21-01-2004, 00:58 | #1 |
شـــاعــر
|
استحلفك باللي عطاك الشي الاخر واصدقي
[poet font="Simplified Arabic,6,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=""] استوقفيني في بدايات الكلام المنطقي ماعاد به لا منطقيه في وجودك او كلام كيف اجمعك وانتي على كل الصور تتفرقي القاك في حد الضيا والقاك في حد الظلام ان اشرقت شمس الصباح اقول انتي تشرقي وان ظلل الدنيا مسا قلت نامت عيونك ونام وان استهاج البحر واغرقنا نخيتك تغرقي بحر الوجود ببحرك الاكبر ويركد مستهام وان جفت الصحرا طلبتك ابتسامه تطلقي من ثغرك اللي يقلب الدنيا مراتع للغرام وايلا اشتقيت من الشعر جبتك خيال ويشتقي قلـّـب حروفه واحتزم وانهار من شد الحزام وان حبت اصناف الجمال لبعضها بك تلتقي تعقد مواعيد التلاقي فيك من عام ٍ لعام تحمل هداياها لبعض ولا ترى شي ٍ بقي حتى تجيب لبعضها شي ٍ ولا والله تلام مازاد ما جابت على ماهوب موجود ٍ ثقي لوها لقت ما يستحق انكان يلزمها لزام وش يالقصايد في مقام الوصف فيها تلحقي لو ترتقي فوق الثريا مالحقتي له مقام وان ترتقين وترتقين وترتقين ويرتقي يتعبك تحليق الفضا وانتي تلمّي فالحطام ما ياقف التحليق وانتي في مداه تحلقي نظام شمسك لانتهى كم خلف منظومه نظام تستعبدين الشعر لين اطلبك طلبه تعتقي مستعبد ٍ في خدمتك ما عاد شالنـّـه عظام استحلفك باللي عطاك الشي الاخر واصدقي ماهوب تكذيب ٍ ولكن الشعر جاه انفصام باية لغه ممكن يجمع مفرداتك منطقي اصل الكلام اللي نعرفه صار يبحث عن كلام ...... فهد بن محمد ...... [/poet] |
21-01-2004, 02:19 | #2 |
شـــاعــر
|
الغالي فهد بن محمد الله الله صح لسانك على هالمعزوفه الراقيه تقبل تحياتي اخوك محمد بن حزام |
21-01-2004, 13:06 | #3 |
الـحـــرّاب
|
تستعبدين الشعر لين اطلبـك طلبـه تعتقـي مستعبد ٍ في خدمتك ما عـاد شالنّـه عظـام اخوي فهد بن محمد.. صح لسانك يا الغالي.. دمت بذات الابداع.. لك الود.. |
21-01-2004, 15:28 | #4 |
جرحي بخير / شــاعــر
|
استحلفك باللي عطاك الشي الاخر واصدقـي ماهوب تكذيب ٍ ولكن الشعر جـاه انفصـام باية لغه ممكـن يجمـع مفرداتـك منطقـي اصل الكلام اللي نعرفه صار يبحث عن كلام الله عليك يامبدع ,, , فعلاا هي معزوفة راقيه تسلم عليها وسجلني من المعجبين ,,,,, , صح لسانك مليون اخوك // جرحي بخير ,, . |
21-01-2004, 15:35 | #5 |
سيـــف الســـيــف
|
ابداع ابداع ابداع ابداع ابداع ابداع ابداع لله درك ايها الرائع وصح لسااانك يافهد على هذه الفاتنه دمت بخير ودام ابداعك تحياتي لك |
21-01-2004, 20:14 | #6 |
شـــاعر
|
قليل هم من الشعراء من يجبرك على متابعة القصيده من اول بيت وحتى اخره فهد هو احد تلك القلة التي كنت اتحدث عنها استوقفيني فـي بدايـات الكـلام المنطقـي ماعاد به لا منطقيه فـي وجـودك او كـلام كــلك منطقية يا ابو محمد في لا منطقيه استحلفك باللي عطاك الشي الاخر واصدقـي ماهوب تكذيب ٍ ولكن الشعر جـاه انفصـام باية لغه ممكـن يجمـع مفرداتـك منطقـي اصل الكلام اللي نعرفه صار يبحث عن كلام باية لغه ممكـن يجمـع مفرداتـك منطقـي اصل الكلام اللي نعرفه صار يبحث عن كلام باية لغه ممكـن يجمـع مفرداتـك منطقـي اصل الكلام اللي نعرفه صار يبحث عن كلام الله الله يا ابو محمد ....رائع رائع همسة في اذنك : ألا ترى معي وانت ابخص ... انك قد تظلم قصائدك اذا بتنزل كل يومين قصيده؟؟ ... يعني مقياس ريختر توك منزلها ولا امدى الناس تشوفها ... ادري ان ادمان الشعر يخلي الواحد يسوي كذا ... لكن انا ودي كل الناس تقرا اللي يكتبه شاعر كفهد بن محمد .. تحياتي واعجابي يا فهد اخوك الله يصلحك ويصلحه |
21-01-2004, 21:48 | #7 |
شـــاعــر
|
وان حبت اصناف الجمال لبعضها بك تلتقي تعقد مواعيد التلاقي فيك مـن عـام ٍ لعـام تحمل هداياها لبعض ولا ترى شـي ٍ بقـي حتى تجيب لبعضهـا شـي ٍ ولا والله تـلام مازاد ما جابت على ماهوب موجـود ٍ ثقـي لوها لقت ما يستحق انكـان يلزمهـا لـزام الله عليك يابو محمد....!!! ما ياقف التحليق وانتي فـي مـداه تحلقـي نظام شمسك لانتهى كم خلف منظومه نظـام حضور مختلف... صح قليبك ... تحاياي.. |
21-01-2004, 23:39 | #8 |
شـــاعــر
|
محمد بن حزام وازدادت معزوفة الشعر بقدومك لحنا ً اخر يكاد يطغى بحضورك على حضوره اشكر تواجدك الاولي هنا وتسلم ولاهنت |
23-01-2004, 20:22 | #9 |
شـــاعــر
|
محمد الحراب طاب مسائك واشكرك للتواجد هنا وكم تعني متابعتكم من قيمة تدفعني للتطلع للافضل بمحاولة المقلّ اشكرك وتسلم ولاهنت |
24-01-2004, 14:11 | #10 |
عضو شعبيات
|
صح الله لسانك يافهد بن محمد وسلمت سلمت يمناك على القصيده الطيبه تقبل تحيــاتي الخويطري |
24-01-2004, 21:06 | #11 |
شـــاعــر
|
جرحي بخير اهلا بك ومرحبا وتسجيلك من المتابعين هو شرف لي اشكرك لمنحي أياه وجودك قارىء هنا للقصيدة يمنحها زاد الرحلة لاكما مسيرتها فشكرا لك على كرم العطاء وتسلم ولاهنت |
24-01-2004, 22:10 | #12 |
شــاعـر
|
فهد بن محمد هلا والله وغلا رايع هالبوح لله درك والله يا فهد وصح لسانك على هالفاتنه والله يديم عليك الابداع ويجعلك على القوه ولك من اخوك نمر العتيبي اصدق تحيه |
24-01-2004, 23:12 | #13 |
رفيــق الحــزن
|
فهد بن محمد صح لسانك مليوون ياشاعرنا وسلم بنانك .. استحلفك باللي عطاك الشي الاخر واصدقـي ماهوب تكذيب ٍ ولكن الشعر جـاه انفصـام باية لغه ممكـن يجمـع مفرداتـك منطقـي اصل الكلام اللي نعرفه صار يبحث عن كلام الله عليك وشهادتي فيك مجروحة يابعدي .. تحياتي . |
27-01-2004, 00:56 | #14 |
شـــاعــر
|
عكاشه يبقى لرأيك مكانته عندي وعند غيري واي رأي منك يعطي حافزا معنويا يسجل للشاعر وقصيدته اشكر مرورك من هنا واخذك الوقت وتسلم ولاهنت |
27-01-2004, 13:06 | #15 |
عضو شعبيات
|
قصيده في منتهى الجمال تسلم مليون ولا يكفو ن |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|