23-04-2004, 03:03
|
#1 |
|
شــاعــر
|
المعتصم ماسمع صوت المنادي
أول مشاكلنا قضية فلسطين = و الثانيه من مانعين الجهادي ياما صبرنا ايام وشهور وسنين = ستين عام معرضين السنادي كم مرة في مجلس الأمن شاكين = نشكي على من باعنا بالمزادي شي يجذ القلب ويبكي العين = من هول مايحصل يذوب الجمادي في كل يوم يندبون المساكين = يذوب من صوت الثكالا الفؤادي شارون ذاقو من يديه الأمرين = احد ذبح و احد لسجنه يقادي هد المباني فوق روس المقيمين = واهل البلد لبسو ثياب الحدادي جنين اهلها تحت الأنقا ض جا ثين = والمسلمين مكبلين الأيادي نادوبعالي الصوت وين الوفيين = والمعتصم ماسمع صوت المنادي ما جاوب الأ ( ايات ) صوت المنادين = بالدم والروح الكريمه تفادي شظية تفجرة بالمعادين = من غيرها عن عزة النفس ذادي وجيرانهم عن سير الأحداث لاهين = بحماية حدود العدو بالحدادي ياحيف صارو للمعادي محامين = ولا اظن حاديهم على الذل حادي بشارومبارك عسى فالهم شين = وابن الحسين اللي سواة القرادي يومه طغى شارون صارو ذليلين = وضاعت على حسني كثير الدوادي مثل النعامه تدفن الراس بالطين = تبغي النجاه وباقي الجسم بادي مامنهم اللي فاد بالعسر واللين = لوان عددهم صار مثل الجرادي صارو عبيد للمعادي موالين = ومسلطين فوق روس العبادي اليا دعاهم بوش جوله مطيعين = ولوداس فوق رقابهم شي عادي ورايس توجهم الى يسار ويمين = كل(ن)مجودة عليه الشدادي وان قال باول قالو امين امين = ماقلت تم ومن يخالفك غادي لاتحسبناعن اهل القدس دارين = تسلم لنا واهل البلد لنفادي وان قال قولو يالوجيه المسمين = شارون يحكم في جميع البلادي قالو على ماتشتهي قول—راضين = وفر لنا ياذيب كرسي وزادي ولو بعتنا بالسوق لرضاك شارين = ولو طليت اوجيهنا بالسوادي ونقول ياهل العرف واهل القوانين= ويش رايكم ياطيبين المبادي اهل السياسه حيصرو بين نارين = واهل العمايم طولو بالرقادي يوم الامريكي يستفز المصلين = وفي كل يوم بالمصلين عادي مادام جيبه عامره بالملايين = وكل(ن)على مجهود بوش اعتمادي والله مايسمع لكم بوش ويلين = الا ان يجي منكم فعول جدادي عن الامريكي تقطعون الشرايين = حتى يبوش بوش علم وكادي تكفون لو نخسر كثير البلايين = العز ياهل العز غاية مرادي تلقون باليابان والهند والصين = اللي يساعد بالليالي الشدادي ويش تحترون استدركو الوضع بالحين = تحركو والجمر تحت الرمادي كانت فلسطين وقفاها العراقين = وباكر بيقفاها البخيل العنادي الزود ياهل الزود شال الفراعين = يامن يعلم كل خبل ربادي اللي يحسب الناس ماهم بدارين = يدري بها حتى اللذي بالمهادي ماينفع الخايف ولايقضي الدين = من الحضر وألاساكنين البوادي الله الأحد خالق ورزاق ومعين = ولاعاد حق الابقدح الزنادي تكفون دون الأرض والعرض والدين = شدو الحزام ورددو للهنادي قومو عليهم قومة تعجب العين = يفرح بها من هو لثاره ينادي حتى يجي يوم مثل يوم حطين = يجلا سنين من القهر والنكادي اخر تعديل كان بواسطة » زهير في يوم » 23-04-2004 عند الساعة » 03:17. |
|
|
|
23-04-2004, 05:11
|
#2 |
|
شـــاعــر
|
رد : المعتصم ماسمع صوت المنادي
الله المستعان يا زهير الله المستعان وحسبنا الله ونعم الوكيل ... ندعوه وحده الجليل القادر على ازاحة هذه الغمه ونصر المسلمين .... الف صح لسانك على هالشعور والنزف المختلف .... وتقبل اعجابي وتقديري اخوك محمد بن حزام |
|
|
|
|
23-04-2004, 17:56
|
#3 |
|
شــاعر
|
رد : المعتصم ماسمع صوت المنادي
زهير صح لسانك ملايين ولا فض فوك جزاله لا تاتي الا من جزل الله يدمر من يريدون دمار الاسلام فعلا الامر استفحل وزاد عن حده اللهم ياقوي ياعزيز انصر المسلمين المجاهدين في كل مكان اللهم اجعلنا لهم مددا يارب العالمين واقر عين المسلمين بالنصر على اعداء الدين انك على كل شي قدير تحياتي واعجابي دمت بخير ان شاء الله |
|
|
|
|
24-04-2004, 21:50
|
#4 |
|
شــاعــر
|
رد : المعتصم ماسمع صوت المنادي
الأخ محمد بن حزام
رديت ياذيب الرجاجيل واوفيت = يعيش من مثلك مع الناس وافي شرواك يابن حزام له بيننا صيت = يهمنا رايه بهمس القوافي ولك اجمل تحياتي |
|
|
|
|
25-04-2004, 16:00
|
#5 |
|
شــاعر
|
رد : المعتصم ماسمع صوت المنادي
زهير صح لسانك وبيض الله وجهك والله يحررها وتزيل الغمه يارب تحياتي اخوك فيصل |
|
|
|
|
26-04-2004, 05:41
|
#6 |
|
شــاعــر
|
رد : المعتصم ماسمع صوت المنادي
الأخ فيصل التويجري مجمل ومشكور الله يعطيك العافيه ويكثر من امثالك الذين تهمهم كرامة وعزة الأمه الأسلاميه ويتئألمون لمايحدث لهذه الأمه من نكبات متواليه وبمساعدة ابنائها العاقين والله المستعان تقبل تحياتي |
|
|
|
|
27-04-2004, 04:23
|
#7 |
|
شــاعــر
|
رد : المعتصم ماسمع صوت المنادي
الأخ فيصل الخالد ياهلا ويامرحبا ومشكور ياراعي الطيب على مرورك الكريم لك اجمل التحيات مع التقدير والأحترام |
|
|
|
|
27-04-2004, 21:30
|
#8 |
|
العضوية الماسية للموقع
|
رد : المعتصم ماسمع صوت المنادي
مشاء الله عليك يعجز لساني عن وصف ابداعك صح السانك مليون مره . |
|
|
|
|
02-05-2004, 17:49
|
#9 |
|
شــاعــر
|
رد : المعتصم ماسمع صوت المنادي
نادره يامساء الورد والريحان والياسمين يسعدني حضورك واشكرك على مرورك الكريم لك اجمل التحيات مع فائق التقدير والأحترام |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
