12-08-2011, 23:56
|
#1 |
|
شــاعر
|
كل عام وانتم بخير
سبحـــان الله وبحمده سبحان الله العظيم
يا الله يالمعبـود يالفـرد الصمـد رب العـبـاد=يالواسـع المتكبـر الجبـار رب العالمـيـن يالمحيي الخالق لكـل الكـون وإليـك المعـاد=يالواحـد القهارسبحانـك ذو الفضـل المتيـن بديت بسمـك يالغفـور ويالرحيـم ويالجـواد=اياك نعبد ياعزيـز الشـان وايـاك استعيـن وأحمدك واشكر نعمتك ياخالق السبـع الشـداد=وبعد الثناء اصلي على المبعوث خير المرسلين يارب أنا عبـدك ولاغيـرك عليـه الاعتمـاد=أنت الكريم أنت الودود أنت الرحيم أنت المعين آمنت بك ياخالقي يامخرج الحـي مـن جمـاد=ياذا الجلال وخالق الإنسان مـن مـاء مهيـن يامن خلقت إبليس من مارج دفـع بـه للعنـاد=في قولته خلقتني مـن نـار والإنسـان طيـن ياربنـا يارافـع سبـع طبـاق بـلا عـمـاد=وتعلم بماتخفي الصدور اذ كان زين اوكان شين وسامع دبيب النمل في ليـلن وحالـك بالسـواد=اللي على سوداء الصفاه تسير ماتخفـاك ويـن يامن جعل يوسف بعد غيبه على يعقوب عـاد=وارتاح باله بعد ماهو كان غائـب لـه سنيـن يامنقذ يونس وهو فالحـوت لـك ربـي منـاد=يستغفرك ويردد انـي كنـت ميـن الظالميـن يارب يامهلك ثمود وقـوم لـوط وقـوم عـاد=وياناصرن موسى على فرعون راس الكافريـن سبحانك انزلت العذاب لمن طغو فوق البـلاد=أخذتهم اخذت عزيز مقتدر في طـرف عيـن أهلكتهم لما عصـوك وكذبـوا وعاثـو فسـاد=وجعلتهم آيه مبينـه عـن مصيـر الملحديـن أرجوك تغفر لي ذنوبي لن جاء يوم الحصـاد=ياقابـل التوبـه وياغافـر ذنـوب المذنبيـن يارب أنا عبدك ولكن جيت لك مـن غيـر زاد=جيتك محمل بالمعاصي مامعي غير أسم ديـن جيتك ياربي وأنت عارف عدتي هي والعتـاد =ذنوب لو وضعت على قمت جبل يمكن يليـن هذا خلاف الشعر والشاعـر يهيـم بكـل واد=مايستمع للنصح حتـى لا انصحـوه الطيبيـن جيتك وأنا خالي وفاض من النصائح ماأستفـاد=واطمـع بعفـوك ياعفـؤ وياغفورويامعـيـن يارب هذي دعوتـي يامـن عليـه الاعتمـاد=واسالك يارب تجاوز عـن جميـع المسلميـن يـارب حقـق لأمـة محمـد بجنتـك المـراد=وأسالك يالله رحمتك وأغفر خطايانا آجمعين ,.,.,.,.,.,.,.,.,.,.,.,.,., ( تذكر مفرق الجماعات )
ترى الموت يالإنسان ماله عمر محدود=فتـوة شبابـك واللهو لا يغـرونـك تقول آتمتع في شبابـي وثـم آعـود=ويمكن يجيك الموت في لحظة جنونـك ترى الموت يأخذ للطفل والفتى والعود=ويأخذ مثل سنك وفوقك ومـن دونـك وكم ناس يأخذهم وهم بالمنـام رقـود=تخيل لا جيت تنـام ماتفتـح عيونـك نعم هكذا حال البشر والليـال شهـود=أذا مـا تـدل أنشـد لغيـرك يدلونـك تخيل لاجاك الموت في يومك الموعـود=وقاموا محبينك مـن القلـب يبكونـك وصلو عليك بلا ركوع وبدون سجـود=وفوق النعش حطوك وقفوا يشلونـك وحطوك وسط القبر وأصبحت مرتع دود=وراحوا وهم من داخل القلـب ينعونـك وتبكي عليك عيون فترة زمـن معـدود=يصيحون يوم , أربع , شهر ثم ينسونـك مجرد يحطونك وسط قبرك الملحود =حبايبك فى الدنيـا ماعادوا يفيدونـك يفيدك عملك وكل ماتعمله موجود=وكل آمنياتك بس ساعه يعيدونك على شان تخلص فى العمل لله المعبود =ولكنها هيهات لا لن يردونك هناك السؤال اللي يبي منك سرع اردود=ثلاثه أسئله فى القبـر لازم يسألونـك عن الرب والديـن ونبيـك ويمكن زود=وحسب الأجابه يـاين آدم يجازونـك أذا قلت لا أدري فأنته شقي مقرود = بمطرق حديد بدون رحمه يسوقونك يضيق القبر والحال حالة عناء ونكود = لاونك تنادي لاتفكر يجيبونك وأذا كنت تدري عشت فرح وهنا وسعود = وتنسى الهموم ولابلحظه يمرونك يمدون في قبرك كثر شوفك المدود = بروضه من ارياض الجناين يحطونك وتبشر بجناتن بها سدرها مخضود = نعيما مقيم يسر نظرتك بعيونك بجنات عدن اللي بها طلحها منضود =نعم ذا جزاءك بقدر طاعتك يجزونك ياربي رجيتك وأنته الواحد المعبود =لرحمتك ياللي مرتجي حي من دونك |
|
|
|
13-08-2011, 04:27
|
#2 |
|
شــاعر
|
رد : كل عام وانتم بخير
الله يجزاك الخير على هذه المواعظ والقصاايد الطيبه والتي تدل على نقااء سريرتك وايماانك المتجلي في ابياااتك خلال القصيدتين دمت بكل الخير وصح الساااانك تقبل مروري البسيط |
|
|
|
|
13-08-2011, 06:53
|
#3 |
|
شــاعر
|
رد : كل عام وانتم بخير
هنا شعر يرتقي بمن يمر عليها و يقرأ محتواه نعم في مثل هذا يكون الشعر الراقي احترامي |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
