17-08-2010, 18:57
|
#1 |
|
حـلم عاشـق
|
لا تتعب أنفاسي .. !!
؛ لا تزيد من ضعفي .. ويآسي لا تموت بين قلبي .. وإحساسي حبيبي يا ناسي .. حبيبي يا قاسي لا تتعب أنفاسي لا تتعب الخطوات .. اللي تناديلك قرب مسافات .. الوصل بمراسيلك وإرسم البسمات .. بعطر منديلك لا تتعب المشتاق .. لكفّك والزمان كلي وله وأشواق .. للطفّك والأمان وكلي أنا عشاق .. لعطفّك والحنان لا تتعب الحيران .. بين صدقك وكذبك شفني الآن .. أهواك وأعشقك وأحبك وشفني أنا الولهان .. في بعدك وقربك حبيبي يا ناسي .. حبيبي يا قاسي لا تتعب أنفاسي ؛ |
|
|
|
18-08-2010, 20:31
|
#2 | |
|
شـاعر
|
رد : لا تتعب أنفاسي .. !!
الله عليك يافيصل الله كلمات كلها عذوبه وإحساس وجمال بصراحه تمنيت تكون هالألماسه أطول من كذا لأني أستمتعت فيها أخوي فيصل تعال أبيك بكلمة راس قرب ابي أهمس لك يابعدي واضح إن عندك حس شعري عالي والدليل التفعيله اللي كتبتها لكن ينقصك الإذن الموسيقيه والإبحار في الكلمات حاول تقرأ أكثر بشعر التفعيله وتستفيد من تجارب غيرك وأنا متأكد مليون فالميه إنك راح تبدع بالنسبه للنص عندك فيه أفكار حلوه بس لو وضفتها بشكل أفضل كان طلعنا بتفعيله مدهشه إسمح لي نعدل شوي باللي كتبته ونجرب ,, وش رايك إقتباس:
لا تزيد من يآسي وتغيب ياقاسي خلك هنا جنبي وأرتاح ياحبي وإرفق بإحساسي لا تتعب الخطوات اللي تبي وصلك ما قلت لك أوقات أنت الوفا / أصلك حاول يالغالي إنك تكتب الشي اللي أنت تبيه ولا تجبر نفسك على شي وتحاول تدخله فالقصيده اكيد انك فهمت علي يالغالي , طيب تعال معاي وخلنا نستمتع أنا وياك ونبحر سوى مع الشاعر المبدع الغير عادي جداً ( بركات الشمري ) , علميني !؟ لاسألني الشوق ويني !؟ تسأليني !؟ أنت وين ؟! واسمعيني !؟ لاصرخ هالجرح فيني !؟ وأسأليني !؟ يعني وين ؟ يعني وين !؟ يعني وين !؟ في دهاليز التعب ! في ممرات الهموم ! عند ركنك يالضياع ! عند بيتك يالحنين ! وتسأليني ! يعني وين !!!؟ للسما / للصبح / للغيمه / .... وليه ... للهوى / للحب / لايامي / .. وهمي ... للتعب / للحزن / ........ للأشواق فيه .. للأمل / ل النور / للدمعه ! ... ياعمي ! وش تبي أكثر من جروحي... هديه !؟ وش تبي أصدق من الصرخة أب فمي ! علم الطفلة / رغد / .. معنى الأسيه ..! لانبت .. هالعشب من دمعات .. أمي ! ماشتهيت الصدق واحلامي غبيه ...! لو تسوسن غدر من .... أغصان دمي ! ليلة البارح ! .. وكانت / .. سرمديه ! أطلبتني شوق .. قلت بذوق : سمي ! صبت بعيني سهر ! بنت الخطيه ! اه ياطول السهر .. ! لاجات .. يمي !! ليلة البارح / .... وانا / .. والاآدميه ! كلنا يشكي ! .. واقول الهم ... همي ! . . . ياعزيزي .. قوم نم كافي فوق الهم هم كافي نقطف من حنين ! كافي .. نسرف بالأنين ! وكل مافينا سأم كافي تحرث في خيالي ! وكافي نبحث .. ف الليالي .. عن دوى .. يشفي ألم خذ تعال ! .. الشوق يندهلك ! تعال ! ولاسألك : الصبح وافي ؟ قول : لا ! ولاسألك : الليل جافي ؟ قل : نعم ! وعلم الدنيا مراسيم .. التعب ! وعلم العالم شنو.. أصعب صعب !؟ إنتكاس الحب كله .. للعدم ! لملم أشواقك وهات .. وإلا تدري ! للجهات ... أنتثر كلك ... شتات .. ولملم .. إجراحك .. ونم ..! . . . لحظه وحده ! قبل ترحل !؟ ودي أسأل .. هالسؤال .!؟ .... ركز إحساسك .. معاي ! وحاول إنك .. تسمعه ! .... السؤال يقول ! تدري !؟ ودي أقلبها خيال ! .... خلني بتبع خيالي ! يوم اشوفك تتبعه ! .... ... .. . ماأحب اسكن ( سهولي ) والسما تنده! تعال ! لن أنا .. أصلا ( نزولي ) ... ( ماأبالغ ! ) .. يرفعه !! ( طلع الشعر علينا) ..... من ثنيات ( الجدال ) !! وآمن .. الراعي بنايه ! ...يوم أيقظ ..... مضجعه !! لبى قلبك ! ياقصيدي .. شاعرك ميل اعقال ! وعاد لاميل اعقاله ! ... وين منهو ... يردعه !! الأسم واضح ومسقط راس .. جداني / الشمال ! فاضح كل الجروح .. وماأحب /....... المعمعه ! اليقين اللي يشكك فيك ... تحريمه . حلال ! اركله ! من قرية أفكارك ! .. لإنه ... إمعه !!! من يقول الشمس .. أصلا مالها أية ظلال !؟ ظالم .. حظ الكواكب ..! في سفاهه ... مقنعه ..!! إيه ! وش كنا نسولف !؟ قول ! ياإبن الحلال !؟ ... هو سؤال .. الله واعلم هاك مني .. واسمعه ! .... والسؤال بكل بساطه ! دام طريت ! السؤال ! ... أنت .. ضد القلب .. والا يابعد روحي .. معه !!؟ . . . واتركيني للغياب ! واتركيني .. بلا أمل ..! واتركي بي .. طفل شاب ! شاب .. صبره .. واندمل .. ! تاه يبحث في فيافي الشوق .. عن صبحه وهمسه ! تاه يبحث عن حنان .. عن أمان .. عن هوى .. مسكون أمسه !! كان بالإمكان .. لمسه !!!!! . . . أففف ! هم ! ياخي ا أف هم ! يالله يافيصل أكيد إنك فهمت قصدي وحاول تترك قلبك وإحساسك يطير بدنيا الخيال وإسترسل وحاول إنك تجاري ولو مقطع من القصيده وصدقني راح تلقى نفسك بدون شعور تبدع ,, وما يكتب على نهج الكبار إلا الكبار , إعذرني على هالمداخله وأتمنى ما تتضايق من رد أخوك الصغير المحب لك لك صدقني لو ماني متأكد من شعرك وإبداعك ما رديت عليك كذا وأنا أراهن عليك وراح أكسب الرهان تحياتي وتقديري لك أينما كنت ورمضان كريم اخر تعديل كان بواسطة » زين الخليل في يوم » 18-08-2010 عند الساعة » 22:50. |
|
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
