06-04-2002, 00:42
|
#1 |
|
عضو شعبيات
|
تخاريف كاتب على الشعراء عاتب ( الجزء الأخير ) 2/5
اخواني واهلي وربعي وشلتي ( احم ) شلونكم .. وشخباركم .. بشروني عنكم ؟ انا آسف اني طولت عليكم واني وعدتكم بالقريب العاجل بس صارت بالقريب الآجل  ولا تزعلون علي ( امممممممطح على نوزاتكم ) والله لا يحرمكم مني ( هيه يابو الشباب ) قصدي الله لا يحرمني منكم ويخليني لكم ويخليكم لي اكيد قاعدين تنتظروني وتقولون وين راح هالعلة ذا كل هذي كتابة بس ترا يا جماعة اعذروني لاني هونت عن الطريقة الجديدة اللي قلتها لكم لانه شفت تفاعل كثير من الاعضاء هذا غير الرسايل اللي امتلا منها خزان بريدي  ( ايه يا ملحك ) عشان كذا قررت في الاجتماعاللي عقدته مع نفسي العزيزة وربعها ووزرائها اننا نأجل الطريقة الجديدة لبعدين لاني اشوف بدري عليها ما بعد خلصت حش في الشعراء انا ادري اني حمستكم على غير سنع ( مهيب غريبة عليك يالمطفوق ) سامحوني ولا يجي بخاطركم علي شي .......... ها سامحتوني .. ؟ الله يسلمكم داري انكم تحبوني مالكم غيري ( خل عنك بس ) المهم يا جماعة الخير هذا الفصل الثاني من الجزء الاخير من التخاريف واللي قسمته لـ خمسة اقسام عشان ياخذ حش اكبر في هذا القسم راح نتكلم عن 3 شعراء واحد منهم يتقطع قلبي اني اتكلم عنه لكن ما باليد حيلة زلة وتحسب عليه لاني يعجبني الشاعر ذا لدرجة اني الاحقة وين ما ينشر ( خابرك وسيع وجهك ) نبدأ المقال مع اول الضحايا واللي اخذ مساحة اكبر في هذا الجزء ( الله يكون بعونه ) هذا الشاعر سلمكم الله روض ( Dad و Mam ) في قصائدة شاعر يقول حبيبتي بدوية ما تعرف الـ dad والـ mam شاعر لكتب قصيدة تلقاها في كل مطبوعة وقبل مدة نشر في جريدة مشهورة ( ترا مهيب جريدة الرياض )( يا شينك لقمت تلمح ) وبعد اسبوع لقيتها في المجلة الشعبية الأولى على مستوى العالم العربي ........... !!! صراحة استغرب كيف هوس الشهرة وصل فيه لها الدرجة الاكيد شاعرنا العظيم ذا تلقى قصائدة كلها ( حبيبتي ) حتى لو كانت قصيدته بدايتها يتكلم عن شي ثاني لازم تلقى حبيبتي ........ !! هذا الشاعر اعتقد ما يدري ان للشعر انواع واغراض غير الغزل اعدها لك ( مندي , مظبي , مثلوثة ) ( والله شكلك تكتب المقال وانت جوعان ) بعد هالبربسة نستعرض بعض من قصائد الشاعر هذا ( خليفة المتنبي ) يا نور عيني .. يا رجايه .. بدنياي أبيك جنبي وادري انك .. تبيني لاحظوا معي الشطر الثاني الشطر الاول مافيه شي ( سليم ومتعافي ) الشطر الثاني هو قاعد يترجاها وبعدين يقول بلغة الواثق ( وادري انك تبيني ) سبحان اللي خلق هالشاعر كل شعره تناقض في تناقض ما لقيت له قصيدة متقاربة كلها تناقض ( الله يهديك ) يقول بيني وبينك حالوا عداك وعداي ناس تداحمنا بجنب متيني يقول ناس تداحمنا بجنب متيني !! حشا شكلك وسط ناس دببه مهوب عصلان ( مثلك يعني ) طيب انا ابفهم وش دخل الحب بمداحم الدببة ؟؟؟؟ ما صار حب ذا هواش قايل لكم تناقض X تناقض ........................................... الله يصلحك وانا عمك يقول الشاعر :- ما ضربناك من تحت الحزام لن .. مالك حزام ولا ظهر افا السالفة صارت ملاكمة مهيب قصيد اقول انتبه لا تتوهق فيني لاعطيك مهوب تحت الحزام الا فوق الحزام ( يا شديد ) يعني بالله ضاقت الكلمات والالفاظ وما لقيت الا هالتعبير وبعدين وش هالحب الاقشر ضرب وهواش وتكفيخ والله هذي سواليف وهروج مهوب قصيد صدق لقالوا الشعر يحتضر .............. والسبب الحداثة الله يرحم زمان الوصل بالاندلس .................................. !! تقول الشاعره :- انت بس اكذب علي وقل أبيك لاعزم النجمات واهدي لك قمر اللي انا اعرفه ويعرفه غيري ان الحب مابه كذب وخداع واللي يسوي كذا ماله في ام الحب طيب كذب عليك وقال ابيك واحبك واموت فيك و .. و .. و .. كيف تنعزم النجمات ؟؟؟؟؟؟؟؟؟ اخبر ما معهن جولاات ولا عندهن تلفون لانهم قدموا على الاتصالات لهم عشر سنين ولا طلعوا لهم رقم والفضائي غالي سعره والبيجر ما يوصل هناك والمسافة من الارض لهن بعيدة ( يا شينك لقمت تتفلسف ) والله شي ما يدخل العقل ........ اقول كيف الحال بس ...... اخواني سنايدي انشاءالله للتخاريف تكملة وبقية لكن في المقال ذا استعرضت 3 والقادم اجمل انشاءالله وتمنى اني ما طولت عليكم ( لا عادي متعودين يابن الحلال ادري انك غثيث ) عزوتي اشوفكم على خير الله الله بالتفاعل فمان الله |
|
|
|
06-04-2002, 06:54
|
#2 |
|
شـــــاعــــــر
|
الحبيب الى قلبي عزيز نفس السلام عليكم والله اني مبسوط من مواضيعك الحلوه وتلميحاتك اللي تبين مدى معرفتك بالامور اخي اعجابي شديد جدا ولكن لي رجاء عند استعراض الشاعر بودي تبين لنا شيء من ما يمتلكه من قدرات وما يفتقر اليه وخاصة باسلوبك الرائع يعني بشكل اوضح مستوي الشاعربه تمكنه من الكتابه ثقافته تفحص القصيده بشكل كامل ان امكن او الشاعر نفسه اقصد ليس جانبا واحدا بل من عدة جوانب تحياتي وتقديري لك ولعل يكون لي عودة مرة اخرى اخيك ابو نوت |
|
|
|
|
06-04-2002, 11:20
|
#3 |
|
عضو شعبيات
|
اخوي عزيز نفس انا ابي اكتب عن جزئيه من الموضوع وهي بيت الشاعره اللي انت استشهدت فيه تقول الشاعره :- انت بس اكذب علي وقل أبيك 000000000000 لاعزم النجمات واهدي لك قمر هذا المعنى اخي الفاضل مما يسمى اكذب الشعر اعذبه فالشاعره هنا تستخدم اسلوب المبالغه والخيال لتبين لنا مدى رغبتها في ان يقول لها محبوبها ( ابيك ) وهي هنا لا تكذب 00ولكنها تتمنى وبقوه ان يحدث ذلك000ومثل هذا المعنى يوجد كثيرا في القصائد 00وهذا ليس عيب في القصيده (( رأي شخصي )) شكرا للموضوع الرائع والأسلوب الأروع لك الود واعطر التحايا |
|
|
|
|
09-04-2002, 04:22
|
#4 |
|
عضو شعبيات
|
هلا خالي ابو نوت انت مو حبيب وبس الا توام الروح اشكرك يا عزيزي على اطرائك ( تراك وصلتني للسما شكلي ابجي على خشمي ) حبيبي ابو نوت انا لما اكتب عن اي شاعر استعرض الجانب السلبي فيه وهم قلة ولا اتطرق للجانب الايجابي لان هذا ما يدخل تحت مسمى النقد والمعروف النقد يكون بالشي الغلط الذي يراه الناقد لذلك لا اتطرق الى الجانب الايجابي وثقافة الشاعر هذا اولاً ثانياً اذا اردت ان استعرض قصيدة كاملة سوف يكلف مواضيع كثيرة وربما لا تشمل شريحة كبيرة من الشعراء لذلك اكتفي بكم بيت من مقتطفات لهذا الشاعر لان قل من تجد قصيدته تسودها السلبية الا في بعض أبياتها هذا للتوضيح يا استاذي العزيز ( مادري من وين طلعت هالفلسفة ) ابو نوت دايم تحرجني بجميل كلامك الله يرضا عليك ويخليك ذخر لنا ولغيرنا تحياتي لك ابو نوت ============== الغالية غادة مسيك بلخير وشلونك الله يحييك ؟ اولاً يا شاعرتنا القديرة عزيز نفس مايعرف اعذب الشعر اكذبه ( تكفى الله يرحم والديك اعرفه ) عزيز نفس ما يعرف الا اللي بقلبه على لسانه انا معك يا اختي العزيزة في المبالغة في الكلام لكن مهوب للدرجه ذي انا ماعرف لف ودوران يا صح يا غلط نص ونص مافيه ( يا شديد ) اشكرك اختي العزيزة غادة على جميل ردك وردك انتي والغالي ابو نوت افتخر واحطه تاج على راسي اشكركم يا حبايبي وانا مستمر معكم ويكفيني ردك انت يا بو نوت والغاليه غادة تحياتي لكم وين الباقين ؟؟؟؟؟؟ |
|
|
|
|
09-04-2002, 06:56
|
#5 |
|
عضو شعبيات
|
هلا أخوي عزيز النفس .. بصراحه ماقريت للاسف الاجزاء السابقه  أنما أسلوبك حلو وطريف بس حبيت أعلق على موضوع الشاعر اللي دايما يبدا قصايده بذكر حبيبته ( تراني اول شي مااعرفت ولا واحد من اللي فوق  ) ..حسب معلوماتي المتواضعه أن الشعراء القدامى كانوا اذا ارادوا ان يكتبوا قصيده وخاصة شعراء المعلقات يبداونهابالتغني بدابته ثم بحبيبته ثم يفتخر بقبيلته ومن ثم ينتهي بالغرض الذي كتبت من اجله القصيده ..وبالنسبه للشاعره المسكينه خلها تستانس شوي ولو بالكذب عليها ومن ثم تراها حره وتستاهل اللي يجيها بعدين |
|
|
|
|
10-04-2002, 14:29
|
#6 |
|
عضو شعبيات
|
هلا عزيز نفس موضوع مميز باسلوبك الحلو انا ابي اعقب على البيت الاخير بس لا ان الي قبله معجبيني صراحه تقول الشاعره :- انت بس اكذب علي وقل أبيك لاعزم النجمات واهدي لك قمر لو تلاحظ هي بالبدايه قالت اكذب علي يعني هي راح تبالغ بعد والنجوم هي الي تصاحب الشعر والشعرا دايم الي يعزمهن والي يبني فيهن والي ينظمهن عقد تسلم على الموضوع وكالعاده بقولك القراءات متاكده انها اكثر من الردود لك تحياتي الاخت سناالفضه هذي مواضيع عزيز نفس لازم تردين عليها اختي. اوكيه لانهايتعجبك اكيد http://www.eqla3.com/cgi-bin/sh3r/ul...c&f=4&t=000027 http://www.eqla3.com/cgi-bin/sh3r/ul...c&f=4&t=000032 http://www.eqla3.com/cgi-bin/sh3r/ul...c&f=4&t=000050 وشكرا للجميع |
|
|
|
|
11-04-2002, 04:36
|
#7 |
|
عضو شعبيات
|
الاخت العزيزة سنا الفضة حياك الله ويا هلا ومسهلا واسفرت وانورت تسلمين على الرد وعلى جميل اطرائك وبالنسبة للمقالات ما فات الا الشر تلقينها في رد المشرفة جمر الآهات اما بالنسبة للمقصود من الشعراء انا ( واعوذ بالله من كلمة انا ) كنت اكتب اسماء الشعراء يعني ما ألمح لكن لطلب الغالي ابو نوت بعدم ذكر الاسماء الصريحة نفذت طلبه ولا بديت اكتب بالصريح يعني تلميح بس اما ذكرك بأن الشعراء قديما كانوا يبتدون بالتغزل ثم بالفخر واخر شي بالغرض انا معك بس مهوب شاعر كل قصايدة تغزل كأن ما خلق الله الا هو وهي عرفتي ليش انتقدت الشاعر ذا انا ما اعترض على الغزل ولا غير الغزل بس الشاعر ذا ما قد شفت ولا قريت ولا سمعت له الا غزل ؟؟؟؟ شاكر لك على اطرائك ويا هلا ومسهلا يا اختي الفاضلة =========== مشرفتنا الغالية ارحب فيك واشكرك على ردك بالنسبة لقولك بإن الشاعرة قالت ( انت بس اكذب ) يعني ان الدعوة كلها كذب هذي مصيبة اعظم يعني حتى المشاعر صار فيها كذب وخداع ؟ بس ما عليه كلكم اتفقتوا علي في البيت ذا وطلعتوني غلطان طيب محسوبة علي هذي بس منتب لاقين غيرها في المقالات الجاية وانا راح اكرر واقول لك ردكم اكبر وسام افتخر فيه واكبر فخر لعزيز نفس تحياتي العظرة لك ================== وقفة احترام وتقدير لكل اللي ردوا علي في هذا الموضوع والقادم احلى فمان الكريم |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
