26-10-2004, 02:24 | #1 |
نـديم الفـرقـدين
|
تقول سـم...........!!!!
السلام عليكم اسعدتم صباحآ عمتم صباحآ كيبوردية ارجو تقبلها بسعة صدوركم وتجاوزكم عن القصور \ \ \ \ \ تقول ( سم ) ان قلت انا أي كلمه سبحان من جمّل عباده بالآداب \ \ كني لها شيخٍ.ن تبي جل علمه وهي اختصار اشوفها لكل الأحباب \ \ يابخت من هي تعترض له بحلمه عصَت سنين ومانعت مخلب وناب \ \ قلت الغرام اجرام حربه وسلمه..؟ والا بشوفك شاعرٍ.ن عذب كذاب..؟ \ \ قالت علام استاذي ان وين حلمه قلت اتركيني بس من كيل الألقاب \ \ قالت وابن آآدم على اخوه ظلمه أنا وأنا..قلت اص..لا ابعين ننصاب \ \ \ \ \ \ \ \ \ \ \ واقت عليّ اللي بها الروح تفعم وقالت سلام بكل ود ومروفه \ \ رديت قلت ايمان اكرم وأنعم قالت معي رابط وودي تشوفه \ \ صرت اتواجف وانتظر واتبلعم وقلبي بها اليومين شرسة ظروفه \ \ قريت والا حالتي ما اقدر أزعم واقول ذا ( رابط عمل ) في حروفه \ \ أنفاس در بسحر الأنثى مطعم الا...مسائك فل آآآآآآياالعيوفه \ \ عمّي المسا مادام فيك المسا عم واعم انا الرابط ترليون شوفه \ \ لا مال غصن ولا بعد مد برعم كتلة عفاف وكافياتٍ وصوفه \ \ تقول ( سم ) بردها واتقشعم واقول سم الله عدوك ابجوفه \ \ تقول ( سم ) اسبح شجن واتزعم عرش الهيام وكل همّي تسوفه \ \ فوق الشفاة احروفها تقل تكعم من الخجل والكلمة اتقول طوفه \ \ من قدّ قدّك مرّغ القلب ياعم بورود عشقه والحياة امحفوفه \ \ ماعاد اشاكس ما اصادم ولا ادعم وقلبي تفرّغ أحتفي به ضيوفه \ \ ضيفٍ.ن تليته باقنعة وامتعمعم وكشفت وجهي له وبدد لخوفه \ \ واقت عليّ اللي بها الروح تفعم قالت معي رابط وودي تشوفه \ \ \ شعري لها أشمَل من الشعر وأعم ورابط برابط مابها أي توفه \ \ \ دمتم بخير مصعب 10 \ 7 \ 1425 هـ |
26-10-2004, 04:36 | #2 |
شــاعـر
|
رد : تقول سـم...........!!!!
مصعب لله درك من رااااااااااااااااااااااااااااااايع وصح قلبك على هالجزله قمت الروعه وقمت الجمال انتثر هتاء عساك على القوه اخوك نمر العتيبي |
26-10-2004, 11:39 | #3 |
الـحـــرّاب
|
رد : تقول سـم...........!!!!
تقول ( سم ) ان قلت انا أي كلمه سبحان من جمّل عباده بالآداب قلت الغرام اجرام حربه وسلمه..؟ والا بشوفك شاعرٍ.ن عذب كذاب..؟ مصعب.. قصيدة رائعه.. تحملت الكثير من الجمال.. تقول ( سم ) ان قلت انا أي كلمه سبحان من جمّل عباده بالآداب رائع.. |
27-10-2004, 12:41 | #4 |
شــاعر
|
رد : تقول سـم...........!!!!
[c] الله الله عليك يا مصعب شاعر جزل ومتمكن من الفكره ومن الادوات الشعريه حبك وسبك والفاظ ذات موسيقى متناغمه مع المواقف اللي تعبر عنها قصيدتين ولا اجمل تستحق المرور مره بعد اخرى .. لكن وش رايك ترسل لي الرابط اتاكد من دقة وصفك صح لسانك مليون ولا يكفون تحياتي وتقديري سالم بن جلعان [/c] |
27-10-2004, 13:01 | #5 |
شـــاعــر
|
رد : تقول سـم...........!!!!
8 8 8 8 ترى لوسالم مشغول ماعندي مشكله ارسل لي الرابط وأردّ له خبر صح لسانك والله يامصعب واقت عليّ اللي بها الروح تفعم ..........................وقالت سلام بكل ود ومروفه رديت قلت ايمان اكرم وأنعم ...........................قالت معي رابط وودي تشوفه صرت اتواجف وانتظر واتبلعم .....................وقلبي بها اليومين شرسة ظروفه قريت والا حالتي ما اقدر أزعم ....................واقول ذا ( رابط عمل ) في حروفه عمّي المسا مادام فيك المسا عم ............................واعم انا الرابط ترليون شوفه عمّي المسا مادام فيك المسا عم ............................واعم انا الرابط ترليون شوفه عمّي المسا مادام فيك المسا عم ..........................واعم انا الرابط ترليون شوفه عمّي المسا مادام فيك المسا عم ........................واعم انا الرابط ترليون شوفه ماأصعبك يامصعب ! |
27-10-2004, 22:11 | #6 |
شــاعر
|
رد : تقول سـم...........!!!!
.. الاخ الشاعر مصعب صح لسانك ولاهنت دام بوحك وابداعك تقبل تحياتي |
28-10-2004, 00:18 | #7 |
شـــاعــر / باحــث
|
رد : تقول سـم...........!!!!
صح لسانك ابيات روعه ومعاني خوش |
10-11-2004, 01:26 | #8 |
نـديم الفـرقـدين
|
رد : تقول سـم...........!!!!
الأخ الكريم نمر العتيبي ياهلا وغلا نورت الصفحة ياغالي صح عملك وبدنك لاهنت دمت بخير تحيااااتي وتقديري مصعب اخوك |
10-11-2004, 01:28 | #9 |
نـديم الفـرقـدين
|
رد : تقول سـم...........!!!!
محمد الحراب حياك ربي الجمال بوجودك ياغالي شاكر ومقدر اطلالتك دمت بخير تحياتي وتقديري مصعب اخوك |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|