نظامه دام الورق مكشوف وش خانة السمت؟ الشاعر/ عكاشه/ سيف السيف ــــــــــــــ 11 لاتطلبين اكتب قصيدي لاتطلبين اكتب قصيدي حـداثه تغييرهرجي مايجي بالســهـولـــه هذاالكلام اللي ورثته وراثه وهذاالكلام اللي تعودت اقـولـــه لعبي مع القيفان ماجاعباثه القاف ايلاجبته يجي حسب اصــولـه ارفع قصيدي عن طمان وخباثه واعامل ابيوتي بمبدا الرجــولـه الشعرمثل الرجل خلق ودماثه حتىليا جــــاله نباءنعمولــــه وانتي شذى شعري وزادانبعاثه وانتىله المينا ونادي احمولــه منك استمد الشعر مثل الاغاثه وادفع سهر ليلي وحزني عمولـــه الليل والأحزان صارت غلاثـــه ابطال بيت الشعر وانتي بطــوله واليا اجتمعتواكلكم يالثلاثه اغوص بحر الشعر عرضه وطولــــه وش صار لواني كتبتك حداثــه انتي كماانتي اكتبك بالســهوله الشاعر/ عكاشه/ سيف السيف ــــــــــــــ 12 شــفت بايامي الســود ماجور ياللي جاك هجران وصــدود وذقت العنا من لابسـات الغدايف تسهر طوال الليل والعالم ارقود ومن النيا عــديت روس النوايف حالك نحيله كانها يابس العــود والمشكله بين الضلوع النحـايف المشكله قلبن من الصـــد ملهود ملهود من راع الثمان الرهـايف امعلقن مابين هجـران ووعــــود يطرد ســـرابه مانوى بالنكايف على حـــراويها بذل كل مجهــود حفي القدم من طــرد ميعاد زايف ياراعــــي الميعاد علقتني زود الحـــال مايسـمح مثل مانت شايف ابغى الصراحه منك والوقت محدود اما فــــراق ايطــول والا ولايف جاك الكلام وعطني اليوم مــردود انا تــرانـــي يم موتي امهايف وانا اعرف اني في خفاياك موجود في وســط قلبك ياعنود العطايف ولا تجحدين الحب والحـــب مولود بين الحنايا والـهدب والشفايف بالله واصلني على العــــز ياكو تبرى جروحن شــــفت منها كلايف يكفيني اللي شفت بايامي السـود ايام راحـــت من سنيني حسـايف العمر زوده نقص والعمر مطـرود وان ما حصل وصلك من العمر عايف كلن يذوق الموت في يوم موعـود وان صــار باسبابك فلا نيب خايف الشاعر/ عكاشه/ سيف السيف ــــــــــــــ 13 سود العيون الحزن مابين المحاني فتح بـــاب باب الغرام وسيرتي في طلبهـا وكم سولفت لي عن غرام(ن)بالاهداب سود العيون اللي ذبحني هدبها وكم عانقت طيف المشاعر ليا غـاب يوم المشاعرساريه ماقضبـــها جرح الغرام امطاوع(ن)شور الاعجاب شور(ن) سطا والحال مني نهــبهـا ياغاليه00 شفتي مراسيل الاحباب ؟ تاهوا وتاهت كلمتين(ن) كتبهــا كلمه حكت عن خافق(ن) منك منصـاب ناجت غرامك لوعته واحتسبــهـا وكلمه حكت لك عن تفاصيل الاسبـاب الاولات اللي غرامـــك جــذبـهـا يامعاتبه همي كفا لوم وعــتــاب ماعاد فيني حيل يقوى عـتـبــها روفي ترى جرح اللقاء مابعد طـاب ضمي جروح العشق دامك سبـبـها اقول 00وش رايك على سود الاهــداب؟ اسكن ولوعينك ذبحــني هــدبها الشاعر/ عكاشه/ سيف السيف ــــــــــــــ 14 اربع مصـــايب اكبر مصيبه بالزمن تنفرض لك موت الوفاء في واحد(ن) واثق(ن) فيه واللي يسبب حيرتك والمرض لك زود الجفاء من واحد(ن) كنت تغليه والثالثه نظرة عيون البعض لك يخفون حقد القلب والعين تبديه والرابعه لاجيت شخص ونهض لــك ولارحت سفه بك مع الناس تسفيه اربع مصايب كلها تعترض لك والثانيه هي سبة الحزن والتيه لاجت من اللي تحسب انه عوض لك حل(ن) صفالك وانت مثله مصافيه وتبين انه بالهوى ماحفظ لك حب(ن) على دم السراجيف غاذيه يبيك ملك ايديه دام الغرض لك ويرضى بها اللي مايحسب المشارريه اموت موتة عزر قبل انخفض لـك اموت قبل ايصير في الذات تشويه فكرك تصور يوم قلبي نبض لــك انه تحت تصريف حكمك ممــاشيه يفتل خيالك..من غباء مانقض لك مايدري ان القلب في حكم واله لوخذت قلبي معك خل افترض لك عقلي معي والقلب يفداك مابيه الشاعر/ عكاشه/ سيف السيف ــــــــــــــ 15 مجال الهــيمـنه الهم والحاجه وجورالليالي واذا اجتمع معهن علىالنفس ضيقه اربع كوارث يقهرن الرجالي منهن صليب الراس يشرق بريقه وانا تراني لاحق السم حالـي ولاعاد باقي في يديني طريقه اتعبت نفسي في متابع خيالي واتعبتها في شيل مالا تطيقه يسرح بي التفكيرلأبعد مجالي ويقوم يجذبني تلامع بريقه واهيم في عالم مجال اختلالي بين الوهم واحيان يم الحقيقه ويصدمني الواقع مع هم بالي وانااحسب اني في البدايه صديقه عالىمجال الهيمنه فيه عالي جاوز مجالات الخيال الدقيقه حتى وصل نقطة مجال اغتيالي لعلها فايات لحظه تـفـيـقه حتى استقرالوضع بفراق غالي افراق من حالي عليها شفيقه وساس الغلا هوسبةاللي جرالي ماهوب واجب من عشيق لعشيقه وانا عرفت السر باول وتالي ان الهوى يسرق من اول دقـيقه والهم والحاجه وجورالليالي منهن صليب الراس يشرق بريقه الشاعر/ عكاشه/ سيف السيف ــــــــــــــ 16 من هنا تبدا ليش صدك ليش هجرك ياملاك لايغرك حب في قلبي نزيل ادري انك عارف قيمة غلاك ومستحيل انسى ودادك مستحيل والخيال بكل لحظه مانساك وعن هواك الروح لايمكن تميل مرخص لك قلب وعيون تراك والخيال وروح عشاق عليل كلهن وان كان مايرون ظماك لك عروق الدم صارت سلسبيل مطلبي واحد ومضمونه رضاك وان حصل يصبح عطاك اكبردليل والمصيبه كان شحيت بعطاك الشقاء مبداه يبدى بالرحيل ومن هناتبدىمناهيج الهلاك الهلاك ارحم ولا عيشة ذليل عندك انك فوقنا في مستواك الكريم يضيع قدره مع بخيل غرتك دنياك ياسايق جفـاك وتحسب ان العمر مشواره طويل لويضيع الدرب مافادت عصاك عنك ماردت كثير ولا قليل فالمواقف بان طيبك من رداك والردي ماله مع الطيب حصيل الشاعر/ عكاشه/ سيف السيف ــــــــــــــ 17 تواعدني وتخدعني انا يوم اتمادى بالتسامح معك يالمجمول انا خايف من الطرقه تعود غدر وخيانه انا مابغى الجفا بيني وبينك يالحبيب ايطول ترى فرقا الهواوي للهواوي سبة احزانه تواعدني وتخدعني ذبحني هرجك المعسول تبوق العهد والشاهد كريم الوجه سبحانه مضالي فيك يالغربات والضيقات رابع حول اسرني لك هواي اللي خضع لاحكام سجانه اطيع امره ولو امره تجاوز حروة المعقول علي امضى من سيوف(ن) لشرب الدم ظميانه اناضحيت بسنيني ولا تقنع من المبذول ولك قدمت قلب من هواك اهتز شريانه على كثر التفاني والتودد مالقيت احلول عجزت استوعب المطلوب لاجل ارضيك يافلانه وعند الحد هذا ودي اسئل منهو المسئول من اللي جهز القبر لهوانا واشترى اكفانه قتلني جيش نظراتك ورمشك سيفه المسلول عيونك صافيه حده وفيها جيوش عميانه عجزت افهم خطط قايد جيوشك يازريف الطول اخاف انه يبي يلغي سيادة عاشق الدانه اخاف انه يبي يسجن مشاعر عاشق مقتول دفعه احساسه الفطري برفض الذل والهانه صحيح انه يشيل بقلبه الصافي غلاك حمول ولكن مستحيل انسان يرضى سطوة انسانه تخلي عن غرورك قبل مازعل وانفجر واقول وامت الحلف لاانسى حبك اللي صعب نسيانه وانا لوقلتها تدرين حبك بالحشاء مدبول وانا ادري فيك ملهوفه وانا ادري فيك ولهانه تعالي دام قايد جيش نزواتك غدى مشلول بعد مازعزع اصفوفه غرام ثار بركانه الشاعر/ عكاشه/ سيف السيف ــــــــــــــ |
|
|
|
30-06-2003, 19:50
|
#2 |
|
موقوف
|
تسلمين يا نادرة والشاعر عكاشة قصيده جزل بالحيل وزين ويستاهل كل خير اخر تعديل كان بواسطة » مقيم المجمّعي في يوم » 01-07-2003 عند الساعة » 02:24. |
|
|
|
|
30-06-2003, 19:51
|
#3 |
|
شـــاعرة
|
مساءك شعر ونور نادره قصائد روعه وعكاشه شاعر شامل ماشاء الله عليه تسلمين على مجهودك ويسلم ذوقك المميز وأتشرف أول من يستلم الهديه |
|
|
|
|
30-06-2003, 21:37
|
#4 |
|
شاعـر
|
يا سلام عليك يا نادره  مجهود جميل جداً .. والشعر هنا في قمة حظوره وطاغيته .. سلمت يمناك يالغاليه .. وصح الله لسان وقلب شاعرنا القدير سيف السيف |
|
|
|
|
30-06-2003, 23:42
|
#5 |
|
شــاعــر
|
اختي النادره... صدق انك اسم على مسمى تسلمين على هالمجهود الرائع الشاعر عكاشه يستاهل ولطالما امتعنا بروائعه . . واتمنى من ابو سيف قصيده ياليت يجيبها لنا منيب حافض الاسم بس اذكر منها مقطع يقول كلن توقع باللقا حب وعناق.... ...دمعتين كنها لاهب السمر مني حافظها بالضبط بس اكيد ابو عبيد يعرفها وياليت نشوفها تحياتي |
|
|
|
|
01-07-2003, 03:46
|
#6 |
|
شاعر
|
النادرة بصدق ( نادرة ) .. ذلك النهر العذب .. الذي روى الكثيرين أحتراما ً وتقديرا ً لهذا المجهود الخيالي .. وقعت اناملك على شاعر جنوني في هذه الأمسية .. (( سيف السيف )) وماأدراك ماسيف السيف !! صح لسانك يابوعبدالله على حرف أغدقت به علينا .. وشكرا ً الى مالانهاية لتلك الباذخة المعطاءة .. التي أجبرت الجميع على تكريم أحرفها بأجمل وأعذب الكلام .. شكرا ً لك .. ودمت بعطاء !! أخوك : .. عبدالله التميمي .. |
|
|
|
|
01-07-2003, 06:22
|
#7 |
|
العضوية الماسية للموقع
|
مقيم المجمّعي شكرا لك حضورك اسعدني لا هنت 0 |
|
|
|
|
01-07-2003, 06:26
|
#8 |
|
العضوية الماسية للموقع
|
صباحك سعاده يا نـــوره انا لي الشرف بحضورك كلامك فخر تسلمين لا عدمتك 0 |
|
|
|
|
01-07-2003, 06:33
|
#9 |
|
العضوية الماسية للموقع
|
طـــــراد الله يسلم عمرك اخي الكريم لك الف شكر مع التحيه والتقدير 0 |
|
|
|
|
01-07-2003, 06:39
|
#10 |
|
العضوية الماسية للموقع
|
خالد الشايع الله يكبر قدرك ويسلمك شكرا على لطفك وعلى اسلوبك اتمنى من شاعرنا المبدع عكاشه ان يزودني بالقصيده المذكوره وكل قصيده نشرت له في شعبيات لاضيفها على هذا الملف مع ارق تحية وأجمل المنى 0 |
|
|
|
|
01-07-2003, 06:41
|
#11 |
|
العضوية الماسية للموقع
|
عبدالله التميمي لك الشكر يعلم الله يا مشرفنا الكريم ان كلماتك وسام اعتز وافتخر فيه امنياتي لك دائما بالتوفيق 0 |
|
|
|
|
01-07-2003, 10:37
|
#12 |
|
شـاعـر
|
. الأخت نادره .. تجلعنا نستصغر كلمة الشكر كثيراً .. مقارنة مع ماتقدمه من جهود ..! بارك الله فيك .. على إهتمامك الكريم تحياتي |
|
|
|
|
01-07-2003, 11:59
|
#13 |
|
شـــاعــر / صــحفـي
|
النادرة / نادرة كالعادة دائما سأردد هذه العبارة ستبقين موثقة لإبداعات فرسان هذا المنتدى الله يعطيك العافية على هذي الجهود ليس هذا هو الجهد الأخير بالتأكيد نظرتك دائما في المكان المناسب |
|
|
|
|
01-07-2003, 13:51
|
#14 |
|
سيـــف الســـيــف
|
الاخت النادره نادره  . |
|
|
|
|
01-07-2003, 13:54
|
#15 |
|
سيـــف الســـيــف
|
مقيم المجمعي هلابك وشاكر لك مرورك وشعورك النبيل ايها النبيل تحياتي لك |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
