[محمد جفال]

في عكاظ .. اللي يمدّ النور لاطراف البسيطه
انحياز الناس للانصاف طوّر ذائقتها

ماتقسّم رأيها حسب أتجاهات الخريطه
علم اللي تقتل العالم .. وتدفن موهبتها !!

وان سألتوني .. هجوسك خامله والا نشيطه
قلت لدّو للقصور اللي من الفضّه بنتها

أييه شاعر فكرتي ماهي من الشارع لقيطه
ساسها فكري وروحي وسط صدري مرضعتها

الشعر .. فكره جديده بالاساليب البسيطه
كل مامرت على كبار الدواوين حفظتها

والمحيط الهادي أمواجه تلاطم في محيطه
والبحور أسراراها بأطرافها ولاّ تحتها

انشد الغواص عن ماه الغزير .. وعن خليطه
عن كرم شاطيه .. عن بعض الرياح وسالفتها

ياسواااد الليل جرح البرق لو تقدر تخيطه
ماترد الشمس .. لو تطير وتفلّ أجنحتها

لو فرضنا ان التحيّز فأر والاشعار حيطه
خرّ سقف الفكر .. وأنقاض البنايه مقبرتها

وسسلللامتكم

[فهد بن ضيف الله]

الله اكبر عليك. يالمبدع
نص جميل
لكن حسبي الله على سوق. عكاظ. هذا الزمن

[عبدالرحمن ال مغني]

ياسلااااام

صح لساااانك مدد ماهو عدد

[علي الأسمري]

الله يصح لسانك

ودمت بالف خير

[محمد الدحيمي]

وانت احد من ظلم موهبته وظلم الشعر يامحمد

يارجل انت مشروع شاعر عظيم

فقط تواصل بشكل صحيح ومقنن

[محمد جفال]

الرسالة الأصلية كتبت بواسطة فهد بن ضيف الله

الله اكبر عليك. يالمبدع
نص جميل
لكن حسبي الله على سوق. عكاظ. هذا الزمن

تسلم ياصاحبي ... وش عا د نسوي
يقولون ان ما طاعك السوق طعه !

[محمد جفال]

الرسالة الأصلية كتبت بواسطة عبدالرحمن ال مغني

ياسلااااام

صح لساااانك مدد ماهو عدد

صح بدنك يا شاعرنا

[محمد جفال]

الرسالة الأصلية كتبت بواسطة محمد الدحيمي

وانت احد من ظلم موهبته وظلم الشعر يامحمد

يارجل انت مشروع شاعر عظيم

فقط تواصل بشكل صحيح ومقنن

مرحبا استاذنا واستاذ الشعر
حقيقة اشادتك تاج على رأسي
ووسام شرف أعتز به .
متابعة الشعراء العمالقة امثالك
هو النجاح الحقيقي ..

شكرا لك من القلب

[بندر الذيابي]

صح لسانك اخوي محمد

ماتكتب من شعر يثبت ماتقول

وابياتك خير شاهد بأنك من الشعراء اللذين لاتمر قصائدهم على المتلقي مرور الكرام

الله يوفقك

تقبل مروري المتواضع وتقديري

[علي ال شيبان]

ربما ..

فشل الجميع ولم ينجح أحد لم ينجح السياسي ولم تنجح الصحافة وفشل الشعراء والكتاب في مقاصدهم / قصائدهم .. في هذا الشأن المحيط و المربك للجميع , وحده هذا النص أستطاع أن يتجاوز الجميع وأن ينجح في كل ما سبق وبكل ما سبق نص اتجاهات الخريطة في تصوري المتواضع : نص عظيم يبدأ من نقطة ذات خصوصية ليذهب بنّا بعيداً ولآ ينتهي .. نص يتجدد في كل قراءة جديدة .. يرسم لك وله اُفق وأتجاه آخر,
نص صيغ برمزية فـ فجرّ الجغرافيا , وهز التاريخ الطويل !! ..
نص عــرّا الجميع ولآ سلام فيه ,
نص كتب بشجاعة و بعبقرية ووعيّ تام ..
ياسواااد الليل جرح البرق لو تقدر تخيطه
ماترد الشمس .. لو تطير وتفلّ أجنحتها !!
والله أعلم ,,
لله درّك يارجل !

[مانع اليـامي]

صح لسانك

لاهنت