13-04-2003, 08:22 | #1 |
عضو
|
طميران يغادر الرياض الى اسبانيا
يا جماعة توصون شي من اسبانيا انا ماشي معزوم هناك والله ودي تخاووني تراني ما شي اليوم انا وخربوش ابو خطمه عندنا اشغال وخربوش وده يشتري طيس للكابرس حقه التسعاوي :'( اخلص على يا خربوش لاتفوتنا الرحله والبس بنطلون لاتجيني مشخص بثوبك الساحلي وطاقيتك المشخله اللي كنها منخل ترى الرجال اللي عازمنا جنتل ولد نعمة وانت يا خربوش خابرك دنفووووس ما ضريت على المراويح والسفريات لكن دام طميران معك لاتخاف اعرف الكفت اقول يا خربوش اصرف قروشك دولارات لاتجيب معك فرانسي ولا عربي تراك قروي بقراطيسك ولا تخاف شعبيات نتابعها هناك انا جايب المحمول حقي :'( <===== يا فرقا المحمول يا طميران |
13-04-2003, 09:23 | #2 |
عضو شعبيات
|
أخوي طميران
تروح وترجع بالسلامة أنت وأخونا خربوش ابو خطمة . ملحوظة (( ممكن تغيرون أساميكم اللي مدري من وين جايبينها لاتفشلونا بااسبانيا ))) طميران تكفى خذوني معكم عمري ماسافرت للخارج لاتخاف مااكلف بروح بمصاريفي معي . بس بشرط تغيرون أسمائكم . ورجاءً مراعاة الألوان في الملابس اللي بتلبسونها أتخيلكم مثل ناصر القصبي وعبدالله السدحان . ولا تفشلونا تبققون عيونكم هونيكا . وتحياتي . |
13-04-2003, 10:26 | #3 |
الضغط العالي
|
الرجال اللي عازمنا جنتل ولد نعمة الحمدالله والشكر ماعزمتكم ولا شي ولا هي قطه وجه بس تدرون تعالوا يمكن تلقون شغله تصلح لكم على شان اخذ جوازك انت وهو وابيعها واستفيد منها بس اسبقني اخذ جواز طميران |
13-04-2003, 12:07 | #4 |
موقوف
|
بعدي والله ياطميرااان نروح لاسبانيا اللي فيه الله يدفع البلا الحريم اللي سيقانهن تلاوح يالله سترك والله بينشبني. والله اني ياطميران ودي اروح من مبطي مير متكهل من البعد طميران اي بعد هي ولا الطايف بس شف ترانا الى رحنا ودي اشرب القمار اللي يقولونه يقولون انه صحيح وزين للباطنيه. وابشرك مولم بدلتي مير تسمومها اكلتها الارضه ووصلتهن بشرابات عندي وطلعت شي. وترى ودي اشرب من الببسي اللي عندهم اللي يجيب الدوخه لاتقول ماعلمتني. طميران خذ معك طحين عن سبحاان الله ولا يخاوينا احد. الا واحدن ثقه وتعرفه انت زين. المسافر خربوش |
13-04-2003, 15:03 | #5 |
عــضـو فـعّـال
|
ههههههههههه اضحك الله سنكما اثنينكما وترجعون بالسلامه ولاتنسون الحمبص والحلاو <<<<<على بالها بيروحون للحج :face: :bozo: :ton: |
13-04-2003, 17:28 | #6 |
عضو
|
دانه هلا والله دانه بكبرها جايه الله يحيتس وانا نيابة عن خربوش الاطرق ارحب بتس انتي بتخاوينا يالله لاتجيبين غير شنطتس ازهلي الباقي يا فرحتك يا خربوش من قدك يا توني اطلسسسسسسسسسسسسسس اختنا دانه معنا لكن تقول غيرو اسماكم والله انها صادقه يا خربوش انت اسمك من جنبها مدري كيف الاحوال قبلك الكمبيوتر حقهم والله ان الكمبيوتر الى مرعليه الاسم الشين يلفضه لكن انت اعرفك عندك واسطه المهم باسترتمرني نروح لم السفاره نغير اسمانا ويصير اسمك هيثم وانا شفيق ومثل ما وصيتك الملابس اكشخ تقول دانه لاتفشلونا انت خابر يا خربوش حنا مسافرين اسبانيا مهوب رابغ لاتنسى يا خربوش القز ابو ثلاث اعيون والطحين ترى الطحين مع الببسي دلع يا دلع والله يانت تبي تشبع من الببسي لين تقول للعنز يا جده خربوش اشتقت اليك >=== لعنبو التسذ ب خربوش خربوش خربوش خربوش خربوش خربوش خربوش خربوش خربوش خربوش خربوش خربوش خربوش خربوش خربوش خربوش خربوش خربوش خربوش خربوش خربوش خربوش خربوش خربوش على الملازيم انك صديق وافي وتبي الكلام اللي يجمد على الشارب يا حبي لك الضغط العالي عساك خوي معنا خلنا نكمل الرصه ونقلبها محاورة اسبانية خخخخخخخخخخخخخخخخخخخخخخخخخخخخخخخخخخخخخخخخ في شوارع اسبانيا والله مزينها يالضغط كني اشوفك معك المطرق وتقول خخخخخخخخخلوها وخربوش بالجنز وناسي السحاب يرقص ويقول عيد يالضغط عيد الموال وتقول انت نو وانت زعلان يا حليلك يالضغط تولم ترانا نبي نمرك ما عنك مجناب باي باي حبيبكم صاحب القلب الذهبي طميران>======= اخو طمره |
13-04-2003, 18:45 | #7 |
شـــــاعــــــر
|
[c] ابوطمره والله انه ما ينعرف لك مر حبيب ومر اقشر ومر خبل ومر صاحي عموما ما تشوف شر واحسن شيء خاواك ابو خطمه يريح شوي بس لي طلب بسيط الرجلي رجالٍ حبيب ويبي ينفعكم فالطرقه زين خوذوه خلو نرتاح من المسح ويهو يرتاح وينبسط الله يوفقم وجعل اسبانيا تعجبكم وتقدون دايم والضغط يشوبش للروحه خوذوه الله الله بالموالات الزينه والطرق المسكته وخل رفيقك يسكر سحابه نصيحه لخربوش الشباب اللي معهم لالالالالالالالا تمشون على جراير المبلي طميران ترى اخرتها السجن تحياتي لكم ابونوت [/c] |
13-04-2003, 19:51 | #8 |
عضو شعبيات
|
hola hola hola hola
تو مانورت اسبانيا يابوطمره الساعه المباركه ........ ابشرك ياطميران الجماهير الاسبانيه خرجت عن بكرة ابيها في جميع شوارع اسبانيا لتعبر عن فرحها بزيارة طميران ... هذا وقد ازدانت شوارع اسبانيا بصور طميران ولافتات ترحيبيه تعبيرعن سعادة الشارع الاسباني بهذه الزياره ولكن؟؟؟؟؟؟؟؟؟؟؟ فيه مشكله انزل انزل خرجت قبل قليل في الشارع الاسباني مظاهرات عارمه اجتاحت جميع المدن وهي معارضه لهذه الزياره وبعد الاستفسار من الجهات المختصه اتضح ان السبب هو؟؟؟؟؟؟؟؟؟؟؟ اصطحابك المدعو خربووووش ابو خطمه معك بهذه الزياره للمعلوميه المدعو خربووووووووش شخص غير مرغوب فيه من قبل الاسبان وانت مالك ومال المشاكل افتك وتعال لحالك ولاتشغل خربوش تراه لاهي بالحرب على ابونوت خربوش لا تجي يمكن تحسب عليك لاجوء سياسي ابونوت ماودك تخاويهم وكل عبدالرحمن بالمراقبه لين ترجع تراهم نقوه وتقبلو تحياتي مراسل شعبيات اسبانيا |
13-04-2003, 20:39 | #9 |
عضو
|
ابشري ابشري يا ليالي نجد كم كيلو تبين من الحلوى والكاكاو انتي اول مره تشرفين موضوعي سوف اجلب لكي قطعةٍ من الحلوى الاسبانيه ولكن خوفي من الفك المفترس خربوش ابو خطمه والله ان ياكلها بقرطاسها خابره ما عمره ذاق الحلوى ضاري على المرقوق والعصيدة اخوتس طميران >====== ابو طمره |
13-04-2003, 20:53 | #10 |
عضو
|
ارحب يا داورد :bozo: قل قسم الجماعه هناك ما يبون خربوش يا فضحي فضحاه انا كيف اعلمه والله ان يجيه جلطه المسكين قد قص التذكره وشرى الجنزالخربزي وشرى كنادر شرع كرمك الله تدري يا داورد وشلون خربوش لازم يجي ما اقدر استغني عنه هو المترجم حقي انت حاول تقـنع الشارع الاسباني وقلهم ترى خربوش ما عنده ما عند جدتي ما هوب ارهابي صح ان شكله مرعب لكن حطه على يمناك تراني جايبه جايبه ابك انت ما تعرف خربوش ياوجه الله ماهوب بسيط عطه كا س قمار والله ان تشوف خربوش وفعوله <==== والله من الخرطي الخيط ما يرز اقول يا داورد اجيبه تهريب احطه بشنطتي تراها تاخذه ابو طمره ابو طمره ابو طمره ابو طمره |
13-04-2003, 20:54 | #11 |
عضو شعبيات
|
طميران الله يسعدك يارب والله انك ذوق
أما خويك خربوش الله يهديه شكله مايبيني مارحب فيني . عموما أنا ماارضى اروح معكم بصراحه لان اسمائكم شبه وأخاف يمسكوني أني متعاونه مع أرهابيين كأني أشوفكم العقل على جنب والشوارب ولا شوارب عنتر اللي مع غوار أمزح لاحد يزعل . المهم طميران والله ياخوفي لاتكون رايح يم رفحاء ولا جزر فرسان وتقول أنك رايح لاسبانيا وتضحك علينا هات اثبات انك رحت تصور هونيكا لمن تروحون . بالسلامة تروحون وتجون . |
13-04-2003, 21:30 | #12 |
عضو شعبيات
|
عادة بالسفر000محد يخليها
لاتنسى تروح لبندة ولا العزيزية وتشترى فرشاة اسنان وملحقاتة000على جل خصوص رص الشعر وتصفيفة وامواس حلاقة ماعندهم امواس هناك 0000وشكلك ناسى تشترىحزام ترا كل هذى من اكثر الحاجات تنسى بالسفر:bozo: على العموم تروح وتجى بالسلامة اوووووووووة نسيت اوصيك لاتنسا تجيب معك مناك شراب ترا شراريبهم زينة هدايا لربعك طقلك درزنين وخلاص |
14-04-2003, 04:18 | #13 |
شــاعر
|
هات لنا بطيخ اسباني من فرنسا وحياة ابوك هههههههههههههههههههههه تروح وترجع لنا سالم يا بعدي |
14-04-2003, 08:07 | #14 |
موقوف
|
ابشري والله ياليالي باللي تبين والله اني لادعيلك انشاء الله الى جيت مدريد ولشبونه العن لعنبو الشغل ياخربوش ياعيني على لشبونه. لعاد احدن يكلمني انا خربوش الاسباني. بكره تشوفوني اصارع الثيران انا وابوطمره هناك يالله ياطميرااان متى نروح ماصارت هذي. راعي مدريد خربوش الاسباني |
14-04-2003, 08:22 | #15 |
موقوف
|
يامرحبااااااااااااااااا والله بداااااانه لا والله الا نبيتس والطياره والله ماتلف طارتها الا وانتي بيني انا وطميران عليها وانا ابوخطمه طميراااان لاتوصي حريص والله لوانها اول مره اسافر برى ياخوي تراني قد رحت لظلم والمويه مهوب عاد اسبانيا الله يهديك بس. وبالنسبه للعزبه تراني مولمها اربعة قدور وقربتين و3 صحون زلطه وعلبة صابون تايد وشوي طحين وسكين خضره وجركل مويه نحتاجه يالخبل الى جينا هناك الى غلقت المويه اللي فيه نعبيه من ذاك وذاك وندفنه في اطرف شعيب فاسبانيا ومثلك عارف وفنيلتين علاقيه وسروال طويل توني شاريه ب5 الله لا يخسرني والبنطلون مالقيت جنز لقيت سريويل خط البلده مابعد لبس مدري وين جاني والله ياهو شي على الفرهول والكنادر كرمت مالقيت الا حقات السمنت يارجال مش حالك الدعوى سعة صدر وجبت عقالين عن سبحان الله الدنيا ماهيب مامونه والقز ابوثلاث عيون مير وحدة من العيون ماهيب تشوف بلحيل. طال السفر والمنتظر مل صبره= والله مدري وش الباقي راعي لشبونه خربوش المدريدي |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|