19-03-2010, 18:29 | #1 |
عبدالرزاق الذيابي / شـاعر
|
أرقى درَج, والحظّ!.. ينزل أصنصير
أسعد الله جميع أوقات الجميع: كم من جبينٍ كل وقته تباشير=حظه يغنّي له على لحْن وَرقا وكم من وجيهٍ حظها قاعة البير=لوهي وجيهٍ فيْ المواقيف عَـرقا ارقى دَرَج, والحظّ! ينزل اصنصير!!=ينزل وانا من عادتي لازم ارقا حظٍ يعاكس خَطوتي وين ما اْسير=لامن بغيت الغرب! ينحاز شرقا حظي بوقتي صار مثل الأعاصير=بينه وبين الزين مليون فرقا! قصة عتيبياً جرى له تعاسير=قلبه مع الروقــه, وعينه لبرقــا انا وحظي! سالفة راعي الطير=ياطير إبن برمان فرقا وفرقا طيرٍ من اِخيار الطيور المشاهير=اللي لها بين المناعير طرقا غذاه اِبن برمان و(اِب) كلّ تبذير=طرحَة يـِده ماجاه نهبٍ وسرقا تعَب عليه ودبّره خير تدبير=وسرَح بطيره يدرق الصيد درقا وهـدّه بغاه اِيصيد ويجيب له خير=وعَـوَّد عليه (اِب) حيَّة الغار زرقا حيَّه وصار (اِل) نابها فيه تغزير=تدفق بسمّ ازرق بلغ كل عِرقا وداخل وريده! صار للسمّ تأثير=سمٍ زرَق في داخل القلب زرقا طيرٍ ذبح راعيه قصه وتصوير!=إعروق ابن برمان بالسمّ غرقا روَّح يصيد! وراح فيها! مقادير=مات وعليه إقلوب اهاليِـه حرقا وياحظ ياللي نازلٍ بالأصنصير: =متى تزين, وتلتف لي, وترقا؟ سلامة الجميع اخر تعديل كان بواسطة » سابك ذهب في يوم » 19-03-2010 عند الساعة » 18:34. |
19-03-2010, 18:50 | #2 |
أبو تركي / شاعـر
|
رد : أرقى درَج, والحظّ!.. ينزل أصنصير
قلبـه مـع الروقـه, وعينـه لبرقـا قلبـه مـع الروقـه, وعينـه لبرقـا قلبـه مـع الروقـه, وعينـه لبرقـا الله الله سابك وربي حروف من ذهب الذيابي يسعدني كوني أول من حلق عالياً مع النص قافيه محلِقة ولا أروع وصور مرسومة بريشة فنان صح فكرك ونبضك وسلم راسك |
19-03-2010, 23:53 | #3 |
عبدالرزاق الذيابي / شـاعر
|
رد : أرقى درَج, والحظّ!.. ينزل أصنصير
مرحبا ياعلي التركي وشكراً لمرورك, نورك تحياتىىىىى لك |
20-03-2010, 12:13 | #4 |
شاعرة
|
رد : أرقى درَج, والحظّ!.. ينزل أصنصير
طيرٍ ذبح راعيه قصـه وتصويـر! إعروق ابن برمـان بالسـمّ غرقـا روَّح يصيـد! وراح فيهـا! مقاديـر مات وعليه إقلـوب اهاليِـه حرقـا وياحظ ياللي نـازلٍ بالأصنصيـر: متى تزيـن, وتلتـف لـي, وترقـا؟ ،،،،،،،،،،،،،،،،،، صح الله لسسسسسسسسسسسسسسسسسسسانك مليون ولايكفون |
20-03-2010, 13:03 | #5 | |||
شــاعر
|
رد : أرقى درَج, والحظّ!.. ينزل أصنصير
هلا وغلا يا سابك وصح لسانك مليووون ولا يكفووون نص جزل من شاعر مميز بعض الحظوظ الله ولاها ... ولا انت طيب حظ ان شاء الله سرني جدا ً مروري اخوي تحياتي اخيك سالم |
|||
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|