12-12-2006, 09:24 | #1 |
الضغط العالي
|
متعب الخامسي طول غيابه
السلام عليكم ورحمه الله وبركاته اخوي متعب مبطي ماشفناك عسى المانع خير وعساك بخير وحنا والله مبطين منك قلت ازهمك والعب معك اذا كان وقتك يسمح واستلم الله لا يهنيك
متعب ابن الخامسي طوّل غيابه=والسبب في غيبته حزب السياسه يحسب ان السر ما حيٍ درى به=خافي الاسرار يبغى له دراسه |
12-12-2006, 14:16 | #2 |
المشرف العام
|
رد : متعب الخامسي طول غيابه
شاعرنا فهد صح لسانك يالغالي عليك بمتعب المقصّر انا في صفك متابع لاعدمناكم |
12-12-2006, 18:38 | #3 |
فـعـل مــاضي!
|
رد : متعب الخامسي طول غيابه
. قرأت العنوان, وقلت مباشرةً: أنا في صف الحضور حتى "يبطل" الغياب * جهدٌ جبّار يافهد, ماشاء الله عليك.. متعب الخامسي شاعر عميق في الوصف والأستاذ شاهد * / \ * لو تاخذ لك ـ بعد المحاورة ـ جولة مع ذيبان , أكون ممنونك * متابع بفرح. . |
13-12-2006, 02:34 | #4 |
شـــاعرة
|
رد : متعب الخامسي طول غيابه
الله يبيض وجهك يافهد واصل لاهنت ترانا متابعين انا في صف فهد من اللحين قبل يجي متعب |
13-12-2006, 02:52 | #5 |
شــاعــر
|
رد : متعب الخامسي طول غيابه
وعليكم السلام.. ارررحب يا فهد وابرك الساعات اللي العب فيها مع شاعر كبير مثلك وانا بخير جعلك بخير واستلم طال عمرك وتقبل اضافه بسيطه متأكد إنها ماتفوتك : مرحباً واللي سئل يلقى الاجابه ....................... يافهد لا تحسب الدعوى فراسه ليت من عنده خبر وداه جابه ...................... صاحبك ماهو (تبع) علمه فراسه ... |
13-12-2006, 03:09 | #6 |
شــاعــر
|
رد : متعب الخامسي طول غيابه
مشرفنا الأحمر ذيبان متابعتك تسرنا وتواجدك يشجعنا وفهد مايحتاج توصيه الله يخارجنا منه مشرفنا الأزرق فوزي تواجدك ومتابعتك تبعث البهجه كا إنبعاث العطور من صدور الزهور , يالبى قلبك وكفى فداك الاستاذ و ولد عمه اللي كان يحوس الحطب ذاك اليوم << قلب المحاورة سوالف مشرفتنا المنوَّرة نورة تسعدنا متابعتك وتواجدك بلرغم من وجودك في صف فهد على العموم ماتفرق المحلات وحدة والدعوة على المشاهد والمتابعه |
13-12-2006, 10:29 | #7 |
شـاعر
|
رد : متعب الخامسي طول غيابه
السلام عليكم انا متابع بشغف و سعاده واريحيه <<< توهق ف الاخير :d وانا في صف متعب عاصب ٍ راسي وماسك الصف قواكم الله |
13-12-2006, 10:38 | #8 |
الضغط العالي
|
رد : متعب الخامسي طول غيابه
خلووووووووووووووووووووها لو الله اللي احتمى القاف متعب استلم
الشعر سيفٍ وفي يدي نصابه=شاعرٍ يقدر على طرق الحماسه كل حق بشاهده يكمل نصابه=والشهود اثنين من فتح وحماسه |
13-12-2006, 10:49 | #9 |
الضغط العالي
|
رد : متعب الخامسي طول غيابه
المدير الكبير/ ذيبان صح بدنك ومتعب ازهله لا توصي حريص والله يخارج منه شكله جاي بقوه يقولون مايبطي بالسيل الا كبره ============================== فوزي المطرفي مشكور على المتابعه والحضور والله لا يهينك ================== نوره العجمي ارحبي والله لا يهينش على المتابعه والحضور ومدامش في في صفي قولي على متعب السلام ========================== يزيد مشكور على المتابعه والحضور والله يخلي قلبك على طول مرتاح وسعيد وتقبل خالص تحياتي واحترامي |
14-12-2006, 00:02 | #10 |
شاعر
|
رد : متعب الخامسي طول غيابه
شعار كبار وتفرحني المحاورات اللي مثل هاذي سجلوني متابع وفي الصف اللي ترسلوني له أمسكه عينين في راس |
14-12-2006, 03:04 | #11 |
بقـايا حُلـم
|
رد : متعب الخامسي طول غيابه
فهد اليامي ومتعب الخامسي تستحقون من يتابعكم محاورة مشرفينا الأعزاء علينا لكن انا مع الجميع مع فهد لأني في صف الحضور ضد غياب متعب اخر تعديل كان بواسطة » عنود في يوم » 14-12-2006 عند الساعة » 03:17. |
14-12-2006, 04:27 | #12 |
مشرف
|
رد : متعب الخامسي طول غيابه
الله عليكم محاوره مميزة بالشقر وبشعرائها الكبار انا في صف متعب من غير قصور في فهد |
14-12-2006, 05:50 | #13 |
شــاعــر
|
رد : متعب الخامسي طول غيابه
اررحب يافهد ماودي اتأخراستلم رد أخر الليل وإن ماجازلك علمني اغيره ضعت مابين القرايه والكتابه .................... ياالحماسي ماورى الدنيا وناسه ربي الله سعد من رتل كتابه .................... خلك عنك ابليس واوهامه وناسه |
15-12-2006, 00:06 | #14 |
الضغط العالي
|
رد : متعب الخامسي طول غيابه
صاحبك مثل الجبل تلقى الذرى به=لو تهب الريح ماينهد باسه انت هرجك دايمٍ فيه الذرابه=يوم غيرك فوق راسه ابليس باسه |
15-12-2006, 00:11 | #15 |
الضغط العالي
|
رد : متعب الخامسي طول غيابه
نايف سعود الكبير الله ومشكور على المتابعه وخلك في صفي وتقبل خالص تحياتي ======================== عندود مشكوره الف شكر على المتابعه ومشكوره على مسكه الصف وتقبلي احترامي وتقديري ============= حسن ال مسفر ارحب تراحيب المطر والسيل هذه الساعه المباركه اللي شرفتنا فيها بمتابعتك وحضورك مشكور والله لا يهينك وتقبل خالص الود والاحترام |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|