30-07-2004, 21:51
|
#1 |
|
عضو شعبيات
|
منصور سعدي الرمالي
السلاام عليكم اخواني في هذا الموقع الرااائع سألت احد الاخوان واستفسرت اين يمكن لي ان اجد معلومات او قصائد للشاعر المرحوم منصور سعدي الرمالي فقال لي قد تجد ماتبحث عنه في موقع شعبيات اتمنى ان اجد معلومات عن الشاعر المرحوم منصور الرمالي او اشهر قصائده اذا امكن اخوكم ممدوح ضاري الشمري |
|
|
|
30-07-2004, 22:33
|
#2 |
|
شــــاعـــر
|
رد : منصور سعدي الرمالي
هلا بك ياممدوح واسفرت وانورت ياابن العم الغالي .. ان شاالله انك وصلت وابشر باللي نقدر عليه .. أنا عن نفسي راح اعطيك كل اللي اعرفه عن الشاعر المرحوم منصور الرمالي ولو ان اللي اعرفه عنه يعتبر قليل جدا بالنسبه الى ماخلده هذا الشاعر .. منصور بن سعدي الرمالي شاعر من شعراء هذا الجيل توفي رحمه الله بعد ازمة الخليج تقريبا في بداية التسعينات الميلاديه وهو في الاربعينات من عمره وحسب معلوماتي أنه مات مقتول .. كان رحمه الله موظف في شركة الزيت في مدينة الخفجي وتقاعد فرحل الى الرياض ومات هناك .. له عدد عبير جدا من القصائد التي يرددها الناس الى وقتنا هذا وبعضها موجود على اشرطة كاسيت بعضها في دواوين مطبوعه ( غير متوفره طبعا لأسباب لاتخفى على أكثر من يعرف منصور الرمالي ) .. طبعا قيل أنه مات وعمره تسع وعشرين سنه وبعضهم يقول مات في الثلاثينات لكن الأرجح أنه مات في الأربعين لأنه بعد تقاعده من الشركه بالخفجي رحل الى الرياض كان رحمه الله يحفظ قصائده ويرددها ولايكتبها ولايدونها لذلك اختفى كثير من قصائده خصوصا الغزليه منها .. ولم يبق من شعره الا ماحـُفظ من قبل الرواه .. من أشهر قصائده قصيدته ( يانجم ) التي يتوجد بها على قصر برزان في حائل والذي حل محله الان دكاكين وأسواق .. ماني حافظها لكنه يقول في احد ابياتها ياقصر ياللي بدلوا طينك اسمنت ....................... احذر تخون وتنكر ايام طينك وله قصيده مشهوره جدا ورائعه رد بها على الشاعر هايف المطيري اللي قال فيها هايف : على الويلان ساعدنا الطنايا ........................ وردينا لعظمتهم يقينا ورد عليه ابن سعدي لكن لااذكر القصيده كامله لكن اذكر منها وتقول الضيغمي شلتوا جواده ؟ ......................... واخذتوا في حكم فتنان اسنتينا وانا مااذم حمران النواظر .................................... ولا انا من يسب الغافلينا اخاف الله انا وادرى عذابه ............................. عسى ربي من الظلم ايحمينا وله قصيده غايه في الروعه والتأثير مشهوره جدا اذكر منها حلفت انا مااشكي على الناس همي ....................... الا على رب البشر جالي الهم ّ عناي انا مااشكيه حتى على امي ....................... لو كان مابه حي ٍ ارحم من الام أخ ممدوح .. هذا اللي عندي على عجل وسامحنا على القصور ياغالي .. وان شاالله اول مااتذكر شي راح اجيبه لك هنا ومايصير خاطرك الا طيب تحياتي لك . |
|
|
|
|
31-07-2004, 23:27
|
#3 |
|
عضو شعبيات
|
رد : منصور سعدي الرمالي
مرحبا بك ياممدوح الشمري في الخيمه الشعبيه وشعبيات كافة والله يحيك في محلك === بخصوص استفسارك الاخ الكريم : نواف الشمري - ماقصر وانشالله ان لقيت شيء راح اجيبه والاخوان ايضا مايقصرون وتقبل سلامي الخويطري |
|
|
|
|
02-08-2004, 20:35
|
#4 |
|
عضو شعبيات
|
رد : منصور سعدي الرمالي
مشكوووور يانواف الشمري والله يععطيك العافيه والله رايتك بيضا وماقصرت يابعد حيي الله لايهينك على المعلومات واذا عندك قصايد كامله الله لايهينك ارزحه بهذا وتسوي خير والله الخويطري هلابك ماقصرت والاخوان كلهم مايقصرون انشاء الله مشكور ولاهنت |
|
|
|
|
12-08-2004, 17:25
|
#5 |
|
الـحـــرّاب
|
رد : منصور سعدي الرمالي
اخوي ممدوح.. بالنسبه لقصيده القصر او قصر برزان انا قريتها هنا .. على هالرابط.. http://www.sh3byat.com/vb/showthread.php?t=7849 و اعذرني على القصور لكني مستعجل شوي.. |
|
|
|
|
16-08-2004, 05:21
|
#6 |
|
عضو شعبيات
|
رد : منصور سعدي الرمالي
السلاام هذي قصيدة الرمالي اللي رد فيها على الشاعر:هايف بن نعيم المطيري · التـي قال فيها على الويلان ساعدنا الطنايا...وردينا لعظمتهم يقينا وابن رشيد اخذنا جواده...وخذت في ملك فتنان سنتينا الــى ان قال: حاربنا كلكم عشر القبايل...وعبرنا نجد منكم ما انثنينا واكلنا راس عباس الظفيري...وياما روس من قبله كلينا واليــكم رد الشاعر:منصور سعدي رجاء الرمالي الشمري اللي قال فيها. طــنايــا بـديـت في ذكـر من فيه استعـينا....الـه الكـون في ذكـره بديـنا عظيم الشان رب الخلق الاوحد... تعـالى الله خير الـخالـقـينا الـهٍ حـرم الـظـلــم وتـوعــد.... تـوعـد بـالـعـذاب الـظـالـمينا ومن بعد ذكره بدينا بالمثايل...تركت النقص واخترت الحسينا واردالـرد لابـن نعيـم هـايـف ...واحـذر مـن يـذم الـغـافـلـيـنا احـذر مثـل هـايـف كـل هـافي...يـتجنـب لابـشـرّه يـبـتـلــيـنا يـتجنب كان هو يبغى حيـاته...ويـاويـله كان هو طاح بيدينا يعيف الاوله هي والتوالي...ويـعـرف افعـالـنا لـيا من بـلينا ويعرف ان الفعول فعول شمر...وشـمـر بالفعـول المثبتينا انـا مـاذم حمـران الـنـواظـر...ولا انـا مـن يسـب الـغـافـليـنا اخاف الله انا وادراء عـذابه…وعـسى ربي من الظلـم يحمينا ولـكـن بـلانـي هـايـف اللي...ذكـر لـي غـلـبنـا غـلـبٍ عـليـنـا بدى في ذمنا والبادي اظلم ....فـتل حبله وبالنقـض ابـتدينا تمادى بالغرور وبالمذمه ...ظلم نفسه وجعـل حـظه دفـينا غزانا الهيس بلسانه واخذنا...وذبحنا بالـكـلام ولا دريـنـا ردي النفس مادري ويش اصابه...ولا ادري وشبلا الخايب علينا ولا ادري وين ربعه عن كلامه...علامه ما لقـاله ناصحيــنا قليل العرف مثل الورع ينصح...ولكن ما نصحوه العارفينا ولا ادري وشبلا الجاهل تجاهل ...فعايل من لهم فعل يقينا جهل فعل القبايل غير شمر...ويقول ان مطير نجم معتلينا ولكن ما احد حسب حسابه... ولا لحسـاب من مثـل خـذيـنا احـدّه وان بـنا بـيتٍ نهـدّه ...واذا عاند على خشمه وطـينا اهينه لين ينسى بامس وينه...ولا يعرف اليسار من اليمينا وينسى كيف ينضمن القوافي... ويتبدل زجره الماضي ونينا الا يـالذيـخ وش خلاك تـكذب...وتـحـط نفسك بمقام الكاذبينا تقول بكير ذبحت الـطـنـايـا...متى ذا صار ياابليس اللعينا على كـيفـك تذبحنا بـزيفـك...بـزيف وكذب واوهام تغـزينا ترى في كير ما ذبحت شمر ...خذيـتـو مثل ماحنا خـذينا ولـكن اذكـرك بام الجماجم...بـهـا زدنـا عـليكم واعـتـلينا هزمناكم بها اكبر هزيمه...وترى ما سلموا الا الهاربينا بها صلنا وجلنا لين نلنا...ورجعـتـو خـاسريـن ونادمينا تـندمتـو على حرب الطنايا...ورجعـنا للغـنايـم كـاسـبـيـنا طنايا نروي الظامي من الدم...على رأس المعادي له حنينا واذا يالهيس تجهل فعل شمر...سل التاريخ يعطيك اليقينا وذا انـك ناسيٍ لـه مـاتـذكـر...ترى التاريخ يـذكر مانسينا وسئل الاجواد عن تاريخ شمر...كبار السن واللي فاهمينا يعـدون الصحيح ويقعـنونـك...واللي يخفاك منهم لك يبينا هل الذمه هم التاريخ سلهم...ولو هم من عربك الاقربينا تـركـد وانـشـد الـعـقـيل عـنا...قـبـل تـنظـم وبالقـيل تـهجينا تقول مطير صارو عون شمر...علـى الويلان معنا قايـمينا متى شمر طلبو العـون منكم...كـذبت ولا لـكم فضلٍ عـلـينا ولكن قل مع ابن سعود قمتو...ومع مبارك وقفتو والـتـقـينا وعليكم بالصريف الرعب خيّم...ورجعتو مع مبارك خاسرينا اعـنـتوهـم عـلينا وانهـزمتو…عوينٍ خـيب ظـن المستعــينا فلا نـلتو مديح ولا سلـمتـو…مثـل مـن عايـد يـم الـقريـتـينا وتقـول الضغيمي شلتو جواده…وخذت في ملك فتنان سنتينا اقول انت تهبا كاذب وكاذب…فلا شالـو عـموم مطير شـيـنا كـذوب وبالخـطـا عـمدٍ تعـمد...لـعـنـك الله لـعـنـه كــل حــينا تقول انه قـليل اللي غـلبكم...وتـقول في كـل وقعـه فايـزينا ونسيت الغزوه اللي كد غزاها...حدا اللي بالحجاز مسيطرينا ابن عون الشريف اسمه محمد...غزاكـم وين فعـلك مايبينا ذكـركـم عن ملاقاه انـتحـيتـو...ولا تخفى عـليك ولا عـلينا شواهدها قصيدة من عزاكم...ونفس النص موجودٍ لدينا وغزانا والتقينا به بموقق...وحنا اللي ثـبـتـنـا ما انتحينا تقابلنا وصار الصبح ظلما...يشيب من الفزع راس الجنينا صمدو فريسنا تسعين ليله...سـنـاعـيـسٍ لضده مـاتـليـنا وجت زوبع وطير العز غنا...اناشيد النصر للـصـامـديـنا بذاك اليوم سمينا الطـنايا…طـنـايـا مانـهـاب لـيـا طـنـيـنا طنايا مارضينا بالمهونه...ولا نـرضى المهـونه ماحـييـنا طنايا الذل ماننزل جواره...على انفسنا المـذلـه مارضينا طنايا وان نطحنا كل غازي...يتراعد خوف من يقبل علينا طنايا من حربنا له ضربنا… نصب الويل فوق اللي يجينا طـنايا نـارد حياض المنايا… اسـود بالـحروب مـجـربـيـنا طنايا عنـدنا لـحـل القضايـا…حـرارٍ بـالـعــلالي معـتـلـيـنا طنايا نـكرم العاني ونعطي…وعـطايانا الجلايـل لا عطينا طنايا وان نصانا كل ضايم… يشوف العز من ساعة يجينا فـكـم من واحدٍ جاء وزبـنا…زبـنا مسـتـظـيـم ولـه حـمينا حمينا مـن لجا يطلب حمانا…ودحـرنا كـل غـدار ونـحـينا طنايا يوم رماح الكون تخطي… تصيب رماحنا من به رمينا طنايا فـعـلـنـا فـعـلٍ يـتّـرخ…ويـبـقى مـاعـلى الـبـيداء بقينا تدارسه الاجـيال غـير حنا… عـظـيـمٍ لـو جـحده الجـاحدينا طنايا هم سلاطين الجزيره…وهم الحكام في ماضي السنينا طنايا من الزمن قرن حكموها…واضف عشرين معها حاكمينا تـســيـدنا وسـدنـا بـالـقـبـايل…قـبايـل نجـد كـلـه لـه وديـنـا وتسلطـنا بحـد السيـف الابـتــر…ازحـنــا مــن تــولاه وليـنا ولــيـنـهـا حـكمـــنـهـا بـقــوّه...مــاهـي هـدو ٍ اخـذنـاه لـيدينا على يــدنا هـدمنا حكم دولـه…وعـلى يـدنـا لـدولـتـنـا بــنينا كتبنا اسم الطنيا فوق عرشه…واسـم من كان يحكمها محينا وفتـحنا في سجل الحكم صفحة…وصفحة من حكم فيها طوينا حكـمو فيها الرشيـد ابطال شمّر… نعم هم من حكم حكم ٍ مكـينا ترى شمـــر فعـايـلـهم تعــجـز… وتـراهــم بالفـعول المـقـدمـينا تـلـقـبـنـا بغــلـبـا مـا انـغـلــبا... لكـثرة غـلـبـنا الـعايـل عــليـنـا طنايا عـلى الاضداد قاسيين وصيارم… يلينن الجبال ولا نلينــا طنايا وان نخانا كـل مـبلي… تـوشـحـنا الهـنـادي ونـتـخـيـنا ونـخينا كــا مـقـدام ٍ مـجرب.. وجـمعنا الجمع وبالجمع التقينا واخذنا بـثأر من صـوّت لشمـّر… بدل هذلول شيخين ٍ رميـنا مشـى هـايس لعـيون هـيفاء… تنخـوى وانتخـا ذرب الـيمـينا وفعـل فعـل ٍ رفع روس الطنايا… وعلى فعله خصومه شاهدينا ونوانا الشيخ ابن هندي بحايل… وحـنـا مـن نـوانـا لـه نـويـنـا تـحركـنا ونـزلنا لـه بـعروى… قصـرنا عنــوة الـشيـخ وعـنينا وتـقابلنا الصـبـح والشـمش حيه… خـسـر فيـها وحـنا الـرابحينا ورجـعنا للجـبل معـنا الـغــنايـم…عـوايـدنـا لـيامــنـا غـــزيــنا وفعـلـنا الـمعـجزه فـي كون بقعاء…وذبحنا كل طاغي ماطغينا ثلاث الاف مــات وتـصوّب…نهـارٍ فـيه شاب المرضعـينـا نـهارٍ فـيه سوينا الهوايل…على اغـلب جـمعهم حـنا قضينا صفا بـقعاء عليه الدم غطى…وكم من راس شيخٍ له وطينا شريدتهم حلف واقسم وطلق…فلا يغزي مدى عمري يمينا وحاصرنا الكويت شهور اربع…ثلاث قلاع بالجهراء بنينا ولاذو في حمى الانجليز عنا…وفعلنا المعجزات ولا انثـنـينا ونخانا الشيخ ابن ثاني واجبنا…كما العاده ليا انخينا مشينا امرنا الضيغمي نمشي وسرنا…لبني ياس وهل البحرين جينا وصلنا لدار ابن ثاني واغرنا…على جمع الغـزات الطامعـينا وهزمنا جمعـهم والكـل يشهـد…وشواهـد ماذكـرت القلعـتينا الى يوـمك باسم برزان تعـرف…دلايــل فعــلنا لــو ماحــكينا يكـونن الفـعول بفــعـل فاعـل…وحــنا للصـعـاب الفاعــلـينــا وغزينا الجوف يوم رويل زادو…وهدمنا دونها الحصن الحصينا وذبحـنا بالهـنـادي كـل خــيّر…بـقطـع الـراس لـلغـادر جـزيـنـا حــصدنـاهـم وابـدناهم ابــاده…هـزمـنـاهـم واخـذنــا الـبيـرقـينا عـلـينا يـبتغـون الـزود لاكـن…تــطيح الــروس مـاتعـلا عــلـينا وغــزيـنا الـمنـتفق بـاطراف دجـله…هـزمـنا جـمع خـزعـل وارتـكينا هزمنا اللي مع مبارك يـحامـي…وعـن الفـزعات يـاما لـه نـهـيـنا لـكـنه تـمـادى فـي غــروره…تـناسى فـعـلنا مـادري نـسـينــا ودفـع قـيمة غـروه نصف جيشـه…جزى للكبر واستهزيه فينا يـقود جـمـوعنا شبلٍ مـجـرّب… شــجـاعٍ لا يـذل ولا يـلـيـنا شـجاعٍ كـل اهـل نجـدٍ تهابه…ويهابونه هـل البصره وسـينا لـه الشـيخان يـهـدون الهـدايا…ولـه الفـرسان هيـبه خـاضـعينا سـلاطين الدول تاخذ حـسـابه…ولا احـدٍ فيـه يـقـدر يسـتهينا وجميع ال الرشيد ابطال شمر… لهم فعلٍ وتاريخ ٍ مبـينا جمـعو بين الاماره والشجاعه…ومابين اللين والـعـزم المكينا ولو نجد حموهـا واحـتموها…اسود الـغـاب حـامين الـعريـنا اســودٍ مايهابون المعادي… اســودٍ يـقـهـرون الـمعـتـديـنا اســود اسـيـاد سـادو كـل سيـد…وهـم الاسـياد رغـم المنـكرينا اسود اسيـاد سادو بالـجـزيره…اسود عـيال اسـود محـنكينا وترى شـمر تمـيـزهم ثلاثه… بهـا عـن غـيرنا متـميـزيــنا صـخانا الحاتمي من دور حـاتم…اضـف مـعها الشـجاعه ثـم دينا ورثنا الجود من ابو الجود حاتم... بنا الامثال تضرب كل حينا وسكـنا بالـجـبل قبل الـنبـوه… ومـابعـد النـبوه لـه حـمينا ونـحيـنا عـن جبـلنـا كـل طـامع…بـحد السـف قـطاع الوتـينا وباراضـي نـجد قد رفرف علمنا… من البحره لـحد الـرافدينا تحت راياتـنـا تمشـي قـبـأيـل… من يعـصى عـلى دراه مـشيـنا وحـنا هل الـمروه والاخــوّه… واذا ضـاقت على الـمبلي يـجيـنا وحـنا اهل الريـاده والـسيـاده… لـنا تــخضع رقـاب العـالمينا طنـأيـا للمـعالـي فـوق نـرقا…سـنام الـمرجله فـوقه رقــينا طــنايا لـقولنا تشـهد فـعايل… هـل الفـعـل الاكـيد مــوكـديـنا لـنا الـتاريخ يـشهد بـالحقايق… مـع اهـل العـرف فــيها شاهدينا حـقايق لو جهـلها مـثل هايف… كـثير الـناس مـاهم جاهـليـنـا حـقايق لـو جـحدها كل جـاحد… تبـين وتتـتضح غـصبٍ تبينـا حـقـايق حــق تثـبتها وثــايق…لهــا التـاريخ واثــباتٍ ضـميـنا ولا احـدٍ يـدعي بافـعال غـيـره…سـوى اللـي عن الفـعايل عاجـزيـنا ولاحـدٍ ينـكر فعـول القـبايل… سـوى اللـي مـن فـعايلهم غـبـيـنا ولاحدٍ ينكر فعول اهل الفعايل… سـور اهـل الثرثـره والـناقـصينا ومـن يظـلم وعـاش العـمر ظـالم… عـليه يـسلط الله ظالــمـيـنا ومـن قال انه الغالـب والاقـوى… عـليه يـسلـط الله غالــبـيـنا عـلـيه يـسلـط الله مـن يـذلـه… ويعـيش بـذل محدورٍ مهـينـا تــعالى اللـه مايهمل ويـمهل…الــُهٍ مــايـدان وهــو يــديـنـا الـهٍ يـعلـم الـلي بـالسـرايـر… ومـاتـخـفي نـفوس الـحاقـدينـا انا فيه التجي عن كل حاقد… وعن اهل الحقد هم والحاسدينا هل التزوير وخلاف الحقايق… وهل التزييف والبغض الدفينا وسلامتكم  |
|
|
|
|
26-01-2006, 17:23
|
#7 |
|
عضو شعبيات
|
رد : منصور سعدي الرمالي
[ منصـــــــــــــــــور سعـــــدي الرمــــــالي الشمـــــــــــري بصراحة انا من عشاق المرحوم منصور سعدي الرمالي وقد استطيع ان افيدكم بقليل مما اذكر لكم من قصائد له وبصراحة الاخ سعود الخويطري ابن عمي ماقصر وريحني من كتابت قصيدت الطنايا لأني سجلت بالمنتدى هذا علشان افيدكم واكتبها لكم كامله اما قصيدت يانجم التي يرثي بها ابن رشيد وقصر برزان يقول فيها يــــــــــا نجـــــــــــــــــم يانجم ياللي غبت من غبت مابــــــنت ***** وش حال بين أيام مجــدك وبينـــــك الشمس تطلع وأسأل الصبح وين انـت *****وتغيب شمسي واسأل الليـل وينــك وين انت انا منهان منهان لاهــــــــنت ******منهان من شخـــصٍ عجز لا يهينـــــك ارجع متى ترجع انا انهنت واسجـــنت ******واللي سجني كان قبلي سجينــــك ارجع ورجع مجد ماضي كما كــــــنت ******ورجع من المديون لا هنـــت دينــــك ياقاسيٍ في وجه الاضداد ما لــــــنت ****** ومن صاحبك ينعم بعطفــك ولينـــك حتى على خصمك من احسانك احسـنت****** ويآمآ عطت من كل غالـي يمينــك بالسيف في شبه الجزيرة تسلطــــنت ******* وأخظعت اهلها وملكنـــــه يدينـــك مثــلك ولــــد والله فلا جابتــــه بـــــنت ****** لا شــك عين يمهلنــــك سنينــــــك أقولـــها وينــــك وانا أدل ويــن انـــت ***** لاشـــك من زود القهــر قلـت وينك يا قصـــر ياللـــي بدلــو طينــك اسمـنت *****احذر تخون وتنكر أصحاب طينـك الله يخــــونك كــان لأهــل الوفـا خــنت ******ووافيت للــي بالخفــا خاينيـــنك ياقصر لاتنظـم وان انظمـــــت واسكـــنت *****اخفس قهر واخفس معك ساكنينك الله يخــــونك كــان لأهــل الوفـا خــنت ****** ووافيت للــي بالخفــا خاينيـــنك ياقصـــــر مهما زينــــو فيــك مــا زنت ******* زينك رحل وان عاد لك عاد زينك ويقول في قصيدة اخرى امس الضحـــــــى في راس ظايــــف تعليت ***** مابيه حدن يــــم عاليـــــــه حادي دعانــــي الهاجــــــس براســــه ولبــــيت ****** حييت ياللــــي بالرقيبه تنـــــــادي خذيت في راســـــه دقايق ولا ابطــــــيت ***** وشيطان شعري بالظمـــــاير يدادي قمت أتذكـــــر مامضـــى وأستخفـــــيت ****** وشبت النيران داخـــــــــــــل فؤادي وون الجبـــــل من ونتــــي يــــوم ونـيت ****** وحركت جوٍ بالجبـــــــل كان هادي قمت انثر العبــــــره وبينت مـــاأخفــيت ***** اتلــي هوى نفسي على غير قادي من حــــر مابي نحفت الحــال وأذويــت ****** شربي مرارٍ وأشقــر اللـــــون زادي قمت انثر العبــــــره وبينت مـــاأخفـيت ****** اتلــي هوى نفسي على غير قادي ابكــــي على ربعٍ بنو وأسسو بـــــيت ****** ماله شبيـــــهٍ بالجـــزيرة مـــلادي البيت ورثٍ للــــــذي يارث البـــــــــــيت ****** وشلون يـــــارث مـــال بيتٍ معادي صــــارت عن شرح الخــــــطاء ماتدريت ******* في صفحة التاريــخ شــــىٍ وكادي ولاني بحـــــــال الناس لو قالو اخطيت *******ولا همــــني لو قـــالو الناس غــادي وله قصائـــــــــــــد كثيره في ديوان معد اعداد مطبعي عادي(تصوير) وله قصيدة الطنايا ؛ ويانجم ؛ وامس الضحى في شريط كسيت وضعته بيدي لدى احد استريوهات رفحاء هذا ما استطيع ان افعله لكم ولــ منصور لرمالي وبأذن الله متى ما حصلت لي فرصة سوف اضيف ماعندي له من قصائد في هذا المنتدى والله ولي التوفيق ولكم جزيل الشكرررررررررررر الزقروطــــــــــــــــــــــــــــــي اخر تعديل كان بواسطة » ذياب الزقروطــي في يوم » 26-01-2006 عند الساعة » 18:02. |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
