18-10-2004, 07:29
|
#1 |
|
الدانه بنت عبدالله
|
مكتب ابو وحش للزوااااااج ...!!!
مكتب عقار ................... لا مكتب علاقات عامة ............... لا مكتب تاجير زل وخيام ............. لا الآن المفاجاة المذهله مكتب ابو وحــش للزواجات والله يا طويلين العمر مكتبنا هذا يستقبل طلبات العرس ، يعني اللي يبي يعرس ومستحي يقول لأمه تخطب له لا يتردد ويرسل لنا الطلب مع المقادير التاليه اولا: صوره الخشه ابيض واسود للسعوديين عشان الفضايح ، وملونه لغير السعوديين عشان لون العيون والشعر ، ايه عاد تروشوا قبل ماتصورون نبي نشم ريحة الصابون في الصوره بالنسبه للبنات: كدوا ذا الشوش قبل ماتصورون عشان ما تجونا بعدين تقولون ليش محد يبينا ، ولا مانع من لط الجص على الوجه لإخفاء آثار الحفر البركانيه الظاهر على بشراتكن ، ويفضل استخدام الفير لتهبيط الشوشه عشان مانضطر ناخذ مقاس صوره اكبر لأظهار الشوشه باكملها اما العيال: عاد لاتطقون لنا ذا اللطمه اذا جيتوا تصورون ، يعني مهوب عيب يكون خشمك متسدح على ذا الخدود وماخذ راحته ولا منحرف عن موقعه الاصلي تسعين درجه جنوبن ولا براطمك تصير مثل براطم عتاب .. الوضوح اهم شي عشان البنت اللي بتقابل ذا الخشم والبراطم طول عمرها <<-- الله يرحمها .ثانيا: صورة من بطاقة الاحوال للبنات، والتابعيه للعيال ضرورى جدا الوثائق الرسميه للطرفين (اجل هي الدعوه لعب) ولغير السعوديين نكتفي بالاقامه بس مهوب تصير منتهيه .. اما اللي في الخارج فقريبا بنفتتح فروع دوليه جنبكم ثالثا: معلومات عنك مثلا: طولك ، محيطك ، كثافتك ، عدد شعيرات راسك (هذا ان كان بو شعر اصلن )، خشمك كم متر؟ ، كم ضرس عندك محشي وكم ضرس مقلوع وكم ضرس مسوس ، والبنات يضاف لهم لون الركب والكوع رابعا: شهادة حسن ( حسن ولا محمد ) سيره وسلوك مصدقه من الهيئه واثبات من المطار بانك ماقد تعديت حدود ديرتك وبالذات شباب الشرقيه ..عشان نشوف راحو للبحرين ولالا.. هذي لازم عليها عشر اختام مصدقه ولازم بعد ترسل لنا معروض تحلف فيه بالله انك ماقد حبيت ولا قد كلمت ولا بنت ولا غازلت ابد خامسا: وش بعد الظاهر مابقى شي ماقلناه ---------------------------------------------- عاد تحت بتلقون بعض الطلبات اللي وصلتنا عن طريق وسائل الاتصال الخاصه فينا <<-- شخصيات ، اللي عاد اعجبه واحد او وحدتن منهم فماعليه الا يشق الصوره وتقول هذي هي اللي ابيها ولا امها رقم الطلب: هذا يستاهل صفرين على هالخشه السنعه اسمر حليوه ( امحق حلاوه )، معصقل ويلقبوني بالمسواك لطول كراعيني ، رومنسي مرره واقدر الحياة الزوجيه مرره (ايه طيب ) ،ابي زوجه تعرف تطبخ مرقوق مثل مرقوق امي ، وتعرف تلف سنبوسه مثل ذيك السنبوسة المثلثه حقت رمضان ،وياريت بعد لو تصير تشبه مادونا بس على ملامح خليجيه (هاااه ) وشكرن ----------------------------------------------- رقم الطلب: الخرخير دوت كوم بنيه سعوديه ، حنطية اللون ، عمري ثلاث وعشرين سنه واربع شهور ونص يوم ، فيه اثر فلقتن قديمتن في راسي يوم اخوى يكمخن بحصاة وحنا صغار(علامه فارقه ) طولي ميه وربع ، يقولون اني اشبه باسكال بس انا اقول انها تخسي لأني احلى منه ( يقولون مداح نفسها ... )، ودي برجلن ينقلن من وظيفتن بالخرخير، وذا مابوه فواحدن يسكنن فيها اقرب لي من هالمشاوير ( عرس مصلحه ) وسلامتكم ---------------------------------------------------- رقم الطلب: هذي بنتركها عليكم .. وش الرقم اللي تستاهله ؟ فتاة عربيه ، شقراء (صبغه)، بيضا لهبا (مكياج)، زرقا العيون (عدسات) ، رشيقة القوام ( انظر الصوره)، عمري شي 35 سنه ( تجميل وشد)بتمنى اتجوز شاب خليجي عمرو فوق العشرين سنه ، مو مهم كيف يكون شكلو .. المهم يكون جيبو عمران <<-- لا تعليق . ----------------------------------- رقم الطلب: ديزعه تمانيه تمانيه زول سوداني ( مااقرب لي لووول ديزعات ولا الدباب خالص ) مهددينه ، ماداير اكتوب كتير عن حالتي آآآآي ، ليكن بقول ليك ابحس عن فتاة سمرا زات الشي <<-- متعيجز يكتب الشروط اللي يبيها ، والسلامو عليكو --------------------------------------------------- رقم الطلب: ذي تستاهل رقم كشخه - مشرفه فتاة سعودية الجنسيه ، عمري 28عام ، اشتغل مشرفه في وحدتن من المنتديات <<-- تنفع واسطه ، سمرا بس مانيب حلوه مره لأن كلي ملح يكب ، ودي اعرس على مشرف من نفس الفصيله علشان نجيب مشرفين صغار يمسكون المنتدى اذا عجزنا ( ياهي نشبه ) ومايخالف لو اصير انا حرمته الثانيه او الثالثه <<-- وين الحاج متولي عنها ، وش بعد .. ايه يقدس الحياة الزوجيه وبس --------------------------------------- رقم الطلب: كل الارقام العربيه والفرنسيه شاب سعودي ،العب ملاكمه على خفيف بس اكثر شي احب العب بلوت مع الشباب ، معرس وودي اعرس على الثانيه ، ماهنا وقت اقعد احتسي فيه عن مواصفاتي الزينه ، بس ابي اقول اني ودي بحرمتن سنعه ، تعاون حرمتي الاوله على الذبايح والمفاطيح ، وابيها موظفه وراتبها واجد علشان تصرف علي ، ولامانع لو معها مرسدس ( حدك ونيت ويخب عليك ) .. عاد اقصرو الهرج ولا تبطون علينا .. اخلصوا <<-- ذا كن وده يتطاق مع احد . -------------------------------- ~~~ جــــدار الاعــلانــات الـتـجـاريـه ~~~ المكتب لا يتحمل اي مسؤوليه عن اي شي ، مهوب باتسر لين تطلقتوا تقولون كله منكم ترا مالنا دخل .. انت الثور او البقره اللي اخترتوا <<-- اللي هذا اوله ينعاف تاليه عرض خاص ولمده قصيره .. اعرس على وحده وخذ ثلاث مجانا .. اسرع فالكميه محدوده ،، لاتتردد واتصل الان ، واذا وجدت الخطوط مشغوله فحاول مرتن ثانيه بشاره للعجازين واللي فيهم عرق زوالي ( زول سوداني) قريبن بنفتح ملحق لنا جنب كل بيت علشان ماتكلفون على انفسكم وتجون لمقرنا الرئيسي ----------------------------------------- ~~~ بـــريــــد الـــقــــراء ~~~ ~*~الاخ صادين خاء صورتك ذي اللي انت مرسلها ماتنفع ، تبي المكتب يقفل من اولها ، اذا ودك حنا نتبرع لك بفلوس عملية تصلح فيها ذا الحول .. ثمن راجعنا ~*~الاخت عذاب وجروح ودموع حزينه نحنو لا نتحمل اي مسؤوليه .. دامتس شفتيه وعرفتي انه مهوب اطخم على كلامه وشوله اعرستي عليه ؟ ، الله يعينتس على اللي طاح في كبدتس ~*~ الاخ قناص الضبان غلطان في العنوان الله يسلمك .. بيتزا هوط هي البقاله اللي جنبنا ، حنا مانوصل طلبات للمنازل ، لازم تجي انت تقدم اوراقك جعلك العجز ------------------------------------------------ اعلان بسيط عن باب المكتب اكسب معنا باشتراكك في مسابقه زواج كول على الرقم 700070106 اتصل الان وشارك في المسابقه ... مايدريك ربما تفوز باحدى الحريم اتصـل الان  وحشكوووووو ترى........من الأميل  مع بعض الأضافات والتعديل من قبلي اخر تعديل كان بواسطة » وحش في يوم » 18-10-2004 عند الساعة » 08:25. |
|
|
|
18-10-2004, 07:40
|
#2 |
|
عضو شعبيات
|
رد : مكتب ابو وحش للزوااااااج ...!!!
انا ابي وحده انا ابي وحده انا ابي وحده انا امي لحالها انا امي لحالها انا امي لحالها <<<<<<<<<<<<<<< يصرف دخلت عليه المعزبه وهو يكتب الرد |
|
|
|
|
18-10-2004, 07:51
|
#3 |
|
شـــاعــر
|
رد : مكتب ابو وحش للزوااااااج ...!!!
8 8 8 8 8 8 حسبي الله عليك يا سعيدان من جد تقطع بطني من الضحك :white: :white: انا .... اناااا ... احم كح كح انا ... انا ملق ... صح هههههههههههههههههههه :white: :white: :white: لا لا خلاص بعدين بمركم القائمه الحاليه ما تأهل ..  شوفي لنا شي يسفط يا وحش  ههههههههههههههههههههههههههههههههههههههههه .. |
|
|
|
|
18-10-2004, 11:12
|
#4 |
|
شـــاعــره
|
رد : مكتب ابو وحش للزوااااااج ...!!!
<<<< ماتت ضحك بس ونااسه يا وحش.... عرض خاص ولمده قصيره .. اعرس على وحده وخذ ثلاث مجانا .. اسرع فالكميه محدوده ،، لاتتردد واتصل الان ، واذا وجدت الخطوط مشغوله فحاول مرتن ثانيه تسلمين خيتووو |
|
|
|
|
18-10-2004, 13:45
|
#5 |
|
شــاعـر
|
رد : مكتب ابو وحش للزوااااااج ...!!!
اااااااالله يرجكم زواج نت هذا . . . والله من التطور في القهوه مايمديكم بس والله يا وحش وفرتي علي عناء البحث موصيني خالي ادور له مره والله بيجيب له درزن يا سلام . . شوفي لنا شي مسفوط وحلاااااااوتك موجوده تشاوووووو |
|
|
|
|
19-10-2004, 04:23
|
#6 |
|
الـحـــرّاب
|
رد : مكتب ابو وحش للزوااااااج ...!!!
وحش انا صورتي موجوده.. عاد انتي شدي حيلك.. و دوري لي وحدة.. و ابشري بالاكراميه السنعه.. لا و بعزمك في العرس بعد.. |
|
|
|
|
19-10-2004, 07:36
|
#7 |
|
الدانه بنت عبدالله
|
رد : مكتب ابو وحش للزوااااااج ...!!!
اخواني اخواتي .. للتنبية.. جاانا اتصالات.. ورسائل . وإميلات..حتى الخاص ماسلم  ..للي يخافون..مايبون حريمهم يدرون.. :white: وسأوردها لاحقآ لضيق الوقت ..امااهل الخاص لايخافون في السر.. فمكتبنا يتعامل مع اهل السريه بسرية تامه  لكن حبيت..اوضح نقطه هامه وهو الشرط.. الرابع .. رابعا: شهادة حسن ( حسن ولا محمد ) سيره وسلوك مصدقه من الهيئه واثبات من المطار بانك ماقد تعديت حدود ديرتك وبالذات شباب الشرقيه ..عشان نشوف راحو للبحرين ولالا.. في هذا الشرط نستثني..اشخاص ولكن ..بالأثبات مثلأ 1) الصقاقير (هل الطيور) اللي يروحون يعالجونها ولايقرنسونها..<<<<ياكثرماراح ابوها هناك :white: 2) المتكسرين..عفانا وعافاكم الله ..للعلاج عند الدكتور حق ( الركب) <<<<تسوي دعاية 3) اللي يروحون يجيبون خدم..<<<<<على كثر مكاتبنا الامايبون الامن البحرين :white: 4) اللي مايحصل حجز في مطار الدمام.. يضطر للسفر عن طريق مطار البحرين <<<ياكثر مامرت بهالموقف فقط لاغير |
|
|
|
|
19-10-2004, 07:44
|
#8 | |
|
الدانه بنت عبدالله
|
رد : مكتب ابو وحش للزوااااااج ...!!!
إقتباس:
سعيدان.. اناالأن مااقدر اقول شي انت ارسلت على الخاص وان شاءالله نحصل وحده بهالمواصفات من زين هالوجه تشترط.. :white: انتظر مننا رسالة احنا عرضنا الصوره وان شاءالله احد يوافق <<<<<<متأكده مافيه امل |
|
|
|
|
|
19-10-2004, 07:49
|
#9 | |
|
الدانه بنت عبدالله
|
رد : مكتب ابو وحش للزوااااااج ...!!!
إقتباس:
خالي ..احمد.. انت المفروض ماتطلب انت تأشر بس ابشر لاوبعد بجيبلك صقاره .. انتطرها تجي من رحلة القنص هي الأن بالصمان وتعرف موسم القنص .. بادي من شهر ومشغوله لاكن ولايهمك راح توافق |
|
|
|
|
|
20-10-2004, 02:47
|
#10 |
|
عضو شعبيات
|
رد : مكتب ابو وحش للزوااااااج ...!!!
يسلموا وحش على هيك موضوع :white:  :white: :white: :white: :white: :white: |
|
|
|
|
23-10-2004, 07:12
|
#11 |
|
شــاعــر
|
رد : مكتب ابو وحش للزوااااااج ...!!!
يعطيك العافيه على هيك موضوع :white: انا عزوبي دوري لي وحده ابيها با الموصفات التاليه : ابي لي مهرة " ماعسفت صغيره وبنت حصان .................................ابوها الي يفك المشكله ويزبن الجاني واخوها لا تـعزوى بسمها فـزو لـه العربـان ....... ....................يحق الها الفخر في قولة ال فلان جداني ابيها فـي بحر عشرين لا زود " ولا نقصـان ..... ...................ابيها اقصر طويلة والوصف اشكال والواني الخ :white: عاد إذا لقيتي لي وحدة ابشري با الهديه كرتون اندومي :white: يسعد صباحك |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
