27-05-2010, 16:05
|
#1 |
|
مشرف الرحلات البرية والسياحة
|
طريقة مندي الخروف المحشي ((بالصور))
بسم الله الرحمن الرحيم السلام عليكم ورحمة الله وبركاته ياحي الله مشرفين و اعضاء شعبيات كلن باسمه  اليوم قلنا خل نفتح مجال جديد لمبدعينا ومبدعاتنا بحيث الي مايكشت يورينا من طبخاتهم الشعبيه  ويصير القسم خاص بكل ابدعاتكم سواء بالمطبخ او بالطعوس  والتوسيع جاري وعلى قدم وساق والله يستر من المكياج البري في تالي الامر  والصراحه كنت متردد بالبدايه ويوم طلبنا سلطان  معاد نقدر نقول الى تم ولو انا عاد الحين نطلبه عاد بطبخه وخصوصا انا مبطين ماشفنا له جديد  وطبختنا اليوم هي مندي الخروف المحشي المكونات : هرفي والى تيس على حسب العدد 2- مكرونه 3- رز 4- تتبيله ( ملح _ بهارات _ صلصه- شوي خل ) 5- 10 اجواز بسابيس حمام الـــطـــريقه: 1- اعداد الذبيحه ويحرص على ان شق البطن مايصير كبير عشان مايبلش في الخياطه  2- تجهيز البسابيس ونتفهن...  3- بعد مانخلص نولم لنا طشت كبير ونحط التتبيله فيه مع شوي ماء ونقع الذبيحه فيه  4- نجهز المكرونه ونخليها نص استواء هي والحمام   - نقرب الذبيحه ونحشي المكرونه والحمام وسطها   6- نجيب الخيط ويفضل يكون من الخيوط القماش ومخيط ونخيط البطن كامل بحيث انه مايترك فتحات تنسم ويرش عليها الى بقي من البهار من الخارج  7- ثم يجهز الرز بحيث انه يصير تحت الخروف مباشره ويعلق الخروف بكرعانه في علو الفرن  - يترك لمده ساعة تقريبا ثم يفتح الفرن   وبالهنااااء والعافيه ياااارب وتحيتي وتقديري لك مر من هنا  |
|
|
|
27-05-2010, 17:23
|
#2 |
|
أبو تركي / شاعـر
|
رد : طريقة مندي الخروف المحشي ((بالصور))
مقدوووووووور خل عنك والله انك فناااااااان وبعدين موضوع زي هذا وقت الغداء يسبب مشكلة .! شغل فن هذا شغل الرجال وإلا بلاش تصدق مرة سويت مندي ( بدون حشوة ) وبعدين مهوب مثل ذا ( لا تورطنا بالصور )  وعلقناه مع كراعينه وكان ببرميل ولما فتحناه لقيناه متكرفع فوق الجمر  تبنا وصرنا نعلقه بشبك .! الله يعطيك العوافي وابشر إذا هدى الله الشباب وطلعنا بجيب لك طريقة مختلفة . |
|
|
|
|
28-05-2010, 00:13
|
#3 |
|
المشرف العام
|
رد : طريقة مندي الخروف المحشي ((بالصور))
هلا وغلا بمقدور وحصل لنا جربنا هالطبخة على يديك اتعب وانا اقول لذيذة |
|
|
|
|
28-05-2010, 00:57
|
#4 |
|
شـــاعرة
|
رد : طريقة مندي الخروف المحشي ((بالصور))
ماشاء الله تبارك الله عليك يامقدور خبرة , لو اني منك تفتح مطعم وحنا اول من يصير زباينك لا وبعد , شعبيات مطالبه تحط اعلان لمحلك الجديد < قررت يفتح محل وانا شريك تسلم على المواضيع الرائعة لاعدمناك ابد    اخر تعديل كان بواسطة » نورة العجمي في يوم » 28-05-2010 عند الساعة » 01:04. |
|
|
|
|
28-05-2010, 02:35
|
#5 |
|
عضو شعبيات
|
رد : طريقة مندي الخروف المحشي ((بالصور))
ماشاء الله تباركـ الله وش هالزين ....وش هالمندي اللي يخلي الواحد تقوووووطر سعابيله بس حرام عليكـ دخلت اشوفه وانا عاملتن ( رجيم ) اعوذ بالله من الشيطان الرجيم . بس وخر عنكـ والله انكـ سنافي وشي يامال العافيه على هالطيخه السنعه . بس طيب عندي سعااااااااال هالحين مافيه إلا انا وابو العيال وشلون اسوي مندي سعنون > بحجمنا <تسلم يمناكـ خيو وينطيكــ العافيه . |
|
|
|
|
28-05-2010, 03:02
|
#6 | |
|
مشرف الرحلات البرية والسياحة
|
رد : طريقة مندي الخروف المحشي ((بالصور))
ياهلا والله بالغالي على التركي والله يعدينا المشاكل الى قل يفتح باب جديد للعشاء  إقتباس:
بس غربيه المفروض ان قدر الرز حدره يشيله عن الجمر واكيد ان طريقتك غير وعسى الله يهدي الشباب وتسان قافل بليتنهم ترا مستعدين ونعين ونعاون وعافاك ربي اخوي عالي واكيد بنتظار ابدعاتك ومشاركتك معنا بالقسم باللي زاهب عندك |
|
|
|
|
|
28-05-2010, 03:06
|
#7 |
|
مشرف الرحلات البرية والسياحة
|
رد : طريقة مندي الخروف المحشي ((بالصور))
هلا والله بجدي سلطان وابرك الساعات والله ياخالي وشهاده من شيف مثلك اكيد نعتز بها وترا مانسينا ان مطلوب منك طبخه لو من الارشيف |
|
|
|
|
28-05-2010, 03:12
|
#8 |
|
مشرف الرحلات البرية والسياحة
|
رد : طريقة مندي الخروف المحشي ((بالصور))
ياحي الله اختي الغاليه نوره العجمي هههههه والله اغراءت ماتتقاوم بس علمينا كم النسبه والى يكفي يد وكم بسبوس :d والله يسلمك يارب اختي نوره وترا عاد الحين مالكم عذر لازم نشوف ابدعاتكم لو بالبيت وشاكر لك هالحضور المميز |
|
|
|
|
28-05-2010, 03:18
|
#9 | |
|
مشرف الرحلات البرية والسياحة
|
رد : طريقة مندي الخروف المحشي ((بالصور))
مجنونه بر ياهلا والله ومرحبا بااهل الاقلاع ببيتهم في البدايه اشكر لك تلبيه الدعوه وترا الرجيم الصحي يقولون لازم فيه كل اسبوع يوم مفتوح :d والله يعافيك يارب بالنسبه لسؤالك إقتباس:
اقترح عليكم ارنب وتحشونه عصافير :d واكيد متشوقين لاابدعاتك اختي الغاليه مجنونه بر |
|
|
|
|
|
31-05-2010, 22:39
|
#10 |
|
متنبي الشعر الشعبي
|
رد : طريقة مندي الخروف المحشي ((بالصور))
الله الله يامقدور شيف ماهوب اي كلام والله سعبلت من جد على قول مجنونة بر اقولك شي بنطبقها اذا اراد الله هالأسبوع واعلمك بالنتيجة من دون صور وفضايح سؤال : ماتضبط مع التيوس يامقدور؟  |
|
|
|
|
31-05-2010, 23:55
|
#11 |
|
مشرف الرحلات البرية والسياحة
|
رد : طريقة مندي الخروف المحشي ((بالصور))
ارحب ياابو بدر وابد تراها تساهيل ومايبغى لها الى طول نفس بس واكيد نلزمك بالصور والنتائج والتيوس وش خليت هي نمبر ون :d وترا هالمره تجربه ونعذرك المره المقبله لازم تصوت بالعشاء :d |
|
|
|
|
11-06-2010, 12:45
|
#12 |
|
شاعـرة
|
رد : طريقة مندي الخروف المحشي ((بالصور))
أنا جعت يا جماعة .. شيف مقدور وش رايك تخلي شعبيات تفتح لك قسم وتسميه .. (أطباق الشيف مقدور).. اي شيف رمزي اي هذيك شسمها منال .. والله انه طبخاتك أشهى .. (فيس يقفل الجهاز ورايح المطبخ) |
|
|
|
|
11-06-2010, 16:12
|
#13 |
|
مشرف الرحلات البرية والسياحة
|
رد : طريقة مندي الخروف المحشي ((بالصور))
منتهى القريش ترا لين الحين نترقبك ترجعين من المطبخ ونشوف وش زينتي :d |
|
|
|
|
11-06-2010, 20:48
|
#14 |
|
عضو شعبيات
|
رد : طريقة مندي الخروف المحشي ((بالصور))
يمي يمي هالصووره تشهي ماشاء الله خروف محشي حمام ومكرونه ياربيييييه وين جمعتهم مع بعض بس الصراحه الشكل النهائي يهبل |
|
|
|
|
08-06-2011, 21:45
|
#15 |
|
عضو شعبيات
|
رد : طريقة مندي الخروف المحشي ((بالصور))
مقدور جوعتني انت مبدع الله يديمك |
|
|
|
 |
| علامات |
| مندي, خروف محشي, طبخ |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
