18-10-2005, 12:14
|
#1 |
|
عضوه
|
من ذاكرة ( قطوف - عافت )
اسعد الله صبـاحــكم بخيــر مجلة قطــوف أعتقد ليس هناك من يجهــل تلك المجــله التي توقفت قبــل سنوات عن الصدور والتي بتوقفها فقد الشعر الشعبي واحــده من أبرز وأهم المجلات التي ساعدت على نهوضـه وبروز العــديد من شعراء هذا الجيــل لدي في أرشيفي الخاص بعض الأعداد القديمة  سأحاول هنا ان استجمع تلك القصائد و اعادة نشـر مايمكن نشره من الأبداع على دفعات ضويت الشمعة الحمـرا مثـل فكـرة ولاعبهـا النسيـم ولعبـه يسـلـي يخليهـا وترفـع راسهـا كبـرة ويلفحها وتحني راسهـا تصلـي وقام الضي يرقص داخـل الحجـرة يفز وينحني ليـن ارتبـك ظلـي كأن الضـي .. طفـل بسكتـه عثـرة او ان الضي حيـن يحـط ويعلـي فراشة من ضيا ما صادفت زهـره وانا صادفت غربة مثلهـا مثلـي فراشة ضي لا لا شرشف القمرة يهفهف والنسيـم يغيـر ويولـي ويشتب الفتيـل اكثـر مثـل جمـر واشوف الشمعة الحمـرا تناظـر لـي وتذرف دمعها قطرة ورا قطرة وانا ادري مابكت مـن همـي وغلـي ولو تبكي على مابـي مـن الحسـرة تناثر دمعها مثل المطر .. لاجلـي الا يـا حيرتـي .. والليـل ياكثـره علام الشمعة الحمرا بكـت قبلـي أنا مبطي جريح وبنجـرح بكـرة أنا عفت الزمـان وعافنـي خلـي أنا كلـي حزيـن .ولا قـوت عبـرة توادع ناظري تبكـي علـى كلـي !؟ ياليت ابكي .. ياليـت اعـود للفطـرة وانا ادري جفنـي بدمـع القهـر مملـي ولكن حيلتي من عزتـي زفـرة أنـا مـا اريدهـا لكنهـا تسـلـي لو احبسهـا تقيـد الشمعـة بكبـرة لو اعتقها تعـود الشمعـة تصلـي للشاعر تركي حمدان العنزي وهذه قصيده لكن للأسف لم استطع معرفة شاعرها (غير واضح الاسم ) .. نشرت في ملف قطوف في حياة الناس ( قبل أن يستقل ويصبح مجله مستقله ) جمر السوالف يشعل الليل وأقراه حلم الطفوله وأكذب الخلق شاعر والضلع الأعوج ريحة المجد فحواه وأبو لهب تبت يدينه وخاســر شف الصلاه توحد قلوب وجباه وحنا ألــتهينا بالضنا والتكاثر أشوف وجه أمي تجاعيد عـزاه الوجه مسلم لكن الشيب كافـر في داخلي طفلٍ تبهذلت ويـاه يهدم وانا ابني وألعن الناس فاجر طفلٍ مشاغب ساقه ابليس وأغواه يطعن بصدري وانثني له وأناظـر يحطب ضلوعي تطربه قـولتي آه ينحت عظامي فــي يدينه خناجر له عزة السلطان في طلعة الشـاه وبه لعبة الشيطان ..بيدين ساحـر كرهت نفسي كثر ماقلت له هـــاه كرهي عدوي والنسب والمظاهر ودام الليالي ثلة أطفال وأشباه فالغيم حبري والليالي دفاتـر وقصيدة تفعيله للشاعر علي الضوّي نشرت في عدد قطوف نوفمبر 1997 الصفحه 32 أغنيه من 3 حروف وارتب افراحي مع احزاني قبل لا انام واصحى.. والاقي الخوف كالعادة ..مرتّبني ... واللي يخوّفني من الأيام يا جاهلٍ باللي مخوّفني.... يومٍ بدون احلام أهدم بها..وابني ويومٍ.. أعيشه بين أحضان الكتب.. خلٍ لقى خلّه واهجر (كتاب الله) ويومٍ.. تحاصرني السنين واسرح ..أقلّب هالسنين وتشوفني ساكت حزين أزعل من اتفه شيْ ما غير اردد كلمتين:.. الموت ..حىّْ وحيّ واكذب على نفسي.. واقول: الشعر..مفتاح الفرج ومع كل بيتٍ أكتبه يمتد هذا الخوف لين اطراف أطرافي حتى أحس كل النجوم عيون واحس كني عاريٍ.. حافي!! يا جاهلٍ باللي مخوّفني.. ما تدري اني أدفن فــدرجي قصايد فاتنه أسوأ أغانيها ..شجن؟! خايف أغنيّها.. ويكبر الجمهور..ويقطع يدينه.. وانسجن!! واسأل يديني.. أي أقلامي كتب هالـ خــ..و..ف مرّة تقول :القلب ومرّة تقول: العقل ومرّة تقول :الشوف بس الأكيد انه "ثلاث حروف" وتسألني :كيف آنام؟! والخوف نظراته تحاصرني يا جاهلٍ باللي مصبّرني.. للشاعر اللي يختبي في كل حرفٍ يكتبه.. تفاحه ..وشيطان! الخوف مفتاح الأمان!! للشاعر اللي لا مشى خطوة صدق ضاق المكان الخوف مفتاح الأمان للشاعر اللي فــ.. كل يومٍ ينولد وقبل يتكلم ..ينجلد.... الخوف مفتاح الأمان.. علي الضوّي قصيدة دفتر الدنياللشــــاعره ( الكرز ) هاك صدري.. وافتح الدنيا على الدنيا.. وسمّـــعني اعترافــــــــه وقد ماتقدر.. تمرْحل بي.. من اوّل جرح.. ليـــــــــن آخر.. شتيمه يمكن اللي.. لا كفاه اوّل.. ولا ثانــي نزيف.. انسـان تافـــــــــه يفتح الدنيا على آخر مانزف صدري.. ويعطي النـــزف.. قيمــــه وافتح اوّل عن ورم.. يحبــــي براسي.. قبْل ماحْبيلـي..مسافــــــــه قبْل حتى.. ماانطق بـ"يمة" وانا بْمهدي نطـق: مانتي سليمــــــه وكيف كان المشرط.. يْطبْطـبْ على شَعـــــري.. ودمّـي.. مايخافــــه كيف اخاف.. وروضتي مرضى.. ومستشفى..وانا طفلة.. غشيمه ولو سمحت.. افتح عن احمـد من ثلاث سنين.. واسْتــــجـدي جفافـــه يمكـن ان احمــد.. يصـير انسـان هالمـرة.. ويحكـي عن قديمـــه عن ملالمح.. آخر احسـاس الطفولـه في يـدي.. وشلـون شافــــه وْهل صحيح البنـت فيني.. في يدينـه.. عاشــــــرت.. اوّل هزيمه واسأله.. عن طفل اللي راح.. وحلّفني يكون.. اوّل حسـافـــــــه ليه مات.. وعاهد الدنيا يكون آخـر طفـل.. كنّـــــــي عقيمــــــه لف باطْراف الحنايا.. وشوف هيفا.. شـوف صـدري وارتجافــــه تِلْفَت اعصابي وانا اتحمّـل رماح الصبْـر.. وضْلوعي هشيـــمـه لف باطراف الحنايا.. وْشوف قلبي.. فيـه شـي مْـن السخافــــــه كل ضيـم.. يمدّنـي لين السمـا.. يهـوي بي لْـ أرض العزيـــــمـه رحمتـك يـارب.. هالدنيـا خَـذت مـني كثـيـر.. بْكـل جلافــــــــه مابقى لي الا انـت.. ياربـــي.. دخيـلـك.. لاتَكِلْـــني للظليمــــــــه وْلا بقى بْراحة يدي.. دعوة.. أشد بْها دموعي.. والنحافـــــــــه غير.. صدري.. وكل مافي دفــتر الدنيـــا.. وفطـرة.. مستقيمـــه وانت..يااللي شفت مافي دفتري.. أسألك.. في قلبي اللطافــــه أهدني جرحـك.. شـوي شـوي.. وامْهلـني.. اوسّـع لك صميمــه وللشــاعر ميسّر الشمري تأكدي.. مـا بالزمـن شاعـرٍ حـي اموات نكتب بالدجى سيـرة امـوات نشعل اصابـع ليلنـا للمـدى ضـي ونبكي على اللي مقبلٍ ما بعـد فـات الشي، نفس الشي،صرنـا ولا شـي تحطمت وسط الضما شرفـة الـذات للظلم اهلنـا كانـوا القـوت والمـي يستحلبون افكارهـم تحـت الاهـات يرضون باللي زل, وان زل في غي يرضون بالحلم الهوى يجمع اشتـات ويا انتي دخيلك ما بقى غيرهـا فـي شمسٍ تظلل مدمع الشعـر لا جـات ان قلت ابن لعبون تستحضـرن مـي وان قلت يا عنتر, غدت عبله اصوات وتأكدي مـا بالزمـن شاعـرٍ حـي اموات نكتب بالدجى سيـرة امـوات ولنفس الشاعر في عدد آآخر جوعان لون الشمس ,في ناظـري دم والليـل يشعـل مـن يمينـي فتيلـة للتضحيـة فينـي براكيـن مـن هـم ولـلأرض عمـرٍ شردتـه الرذيلـة سرقت صمت الأرض.. واعطيتها فم ويا للأسف خان التراب بنخيلـه خرجت مثل النور مـن لعنـة الكـم وتفـردت فينـي حـروفٍ أصيلـة عسفت خيل الصوت في شارع الصم وسكبت صوتي فـي أذان القتيلـة صرخت!, لين الصمت منّـي تعلـم معنى الخروج عن افتراض الفضيلة ومثل إنعتاق الموج عن صهوة اليـم جاء إنعتاقـي ..بانحسـار القبيلـة تمددت روحي علـى بقعـة السـم وصار انتمائي ,, لانتمائـي جديلـة ملكت أمري لكن الأمر مـا تـم ورجعت اَغَسْـل الأسئلـة بالفشيلـة مات الجميع وناظري يحتـرق دم والليـل يشعـل مـن لحمنـا فتيلـة وسأحاول جمع عدد أكبر شكــرآ |
|
|
|
18-10-2005, 15:32
|
#2 |
|
شاعر
|
رد : من ذاكرة ( قطوف - عافت )
. مدد يا بنت شمر .. مدد بلا عدد ! والله إنها أمنيه بالنسبة لي إني أقرا قطوف .. أيام قطوف ! ياليت كل نص يكون له رده مستقل .. لانه موضوع يستحق الإحتفاء بجميع أشكاله ! وانا في أول الصف .. وفي قمة المتعة ! . اخر تعديل كان بواسطة » عبدالله البكر في يوم » 18-10-2005 عند الساعة » 15:45. |
|
|
|
|
18-10-2005, 18:09
|
#3 |
|
عضوه
|
رد : من ذاكرة ( قطوف - عافت )
وجدت هذه القصيده الرائعــة في أحـد الأعداد الأولى للمجله للشاعر علي الضوّي تصفحّت الشمال وكل حبٍ في ضلوعي ســــــال وانا مشتاق لكتاب الشمال .. وريحة سطوره قريته من جنوب جبال حايل لزعبل لقيــــال واحس بداخلي مع كل صفحه تـنولد صـوره تهجّيت الشوارع :كلها زحمه وطيش أطفـــال تهجيت البيوت: وكل بيتٍ يحضنه ســـــــوره لمحت(الشمري)صفحة وفا بين الورق تختال قريت الطيب وحروفه من اول سطر محفــوره لقيته بالرضا مثل النسيم..وبالغضب زلـزال لقيته بالرخا غــــايب..وبالشده بـــــــرز دوره اذا صوته تكلم أستحى صوت الحسود وزال أفا..كيف ايحكي حاسد اذا صوت المره عوره ؟ ترجّاه النفود ليا مشى يمشي بدون نـــــعال تبي تحفظ بقايا خطوته..وتعيش مغــــــروره هنيك يوم شمّر يالشمال اختارتك مـــنزال عرفت الحين وش خلا الصباح تغرّد طيــوره هنيك بالطنايا كل يوم يدوس بك خـــــــيّال أجل كل يوم وارضك من سحاب العز ممطوره هنيّك..والله يعينك على الحساد والعــــــذّال يشوفون القمر فوقك.. وكلٍ يشتهي نــــــوره وأنا البارح حلمت أستغفر الله حلم ماينقال (................................................. ........) |
|
|
|
|
18-10-2005, 21:47
|
#4 |
|
عضوه
|
رد : من ذاكرة ( قطوف - عافت )
شكــــــــرا أخوي عبدالله البكـر أسعدني تواجدك جدا وبمساعدتك ومساعدة الأخوه يمكننا جمع عدد كبير من القصائد التي نشرت في مجلة قطوف هنا تحياتي واقديري لك |
|
|
|
|
18-10-2005, 22:14
|
#5 |
|
عضوه
|
رد : من ذاكرة ( قطوف - عافت )
فهد المســـاعد جا يشوف الحال كيفه بعد ماهزه حنينه وقبل يسألني سألته كيف حالك يالحبيب قال انا كني غريب ٍ ضيّع دروب المدينه قلت انا كني مدينه تنتظر رجعة غريب قال اجل وشفيك تلعن سيرة الحب وسنينه قلت اجل وشلون ماالعن سيرته دامك تغيب انت لامن غبت حتى مرايتك صارت حزينه كيف ماتبغاني احزن وانت لي مثل النصيب الهدايا والرسايل والمكاتيب الثمينه والليالي والقمر والريح والكون الرحيب كل ماتبعد تجيب الشعر ليّه من يدينه وتقعد جروحي تودي فـ الطواريق وتجيب يابعد كل القصيد ونزوة احْداه وانينه لاذكرتك لاح بيت وطاح ورد وفاح طيب وان نسيتك مانساني صوتك المبحوح لينه ياخذ لجرحي بثاره من خطاياك ويطيب وبعد هذا جاي ترمي ذنبك بوجه المدينه مادريت ان المدينه كلها شمعة غريب اخر تعديل كان بواسطة » بنت شمّر في يوم » 18-10-2005 عند الساعة » 22:20. |
|
|
|
|
18-10-2005, 23:04
|
#6 |
|
الطــربة
|
رد : من ذاكرة ( قطوف - عافت )
بنت شمر ياقلبي من جد تسلمين والله..  تصفحّت الشمال وكل حبٍ في ضلوعي ســــــال وانا مشتاق لكتاب الشمال .. وريحة سطوره قريته من جنوب جبال حايل لزعبل لقيــــال واحس بداخلي مع كل صفحه تـنولد صـوره تهجّيت الشوارع :كلها زحمه وطيش أطفـــال تهجيت البيوت: وكل بيتٍ يحضنه ســـــــوره لمحت(الشمري)صفحة وفا بين الورق تختال قريت الطيب وحروفه من اول سطر محفــوره لقيته بالرضا مثل النسيم..وبالغضب زلـزال لقيته بالرخا غــــايب..وبالشده بـــــــرز دوره اذا صوته تكلم أستحى صوت الحسود وزال أفا..كيف ايحكي حاسد اذا صوت المره عوره ؟ ترجّاه النفود ليا مشى يمشي بدون نـــــعال تبي تحفظ بقايا خطوته..وتعيش مغــــــروره هنيك يوم شمّر يالشمال اختارتك مـــنزال عرفت الحين وش خلا الصباح تغرّد طيــوره هنيك بالطنايا كل يوم يدوس بك خـــــــيّال أجل كل يوم وارضك من سحاب العز ممطوره هنيّك..والله يعينك على الحساد والعــــــذّال يشوفون القمر فوقك.. وكلٍ يشتهي نــــــوره وأنا البارح حلمت أستغفر الله حلم ماينقال (................................................. ........) وحايل وشمر تستاهل كل القصايد تنكتب فيها... أول مره اقراها ..من جد كلمة شكر ماتوفي المشاعر اللي منحتيني اياها بذا المتصفح وبصراحه ماكنت متابعه ذي المجله من اساس بس سمعة بعض الاقاويل بسبب توقفها. بنت شمر واصلي واحنا متابعين.. اخر تعديل كان بواسطة » نجـود في يوم » 18-10-2005 عند الساعة » 23:16. |
|
|
|
|
19-10-2005, 03:05
|
#7 |
|
عضوه
|
رد : من ذاكرة ( قطوف - عافت )
غاليتي نجود  تحرجيني دائما بطيبك وتواصلك دمتي بخير ياغاليه وألف ألف شكر على المرور محبتي لك |
|
|
|
|
19-10-2005, 06:00
|
#8 |
|
عضوه
|
رد : من ذاكرة ( قطوف - عافت )
للشاااعره ريميــّه لا تقومني وأنا ضلع أعوجاج ينكسر بايديك قلبي يا غشيم الرضى محتاج له وقت ومزاج وما هقيتك طمس بطباع الحريم خالفك قلبي على الغلطه وراج روجة الزهرة على كف النسيم من كسر قلبي تشربه الهماج ومن جبر كسري فأنا قلبي كريم يشرب الدنيا من ايديني ثجاج وتصبح لقلبه ملذات ونعيم ومن قصد جرحي زما بحري وهاج يغرق بموجي ولو باسه عظيم |
|
|
|
|
19-10-2005, 06:54
|
#9 |
|
Banned
|
رد : من ذاكرة ( قطوف - عافت )
. فديت كلك على هاالموضوع الراااااااااااااايق بجد عاجزه عن شكرك موضوع امنيه على قولة عبدالله البكر ينت شمر ياقلبي بطلبك طلب اذا تقدرين عليه اكون ممنونه لك بعمري ابي اقرا قصايد لفهد ساعد الثبيتي اللي كان بقطوف وبعدين المختلف وبعدين اختفى فديتك اذا تقدرين لاتبخلين علي متاااااااااااابعه ياقلبي وكلي معك |
|
|
|
|
19-10-2005, 18:02
|
#10 |
|
عضوه
|
رد : من ذاكرة ( قطوف - عافت )
مشكــــوره يانجلا يسلم قلبك ياغاليه على المــــرور بالنسبه للشاعر فهد الثبيتي نعم قرأت له نصوص في قطوف وابشري ولايهمك وكان من الشعراء اللي يدعمهم فهد عافت بتشجيعه اذكر قد قريت عمود كامل عن تركي حمدان وفهد الثبيتي بقلم فهعد عافت وفهد كان مدير التحرير في قطوف لفتره ,, ثم أصبح محرر في مجلة المختلف ومعد للملف الخاص بشعر المحاوره في المختلف ,, قبل أن يبتعد عن الاعلام ألف شكر يانجلا اخر تعديل كان بواسطة » بنت شمّر في يوم » 19-10-2005 عند الساعة » 18:13. |
|
|
|
|
20-10-2005, 04:54
|
#11 |
|
Banned
|
رد : من ذاكرة ( قطوف - عافت )
مشكوره ياعمري وعساك على القوه انتظرك ... بــ شغف ! |
|
|
|
|
20-10-2005, 15:43
|
#12 |
|
شاعر
|
. ومن نفس العدد الذي طرحت به قصيده " علي الضوي " ! كانت قصيده " إبراهيم النجدي " الصديق المقرب والشاعر الخيالي الذي أربكني كثيرا ً وما زال .. الليل رمد سكونه .. وإبتدى المسرى ! ............................ من يوم جابك على درب الوله طاري يا كيف تنشد عن الأشواق وإنت أدرى ............................ ولا إنت .. لاعب بحسبتنا ولا داري ؟ سلهم وخل العيون لخافقي .. تقرا ............................ الليل توه وأنا بالشوق سـمـّاري القلب في نجد دمع حكاية ٍ سمرا ............................ له زفرة ٍ بالمحاني هزت أوتاري إرتاح .. غيرك يباع بشوفه ويشرى ............................ ولا إنت لانيب بايع بك .. ولا شاري قم وإسأل الليل كم خاصمت من قمرى ............................ يا ليل .. لين أنورت بك شيمة الساري غيرت حال المصب .. النبع .. والمجرى ! ............................ يا معطف ٍ يكتسي به خافق ٍ عاري الجرح عيـّا .. قبل لا تلمسه .. يبرى ! ............................ دللت قلب ٍ على درب الشقا ضاري إنبـحّ صوتك وأظن لخاطري تدرى ............................ عساك منتب علينا يالغضى زاري ! لا والذي بأمره المعراج والإسرى ............................ ماهان دمع ٍ بتوديعك لنا جاري لكن بقى ليلتين .. ويقضي المسرى ............................ وتصير هذه قصيدة لا طرى الطاري إبراهيم النجيدي .. قطوف ! العدد الثالث والعشرون ديسمبر 1999 م . |
|
|
|
|
21-10-2005, 00:09
|
#13 |
|
فـعـل مــاضي!
|
"مع سيحة البال"!!
الفاضلة / بنت شمّر اجتلاء محاسن قطوف يهيئ للجميع رؤية العمل الصحفيّ في كامل أناقته, وما أجمل أن نسعى جميعًا لتوفير حاجات العيد اللازمة من الآن * قطوف من قطوف * / \ * ياسمين لي متى هذا الجفا .. يا ياسمين كل ليلة أفرش بساط السهر وارتب الجلسة قصيد .. وشمعتين وأغنية .. وابريق شاي وماتجين!!! ع. الضويّ ...... حسي ان الحزن اصلاً فجر عيدنا وكل وصلٍ يشكّلنا بداية فراق جرحنا زناد واهداف لبواريدنا من هو اللي يحاربنا .. بنا يا اشتياق؟! نايف عوض ......... دُلّني عليكَ فقد أوشكت على عناقك!! جعفر الجمري ....... مخرج: يومك تحط الكحل منهو رضاً له؟؟ وانت بلا كحلٍ تتل المعاليق!!! ؟؟؟ * / \ * بصدق ٍ وأمانةٍ يابنت شمّر/ قطوف مرآة من فضّة مجلّوة, واختياركِ لها لا يعكس إلا عمق الذائقة وسلامتها ! * كل عام والجميع بخير. |
|
|
|
|
21-10-2005, 00:20
|
#14 | |
|
فـعـل مــاضي!
|
ربما!
إقتباس:
[size=3] * وجدت البيت الرابع في أرشيفي الخاص, تحت اسم/ عارف حامد العضيب.. والله أعلم. [/size]تحيّة واحترام. |
|
|
|
|
|
21-10-2005, 03:14
|
#15 | |
|
الطــربة
|
رد : "مع سيحة البال"!!
إقتباس:
انا جاز لي ذا الشاعر بقوووووووووه تجنن ذي .. من جد تسطل.. وين ممكن نقراله زياده |
|
|
|
|
 |
| عدد المتواجدون في هذا الموضوع » 2 , عدد الأعضاء » 0 , عدد الزوار » 2 | |
|
|
|
|
