22-01-2003, 15:38 | #1 |
..
|
يومٍ ولد الهاص بانت حسانيه
[c] بسم الله الرحمن الرحيم إلى الغالي ابوتركي و ابو كوع وفيصل مع اطيب تحيه [/c] [poet font="Simplified Arabic,6,black,normal,normal" bkcolor="transparent" bkimage="backgrounds/17.gif" border="none,4,gray" type=2 line=200% align=center use=ex length=0 char="" num="0,black" filter=""] يالله يامرسل محمد و منبيه=بك نستعين الى بدينا الهناديب يومٍ ولد الهاص بانت حسانيه=وجب علي الرد و ابدا بترتيب ملزوم ارد و واجبي لازم اديه=كله غلا في شوف شوق الرعابيب وغلا لحيان ٍبطيبه تباريه=جوني مسايرٍ وهم لي معازيب خفاف النفوس وجمعهم فيه تدليه=جمعٍ على الطاعه و حب الاصاحيب اليا شرفو لي منزلي ودخلو فيه=تو ما إستلذ الحلق حلو المشاريب وكني ملكت الكون كله واراضيه=وعمري يمدا له بعمر النبي شعيب هذا ولو ان خاطري فيه خافيه=لغياب ربعٍ شوفهم لي تطابيب اطلب ولي العرش و ادعيه و ارجيه=وربي كريم و يستجيب المطاليب انه يجمّعهم مسايير و اثنيه=و ان تم لي حضي بعالي المراقيب وسلامتكم [/poet] |
22-01-2003, 16:33 | #2 |
من كبار شخصيات الديوانية
|
كله غلا في شوف شوق iiالرعابيـب:": صح لسانك يا اليحيى ويستاهل ابو تركي وربعه |
22-01-2003, 16:37 | #3 |
سيـــف الســـيــف
|
هذا ولو ان خاطـري فيـه iiخافيـه لغياب ربعٍ شوفهـم لـي iiتطابيـب صح لسانك وبيض الله وجهك يابو عليا قصيده وافيه من راس وافي ويستاهل ولد الهاص ويستاهلون الربع اللي جو معه وكان بودي اني اواجههم ولكن حبسني حابس ووالله اني صادق حتما لي عوده فقط انتظرني قليلاً دمت بخير اخر تعديل كان بواسطة » عكاشه في يوم » 22-01-2003 عند الساعة » 18:27. |
22-01-2003, 18:52 | #4 |
سيـــف الســـيــف
|
هلا يابو عليا وصح لسانك مره ثانيه مدري كان لدي احساس غريب من هالبيت:- هذا ولو ان خاطري فيه خافيه .................. لغياب ربعٍ شوفهم لي تطابيب هالاحساس حاولت اني اتبرا منه لكن كان يرفض لين سلمني هالرساله واستلمها عساني ما اذوق حزنك واغفر لاخوك اي تقصير بدا منه [poet font="Simplified Arabic,5,white,bold,normal" bkcolor="white" bkimage="" border="ridge,10,burlywood" type=2 line=200% align=center use=ex length=0 char="" num="0,black" filter=" glow(color=sienna,strength=1)"] عقب الكلام اللي شعا قلب قاريه= بغيت اجنّب واثر مالي مجانيب يدكّ بي مشروه صلف المشاريه=خبطه على الهاجوس خبط المشاعيب وإن قلت انا بغديه ياوين ابا اغديه؟=احساس خاطي مدري احساسٍ إمصيب لكن على هجس المشاعر بقديه=يارب وفقني لحسن الاساليب نعمين يابيتٍ كسب نعم راعيه=نعمين يابيت الكرم والمواجيب بيتٍ على الطولات راعيه بانيه=ورثٍ من الجدان يلحق على الصيب هذاك ابو عليا عسى السوّ يخطيه=نسل الرجال اللي تربت على الطيب عون الرفيق اللي غثا الوقت حاديه=عون الرفيق اللي بليا مقاضيب ابوه من نبع الشغاميم مسقيه=منجوب طيب وترثةٍ من مناجيب (له حق يزعل ثم له حق نرضيه)=وعذري وجيه ويعلمه عالم الغيب لكن على ماقيل مانيب مطريه= ابا ادفنه بين الضلوع المحاديب اخاف ولد اللاش تكثر دواديه=واخاف من هرجٍ على غير توجيب ابشر بما تمليه ماقلت لك ليه؟=على النقاء شبيت ناري وابا اشيب ومادام انا مخطي ترى الحكم راضيه= اشيل حملي مثل حرش العراقيب [/poet] واسمح لي على القصووور يابو عليا معك ومع القصيده كتبتها على استعجال والا انت تستاهل اطيب منها دمت بخير تحياتي لك |
22-01-2003, 19:12 | #5 |
شـــاعــر
|
الأخ العزيز / عبدالرحمن اليحي صح لسانك مليون ولا يكفون... انت كريم والربع يستاهلون وهذا ان دل انما يدل على كريم اخلاقك وطيب مجناك يالغالي.... وصح لسان الغالي عكاشه ( سيف السيف ) ... يقول الشاعر : عسى الزمان اللي جمعنا على الطيب ********** يبقا على طـيبه ونبقا حــــــــــــــــبايب. هذا ما اتمناه لكم .... تقبل تحياتي و تقديري اخوك احمد بن ديهان. |
22-01-2003, 19:38 | #6 |
رفيــق الحــزن
|
اليا شرفو لي منزلي ودخلـو فيـه تو ما إستلذ الحلق حلو iiالمشاريـب اليحيى صح لسانك مليوووووووون وولد الهاص يستاهل وخوياه يستاهلون لاهنت وعساك على القوة ... سلااااااام |
22-01-2003, 20:26 | #7 |
رحمة الله عليه
|
ياهلا بك والله ومسهلا يابوعلياء ,, صح لسانك وبيض الله وجهك ,, كفو يابعدي قول وفعل والله ويستاهلون الربع كل خير بس تراني أحتري الدور الجاي عندي يالله عجلواااااااااااااااااااااااا علي ,,,,,,,,,,,,, مع تحيا111111111111تي .. |
22-01-2003, 21:49 | #8 |
عــضـو فـعّـال
|
اطلب ولي العرش و ادعيه و ارجيه وربي كريم و يستجيب iiالمطاليـب انـه يجمّعهـم مساييـر و اثنـيـه و ان تم لي حضي بعالي iiالمراقيب صح لسانك "عبدالرحمن اليحي " ابيات رائعه لااستغربها منك تسلم |
22-01-2003, 22:29 | #9 |
..
|
سلملم صح بدنك تسلم ياسلملم تحياتي لك |
22-01-2003, 22:39 | #10 |
..
|
[c] خالي عكاشه صح بدنك خالي ابو عبيد الحق لك لا عليك خالي معذور معذور ومابين الاخوان حقوق صح لسانك شكرآ على القصيده تحياتي لك [/c] |
23-01-2003, 10:43 | #11 |
..
|
احمد الديهان صح بدنك الله يحييك مليون اخوي احمد تشرفت بمرورك الكريم عسى الزمان اللي جمعنا على الطيب ********** يبقا على طـيبه ونبقا حــــــــــــــــبايب. اللهم امين تحياتي لك |
23-01-2003, 12:59 | #12 |
..
|
عبدالرحمن الربيع صح بدنك يا خوي تراك ما مريت على الرئيس لو في المكتب تسلم لاعدمناك تحياتي لك |
23-01-2003, 13:51 | #13 |
Guest
|
الغالي ابو علياء صح لسانك قصيده جميله بما تعني الكلمه ويستاهل ابو تركي واللى معه تحياتي لك خالد العنقري |
23-01-2003, 18:08 | #14 |
شــاعر
|
[c] ابو علياء الغالي... ..صح لسانك ولك بياض الوجه.. ..وعادة لك هبة الريح...وابو تركي واخوياه يستاهلون الطيب والترحيب .. ..ولك مني اجمل تحيه..فيصل [/c] |
24-01-2003, 11:43 | #15 |
شــاعر
|
صح لسانك يا ابو علياء وبيض الله وجهك ياغالي بصراحه اخجلتنا بكرمك وطيبك وطيب وجيه الخير الي جمعتهم وشرفتنا بلقاهم وانشاء الله بنتواجه مع عكوش قريب ولو انه ما يستحي بس الشكوى لله ابو علياء الف شكر دم بخير |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|