[نمرالعتيبي]

الوطن غالي ومهما كتبنا فيه ماراااح نوفيه
حقه وهذه مشاركه بسيطه اتمنى اني توفقت في نسج
حروفها

ياهييه ياشرذمت الرافضه وين=ياخاينين اعهودكم والمواثيق
أغواكم إبليس وعن الحق غاوين=وطاوعتم اهل الغدر هاك النواهيق
زعيمكم حوثي واخذاها من الطين =خبل طمع في عاليات الشواهيق
وتختل في هالوقت كل الموازين=يا شلة خبول اضعوف مدانيق
ارض الوطن غالي ونفداه بالعين=ويذود عنه افراد جيش مطا ليق
افراد شعب كلبوهم مفادين=لاجات لحظات الحسم والمجانيق
ارواحهم ترخص لقمع المعادين=اهل العقول الفارغه والزناديق
وبامر الله وفي ظل حكم السلاطين= امن الوطن مازعزعوه المطافيق
ولاة الامر الي على الحق ماشين=ومحكمين لشرع رب المخاليق
بقيادة ابومتعب الله له يعين=الحاكم الي له غلا ف المعاليق
زعيمنا وله العهد دوم وافين=شامخ ويرسي مثل مايرسي طويق
وسلطان ابو خالد طليق الحجاجين=ولي عهد وكلنا له مشافيق
الله يرده سالم غانم اميين= للرض الوطن ونغني احلا الطواريق
والنايب الثاني حبيب الملايين =النايف الي يعتلي المجد ويويق
درع الامن ومحقق نصرة الدين= الله يسدد خطوته بالتوافيق
ويارب تحمي هالوطن قولو امين=من اهل الفتن والحاقدين الزناديق

[الجازي]

ويارب تحمي هالوطن قولو اميـن
من اهل الفتن والحاقدين الزناديـق

آمين ربي تحمي هالوطن
ويكفيه شر كل من فيه شر ..

صح لسانك ..

أنقى التحايا كـ قلبك يانمر ..

[عبيد البديري]

صح لسانك يانمر وحفظ الله وطننا من كل مكروه

[نورة العجمي]

حسبي الله عليهم الله يرد كيدهم في نحرهم
اللهم أرنا فيهم عجائب قدرتك فإنهم لا يعجزونك
وصل اخبار الى قناة العربية ان الحوثيين يطلبون من القاعدة تنفيذ عمليات ارهابيه داخل اليمن
لأن الحكومة اليمنيه تدعم السعوديه
لاحول ولا قوة الله بالله
الله يسدد خطا حكومتنا
ويرجع جيشنا منصور باذن رب العالمين

غيره ماهي مستغربه منك يانمر

خالص التحايا

[سفرالحارثي]

الشاعر المتالق

النمر الاليف

صح البوح والنزف المغدق

والشعر الرائع الجميل سديت اللازم عن الجميع

والله يحمي وطنا من كل شر وحقد اميين

تقبل ردي وتقديري قواك الله