04-05-2006, 02:41
|
#1 |
|
وريث الرمل / شــاعــر وأديب
|
بانتظاركْ .. !!
 بانتظاركْ .. تجمعين الوقت .. فـ..ـشفاتي جريدةْ .. تكتبيني .. تشطبيني .. نترك الصفحة قصيدةْ .. ! يا عنيدةْ .. يامطر .. عيّت سحابة لاتفرط فيه والدنيا ظما ..! ياسما ضمّت سما .. لمِّي اللي يِنْتثر من سلّة الذكرى ورق ..! وامسحي.. غيابك عرقْ .. ! علميني ..كيف أنام .. وكيف أحلمْ ِبكْ تجين..! اسمع الساعة ..حنينْ .. وانتظرك الليل كله ... واتسلّف له نهار ..! تعرفين وتدعين ..؟! تنكرين ْ .. .. ؟! إنْ كل الوقت مني .. وانْ نوم الليل عني .. ! نجمتين وانكسار ..! *** بانتظاركْ .. آه .. لو تدرين وش معنى انتظارك ... ! يمكن يكون الغياب .. وحزني افبابه .. قراركْ ..! يمكن اني مرّة ابـ..ـغفلة ظلمتك ... وكان هذا اللي يزلزلني مع الساعات ثارِك ..! آه .. لو تدرين .. وش يعني .. تخلّين الغياب اللي يعذّبني خيارك ..! ؟ انكساري وانتصاركْ ...! شخبطات اللون الاسود في قراطيس البياضْ ...! انحسار الشمس .. وغبار الرياض .. غربة اللحظة افــ..ــداري ..! آه لو تدرين وش معنى انتظارك ... مثل ما تدرين وش معنى انكساري ... ** اسمعيني .. كل مافيني حنيني الطريق اللي تدلِّيني عليه .. يضيعْ فيني .. ! والمحلات الكثيرةْ .. فالشوارع .. كلها تبـْ تشتريني ..!! واشتريْتِكْ... ( كوب قهوة ) ثاني ... أو عنوان بيتكْ ..! ما أدلّه ... لو تحرّيتك .. بركنه .. يمكن اني صرت كلّه ! واحتريتكْ ... ذاك بيتِكْ ... لا .. أظنه ذاك ... يمكن لو أقلّه .. ! وينك انتَ ؟ ... كان جاوبني بظِّله ..! آه .. لو تدرين وش معنى انتظارك ... سيرتي والظل .. واوهام الطريق .. وباب دارك ..! 4-05-2006 |
|
|
|
04-05-2006, 02:45
|
#2 |
|
عضو شعبيات
|
رد : بانتظاركْ .. !!
روووعه يالوااافي , يامطر .. عيّت سحابة لاتفرط فيه والدنيا ظما ..! (f) |
|
|
|
|
04-05-2006, 02:50
|
#3 |
|
النجدية
|
رد : بانتظاركْ .. !!
لي عودة .. |
|
|
|
|
04-05-2006, 14:44
|
#4 | |
|
وريث الرمل / شــاعــر وأديب
|
رد : بانتظاركْ .. !!
إقتباس:
ممطرة ... حضورك اول النص بشائر تتابعة ... شكرا لحسن ظنك |
|
|
|
|
|
04-05-2006, 14:44
|
#5 | |
|
قبلةً على جبين الـ مطر
|
رد : بانتظاركْ .. !!
.. إقتباس:
دهشة ثالثة أمرغ كفيّ في عنوانها حتى الثمالة فـ تحترق . . نتوء |
|
|
|
|
|
04-05-2006, 14:48
|
#6 | |
|
وريث الرمل / شــاعــر وأديب
|
رد : بانتظاركْ .. !!
إقتباس:
كعادتك يا نجدية أختًا نبيلةً .. ملبّدة بالضوء ، والبياض الموعود به الشعراء كرَما وعطاء من لدنْك ... ينتظرك العشب معي .. أيتها السحابة المباركة .. |
|
|
|
|
|
04-05-2006, 15:08
|
#7 |
|
وريث الرمل / شــاعــر وأديب
|
رد : بانتظاركْ .. !!
( 2 ) لاتغيبي ..! يوم قلتي لي : ( حبيبي ! ) كنتَ اداري عنك هفواتي واصونك كنت َ أخاف اني اخون الصدق ..من حزني واخونك ..! لا تناديني بدونك أيْــ ...ـه ..حبيبك لو عجز حظي يجيبك ..! يكفي إن الدرب ... توصفها عيونك صدقيني .. هي ثلاث حروف يجمعها حنانك ( شِ عْ رْ ) والرابع زمانك قاف عاشق .. أو ( ألِفْ ) شاعر مراهق ..! خلي الرابع عشانك .. *** آه يانجمه بعيدة .. لو قريتيني قصيدة تقدر تخمّ المشاعر .. بالمشاعرْ ...! عاصفة هزّتْ سكونك .. كنت كاتب .. صرتْ شاعرْ ..! يانصيبي ..! لاتغيبي وين صوتي .. وين صوتِكْ آه وشلون اتخيّل .. شوق ها الليلة يفوتكْ ..! ؟ غيبتك صارت مساحة ... يجتمع فيها حنيني مع غيابك لاتهجيت الصراحة ..! في عتابك ضاعت افزحمة سكوتكْ ..! عاتبيني ... واسمعيني لابديت أقول من طيبي الحقيقة ... عاقبيني ... ان طراك الشك فيني بس لاتغيبين عني بها الطريقة ..! يا غريبة ... هي صحيح إن السما صارت قريبة ...؟! وانْ .. ها النجمة حبيبة ..! وانها غابت .. عشان تشوف طيبي ..! وانْ كل اللي أعَرْفُهْ عن غيابك ما أَعَرْفُه .. ! وان كلاًّ .. يمنعه لا اشتاق ظرفه ...! بس مادامك .. ــــ ومن حظي ــ رضيتي بي (نصيبك ) لاتسافر بك ظنونك ولاتناديني بدونك دامني من أول الصفحة .. نسيت اسمي وسمتني سوالفنا ( حبيبك ..! ) 5-05-2006 |
|
|
|
|
04-05-2006, 19:13
|
#8 |
|
موقوف
|
رد : بانتظاركْ .. !!
/ \  |
|
|
|
|
04-05-2006, 19:26
|
#9 |
|
عضو شعبيات
|
رد : بانتظاركْ .. !!
: . ومن غير هذا الوافي جمع الجمال وأحصاه عــدّا ...!! هـُنا ...هـُنا .....أيتها النجوم ..هـُنا سماء ثامنة ...هـُنا أيتها الشمس صـُبح أخر يتنفس هـُنا ...هـُنا ..أيها المطر سحابة تنتظر ...هـُنا أيها الربيع زهرٌ ينع قبل أن تحضـُر هـُنا هـُنا أيها الضوء مدائن تشتعل ولا مصدر لها إلا حرف الهجاء التاسع والعشرون الذي سقط سهواً من جبين ( عربيتنا ) الأثمة في حق هذا الوافي ... هـُنا أيها العيد ذُق قليلاً من أوجاع الإنتظار لتعلم لِما نفرح بكَ كُل ذلك الفرح حينما تزورنا هـُنا أيها الأمل ذُق قليلاً من طعم الأحلام لتعلم لِما نشعـُر بدوان أرواحنا حول الأرض حينما نـُحققك أيها الأمل . هـُنا يا أصابع الورد يجب النمو .. هـُنا ولا غير يجب عن كـُل طينٍ منـّا أن يبتل حديثاً ..ويغتسل نوراً هـُنا والوافي تغلي في شـِعــرِه الكلمات هـُنا والقصائد بابٌ يزور المغفرة / \ / هـُنا وراء الرمال ...ووريثـُها ألفُ حديثٍ ...وحديث هـُنا سنأتي أنا وظهري المـُنحني ذات يومٍ بعيد ســنأتي علّنا نعود إلى زمنٍ لا يعود . : . ثالث النيلين : إبراهيم الوافي بصدق : وهذ الهـزّة الأدبية من شأنها أن تـُزلزل كل هـُلام القصيد الذي بدأ يكون سيداً في زمنٍ أغبر ..أشعث ...كـُله ذنوب . . |
|
|
|
|
04-05-2006, 20:38
|
#10 |
|
شـــاعرة
|
رد : بانتظاركْ .. !!
بانتظاركْ .. تجمعين الوقت .. فـ..ـشفاتي جريدةْ .. تكتبيني .. تشطبيني .. نترك الصفحة قصيدةْ .. ! يا عنيدةْ .. يامطر .. عيّت سحابة لاتفرط فيه والدنيا ظما ..! ياسما ضمّت سما .. لمِّي اللي يِنْتثر من سلّة الذكرى ورق ..! وامسحي.. غيابك عرقْ .. ! علميني ..كيف أنام .. وكيف أحلمْ ِبكْ تجين..! اسمع الساعة ..حنينْ .. وانتظرك الليل كله ... واتسلّف له نهار ..! تعرفين وتدعين ..؟! تنكرين ْ .. .. ؟! إنْ كل الوقت مني .. وانْ نوم الليل عني .. ! نجمتين وانكسار ..! والله ثم والله أني عاجزة عن أختيار أجمل المقاطع كلها أروع وكلها أجمل بساتين تعشب في قلوبنا مزيد من المشاعر وكثير من الحب أبدعت إلى مالانهاية ياشاعرنا  |
|
|
|
|
05-05-2006, 00:48
|
#11 |
|
المشرف العام
|
رد : بانتظاركْ .. !!
الوارف إبراهيم الوافي في كل متصفح لك لاتخيب ظن الذائقة اطلاقاً جعلتنا ننتشي يامبدع صح نبضك |
|
|
|
05-05-2006, 07:29
|
#12 |
|
عضو
|
رد : بانتظاركْ .. !!
اسمعيني .. كل مافيني حنيني الطريق اللي تدلِّيني عليه .. يضيعْ فيني .. ! والمحلات الكثيرةْ .. فالشوارع .. كلها تبـْ تشتريني ..!! جميل ماخططته بين تلك السطور التي ادرجتها ,,, يالك من رائع ياابراهيم .. سجل اعجابي بقلمك .. دمت مبدعاً .. أختك شغاف, |
|
|
|
|
05-05-2006, 18:14
|
#13 |
|
وريث الرمل / شــاعــر وأديب
|
رد : بانتظاركْ .. !!
الأحبة هنا .. من أول الـ نتوء .. حتى آخر الشغاف ... سأعود إليكم .. واحدًا واحد .. قلبًا قلبًا ... فقط ريثما تكتمل دائرة هذا الشجن .. كونوا بالقرب دائما .. فبمثلكم تكتمل استدارة الشعر ... لاحرمني الله ضوءكم |
|
|
|
|
05-05-2006, 18:16
|
#14 |
|
وريث الرمل / شــاعــر وأديب
|
رد : بانتظاركْ .. !!
(3 ) لو رسالة .. لاتعثرتي بحالة .. أو كآبة .. صدقيني .. كلنا في ضيقة الخلق نتشابه ..! كلنا نحتاج .. دايم نبتعد .. حتى عن طقوس الكتابة ...! بس ليّه قلب .. ما يقدر يشوفك غايبه .. ويظل عادي ..! والطبيعي ... ! قط سمعتي يوم إنه فيه شاعر كان ( سادي ) ..؟! صدقيني .. والذي يحفظك تكفيني رسالة .. لا تعثّرتي بحالة ..! *** يا مسافة .. ! جاوزت ظلي .. وما منها حسافة ..! يكفي إن الدرب مع صوتك مدينة ...! يكفي .. اني .. والشوارع لاتغيّبتي حزينة ....! آخذ احساسي ..معاي .. ! واترك الشارع وراي ... واتضيّع ...! علّمينيْ ...! كيف ادلِّ الحين دربي ... والشوارع ..كلها .. نادت عليك ..! صدقيني .. كان صوتك ..! دربي اللي في يديك ..! أصدق اللوحات ( في ) كل الشوارع ..! كنت احس انك ..معي .. ما اضيع .. لو ضيعت فاتن ...! كل أفعالي .. ( مضارع ) ..! كنت بارع ...! في ( أحاديث ) المفاتنْ ... بس هلحين ( الحبية ) حلم أسمى ..! غربتي .. ( مسكين أعمى ) ..! ايه احبك .. واتهجابك مكاني أسبق الهرجة ..فبالك ...! وأفهمك .. واكشف خيالك ...! ونتعادل ...! اسمع الدهشة بصوتك ... وانتظر شهقة سكوتك ..! ( بس قلِّي : كيف تدري وش ..بقولْ ، بجد .. تذهلني ... وتسبقني بـ ثواني ) ..! لا نتجادلْ ..! صدقيني شي عادي قط سمعتي يوم إنّه فيه شاعر كان سادي ..!! *** لو رسالة ..! لا وطتنا الاستحالة ..! من تعَبك .. ومن ظروفي وانشغالي ... لو رسالة ... دامْ للإنسان ( مهما كان ) حالة ..! عن ..خيالي ...! ودي اسولف كثير ولا طرالي ..! إني البارح .. تخيلتكْ بعيدة ..! وان تاريخي معك .. ( يشبه ) مواضيع الجريدة .. وانك أكثر من حبيبة نجمة .. الحلم القريبة ...! بنت .. ابوي .. اللي على اخواني ..غريبة ...! قلب أمي .. بنت همّي ... ( بحّة ) ( الحاء ) العجيبة ..! لو رسالة ... بس تكفيني رسالة ...! لا تعثرتي .. بحالة أو كآبة ...! صدقيني ...! كلنا في ضيقة الخلق نتشابه ..! 5/5/2006 |
|
|
|
|
05-05-2006, 21:50
|
#15 |
|
طفلة الشعر / شــاعرة
|
رد : بانتظاركْ .. !!
|
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
