25-04-2010, 01:37 | #1 |
شــاعر
|
كبوة حصان
من نام ليله من العربان متغاني=هذاك كنّه خذا الدنيا وما فيها
لو كان يقعد سنين العمر وحداني=سيّات عمره تغطّيها حسانيها ياصاحبي خلّها منّي وتعناني=انا احتملها ولو مانيب عانيها خذيتها بالميانه والتميّاني=وارهيت في حق نفسي عند غاليها واصبحت في حقّها اللي مذنب وجاني=دلّهتها لين تاهت عن خطاويها واليوم مادامها من زلّة لساني=استاهل اللي يجيني من مساويها وانت اعتبرها معك من كبوة حصاني=حصان ماعاد عُقب اليوم يثنيها ياكم تحمّلتها من عند صدقاني=اضحك على شان صُحْبتنا وامشّيها احيان اطنّش وكنّي مالي آذاني=واحيان اعجّل بحمّستها واعذّيها مادامها من صديقي ماتعدّاني=ماهيب تنقَصّ من عُقبي مواطيها لاصارني حاسبه من حِسّبة خواني=يفداه ماصار والشرهات مابيها ماهمّني من كلام فلان وافلاني=الشور شوري وانا بوها واسمّيها مادام شرّعت لاهل المزح بيباني=والناس دايم تماريني واماريها ماهوب معقول امازحهم ولا اداني=هذي الطريقه ماهيب تسرّ راعيها خل الثقة في ظميرك ياكحيلاني=لاتْصير حسّاس وتْفسّر معانيها من راقب الناس مات بهمّ واحزاني=يبطي وهو علّته محدٍ يداويها والخوة اللي على حقٍ وبرهاني=حنّا بنينا وجوّدنا مبانيها لاصار من تحتها ساسٍ وعمداني=ماهيب تهتزّ من كلمة وتنهيها وجهة نظر والتعامل برْ واحساني=والنيّه الطيّبه للي يبدّيها اخر تعديل كان بواسطة » سعيد بن مقبل الأكلبي في يوم » 25-04-2010 عند الساعة » 01:46. |
25-04-2010, 01:54 | #2 |
شـــاعرة
|
رد : كبوة حصان
حجز أول رد |
25-04-2010, 06:23 | #3 |
عضو شعبيات
|
رد : كبوة حصان
ياسااااااااااااااااااااااااااااااااااااااااااااااا ااااااااتر صح قلبك ياشيخ قسم بالله اطربتني |
25-04-2010, 07:26 | #4 | ||||||
متنبي الشعر الشعبي
|
رد : كبوة حصان
آآآآآآآآسين يابو مقبل كتبتني بهذي والله إبداع وكل نص متجاوز يابو مقبل صح والله لسانك يالمملوح |
||||||
26-04-2010, 03:19 | #5 |
بقـايا حُلـم
|
رد : كبوة حصان
صح لسانك ياشاعر يامبدع افرح كلما وجدت لك قصيده جديده دمت بشعر |
26-04-2010, 03:31 | #6 |
عضو شعبيات
|
رد : كبوة حصان
صح لسانك على هالرائعه تسلم ولاهنت |
26-04-2010, 12:14 | #7 |
|
رد : كبوة حصان
مـــن راقـــب الـنــاس مـــات بـهــمّ واحــزانــي يــبـــطـــي وهــــــــو عــلّـــتـــه مــــحـــــدٍ يـــداويـــهـــا صح لسانك منطق حكيم إعجابي |
26-04-2010, 21:40 | #8 | ||||||
شــاعر
|
رد : كبوة حصان
|
||||||
26-04-2010, 23:07 | #9 |
شاعر الشمال
|
رد : كبوة حصان
يالله ياسعيد الجزاله الفكر الابداع ركائز هذا النص/النصل متابع ياشعر صح قلبك |
27-04-2010, 00:12 | #10 |
شاعر
|
رد : كبوة حصان
سعيد بن مقبل و ارباك المعاني والمفردات هنا ليس الاً... حضورك منفرد بالجمال وبالفكر الصادقه النادره سلمت يابن مقبل تحياتي وتقديري ؛ |
27-04-2010, 02:36 | #11 |
شـــاعــر
|
رد : كبوة حصان
الله الله ياسعيد ..صح لسانك والله .. كلام مابعده .. |
27-04-2010, 23:22 | #12 |
شــاعر
|
رد : كبوة حصان
الله ياسعيد سعيد بوجود هنا دمت نبض لما بقلوبنا تحيااااااااااتي وتقديري |
28-04-2010, 01:15 | #13 |
شـاعر
|
رد : كبوة حصان
في قاموسي صح لسانك = جاد الله عليك لان الشعر وليمه وانا اشهد انك ما تجيب الّا الدسمه ولو إنّي باقي ما شبعت لكن تخبر الحيا مطلوب فــــ (جاد الله عليك) وصح الله لسانك يابن مقبل تحيتي,, |
28-04-2010, 05:38 | #14 | |||
شـــاعرة
|
رد : كبوة حصان
|
|||
28-04-2010, 17:19 | #15 |
الدانه بنت عبدالله
|
رد : كبوة حصان
/ . / راق لي هذا المتصفح كثيراً.... المبدع / سعيد الأكلبي صمتي أبلغ من اي تعبير..لايفي ماقرأته هنا...! لله درك لله درك لله درك...... |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|