[سعيد العبيدي]

قال العبيدي والعبيدي للاشعار=شيخ ٍ حروفه كل ابوها جزايل
اليا ارتكد راسي من البن وبهار=اضرب على الكايد وزين المثايل
شعري حشمته حشمة العود لاسار=قاموا له جموع العرب والحمايل
كل ٍ تمنى يقلط ويدخل الدار=ولا يطيع الا كرام السلايل
يقلط على اللي عندهم شبّة النار=مجلس رجال ٍ يحتمون الاصايل
من طيبهم صار الوفا فيهم شعار=واليا لفاهم ضيف فالفال حايل
منزّال شعري فوق موجات الاقمار=يعشق دروب المرجله والجمايل
ماكل من سمعه درى باللذي صار=ولا كل من يقرى يعرف الدلايل
ما يفهمه خبل ٍ سفيه ٍ وثرثار=ربّاه من يجهل سمان الفعايل
ما يفهمه ياكود من ربعه احرار=عمه وخاله فعلهم دوم هايل
يطرب ليامنه سمع طيب الافكار=ويشوش راسه لاقبل الطيب سايل
من صلب عود ٍ يكرم الضيف والجار=والصدق منطوقه ليا قام قايل
لا قاله الله يا قصيدي فلا عار=يلحق جنابك دام هالراس طايل
ولا تنقهر مثلي اذا هالزمن جار=اللي يساوي بالقبايل عوايل
ربك يزينها وبتزين الاقدار=ولابد من يوم ٍ مزونه همايل

[ناصر المطيري]

حضور جميل

وفصيده اجمل


لك التقدير

[سعيد المري]

.
.

شعري حشمته حشمة العود لاسـار
قاموا له جموع العـرب والحمايـل

شعري حشمته حشمة العود لاسـار
قاموا له جموع العـرب والحمايـل

سعيد العبيدي

كفو .. صح لسانك ونبضك .. تقبل مروري المتواضع

[نورة العجمي]

ربـك يزينهـا وبتزيـن الاقــدار
ولابد مـن يـوم ٍ مزونـه همايـل

لمثل هذا الشعر والشاعر نحترم
قصيدة جزله كعادة قصائدك الرائعه
الفخروالشموخ حق لكل مبدع
صح لسانك وفكرك
كل الود والورد

[سعيد العبيدي]

صحت ابداااااااااااااانكم


شاكر لكم مروركم المشرّف


تحياتي

[مروان المرواني]

صح لسانك ياسعيد
لا قاله الله يـا قصيـدي فـلا عـار
....... يلحق جنابـك دام هالـراس طايـل
ونعم بيض الله وجهك
ابداع الله يعطيك العافيه

[أشواق الشمري]

ونعم فيك وكفو شاعر تستاهل المدح
صح لسانك

[سالم بن جلعان]

والله ونعم وسبعين يا سعيد ....

كفو كفو كفو وقصيدك كفو ...

صح لسانك على الأصيله مليون ولا يكفون

تحياتي وتقديري

[سعيد العبيدي]

اولاً:

كل عام وانتم بخير ولو انها متأخره واطلب منكم العذر


رمضان وصيام وياليت تقبلون عذري


وشهركم مبارك وعيدكم مبارك مقدماً



ثانياً:


صحت ابداانكم جميع


مروووركم يشرفني ويشرف قصيدتي


دمتم بعااااافيه وصحه