[عبيد البديري]

جديدة أتمنى أن تنال الرضا والقبول :

عسى / أثقال / غر المزن لاساقها الرحمن=وهمت فوق نجد وصبت الغيث عصريه
تحجب الفضاء كله ويصبح كما الدخان=ولا عاد تفرق بين هاذي وهاذيه
ثعول المطر مركوزةٍ كنها عمدان=من أعجاز رب الكون قدرة إلاهيه
هزيم الرعد من شدته يذعر الأبدان= من أهوال صوته تشعر بهزة أرضية
يشق السماء برقه وتشخص له الأعيان= تشوف السماء والأرض فالبرق مطويه
بأمر الكريم الواحد القادر المنان= تســـوقه ريـــــاحٍ عــــاتياتٍ شمـــاليـــه
تسوقه لدار مطير وشيوخها الدوشان=من عاد ثمود بسلة السيف محميه
على ديرة / الدويش مسير ولد سلطان=هاذيك الفخر كله هاذيك الأرطاويه
على شأن فيها قبر راع الوفاء كحيلان=نقيت القوافي لجل ذكراه منقيه
على قبر أبوي يصب وبله شهر ودان=شهر لين زهر العشب ينبت بعلويه
تذكرّت راع الطيب والجود والأحسان =ثلاثين عام وسيرته داخلي حيه

[علي ال شيبان]

تذكرّت راع الطيب والجود والأحسان
............. ثلاثين عـام وسيرتـه داخلـي حيـه !!
الله يرحمه رحمه واسعه ,
وها نحن نتذكر معك والدك وقد أعدت لنا ذكرى والدينا وكل من يعز علينا ,
تحت هذا العنوان :" تذكر راع الطيب والجود والاحسان "
نعم تذكرنا ودعينا لهم وإنا لله وإنا إليه راجعون ,
وعلى مرارة الفقد في هذه القصيدة الحُبلى بالغيث والحزن والملبدة بالغيوم السوداء ,
ولأن هذا الفقد هو سرّ الوجود للمنتج المبذول تبدوا الاشياء أكثر إشتعالاً وحزناً لديك ولدينا
ولكن لا يسعنى ألأ الدعاء لهم ,,,
الله عليك , ورحم الله والدينا و والديك ,,,

[محمد مدران اليامى]

الله ياعبيد .. حضزر قوي وجزل في كل اغراض الشعر

الله يرحمه وانت صح لسانك ياجزل .