29-08-2009, 01:09
|
#1 |
|
رفيــق الحــزن
|
يوم في حياتى ..
مساكم الله بالخير .. كثير ما تمرنا احداث يوميه بعضها عادي وبعضها غير عادي وفيه مواقف صعبه ومضحكه وغريبه احيان .. وهنا البدايه واتمنى تكون بدون نهايه بمشاركتكم وارائكم وتعليقاتكم .. سواء حدثت بالامس اليوم بكره بعده مش مهم ..  |
|
|
|
29-08-2009, 01:35
|
#2 |
|
شــاعر
|
رد : يوم في حياتى ..
ماحنا بمشاركين مع ان الموضوع رايق بس بما انك انت الي كاتبه ماني مشارك ===== بارجع لك بكره وانا رايق |
|
|
|
|
29-08-2009, 01:40
|
#3 |
|
رفيــق الحــزن
|
رد : يوم في حياتى ..
قبل امس دقوا علي مكتب الاستقدام وقالوا العامله المنزليه بتوصل بكره اللي هو امس الساعه 7.30 مساء .. قلت ما عليه وقت فطور وماني رايح الا بعد الصلاة واعرف جيتهم يبيلهم ساعتين على ما يخلصون من الجوازات والحوسه الين يوصلون مكتب تسليم الخدم في المطار .. وبعد الفطور رحت انا والحارس الامين الشخصي مسنتر معي ( المعزبه ) وصلنا للمطار تقريبا الساعه 9 وعليها شوي دقايق ورحنا للمكتب حق الجوازات والمنظر مالوف جدا ناس رايحه وناس جايه واللي لفت نظري لبس لبعض الجنسيات الاجنبيه للكمام <<< اعتقد خايفين من انفلونز الطيور وش قصدك ربعنا مطنشين التحذيرات هههههههه المهم رحت للعسكري وسالته عن شغالتنا قال رح للشاشات اللي هناك وشييك على اسمك واحفظ الرقم وتعال .. رحت وبققت عيوني الصغار <<< بيمتحني عليه فيصل ذي ههههههههه وماش ماهوب فيه قلت شكلنا مطولين والله يام ارياض ارجهني لين الله يكتب لنا الفرج .. ونجل حوالي ساعه ونصف لين طلع الاسم واركض امسك سرا التسجيل وبعدها انتظرت حوالي اكثر من ساعه لين تشرف حظرتها .. وقتها طبعا كنت اراقب الخادمات اللي يجون واطالع وجيه اللي يستقبلونهم ولاحظت شي مهم وهو .. ان البعض كانه متلهف على جيتها وحسيت ان بعض المراجعين يقز في الوجه زين واذا طلعت زينه ووجها حليو يفرح وسمعت واحد باذني يوم شاف وجه الشغاله وعطوه الجواز حقها قال الحمد لله ماهي ( كربه) اقصد شينه وتخوف الجن هههههههه واللي تطلع ماش يضيق صدره وشوي وده يشوتها بوز لين توصل السياره ههههههههههههه وهن هالشغالات مساكين يطلعون من هالغرفه لدنيا جديده وما يدرون وين يروحون ووش بيواجههم اقصد الجداد اما اللي خبره اعرفهم من خششهم اللي ماطينها من الفرحه ومطمئنين للوضع .. ولاحظت بعد نوعيه من الشغلات او العاملات فئة vip وهذولين للناس الي هاي هاي ووهذا واضح من لبسها وشكلها ورطنتها بالانقلش وكنها بنت نعمه ماغير تخشخش من الاكسسورات وريح العطر يفقع الراس غير المكاييج وتترجرج من النعمه واللبس اللي يغري ضعاف النفوس ههههههههههههه ماهوب مثل اللي تجي متلفلفه يابساري وكرشتها طالعه << هنديه او سرلنكيه هههههههه او بحجاب ولبس ديرتها وضعيفه وشوي وتموت من التعب والارهاق والنوم على كراسي المطارات مسكينه اذا جايه ترانزيت الله يرحم حالها .. وفي ترقب ولحظات عصيبه ولين شفت وحده ماجازت لي قلت عسى مهيب شغالتي ذي الين جت الحمد لله واشوى الوجه حليو وباين عليها بنت حلال ومن حمولتن طيبه هههههههههههههه لا احد يفهم غلط القصد انها ماهي من النوع اللي بيحط رجله بعد كم يوم ولا تشوف الا غبرة رجليها والا ساحره والا راعية مشاكل ولاعاد تلقا من تشتكي له وما تقول الا ضاعت فلوسك ياصابر هههههههههههه خذناها وشخطنا للبيت والله يرزقنا خيرها ويكفينا شرها .. وبس |
|
|
|
|
29-08-2009, 02:04
|
#4 |
|
رفيــق الحــزن
|
رد : يوم في حياتى ..
هلا فصولي منور يابعدي .. لااااه بتشارك وانت ليس راضي مو على كيفك وانا في انتزارط ياباشا اليوم رحت اشتري خبز للفطور وقفت عند محل وقلت ابي اخذ شي زياده تعرفون الجايع وده يشتري اي شي حتى لو البيت فيه كل شي بس خمتني نفسي على حمضص ابو زكي وقلت يالله نضفي على السفره شي لبناني للولاد وامهم وابوهم كمان ههههههههه وانا بالمحل كنت موقف وساد بالسياره على واحد ما ادري انه بيجي وكنت ما راح اطول دقايق بس .. المهم ما امداني ادخل المحل الا واللي طلع مثل الجني ويضرب لي بواري وبصوت صعيدي اجش <<< حلوه اجش ذي ههههههه ويقول ابعد السياره لو سمحت عاوزين نطلع !! قلت له شوي باخذ غرضي ومن عينيا واشاور على عيوني الصغار والله <<< لا تقول شي يافيصل ويرد علي بعصبيه هالصعيدي الا اطلع مش فاضي استناك انا مستعجل !! قلت طيب ولا يهمك ياباشا وانا اقول في نفسي وش مستعجل عليه يالوزير اجتماع يعني هههههههههه طلعت اركض من المحل لا يطقني شايل الغرض بيد والمفتاح بيد وامر من عنده وقلت متاسفين ياباشا ويالله رد علي .. مع ان الوقت اللي اخذته والله ما يتعدا دقيقتين بس حسيت ان النفوس شينه من جد وحنا برمضان والشياطين مصفده بس وش اقول .. المهم رحت للمخبز وبرضو صعيدي واخذت خبز وقلت بصوت عالي يابو الشباب تعال خذ الفلوس لان ما كان فيه احد قدامي شكلهم يفطورن جوا .. وبرضو اسمع صوت اجش وبالصعيديه يقول تعال انت انا ماني فاضي ههههههههه واطل براسي جوا الا القاه واقف بعيد هناك ببنطلون التقليدي وفنيله مشقوقه من تحت والعجين لاعب فيه من راسه الين رجليه وفك الله عينه ما جاها عجين هههههههه قلت ياحول واروح له واعطيه الفلوس وانا اتحلطم وماهمني اروح له بس ليه النفس شينه والاسلوب فض وغليظ صدق النفوس صارت علينا شينه والكل قام ينفخ ويهاوش ياترى وش السبب ؟؟ وبس |
|
|
|
|
29-08-2009, 03:15
|
#5 |
|
متميزة
|
رد : يوم في حياتى ..
موضوع رهيب يهبل يا عبدالرحمن كل الشكر يا سلام بجي لا يهمك فيصل جيب له سلطة بدون ليمون بيجي بدون عزومة هع كل الشكر ,, |
|
|
|
|
29-08-2009, 21:34
|
#6 |
|
رد : يوم في حياتى ..
موضوع روعة اخوي عبدالرحمن .. خليني اتذكر لي موقف احكيه وبارجع إن شاء الله ..  |
|
|
|
|
29-08-2009, 23:24
|
#7 |
|
رفيــق الحــزن
|
رد : يوم في حياتى ..
هلا وغلا بك ياغاده ومنوره يالله همتك معنا دفه شوي بس للموضوع الجازي ياهلا ويامرحبا ومنوره المكان اختي وفي انتظارك على احر من الحطب قبل شهرين تقريبا كان عندي اجازه ولي زميل بالعمل طلع قبلي بتاريخ 1/7 وانا طلعت بتاريخ 17/7 هجري طبعا .. وانا في الاجازه دق علي زميلي ابو حميد وقلت له هلا والله وش اخبارك وسواليف مني ومناك وبالاخير قال ترى عندي شغيلات وودي امدد اجازتي اسبوعين قلت خير ان شاء الله اجل متى بتنتهي اجازتك قال شكلي بجي انا واياك في نفس اليوم اللي هو 18 /8 قلت خير وانتهت المكالمه .. انا دخل في راسي اني فعلا بجي انا واياه في نفس اليوم وبرمجت نفسي على كذا وراحت الايام ويجي اليوم الموعود .. المشكله البرنامج معدوم بسبب الاجازه والنوم رايح فيها وذاك اليوم بالذات ما قدرت انام تكشخت وحلقت ونعمت ولبست ورحت للدوام طفشان وراسي كله نوم .. واول ما دخلت على الشباب في العمل الا اشوفهم يسلمون بس مستغربين قال واحد انت وش جايبك اليوم ؟ قلت انتهت الاجازه ! قال والله احلف بس عشان اصدقك ياخي باقي لك يومين وش فيك انت مضيّع هههههههههههه قلت نعمممممممممممممممممممممم قال والله انت المفروض تجي بعد يومين يعني يوم الاثنين مو يوم السبت ههههههه قلت يالله هناك يعني انا غلطان بالاجازه !! قال الشهر اللي راح ناقص وباقي يومين صدقني وراح ووراني التقويم الا والله صادق الرجال وياهو موقف جلسوا يضحكون علي بالمكتب هههههههه قلت كله من ابو حميد هو اللي قالي نجي يوم السبت الا هو وينه ما جا قالو لا ما جا للحين !! المهم طلعت فرحان بروح انام واريح لي يومين واقابل ابو الشباب برى في الشارع جاي يقلب راسه وامسكه واقول تعال وراك الحين لخبط مخي وخليتني اجي اليوم وبعد ما شرحت له اللي صار مات من الضحك وقال يامهوي احد ما يعرف يوم اجازته متى ينتهي والله انك وانك وانك والله لامسكها عليك هين هههههههههههه المهم قلت اجل انت متى بتجي قال اليوم قلت خلنا نروح نتاكد من التقويم لا يكون انت بعد مهوي مثلي وفعلا يوم رجعنا للمكتب صار باقي له اكثر مني بزيادة يومين يعني اربع ايام كامله هههههههههههههههه وانا عاد فرصتي واسوي له حفلة تهزيء ومثل ما يقول المثل الهزوى عدوى او جا يصيدك وانصاد ههههه وبس |
|
|
|
|
31-08-2009, 01:46
|
#8 |
|
فـعـل مــاضي!
|
رد : يوم في حياتى ..
. أنا بعد بادور موقف مع الجازي للمشاركة.. ولو انوو الذاكرة شاخت مع الجوع والصيام * عامٌ سعيد وعمر مديد يابو ربيّع  |
|
|
|
|
31-08-2009, 07:49
|
#9 | |||
|
عضو متميز
|
رد : يوم في حياتى ..
إقتباس:
بصراحه عندي موقف حصل لي بعد بكره  أستغفر الله تراني صايمه مايصحش أكذب . . بس أول شي ودي أعلق على مواقفك .. . . الأول ..إنتظار خادمه .. . . فعلاً شكل الخدامات متروع ..مدري ليه ؟ يمكن إنهم حاشرينهم بغرفه صغيره ! . . أنا كنت قاعده أدعي ..كأني بستلم النتيجه ويوم شفتها قلت يسسسسسس الحمد لله إمتياز لإنها كانت شينه . . أما الشغالات المتعطرات هذولا ماشفتهم مدري ليه ..وإن شاء الله ما أشوفهم  . . الموقف الثاني ألا وهو ( النفس الشينه ) ! . . أنت حظك مع الصعايده أنا مع الزوله السودانيين مدري ليه دايم أشوفهم ينافخون ..! . . بس على فكره الصعايده صوت فقط ولا ماحولك أحد ..وشعارهم خدوووهم بالصوت لا يغلوبوكم إقتباس:
^ حرام عليك ...ليش ماصورته ! يعني هو كان يعجن بجسمه ولا بيده <<قاعده أتخيل الشكل. . الموقف الثالث .. إقتباس:
^ يعني عادي أحياناً تصير تلاقي الناس يحسبون لك وحريصين عليك أكثر من حرصك على نفسك ..خصوصاً عندالحريم ماتفوتهم هالحركات وعند العايايز كل شي جايز.. . . سأذكر موقفي في الرد التالي <<--- لازم أشوقكم شوي خخخخخخ اخر تعديل كان بواسطة » سمـا خير في يوم » 31-08-2009 عند الساعة » 13:43. السبب: خطأ إملائي لا تقولون بي إم دبليو .. |
|||
|
|
|
|
31-08-2009, 08:02
|
#10 |
|
عضو متميز
|
رد : يوم في حياتى ..
. . مره من المراريت كنت مدعوة في حفل إجتماعي في قاعة نياره على شرف أميره .. . . الموهم أتصلت علي أختي وقالت لي تكشخي بالله وتشيكي لا تفشليينا تكفين ! . . قلت لها : سلامات أصلأً أنا خايفه يحسبوني الأميره ..أجل إذا تكشخت بيقولون من هذي صاحبة السمو الملكي :d . . الموهم رحنا ..وكانت القاعة فخمة بمعنى الكلمة شي ماينوصف كأننا في يوم من ألف ليلة وليلة .. . . جات وحده تكلمني كانت تسأل ..جات عيني في عينها ؟ يوم راحت ناظرت في أختي وقالت لها من ذي كأني قد شفتها؟ قالت : بالله ماعرفتيها ؟ هذي مذيعة كلام نواعم سابقاً منى ..منى ..منى أبو سليمان .. قالت لنا وحده قاعده معنا بنفس الطاوله هههههههه ماعرفتوها ! قالت أختي بروح أتصور معاها .. قالت الي معانا بالطاولة : مارح ترضى تراها مغرورة و..و..و.. . . الموهم يوم جينا نطلع من القاعة إلا ونقابلها للمرة الثانية ! . . راحت أختي وسلمت عليها ..وطلبت منها نتصور معاها وعلى طول وافقت ..كلمتنا بأدب وأخلاق ومافيها غرور أبد عكس الكلام الي إنقال عنها ؟ ما أدري ليش الناس يحبون ترويج الإشاعات ..! وقامت أختي من زود اللقافة قالت لها : ليش طلعتي من الأم بي سي ؟ طبعاً هي توهقت ..وردت رد دبلوماسي .. . . بعدين أختي من زود التهويل قالت أنا أموت فيك أصلاً من يوم طلعتي من كلام نواعم وأنا صرت ما أشوفه أبد طبعاً أختي ماتشوف كلام نواعم خير شر النصابه :d . . بس تبون تشوفون الصورة . . في الرد الي بعده <<-------لازال التشويق مستمراً:d |
|
|
|
|
31-08-2009, 19:55
|
#11 | |
|
رفيــق الحــزن
|
رد : يوم في حياتى ..
إقتباس:
هلا وغلا بك اخوي فوزي ومنور يابعدي .. وكل عام وانت بالف خير واحشني ياراقل ازيك وازاي العيال .. وبستناك لا تبطي وما يبي لها شي موقف وياكثر المواقف ............................... مين اللي طفى النور ؟؟؟ امس بالليل كنت في الاستراحه التي تبعد عن البيت حوالي اربعين كيلو غير الزحمات والاشارة والمطبات والجبال والسحب والامطار <<< بس بس وين بتقول النشره الجويه يا عبدالرحمن كراني الموهيم كانت الساعه تشير للثانيه صباحا بتوقيت الرياض الا هذا رياض فلزتو كبدي يدق على وهو يصرخ يوبا يوبا يوباه قلت وش فيك قتال طفى علينا الكهرب !!! قلت افا وهذا وقته ما بقى شي على السحور طل من فوق شوف الجيران طافي عليهم والا لا ؟؟ قال والله كلهم مولع عندهم الا حنا !! قلت يابوي انا بعيد الحين خل اتصل على جارنا يمكن قافل من برى الطبلون ويفتحه بسرعه ما يمديني اطير واجي وانا بطلع الحين وجايكم .. المهم دقيت على الجار واثاريه داقها نومه ويشاخر ويالله رد علي قال السلام كيف الحال وصوته مره مدرروخ يابو فبان انا جارك ابو رياض تطكفى سوى خير واطلع برى وشف العداد حق البيت ما اد\ري وش فيه لايكون قافل افتحه .. ويرد علي رد زي اللي وش تبي انت بس بلعتها وانا مظطر والمظطر يركب الصعاب ويروح الرجال ويغيب له كم دقيقه ويرجع ويدق على العداد سليم ما فيه شي !! قلت متاكد طيب وش المشكله ؟ قال انا ادري عنك انا بروح اكطمل نومي واذا جا الصباح جب له كهربائي والا دق على الطوارىء حقت الكهرباء .. قلت له ما قصرت وتعبناك وادق على واحد من الشباب في شركة الكهرب واقول ربعكم يشتغلون الفجر؟ قال ليش : قلت ما ادري لايكون مطفين الكهرب علي يسون فيها الكمرة الخفيه واللاش قال لا اخر دوام لهم الساعه 12 الظهر بعدها ممنوع يطفون اي عداد ولعلمك في رومضان نحاول ما نطفي الكهرباء عن اي مخلوق علشان رمضان والناس صايمه ماهبو ناقصين عثا المهم واجي ماشي مليون وبراسي الف سؤال وش طفاه ؟ ومن اللي طفاه ؟ وش السبب ؟ وليه وهذا وقت يطفى الكهرب ؟ ويوم وصلت للبيت دخلت لقيت الكل شايل جواله في الظلام الدامس ويولع به على دربه وهذي فايده من فوائد الجوال العظيمه واشييك على العداد الداخلي سليم واشم اذا فيه التماس او حرق ما فيه !! واروح من برى واجي عند العداد والاقيه طافي من برى وانزل القاطع ورفعه من جديد ويولع الكهرباء على طول !!!!!!!!!! والتفت على بيت جارنا بستغراب واتصل عليه واقوله من كل قلبي الله لا يجزاك خير ولا يبارك فيك ولافي جيرتك يوم احتجتك ما لقيتك وتكذب علي تقول العداد اللي برى سليم <<< سليم مهوب الهندي حق فيصل سليم يعني تمام وهذا انا عنده طافي ياخي استح على وجهك هذي الجيره والجيران لابـو ב*)#$ لابـو ؟*^&%$ من جابك وش رايكم فيه بالله عليكم قهرني والله وخلاني امشي مليون واساقط السيارات وهو يقدر يحل الاشكال بس شكلي قطعت عليه شي وانا ما ادري  وبس |
|
|
|
|
|
31-08-2009, 20:10
|
#12 |
|
رفيــق الحــزن
|
رد : يوم في حياتى ..
سما الخير .. هلا بك ومنوره المكان .. وايه يابعدي هذي المواقف والا بلاش الله يعطيك العافيه .. شارك اكثر تربح اكثر .. بايسن كلك حركات هههههههه |
|
|
|
|
02-09-2009, 21:35
|
#13 |
|
|
رد : يوم في حياتى ..
انا ذكرت موقف على طاري حلقة اليوم في طاش السنه اللي فاتت كنت في محل تجاري اشتري بعض الأغراض .. الاّ بشخص من أحد الفضولييين كان مزعج بتواجده وفي نظراته .. الحقيقة كنت متململه جدا وحاولت انجز وأختصر الوقت والأغراض حتى اطلع من المحل .. الفضولي هذا خرج بعدي وكنت جزعه كثير منه الاّ إني استغربت انه سبقني وكان واقف قريب من السيارة يمكن توقع من وقوف السواق ينتظر عند بوابة المحل حتى وصلت السيارة واخذ السائق الأغراض مني وركبت السيارة وسكرت الباب بسرعة السواق اعطاني كرت قلت ( ايش هذا ) قال مااعرف , قرأت الكرت الاّ كرت رسمي وبأسم صريح ومكتوب عليه محمد الفلاني وسيط زواج رقم جوال والعنوان البريدي ورابط لمنتدى خاص لطلبات الزواج !!  يابن الذين من اشتكى لك حسبي الله ونعم الوكيل خبري فيه خطّابّات في الحفلات وحفلات الزواج مو خطّابين في المحلات التجارية وفي منتديات |
|
|
|
|
04-09-2009, 00:39
|
#14 |
|
شــاعر
|
رد : يوم في حياتى ..
الله يرجك انت وكهربتك هههههههههههههههههههههههههههههههههههه من جد مصيبه وجارك من جد م له حق لو انا من جارك ما رديت عليك من اساسه راجع لك باعترافات خطيره |
|
|
|
|
04-09-2009, 01:20
|
#15 | |
|
رفيــق الحــزن
|
رد : يوم في حياتى ..
إقتباس:
والله موقف جدا رهيب اي والله احد اشتكى له هههههههههههههههه صار اجل زي السدحان خطابه ذكرني باحد دول شرق اسيا من تنزل المطار والخاطابات اقصد الخطابين معاهم الكروت وهاتك ياتوزيع على الخليجيين وحتى بالاسواق والمطاعم صار المشهد طبيعي .. والسؤال هنا هل كل من يجي بس يبي يعرس والا هو اشتكى لكم الحال الموقف هذا يبي له دراسه مستفيضه وموضوع مستقل لحاله نعيش ونشوف |
|
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
