20-09-2005, 23:52 | #1 |
عضو شعبيات
|
طاروق خفيف وين الشعار
السلام عليكم ورحمة الله وبركاته مساكم الله بالخير ودنا في طاروق خفيف ( جعل فالأمر خير وجعل فالأمر خيره )
ياسلام الله على اللي يريدون السلام = عد مانمسي بليّا مشاكل سالمين جيتكم ياأهل السوالف بعد ماغبت عام = ياعسى فالي بعد غيبتي سمن وسمين |
21-09-2005, 14:27 | #2 |
عضو شعبيات
|
رد : طاروق خفيف وين الشعار
ياسلام الله على اللي يريدون السـلامعد مانمسي بليّـا مشاكـل سالميـن جيتكم ياأهل السوالف بعد ماغبت عامياعسى فالي بعد غيبتي سمن وسمين الله اللـــه يا مسامر الليل محاورة منتازه وبحاول ارد عليك واذا ماقدرت المارية الغفله |
21-09-2005, 14:58 | #3 |
من كبار شخصيات الديوانية
|
رد : طاروق خفيف وين الشعار
ابو زلزلي مدري علعلي وش رايك تسفط على جنب وتفتح المجال لاخوك سلملم ؟؟؟ <<-------------- مبطي مالعب وتسبده تشفشف يا اخي انت بطراااااااان شكرا لك يا صديزي <---- متفاهم معه الخاص :white: مرحباااا بك يا المسامر والعود احمد
مرحبابك يا المسامر على حسب النظام=والدروب اطوال واعرف دروب الغانمين القلوب احيان .. تكنا.. ويفضحها الكلام=لو تغيب اسنين وايام جندك حاضرين . |
21-09-2005, 17:48 | #4 |
عضو شعبيات
|
رد : طاروق خفيف وين الشعار
البقى ياسلملم ولاهنت
يالنظامي خل ممشاك في ممشى الكرام = عارفين دروبهم قبل مولدك بسنين الرحى تندار والنور جلاي الضلام = وإن سرينا لاتنحى يسار ولا يمين |
21-09-2005, 17:51 | #5 |
عضو شعبيات
|
رد : طاروق خفيف وين الشعار
شكرا لمرورك أخ علي |
21-09-2005, 20:12 | #6 |
من كبار شخصيات الديوانية
|
رد : طاروق خفيف وين الشعار
هلابك يا مسامر واستلم يا ذيبان
يالحرامي ليش تزعل من الهرج التمام؟= وليش خميت النبا وانت ماعندك يقين كيف نصرف لك ذهب وانت تاكلها حرام!؟=لاتطالب وانت ما اوفيت حق المسلمين . |
21-09-2005, 21:46 | #7 |
عضو شعبيات
|
رد : طاروق خفيف وين الشعار
أرحب ياوجه الطيب واستلم لاهنت :
مازعلت وخابرٍ ما الحماط امن الخزام = والبلا كان أنت ترمي بلا شارة وعين كيف بعت بضاعتك قبل يالصاحب تسام = وخابرين الجند جوف المدينة نازلين |
22-09-2005, 00:02 | #8 |
من كبار شخصيات الديوانية
|
رد : طاروق خفيف وين الشعار
الله الله .. استلم استلم
كل ماقلنا المسامر على الحق استقام=جاب له حجه ولاجاب معها شاهدين انت خل الاسئله ياعميلي والهمام=وانتبه ما يقسم العيد بين القريتين . |
22-09-2005, 00:48 | #9 |
عضو شعبيات
|
رد : طاروق خفيف وين الشعار
تسلم ياسلملم واستلم :
النداوي فوق راس الجبل كوسر وحام = مار ماحصل مراده وحول فالبطين حج ياحجاج وسط الحرم وإلبس حرام = واطلب الله القدى ياعسى الدعوة تزين |
23-09-2005, 02:01 | #10 |
من كبار شخصيات الديوانية
|
رد : طاروق خفيف وين الشعار
صباح الخير .. يا مسامر الليل والعذر والسموحه على التاخير واستلم لاهنت
ما يرب من الطيور -البطين- إلا النعام = وانت حر ونيتك فالبدايه نيتين سايقك عرق الحمايا ومثلك مايلام=الضمين الله ولا اريد غير الله ضمين . |
23-09-2005, 14:54 | #11 |
عضو شعبيات
|
رد : طاروق خفيف وين الشعار
هلا حياك الله وأرحب يالصاحب ولا جرى إلا الخير : واستلم جعلك تسلم :
ويش رايك في هذا الليل نطرش للخيام = ونضبط الكبسة ونعطيك كاش بدون دين السعودي لا غزوه العدا سل الحسام = مايذل ويضرب الدرب مثل آبا الحصين |
24-09-2005, 22:35 | #12 |
عضو شعبيات
|
.....
عسى ماشر ياخوي أبطييييييييييييت بما تعنيه الكلمة !!!!! أربع ردود في ثلاث أيام أنت تشتغل على حجار هههههههههههههههههههههههههههه |
25-09-2005, 08:24 | #13 |
من كبار شخصيات الديوانية
|
رد : طاروق خفيف وين الشعار
هلابك يا مسامر ووسع صدرك الله يخليك لي .. ترى الدعوى محاوره وبالنت بعد .. يعني اخذت ساعه والا اخذت شهر كلهن مثل بعض. وانا يا ابن الحلال عندي اشغال اهم من النت والمخيمات والكبسات لكن استلم اخر مابقالك عندي واعذرني على التقصير والتاخير وشاكر لك سعة صدرك يالغالي
إن كبست إكبس على الراس ويجيك.. الودام =ثم تبرى علتك يا عشير الطيبين السعودي ما ضرى بالجرب والا الهيام= يرتفع لاشاف له ناس ماهم مستحين وصح لسانك يالغالي . |
25-09-2005, 14:41 | #14 |
عضو شعبيات
|
رد : طاروق خفيف وين الشعار
أرحب ياسلملم تراحيب الحيا وأنا ترى أمزح ياخوك لا تزعل مني جعلي أفداك . وإلا أنت مكنت غلاك ماعاد يمدي ولاشك إن أغلب محاورات النت بالتقسيد أو التقصيد ما أدري أيهن ؟ والله يكون بعونك على أشغالك على العموم صح لسانك وتسلم ولاهنت على مشاركتي بهالطاروق الخفيف واستر على ماوجهك والسلام عليكم |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|