30-06-2005, 03:06
|
#1 |
|
شـــاعــر
|
_ زهور مطلق بن شويه _
 مساء الخير ع الجميع .. تحية طيبه .. الشاعر المبدع \ مطلق بن شويه احد اجمل الشعراء في عالم الشعر شاعر لا يحتاج إلى تقديم فهو غني عن التعريف .. لي ولكم اضع لكم اربعة قصائد لشاعرنا النجم .. (1) سافر فمان الله ياسمح الجبين ــــــــــــــــــــــــ سافر مدام اليوم هو يوم اسفرك سافر فمان الله واتركني حزين ــــــــــــــــــــــــ بيني وبين الحزن قاسم مشترك سافر فمان الله واسمع كلمتين ــــــــــــــــــــــــ مانيب راضي بالسفر ولا أجبرك سافر و وادعني و لك مني يمين ــــــــــــــــــــــــ باللي وسط عيني رفعك وكبرك أنّي فلا أذكرك من حينٍ لحين ــــــــــــــــــــــــ لنّي أنا مأنساك عشان أذكرك بضم حبك مثل ضمي لليدين ـــــــــــــــــــــــــ وأحطك فـ عيني وأصونك وأسترك واكف دمعي لـ انتثر بالراحتين ـــــــــــــــــــــــــ اخاف لا منه انتثر معه انثرك من غبت عني ياعفاف الطاهرين ــــــــــــــــــــــــــ وانا اتحرا الشوق ياتي بخبرك فـ الصبح اشوفك ياغلاي فـ كل عين ـــــــــــــــــــــــــــ وفـ الليل اضم طيوف حبك واسهرك واصبحت اعيش الوقت في هـ الحالتين ــــــــــــــــــــــــــــ زي المثل ( اما حبا والا برك ) يانفحة الجوري وعطر الياسمين ـــــــــــــــــــــــــــ غيابك اقفا بـ كل شي ولا ترك.. الا جروحٍ تدمي الجنب المتين ــــــــــــــــــــــــــ ومع كل جرحٍ لك اشوفه اشكرك واقول لك يابو الجروح الخضر وين ـــــــــــــــــــــــــ مافيه عرقٍ من غيابك ما أحترك ماقدر اعيش بدون وصلك ليلتين ـــــــــــــــــــــــــ اخسر حياتي كلها ولا اخسرك مابين حب ولهفه وشوق وحنين ــــــــــــــــــــــــــ اموت بك من اولك لين اخرك وانا يصبرني معين الصابرين ــــــــــــــــــــــــــ اللي على يوم الموادع صبّرك والا انت وادعني ولك مني يمين ــــــــــــــــــــــــ اني لـ اوارا فـ الثرى وانا اذكرك (2) لايغرّك حجب دمعي عن ظهـورة ـــــــــــــــــــــــــــ لاتقول أنّي سليتـك .. ماسليتـك دايم أستر دمع عيني ستر عـورة ـــــــــــــــــــــــــــ والاّ أنا يامـا تضايقـت وبكيتـك أوّله يوم الغـلا فأربـع شهـورة ـــــــــــــــــــــــــــ وآخره في يوم جيـت ولا لقيتـك أعتبر مسياري لجارك.. ضرورة ـــــــــــــــــــــــــــ لجل أوقّف موتـري قـدام بيتـك وأنتظر لي ربع ساعة.. عند سورة ـــــــــــــــــــــــــــ ماخبرت أني دخلته.. ما أحتريتـك وأنت تأخذني على عميا مشـورة ـــــــــــــــــــــــــــ مسرفٍ بي لارحم حيّـك وميتـك تحسب أنّي ناسـيٍ حبـك ودورة ـــــــــــــــــــــــــــ لو نسيت أبوي وأمّـي مانسيتـك الله اللي حطّ لك في العين صـورة ـــــــــــــــــــــــــــ والله أن يمحا نظرهـا مامحيتـك تلمحـك روضٍ يقلدنـي زهـورة ـــــــــــــــــــــــــــ ناعـمٍ لـو أنّـك بتوكـل كليتـك موج حبك في الحشا صفقه وفورة ـــــــــــــــــــــــــــ والظنون تسـد نفسـي لأشتهيتـك وش تعللها عليـه مـن الخطـورة ـــــــــــــــــــــــــــ يامـعللها علـى ليتـك وليـتـك واحدٍ من طاري أسمك طق زورة ـــــــــــــــــــــــــــ وش يقول أن سمع لبيك وفديتـك عذره بمخباة لـو يفقـد شعـورة ـــــــــــــــــــــــــــ وأنت عذرك لارماك الله رميتـك لاتهز الغصـن وتطيّـر طيـورة ـــــــــــــــــــــــــــ أتق الله وأحترم مجـدك وصيتـك وأن حداك مساير النفس الغيـورة ـــــــــــــــــــــــــــ مرحبـا مـن واحـدك لكمبليتـك أرمني فالنار من عميـا مشـورة ـــــــــــــــــــــــــــ وأسرف أسرف لارحم حيّك وميتك (3) كثر الزعل ياوزين الروح وشهوله ؟؟ ـــــــــــــــــــــــــــ لاصرت هاجس اخطاي وغاية مرادي تدري بقـدرك كبيـر ولاحـدٍ حولـه ـــــــــــــــــــــــــــ في قـرّة العيـن والاّ مشّـة فـوادي وتزعل من أدنا خطا مهيب معقوله !! ـــــــــــــــــــــــــــ ياعنك منتب تعرف اسلوم الاجـوادي أدمح خطاياي حسب الحـب وأصولـه ـــــــــــــــــــــــــــ تعمي بها عيـون حسـادك وحسـادي وأترك عنادك معاي بعرضه وطولـه ـــــــــــــــــــــــــــ وأنا معك بآتلطّـف وأتـرك عنـادي مدامنـا أحبـاب والاعـذار مقبولـه ـــــــــــــــــــــــــــ الزله اللي تجـي مـن بيننـا عـادي يادرّة القلب.. ياماسـه .. ويـا لولـه ـــــــــــــــــــــــــــ ياغربة الروح .. يامنفاي .. و بلادي ياحلمي اللي قريـب ولأقـدر أنولـه ـــــــــــــــــــــــــــ ياشوفي اللـي يقدينـي وأنـا غـادي ياوجد قلبـي عليـك وياكبـر هولـه ـــــــــــــــــــــــــــ قيدتنـي فالهـوى وأحّكمـت فقيـادي أتعبت رجليّ .. من دوله إلـى دولـه ـــــــــــــــــــــــــــ على دروب الرضا .. سرداد مـردادي يدور رضـاك قلـبٍ زادت حمولـه ـــــــــــــــــــــــــــ يصيح بأسمك بعال الصوت وينـادي والكلمه اللي تجـي بشفـاك معسولـه ـــــــــــــــــــــــــــ تفتـح لهـا فالحنـايـا وادي و وادي وديانهـا بالغـلا والحـب مسيـولـه ـــــــــــــــــــــــــــ تزهر نواويرها .. وتفـوح بالكـادي وكثر الزعل ياوزين الروح وشّهوله ؟؟ ـــــــــــــــــــــــــــ ياعنك منتب تعرف اسلوم الأجوادي (4) اواصلك مده وارد ارجـع واغيـب ـــــــــــــــــــــــــــ اخـاف لاطـال الوصـال تملّنـي ياصاحبي يابو الدلع يأغـلا حبيـب ـــــــــــــــــــــــــــ ( يامَـنْ هَـواه أَعَـزَّهُ وأذَلَّـنـي ) لايدخلك من غيبتـي شـكٍ و ريـب ـــــــــــــــــــــــــــ لاصـرت تطوينـي غـلا وتفلّنـي ابك انت عندي راس مالي والنصيب ـــــــــــــــــــــــــــ غلّيتـك فـعينـي فـعينـك غلّنـي ان غبت عنك يـوم او ليلـه اجيـب ـــــــــــــــــــــــــــ تنهيدتـيـن ودمعتـيـن اتبـلّـنـي واعيش وقتي بين لوعـات ونحيـب ـــــــــــــــــــــــــــ وطيفك يجـي فجـأه كـذا ويتلّنـي ولا آخذ الا آنا من انفاسـك قريـب ـــــــــــــــــــــــــــ لابوصـلـه ولاطـريـق يدلّـنـي يأغلا من عيوني .. ياصوت العندليب ـــــــــــــــــــــــــــ تعال مـن دافـي جروحـي سلّنـي وان شفتني ضايق من الوقت الكئيـب ـــــــــــــــــــــــــــ من تحت خدرات النواعـس خلّنـي في وسط سودٍ وسع هالكون الرحيـب ـــــــــــــــــــــــــــ في ظلها عـن حـر وقتـي ظلّنـي وان غبت .. والله مانويت اني اغيب ـــــــــــــــــــــــــــ اخـاف لاطـال الوصـال تملّني للشاعر المبدع \ مطلق بن شويه ______________________ تحياتي \ مرزوق بن فيحان ______________________ |
|
|
|
30-06-2005, 04:26
|
#2 |
|
عضو شعبيات
|
رد : _ زهور مطلق بن شويه _
مرزوق بن فيحان 0 0 0 اختيار رائع ومطلق بن شويه شاعر له بصمه واضحه في الابداع وصوغ الحروف الذهبية 0 0 0 0 سلمت يمينك 0 0 0 لاعدمناك 0 0 0 تحيتي |
|
|
|
30-06-2005, 04:34
|
#3 |
|
حُـلم طـفلة
|
رد : _ زهور مطلق بن شويه _
أنّي فلا أذكرك من حينٍ لحين ــــــــــــــــــــــــ لنّي أنا مأنساك عشان أذكرك أبدا لن ننسى الأحبة ..فمن ينسى نفسا سكنت نفسه .. دايم أستر دمع عيني ستر عـورة ـــــــــــــــــــــــــــ والاّ أنا يامـا تضايقـت وبكيتـك أوّله يوم الغـلا فأربـع شهـورة ـــــــــــــــــــــــــــ وآخره في يوم جيـت ولا لقيتـك ما أصعب أن نأتي وننتظر ولا نلقى من نحبهم .. ونرجع محملين بخيبة الأمل .. ــــــــــــــــــــــــــ ياغربة الروح .. يامنفاي .. و بلادي ياحلمي اللي قريـب ولأقـدر أنولـه ـــــــــــــــــــــــــــ ياشوفي اللـي يقدينـي وأنـا غـادي هو الحلم المستحيل .. ولكننا نعيش من أجل الحلم .. ان غبت عنك يـوم او ليلـه اجيـب ـــــــــــــــــــــــــــ تنهيدتـيـن ودمعتـيـن اتبـلّـنـي واعيش وقتي بين لوعـات ونحيـب ـــــــــــــــــــــــــــ وطيفك يجـي فجـأه كـذا ويتلّنـي للغياب أسباب .. ولكن الذكرى ما زالت عالقة بالأذهان .. هنا تنفسنا الشعر .. وربي إبداع وإحساس لامس شغاف القلب .. صح لسان شاعرنا مطلق بن شويه .. وشكرا لك مرزوق على هالإختيار الرائع .. دمت متألقا .. لك أرق التحايا .. أختك .. صدق المشاعر |
|
|
|
|
01-07-2005, 12:47
|
#4 |
|
Guest
|
رد : _ زهور مطلق بن شويه _
صاحب القلب النقي مرزوق هلا وغلا فيك وصح لسانك مطلق وتسلم يمينك على النقل الرائع لاهنت يا مرزوق والله دمت بخير |
|
|
|
03-07-2005, 07:43
|
#5 |
|
شـــاعــر
|
هي حدائق غنّاء يامرزوق مطلق بن شويه مبدع .. لامفر منه سأعود لاشك . |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
