30-12-2008, 01:59
|
#1 |
|
عبدالرزاق الذيابي / شـاعر
|
وبعدين؟!
نــادى المـنـادي واتبـعـوه الملبـيـن=وصاحو بصوت اللي تفجَّر ضميـره بين القبـور بصـوت واحـد مناديـن=الصـوت عالـي والمقابـر كثـيـره وحاطـو بقبـر ٍفيـه للعـز توطـيـن=وللنصـر والامجـاد شمـسـه مُنـيـره ونادوَه: يارمز الفخـر يـوم حطيـن=تكفـى تقـوم..إجبـر قلـوب ٍكسيـره قم(ياصـلاح الديـن) يانـاصـر الـديـن=شف كيف حـال القـدس بعـدك مريـره تنخى صلاح الديـن وتقول:هـو ويـن?!=يشـوف كيـف اصبحـت عقبـه اسيـره!! قـم ياصـلاح الديـن وتشـوف بالعـيـن=حـال العـرب فـي كـل دولـه وديـره وقل ويش رايك في الوضع!..(ذِلّ؟!)..دارين=عـار ٍعليـنـا بالعـلـن والسـريـره وقل للعرب سـؤال واحـد..وبعديـن؟=إلـى متـى والقـدس هـاذا مصـيـره؟ وقل للعـرب لـن كـان للقـدس ناسيـن!=لــه رب مايـنـسـاه والله نـصـيـره وقـل للعـرب فيكـم مَثـل للمساكـيـن=(عيـن ٍ تشـوف إبعيـد واليـَدْ قصيـره) وقـل للعـرب مـادام بالوضـع راضيـن=عيشـو بـذل وسيفكـم فــي جفـيـره وقـل للعـرب أيـام وإشهـور وإسنيـن=وانتـم تـرون القـدس واهلـه حشـيـره وقل للعـرب لازال مـن عـام 50=تَحَت(وعَـد بلـفـور) نــاره سعـيـره وقـل للعـرب بكـره,وبعـده, وذلحـيـن=أحوالهـا سـاءت وصــارت خطـيـره وقل للعـرب تفَرّجـو فـي فلسطيـن=وشوفو شبـاب القـدس محـد ٍ يجيـره اقرو,وشوفو,واسـمـعـو للمُذيـعـيـن=وابكـو عليهـا فـي (قنـاة الجزيـره) ابكـو علـى اوَّل قبـلـةٍ للمصلـيـن=المسجـد اللـي للنـبـي فـيـه سـيـره فـي القـدس صلّـى بالرسُـل والنبييـن=فـي (ليلـة المـعـراج) ليـلـه شهـيـره وابكوعلـى اللـي مـات مالـه معَزّيـِن=وابكو مصاب ٍ طايـح ٍ فـي سريـره وابكـو علـى الأطفـال مـادام باكـيـن=اللـي تمـوت بحقـد نــار الذخـيـره وابكو علـى عَـرض البنـات المزاييـن=المُغتَصَـب عـنـد الوجـيـه الحقـيـره وابكـو علـى حـال الشيـوخ المسنّيـن=حـدب الظهـور اهـل الوجيـه السفيـره وابكو على اللي فـي المعاقـل مساجيـن=إذنوبهم وشهـي؟وويـش الجـريـره؟ وابكـو علـى غَـزَّه واهَلهـا وجينـيـن=ورَفـَـح ورام الله وكــل العـشـيـره واقــول انـا..مـادام بـالـذل غافـيـن=فعـلاً غفينـا ليـن صـارت كبـيـره يابـنـت لاتبكـيـن لاعــاد تبـكـيـن=وش عـاد لوتبكيـن وانـتـي صغـيـره؟ امـك ينـاهـز عمـرهـا الآن 70=وهـي بيـن ذل وخـوف طفلـه غريـره وياطفـل لاتبكـي وترسـم علىالطيـن=ابـوك مـات... ومـات جــدك وغـيـره نشـوف مايحصـل ونسمـع وعاصـيـن=عـن نصركم..والكسـر مـالـه جبـيـره واختامهـا نـاديـت ظـمـن المنـاديـن=وانخـى وانـادي كـل مـن فيـه غيـره ياسامعين الصوت هـل مـن مُجيبيـن؟!!=ولـن ماسمعنـا الحيّ..مـن نستجـيـره!! قـم ياصـلاح الديـن حَـرّر فلسطـيـن=دام العـرب فيـهـم تـخـاذل وحـيـره اخر تعديل كان بواسطة » سابك ذهب في يوم » 30-12-2008 عند الساعة » 02:04. |
|
|
|
30-12-2008, 02:06
|
#2 |
|
شــاعر
|
رد : وبعدين؟!
بفؤاد يتقطع اقمت هنا اولا ولي رجعه |
|
|
|
|
30-12-2008, 02:13
|
#3 |
|
شــاعر
|
رد : وبعدين؟!
سابك ذهب صح لسانك وعلا شانك ابدعت وادميت بيت ٍ بيت مهيب غريبه عليك كمبدع وكصاحب موقف الله يجبر مصابهم ويفرج همهم ويسخر لهم ملائكة السموات وصالحي الارض تقبل ود واحترام اخوك نوفل |
|
|
|
|
11-01-2009, 11:56
|
#4 |
|
عبدالرزاق الذيابي / شـاعر
|
رد : وبعدين؟!
هلابك يانوفل الخيل..ومرورك الأول تحياتىىىىىى لك |
|
|
|
|
11-01-2009, 12:07
|
#5 |
|
شـــاعرة
|
رد : وبعدين؟!
ابكوا وابكوا وابكوا سنبكي ، وليتنا نستطيع فعل ما هو أكثر من البكاء .. قصيدة تحكي عن واقعنا الأليم بحرفنة واتقان شاعر لا هنت |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
