23-06-2010, 14:55
|
#1 |
|
عضو شعبيات
|
بآرتسـوا لي "" ترآآني صرت كـوول !! ( مششآرك )
صبـآحكم / مسسـآكم استيقـظ " حمييّيـد " في ذلك اليوم حلآوه مدري وش يبي و سن كولا  آخباركم مع هالحـر ؟ <~ تحسب كل النآس مكيفهم خربآن مثلها المهـم لا آطـوول عليكم و بسسـدح الموضوع بدون مقدمـآت " مشآرك في مسابقة الديوانيـة "  × × وقد تخللت أشعة الشمس الحارقة التي " تطلطل "على ملامح وجهه الخشنه <~ يمديكم ! حكّ شعـرره الذي لا يتجاوز طوله مليمتـر ذو اللمعـه الفآزلينيه وعقب ما تمغـط تمغيطـه تصرقعت لها عظآمه لبس ثوبه و ميّل عقاله على رآسسـه ‘ وتوجـه للمسجد ليؤدي صلاة الظهـر بعد ما انسلخ بالماء الحآر " كآن يتوضأ " رآح للمسجـد وصلى ركعتين تحية المسجد تـوّه مخلـص إلا سعيدآن دآخلـن المسجد سعيدآن : هـآآي التفت حميد : الحين آنت داخل المسجد وشولـه تقول هـآآي !! سلّـم يا جعلك المآنيب قايل سعيدآن : يـوووووه .. السلام عليكم صآرت قديمـه "وآكب" التطور يآخي حميد : وش وآكب !! يعني الحين السلام صار قدييم !! آول مره آسمع بوهـ " اللـه أكبـر " <~ بدآت الإقامـه حميد بعد ما سمع الإقامـة : خل نتجهز للصلاة وبعدها أتفاهم ويـآك ,, وارفع بنطلونك لايطيح عليك وانت راكع وساجد سعيدان : ههههههههههههههههههههههه .. اوما يطيح ,, شكلك موب بالدنيا حميد : انت اللي موب بالدنيا آجل آحد ما يعرف الحزام ، شف سريويلك طالع .. ووش ذآ السريويل اللي كأنه حق بنآت سعيدان بضحكة مدويّـه و مجلجله : هههههههههههههههههههههههههههههههههههههههههههههههههه ههههههههههههههههههههه وربي انك فله واحد من الرجال : احترموا حرمة المسجد انت وياه ,, واذا جايين تلعبون المسجد مو مكانكم حميد : كذا فشلتن قدام الرجاجيل ,,, خل نصل الله يصلحك / \ / برآ المسجد حمييد قآعد يدور زبيريـه حمييد : اقول سعيدان ماشفتن زبيري سعيدان : وش سعيدان انت وجههك هذآ اسمي القديم ,, مادريت اني غيرته حميد : والله غيرته .؟!! متى غيرتن سعيدآن : اووووه من اليوم اللي بديت فيه اواكب الموضه حمييد يستهبل : ووش صآر اسمك بالله ؟ سوسو ؟ سعيدان : لا شايفني خكري مع ذا الفيس صآر اسمي " سعد " المملـوح حمييد : الحين وش فرق سعيدان عن سعد ! سعيدان : سعيدان اسم بدوي لحجي ,,, اما سعد اسم مودرن يحبونه البنات حمييد : وش تخربط انت وربي عندك حتسي ما افهمه مره واكب , ومره فيس ومره موردن سعيدان : هههههههههههههههههههههههههههه وربي انك للحين بدوي ,, مودرن ياحظي مو موردن وبعدين حكيك هو اللي يفشل تطّور يا اخي تطّور .. I swear انك طالع من زمن my grand mother حمييد: هذآ هو زبيري لقيته سعيدان : الحين انا صار لي ساعه اتكلم معك وانت للحين تفكر بنعالك اللي من زمن قرقوش و وارثه من جدك الاكبر حمييد : هذآ زبيري موب نعآل وهذا ورث جدي لي .. وفيه ريحة الغالي سعيدان وهو معصب: الا ريحة خيآس .. انت يبي لك تجديد تحديث up date تعال معي وانا اعلمك الناس السنعه موب هالحاره اللي دافن حالك فيها حمييد : بس أمي تبيني اوديها لعند ابو سرور حق الحلويات سعيدان : للحين على ابو سرور الناس وصلت باتشي وشوكولاين وانت للحين على ذآ الشايب هو للحين ما مات حميد : استغفر الله ,, حرآم عليك تفآول عالرجال سعيدان : شف كلم امك وقول لها ما اقدر اوديك ربعي يبوني حميد باستنكار : لا ما اقدر اقول لامي كذآ ... وبعدين شلون اقول لها ؟ المسجد مافيه تيلفون سعيدان : وآآآآآآي وآآآآي اولالالالاهـ ماعندك جوآل ,,, اخوي بأول ابتدائي عنده وانت طولك طول النخله وماعندك جوال حتى ابو لمبه حميد : خلاص خلاص ,,, انا بودي امي وبرجع لك احتريني عند المسجد سعيدان : ياربيييييي للحين على كلمة احتريني قول wait me حميد : طيب وآيت وآيت الله لا يهينك \ / \ يتبـع  |
|
|
|
23-06-2010, 14:59
|
#2 |
|
عضو شعبيات
|
رد : بآرتسـوا لي "" ترآآني صرت كـوول !! ( مششآرك )
حمييد في آحد المجمعات يمشي وهو ماسك بنطلونه و " يطلطل " منه سروال السنه حميد : وآآي سعد احس البنتلون بيتيح سعد : الله يفشلك .. قلنا صير مودرن بس مو تصير خكري حميد : يعني ما احتسي تسذآ ؟ّ!! سعد : لاااا تكلم مثلي talking like me ( بصووت خفيف ) وروح افسخ سروال السنه الله يفشلك حميد " وقد اعتلت وجهه حمـره " <~ قايله لكم من البدآيه ما يمديكم : وش آفسسسخه يآ رجآآل !! سعد : يا الخبـل البس اللي تو شرينآهم بعد مارجع حميد من الحمام حميد يمشي بكل ثقه مع سعد حميد : تصدق يوم رحت البيت امي جاتني تركض تقول لي وش فيك ياوليدي مع مين متهاوش قلت لها ماني متهاوش مع احد بس ابي اصير كووووول سعد : طيب ووش قالت لك حميد : قالت طيب وراهـ شعرك كذآ ,, نافضتك كهرب وانا امك قلت لها .. لا مامي هذآ سبايكي وهي اللي ترفع يدها تحسبني اسبها !! سعد : هههههههههههههههه والله انك تغيرت يا ميدو من يصدق انك ذاك البدوي اللي شنبه وآصل لحلقه تقل يحيى حمييد : تصدق البنات بالمول ينادوني مهند سعد : عاد لا تهايط واجد ,, المهم في جوال جديد خل نروح نشتريه حميد : وشو هو ؟ غير ابو كاميرآ ؟ سعد : ايييييييييه اسمه البلاك بيري ولازم يصير عندك مثله حميد : اي ابيه اجل دامه موضه ، بس بكم بـ 100 والا 200 سعد : الا قصدك 1000 او 2000 حميد : اولالالالالاهـ الفين حشى ناقه !! سعد : يا اخي عادي لازم نصير كووول ونتبع الموضه وهكذا هو حال حميد وسعيدان اي شي جديد شروه ,,, او اي موضه جديده نزلت لبسوها سواء ناسبت اشكالهم و دينهم او لا ,, وصار حميد داج بالمجمعات وحتى المسجد احيان ينسى يروحه وساحب على امه واهله و كل همه انه يصير كول و البنات ومن طيحني الى سكيني وسامحني يا بابا وسبايكي وكريزي وغيرها من الموضه اللي مالها داعي / \ / يتبـع |
|
|
|
|
23-06-2010, 15:08
|
#3 |
|
عضو شعبيات
|
رد : بآرتسـوا لي "" ترآآني صرت كـوول !! ( مششآرك )
وفي يوم من الايام كان جالس بالكوفي شوب لحاله يحوس بالبلاك بيري إلا ويسمـع صوت من وراه " هذآ انت يا حمييد ؟ " حميد التفت : هآآآي عبدالله ,,, اخبارك يا مــآن ؟ تفضل عبدالله بعد ما جلـس : زآد فضلك ... وش مسوي بحالك وربي ماعرفتك حميد : مسوي نيو لوك ,,, تدري لازم نواكب العصر عبدالله : تواكب العصر !!!! حميد : يووووووووووووه شكلك ماتدري عن الدنيا ,, الناس تطورت عبدالله : الا بالدنيا بس لي عقـل يميز الصح من الخطأ ,,, لي عقل يميز اللي ينفعني واللي يضرني حميد : بس كل النآس تسوي اللي انا اسويه عبدالله : يعني اللي النآس تسويه تقعد تسويه !! حميد وش اللي غيرك ماكنت كذا بالاول ,,, حتى بالمسجد ماعدت اشوفك حميد : اي يأذن وانا بالمجمع ومايمديني اجي عبدالله : بس هذا مو عذر تقدر تطلع قبل بوقت ,,, يا حميد الناس ماتواكب العصر بخرابيط الموضه اللي انت تسويها تواكب العصر بالعلم بالمعرفه برزة الثوب مو بلبس الاجانب اللي ماله داعي تعلم الالكترونايت عشان تستفيد منها مو عشان تضر غيرك وتغضب ربك حميد : تبيني آلبـس الثوب عشآن الناس تقول عني قروي !! لا لا عبدالله : هذا اصلك وتراثك وهذا الشي اللي يخلي الناس تعرف انك سعــودي واللي ماله اول ترى ماله تالي ياحميد حميد : كلامك صحيح ياعبدالله ,, انا انجريت مع الموضه بس لاني ابي اتطور وماكنت افكر بعقلي وش اللي يناسبني / \ / حمييد يصب القهـوه لأمه : هآ يمـه وش رآيك بذآ الجهـآز ؟ آم حمييد : الله يجزيك يآ وليدي .. علمني القرآن مع آني ماعرف آقرآ آييه هذآ حمييد وليدي اللي ربيته \ / \ حميد يعدل شمآغـه و هو يطالع المرآيه يآ حبي لي من جد آني كششخـه و متطور !! |
|
|
|
|
23-06-2010, 17:40
|
#4 |
|
عضو شعبيات
|
رد : بآرتسـوا لي "" ترآآني صرت كـوول !! ( مششآرك )
و .. و آعذرووني عالقصـوور  بآنتظـآر آرائكم تحيآتي لكم +  |
|
|
|
|
24-06-2010, 12:34
|
#5 |
|
رفيــق الحــزن
|
رد : بآرتسـوا لي "" ترآآني صرت كـوول !! ( مششآرك )
موضوع جدا رائع ويحمل فكر وانتقاد لافكار وتصرفات جدا دخيله على المجتمع .. وايضا لغته طريفه وخفيفه والحوار كان يدور بشكل جميل بين النقيضين تبيين التاثير لكل منهما على الاخر والفكره بشكل عام جدا رائعه .. الله يعطيك الف عافيه اخت زينب وفالك الفوز ان شاء الله . |
|
|
|
|
25-06-2010, 09:37
|
#6 |
|
متميـّـز
|
رد : بآرتسـوا لي "" ترآآني صرت كـوول !! ( مششآرك )
لـ { حميد وسعد } : في كثير من الآحيـآن يعتقد بعض الشبآب إن اتباع الموضة لا تكون إلا عندمآ ننسف بالعادات والتقآليد التي تُحدد لنآ الخطوط الحمرآء عن مجآوزةِ العيب والنقص ، فنجدهم قد تخلّوا عن كل إرثٍ قيّم ومعآنٍ سآمية لاجل أن يُظهروا للنآس اتبآعهم للموضة وأن العآلم وصل إلى القمر في (( التطور )) .. المشكلة الأعظم أنه فعلاً الغرب وصل إلى القمر في تطورهم ونحن لم نصل للقمر تقليداً لهم في موضة تستحق التطبيق والتصفيق ، ولكن الإنسـان بطبعه ميّال لشهواته ورغبآآته فالداء المستشري في " شبابنآ " سوف يلحق بهم حتى يجرهم إلى هآوية لا قِرار لهآ .. لـ { النص } : آعجبني المدخل والختآم وكيف أن حميد بدأ في العقآل والشمآغ وترتيبها وانتهى بنفس ما بدأ دلالة عن أن النص دائري سآآر وتخلله كثير من الأحداث ثم حدث التصحيح وعآد إلى نقطة البدآية ، لكن كآن يفتقر إلى وفرة الأحداث وتفآصيلها فجميع الأحداث التي سُردت كآنت مباشرة وشحيحة فهي أنهم " ذهبوا " ثم " اشتروا " ثم " صلوآ " .. كنت أتمنى أن يطول الحديث بكِ قبل أن يعود حميد لحميد الذي نعرفه ، فتضمين بعض العقوبآت من بآب " الإستدلال " بأن الموضة تجر إلى الهآوية ، كأن يُسجن مثلاً أو يُنبّه من رجآل الهيئة أو أن يُترك ويُهآجر من قبل " ربعه وجمآعته " وكلها ردود فعل لـ موضة حميد التي لن ولم تُعجب العآقـل ، أيضاً لو خُتِم النص بأقطوعة صغيرة تُبين مدى تأثر الشآب المسلم بالموضات الغربية وماهي الإنعكآسات السلبية التي سوف تعود عليه .. لـ { زينب } : نص رآقي وجميل وموضوع يجب أن نُشبعه نقآشـاً ..! شكراً لكي اختي الكريمة .. اخر تعديل كان بواسطة » حرف ! في يوم » 25-06-2010 عند الساعة » 09:41. |
|
|
|
|
25-06-2010, 13:41
|
#7 |
|
شــاعر
|
رد : بآرتسـوا لي "" ترآآني صرت كـوول !! ( مششآرك )
موضوع رائع يا اخت زينب مقارنه بين الايجبيات والسلبيات في قالب فكاهي جميل يعطيك العافيه ونورتي |
|
|
|
|
26-06-2010, 12:21
|
#8 |
|
عضو شعبيات
|
رد : بآرتسـوا لي "" ترآآني صرت كـوول !! ( مششآرك )
عبدالرحمـن الربيع ،ً يعآفييـك ربي و يشرفني حضـورك و تعليقك عالموضـوع |
|
|
|
|
26-06-2010, 12:48
|
#9 |
|
عضو شعبيات
|
رد : بآرتسـوا لي "" ترآآني صرت كـوول !! ( مششآرك )
حــرف ! لا أدري ماذا آكتب على تعليقـك الآول فبعـده يضيع الكـلآم آما بالنسبـه لـ " النـص " قهـذه الآفعال كآنت آختصآر لـ كلام طوويـل كنت سآكتي الكثير من التفصيل كيف بدآ يتغير / ردود فعل آهلـه .. الخ لكنني آعدت التفكير بجعلـه قصيراً كي لا أطيل عليكم و تكون قراءته سريعـه و آشكرك على تعليقـك المميز لي |
|
|
|
|
26-06-2010, 12:52
|
#10 |
|
عضو شعبيات
|
رد : بآرتسـوا لي "" ترآآني صرت كـوول !! ( مششآرك )
فيصـل الخـآلد حضـورك " شهادة آعتـز بهآ |
|
|
|
|
27-06-2010, 00:43
|
#11 |
|
عضو فعّال
|
رد : بآرتسـوا لي "" ترآآني صرت كـوول !! ( مششآرك )
سُبحان من يغيرّ ولايتغير ّ والله ماهوب شين ان الواحد يجاري الموضه ويتبعه بس اهم شيء انها تناسبه وماتشغله عن اهتماماته ولاتخالف دييننا  موضوعك سلسل وممتع للغاية فالشُكر لك  حفظك الرحمن واسعدك |
|
|
|
|
27-06-2010, 05:05
|
#12 |
|
عضو شعبيات
|
رد : بآرتسـوا لي "" ترآآني صرت كـوول !! ( مششآرك )
اهلا زينب حوار حلو ويضح كيف ننجرف مع العولمة بشكل سلبي ناس كثير فاهمة التطور باللبس والمظاهر مايدرون ان التطور الفكري هو معضلتنا تلقين واحد لابس جنز وكاشخ وتنصدمين بعقليته المتحجرة !! موفقة خيتوووو |
|
|
|
|
01-07-2010, 06:30
|
#13 |
|
عضو متميز
|
رد : بآرتسـوا لي "" ترآآني صرت كـوول !! ( مششآرك )
هلا والله بزينب مبرووك مبروك أصلاً من أول ماشفت كلمة كوول في العنوان قلت بس واجب نبارك هههههههههههههههههه . . موضوع مترابط وفكرته رايقه ومن جد فيه ناس فاهمين التطور خطأ . . ولاااا ترى شايفين نفسهم فوق وفاهمين ومتطورين وكووول ! . . الشي الي مايناسب ديني ويتعارض معاه مانبيه . . زينب الحجي لا عدمناك ألف شكر لك |
|
|
|
|
12-07-2010, 23:09
|
#14 |
|
شــاعر
|
رد : بآرتسـوا لي "" ترآآني صرت كـوول !! ( مششآرك )
رائع واكثر يازينب كثري من هذ النوع موضوع خفيف دم وهادف في نفس الوقت سلمتِ |
|
|
|
|
14-07-2010, 20:02
|
#15 |
|
قلم واعد
|
رد : بآرتسـوا لي "" ترآآني صرت كـوول !! ( مششآرك )
يعطيك العافية حبوبة أمثال سعيدان واااجد للأسف فاهمين الحضارة والتمدن غلط .. هالنوعية لو تفتحين روسهم ما تلاقين فيها غير ترقيم وتدييت وشات والباقي فرااااغ الله المستعان جيل فاااقد لهويته والوضع كل ماله ويسوء يمكن بكرة يصيرون أهل السبايكي بحل عند اللي يجون بعدهم .. أسلوبك سلس وموضوعك رااايق |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
