[وليـد بن فهيـد]

ياليتني ماني بعابر
ــــــ واستوطن فقلبك واعمّــر

وارضيلي خافق دوم صابر
ــــــ إن مايـعمّـــــر مــايدمّـــــر

وأنا من رجالن أكابر
ــــــ لكنّك فقلـــــــبي مــومّــر

تامر على روحي واثابر
ــــــ والشوق في قلبي مجمّر

انشد وسط كل المنابر
ــــــ واللي على بالي يضمّــر

من خوف مجنونن مكابر
ــــــ يصيـــد زلّه ثم يشمّــــــر

وش جاب أبوفيصل وجابر
ـــــ عند (الخميني)مع(معمّـــــر)

احدن نزف كل المحابر
ــــــ وأحدن على موته يزمّـــــر

وش فايدة دمع المقابر
ــــــ لو سال لك دمعن وهمّــــر

العمر مره وانت خابر
ــــــ محدن بهالدنيا يعمّـــــــــر

نبغى نحارب فكر غابر
ــــــ وْلاهمّـنا فاللي تذمّــــــر..!

[محمود ال مخلص]

صح السااانك وسلم منطوقك
تقبل مروري وتقديري
في انتظاار جديدك ان شاء الله

[سالم بن جلعان]

وليد صح لسانك
نص جميل ... ولكنه
غير محدد الوجهه ..
لم اتمكن من الوصول الى
أين تريد أن تقودنا ...
قد يكون ذلك خلل مني ..

تحياتي

اخيك

سالم