08-12-2006, 03:42 | #1 |
متنبي الشعر الشعبي
|
يرضيك ياالحزن؟!!
حمـــامة الروض .. ولّي ياشقــــــاويه 00000000000 مانيب ناقص مصابك .. يكفي مصابي انا .. ماكـــوّدت اسجّ شـــــوي ياخـيّه 00000000000 زدتيني بسجعتك .. زودٍ على مابي الغابـيه غابيه .. بالصــدر مكمـــيه 00000000000 وانا مانيب مهــبولٍ يفضـح الغابي اخاف من روحتن ماعقــبها جـــيّه 00000000000 يومٍ به اللوم .. يشهق شرهة عتابي خاسي وهابي .. مجازي الطيب بالسيّه 00000000000 راعي الرديّه رديّ .. وخاسي وهابي في نحو (ابو الأسود الدؤلي) .. له نحيّه 00000000000 ذا النحو نحوي انا .. وإعرابه اعرابي ترابي اولى بي .. ان خابت هقاويه 00000000000 وأن عوّدت للتراب .. ترابي اولى بي هذا ترابي . . وأنا زبن الجــــلاويه 00000000000 وكنـــوز قارون ماتشـــريك يا ترابي سقــوى .. سقاه الحيا وقتٍ مضى ليه 00000000000 يوم الرخا محزمي .. وزهابي .. زهابي يوم ارضي المســقوي عالوسم مذريه 00000000000 ودون اللحى فرخ بلجيكٍ وشبّابي يوم إنّي اغمض مريح البال جفنيه 00000000000 قبل السهر تستبيح جيـــوشه اهدابي من قبل ماشوف وقتٍ دارت رحيّه 00000000000 وضيوف (بقعا) سرى .. وقفوا على بابي وقتٍ ليا ضحك نابي جات بلاويّه 00000000000 كنه حرام علي الضحـــــكة بنابي قد لي خـــــلاوي 8 سنين .. وشويه 00000000000 هذا .. وانا لاني بمجــرم ولا ارهـابي احدن بكى ميته .. واحدن بكى حيّه 00000000000 واحدن على الصدق عاش ومات كذابي احيان .. أهيجن وأغني للهــــواويه 00000000000 وأحيان .. كل الهــــــواويه تغنّى بي واحيان .. احصّل لي من القايله فيّه 00000000000 وأحيان .. من حرقة القيض الله ادرى بي رهنت لي بندقٍ .. في دين جنبـيه 00000000000 وش يآخذ المرتشي من ذمّــة.. مرابي ظامــي وورّدت بـيرٍ دونها الحــيّه 00000000000 الله يجــازي زماني ويش سوّى بي رزقي على عالمٍ جهــري وخافيهّ 00000000000 ومن مثل ذا الجود رزاق ٍ ووهابي وين انت يالحزن ؟!! يا اجمل غناويـه! 00000000000 أذّاني الهم بغــيابك وشقّى بي من بين غيـّابي ابطت بك حراويه 00000000000 فاقدك .. ياأعزّ غــايب بين غيـابي وين انت ؟!! ياصاحبٍ ماولفني زيّه 00000000000 ياقو قلبك! .. تخلي الهم يسلى بي؟!! ودّه اشقق ثيــابي غصب بإيديه 00000000000 والله لأمــــوت .. ويدي ماشقّت ثيابي ودنيا الهبا .. ســـوّّد الله وجهها فيّه 00000000000 أبرد صــودايفها .. ياما احرق اعصابي يرضيك بالله؟!! تبـــيّت بي على نيّه 00000000000 قبل اتعشى لياليــــــها . . تغــدا بي؟!! هيّا تصدّق !! كذا . . وبدون ماريه 00000000000 اســتنزفت كلّ جرح ٍ . . قد تخبّا بي خلتني أهجّ واعطي الخبت . . رجليه 00000000000 والعجّ راح بصميلي .. وأذهب ركابي ثم ادرجت بي مهامــــية الزرّاجــيه 00000000000 وجت بي وأخفّ الطعون .. شلاف وجنابي يرضيك يالحـزن!! . . ياتالي عزاويه 00000000000 تضحك على شيب راسي .. بين شيّابي؟ يرضيك يالحـزن؟!! تجهر بي عــلانيه؟ 00000000000 حتى تهـاون بحـالي اقرب اصحابي؟؟ وجدي وجود اجــــوديٍ صار عاريه 00000000000 هذا وهو من ولد .. عتّاق الأرقابي وجود محــــكوم ماقبلوا منه ديّه 00000000000 وخلوه مابين سيف ونطع ونصابي كلن تتقى طعـــون عــداه غدريه 00000000000 وأنا الوحيد اللي طعوني من احبابي وأن مت .. قولوا لفاقــدني وداعـــيه 00000000000 والله ماني ردي .. وقــــتي تـردى بي محمد الدحيمي |
08-12-2006, 04:03 | #2 |
شـــاعرة
|
رد : يرضيك ياالحزن؟!!
وين انت ؟!! ياصاحبٍ ماولفني زيّه 00000000000 ياقو قلبك! .. تخلي الهم يسلى بي؟!! ودّه اشقق ثيــابي غصب بإيديه 00000000000 والله لأمــــوت .. ويدي ماشقّت ثيابي كلن تتقى طعـــون عــداه غدريه 00000000000 وأنا الوحيد اللي طعوني من احبابي وأن مت .. قولوا لفاقــدني وداعـــيه 00000000000 والله ماني ردي .. وقــــتي تـردى بي الشاعر المبدع الممتع متنبي الشعر الشعبي محمد الدحيمي كم من الفرح والسرور الذي لايمكن وصفه عندما نجد هذا الهرم الشعري في قوافي بوحنا وكم هي ورطة حين لا نجد كلمات توفي هذا الشاعرالمبدع حقه من يستطيع أن يجاري شاعراً نادراً لايتكرر مثل الدحيمي الشعر يجري من امامه ومن خلفه ومن بين انامله شكرا لهذا الحضور شكرا لهذا الابداع الذي امتلأنا به شعرا صح لسانك وقلبك |
08-12-2006, 04:15 | #3 |
المشرف العام
|
رد : يرضيك ياالحزن؟!!
أسعد الله صباحك ياشعر عّطرت البوح بأسمك وحضورك سلمت فكرا وشعورا دمت مبدعاً يا محمد تقبل مني فائق الاحترام |
08-12-2006, 04:47 | #4 |
النجدية
|
رد : يرضيك ياالحزن؟!!
وين انت ؟!! ياصاحبٍ ماولفني زيّه 00000000000 ياقو قلبك! .. تخلي الهم يسلى بي؟!! ودّه اشقق ثيــابي غصب بإيديه 00000000000 والله لأمــــوت .. ويدي ماشقّت ثيابي ودنيا الهبا .. ســـوّّد الله وجهها فيّه 00000000000 أبرد صــودايفها .. ياما احرق اعصابي يرضيك يالحـزن؟!! تجهر بي عــلانيه؟ 00000000000 حتى تهـاون بحـالي اقرب اصحابي؟؟ كلن تتقى طعـــون عــداه غدريه 00000000000 وأنا الوحيد اللي طعوني من احبابي وأن مت .. قولوا لفاقــدني وداعـــيه 00000000000 والله ماني ردي .. وقــــتي تـردى بي لله درك .. ما أجمل الشعر في حضرتك .. قصيدة باذخة .. وإبداع لايعترف بالحدود .. نتعطش دوماً لـ مثل هذا الشعر / المطر .. محمد الدحيمي .. لايرضينا الحزن .. كما لايرضينا غيابك عن شعبيات .. أدام الله عليك هذا التوهج والتألق والتفرد .. .. |
08-12-2006, 18:15 | #5 |
شــاعـر
|
رد : يرضيك ياالحزن؟!!
محمد الحيمي يا مساءء الجوووري والله يسلم رااااسك من راااااااااااااااااااااااايع ولله درك على هالابداااااااااااااااااااع والرقي والجزاله والله انك من اروع الشعرى واعذبهم صح كلك وعساك على القوه اخوك نمر العتيبي |
08-12-2006, 19:50 | #6 |
|
رد : يرضيك ياالحزن؟!!
يرضيك يالحـزن!! . . ياتالي عزاويه 00000000000 تضحك على شيب راسي .. بين شيّابي؟ يرضيك يالحـزن؟!! تجهر بي عــلانيه؟ 00000000000 حتى تهـاون بحـالي اقرب اصحابي؟؟ محمد الدحيمي .. حضورك هطول .. المبدعون وحدهم القادرون على حصاد الدهشة .. محمد الدحيمي المدرسة الشعرية الخاصة به والتي نتحيّر في وصفها .. الله يديمك يامطر .. |
08-12-2006, 20:22 | #7 |
بقـايا حُلـم
|
رد : يرضيك ياالحزن؟!!
وأن مت .. قولوا لفاقــدني وداعـــيه 00000000000 والله ماني ردي .. وقــــتي تـردى بي شكراً لك مداد اللغة ومداد الشعر ايها المبدع صح إحساسك |
08-12-2006, 20:32 | #8 |
شاعر
|
رد : يرضيك ياالحزن؟!!
صح لسانك يامحمدقصيده من الدرجه الأولى وأستغرب حقيقه أني لم أراها ألا الأّن تقبل تحياتي وأعجابي |
08-12-2006, 21:02 | #9 |
شـــاعــر
|
رد : يرضيك ياالحزن؟!!
خلتني أهجّ واعطي الخبت . . رجليه 00000000000 والعجّ راح بصميلي .. وأذهب ركابي ركــــابــــي.....لله درك يامحمد..صح الله لسانك ولاهنت شاعر تجاوزت الحدود.. تحيتي |
09-12-2006, 09:19 | #10 |
رجّال أجودي / شــاعر
|
رد : يرضيك ياالحزن؟!!
محمد الدحيمي .. شاعر.. خيالي .. انفعالي .. ارتجالي .. شاعر .. رومانسي .. حسي .. نرجسي.. شاعر.. مثقف .. موقف.. شاعر.. وجدان.. فنان .. شاعر.. حريّف .. لطيف شاعر وشاعر وشاعر... رضي من رضا وزعل من زعل صح لسانك ملايين ايه الشاعر الفلته \ / \ / لك من الود باقة |
09-12-2006, 16:56 | #11 |
شـاعر
|
رد : يرضيك ياالحزن؟!!
الدحيمي , قصيد مختلف عن ما نقرأ ونسمع صح لسانك وسلم بنانك , و لا هنت رهنت لي بندقٍ .. في دين جنبـيه 00000000000 وش يآخذ المرتشي من ذمّــة.. مرابي هذي انا اقول فيها : عظيمه , وغير مسبوقه وجدي وجود اجــــوديٍ صار عاريه 00000000000 هذا وهو من ولد .. عتّاق الأرقابي وجود محــــكوم ماقبلوا منه ديّه 00000000000 وخلوه مابين سيف ونطع ونصابي . وهذي نزار قباني يقول فيها : كلمات ٍ ليست كالكلمات صح لسانك يا محمد |
14-12-2006, 07:05 | #12 |
متنبي الشعر الشعبي
|
رد : يرضيك ياالحزن؟!!
شاعرتنا المبدعه نوره العجمي شكراً لك على جميل اطرائك شكراً لحضورك الذي لايشبهه الاّ المطر شكراً لك على كل شيء لا خلا ولا عدم |
14-12-2006, 07:09 | #13 |
متنبي الشعر الشعبي
|
رد : يرضيك ياالحزن؟!!
الغالي ذيبان اسعد الله اوقاتك بكل خير صح بدنك ولاهنت لا خلا ولا عدم |
14-12-2006, 07:14 | #14 |
متنبي الشعر الشعبي
|
رد : يرضيك ياالحزن؟!!
الغاليه نجديه , حضور اسمك في مواضيعي طموح وشهادتك وسام شكراً لمرورك الجميل وحضورك الراقي لا خلا ولا عدم |
14-12-2006, 07:17 | #15 |
متنبي الشعر الشعبي
|
رد : يرضيك ياالحزن؟!!
الغالي نمر العتيبي صح بدنك وبيض الله وجهك ياخوي انت وينك ؟؟ لا خلا ولا عدم |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|