[محمد بن ناشي]

بعد الانقطاع الطويل ...



يمه طفل ٍ ماسك اللعبه بـ إيدهـ

شاف حزنك . كيف يلعب بالبراءات



غربته شريان وظروفه وريدهـ

واصعيبه غربته دون المسافات



الدقيقه تشكي العقرب وحيدهـ

والزمن يسْمع ويخلق لك متاهات



والشجر للطير خبّت له مكيدهـ

مادرى المسكين عن ذيك المكيدات



وش يسّوي إن غدا عشـّه يصيدهـ

القفص أهون من ادْراك المَذلات



يمه ادموع المهاجر مو جديدهـ

الجديد ان المسافر جاب دمعات



يمه .. يمه .. الأماني مو سعيدهـ

الدجى يكسي الفرح في كل لحظات



ضيق عندك.. يابعد ضيقي وسيدهـ

ضيق عندك .. يابعد كل السلامات



ما تساوي وطية ٍ دنيا بليدهـ

كل رمل ٍ لامسك أصبح بخيرات



ليه يمه ؟ يارحومه .. ياوليدهـ ..

تحزني وانتي من اكبار العظيمات

[علي الأسمري]

صح لسانك
تحياتي

[نورة العجمي]

لا انقطاع بعد اليوم يامحمد
تابع معنا لنتابعك
صح قلبك وفكرك
كل سنة وانت سالم

[سالم بن جلعان]

صح لسانك يا بن ناشي
وابعد الله الحزن عنك وعن والدتك

سرني مروري هنا

تحياتي

اخيك

سالم