20-09-2004, 01:16 | #1 |
شـــاعر
|
.,~ الشاااااااعر الداااااااااج .,~
0 0 0 بسم الله الذي لايضر مع إسمه شيء أحبتي في شعبيات قصيدة متواضعه أتمنى تعجبكم وألتمس فيها العذر من قلوبكم لقلة التواصل ولكم الحب والحب فقط دمتم بخير 0 0 0 0 0 0 0 0 0 وش فيك ياقلبي من الشعر مستاء ـــــــــــــــــــ وأنت إن كتبت أشعلت( بطويق ) ( وسواج ) ياقلب من عقب ( الألف ) مالنا ( ياء ) ـــــــــــــــــــ عونك وأنا لك والقلم نور وسراج آمنت بك يارب ( مكة ) ( وسيناء ) ـــــــــــــــــ يارب هب لي من لدن عطفك إفراج عبدك ولد عبدك ولا اعبد الأهواء ــــــــــــــــ واسجد لوجهك لو طغت فوقي أمواج لجئت لك باأعظم صفاتك والأسماء ــــــــــــــــ هبني رزين العقل عن كل منعاج ومن صوب من شدت علي هد الأضواء ـــــــــــــــ ماعاد فيني حيل سلهام وغناج بنتٍ تسريني على كيف متشاء ــــــــــــــ ترسل سكاكين الجفا فرد وأزواج أواه يااقرب لي من ( النون ) ( للهاء ) ــــــــــــــ وابعد علي من بعد لندن للافلاج أنا وهي والقلب في شد وإرخاء ـــــــــــــــ أجي تصد أصد تلحقني أفواج ماكن بحروف الهجاء غير هـ ( اللاء ) ــــــــــــــ وأنا على عرش الغنا بس محتاج تجي كذا ضوضاء وتروح ضوضاء ـــــــــــــــ ماعندها باالحب مله ومنهاج قلبي هجير الشمس ووصالها ماء. ـــــــــــــ وحلمي مثل حلم الفقيرة وهي تاج أفدا دلعها لابغت تنطق الراء ــــــــــــــ وأفدا صباحٍ مالعب فيه مكياج وأفدا شروق الشمس بين أربع أشياء ـــــــــــــــ العين والشفه وخدين وحجاج تموت فيني لاأسمعت مني إطراء ـــــــــــــ والخد يعلن للدماء ( حالة إحراج ) برموشها دواءٍ وبعيونها داء ــــــــــــ فتنه ورب البيت تأليف وإخراج تمرني بااسم الغلا ( موجز أنباء ) ـــــــــــــ من دونها غير الحرس سور وأبراج كل مااتحدى لوصالها سوء الأجواء ــــــــــــ وكل مالمحت النور من ثغر ينباج وكل ماشعرت إني على حد ميناء ــــــــــــ وكل مابغيت أروى من الريق ثجاج تقول وضعي يابعد خافقي ساء ـــــــــــــ حظك مثل ( بغداد ) وآبوي ( حجاج ) يلعنك حظٍ كله أخطاء بــ أخطاء ـــــــــــــ ويلعن دخولٍ مابقى فيه مخراج ويلعن أبو قلبٍ وعدني ولا جاء ـــــــــــــ ويلعنك يابابٍ طعن فيك مزلاج تسري بي الدنيا كذا ( خبط عشواء ) ــــــــــــ صدري ظهر ( مكه ) والأوجاع (حِجاج ) ليه أتمزق وأنتثر كلي أشلاء ـــــــــــــ وأنتي تقضين الشعر فوق ديباج ليه إن بغيتي شي ياصلك بـ إيماء ــــــــــــ تقفين من ميراج في بطن ميراج أكبر همومك بس ( توقيع وإمضاء ) ــــــــــــ شيك وتفتح دونه أفجاج وأفجاج يافاهمه يادارسه ( علم الأحياء ) ــــــــــــ هونك على حيٍ تقلب على صاج عُذراً حياتي إنني ( حيل مستاء ) ــــــــــــــ كتبت لك وأشعلت ( بطويق ) ( وسواج ) وأكلمك من منطلق ( باب ماجاء ـــــــــــــــ في حب " ست الحسن " " للشاعر الداج ") 0 0 0 0 0 0 شعر / (( .. !! عبدالله الدواس !! .. )) اخر تعديل كان بواسطة » عبدالله الدواس في يوم » 20-09-2004 عند الساعة » 02:48. |
20-09-2004, 01:19 | #2 |
شـــاعــر
|
رد : .,~ الشاااااااعر الداااااااااج .,~
هلا بأول الزلزال لي عوده لايليق بها سوى مجيئك اخيك |
20-09-2004, 01:27 | #3 |
عضو شعبيات
|
رد : .,~ الشاااااااعر الداااااااااج .,~
الرائع /عبدالله الدواس . . لي عوده متأنية .. . . تحياتي .. |
20-09-2004, 01:37 | #4 |
شــاعر
|
رد : .,~ الشاااااااعر الداااااااااج .,~
[c] عبدالله ا ل د و ا س وأكلمك مـن منطلـق ( بـاب ماجـاء...في حب " ست الحسن " " للشاعر الداج ") حضور اول ساكمل الدجه بين جنباتها واعود وأكلمك مـن منطلـق ( بـاب ماجـاء...في حب " ست الحسن " " للشاعر الداج ") الله يا زينها من دجه ........... [/c] |
20-09-2004, 02:53 | #5 |
شـــاعــر
|
رد : .,~ الشاااااااعر الداااااااااج .,~
. آمنت بك يارب ( مكة ) ( وسيناء ) ــــــــــــــــ يارب هب لي من لدن عطفك إفراج الله يفرجها عليك يا خوي ... أفدا دلعها لابغت تنطق الراء ـــــــــــــــــ وأفدا صباحٍ مالعب فيه مكياج الرااااااااااااااااء ... الله عليك تسري بي الدنيا كذا ( خبط عشواء ) ـــــــــــ صدري ظهر ( مكه ) والأوجاع (حِجاج ) الله عليك يا عبدالله .. ابدعت في هذهِ الفاتنه ... قصيده جميله من شاعر مبدع .. صح لسانك حتى ترضى .. و لله درك ... دمت كما تحب .. اخوك احمد بن ديهان . . |
20-09-2004, 03:36 | #6 |
شـــاعــر
|
رد : .,~ الشاااااااعر الداااااااااج .,~
أنا وهي والقلب في شد وإرخاء ـــــــــــــــ أجي تصد أصد تلحقني أفواج الله يا عبدالله |
20-09-2004, 04:49 | #7 |
شـــاعــر
|
رد : .,~ الشاااااااعر الداااااااااج .,~
نظمت وقلت ما تريد في هذه الرائعه المبهره انت جمبل جميل جميل جيتك معي احروف اخرهم الياء ........................... واعجاب سويته على هيئة التاج تستاهل اعجابا وتستاهل اطراء ....................... وتستاهل ايصفق لك افواج وافواج لو امدحك لا لا وزود بعد لاء .............................. لا ما يكفي من هنا لين الافلاج جيتك وشفني رحت من بعد امضاء ................... واسف اذا في حكيي اقصور واعواج وهنا انتهي بكل الاحترام والحب والتقدير فتقبل مني اخي عبدالله [/align] مع التيحه دم الغددددددددددددددددددددددددر اخر تعديل كان بواسطة » دم الغدر في يوم » 20-09-2004 عند الساعة » 04:55. |
20-09-2004, 05:35 | #8 |
شــــاعـــر
|
رد : .,~ الشاااااااعر الداااااااااج .,~
أفدا دلعها لابغت تنطق الراء ..................... وأفدا صباحٍ مالعب فيه مكياج وانا افدى الشعر اللي يجي زي كذا .. يجي كله ويدخل القلب كله .. يجي مثل ماتجي ( صباح الخير ) ساحر وعذب .. وتأثيره قوي .. لله درك مااجملك ياعبدالله .. ومااجمل هذا الصباح الذي يتوشح قدومك بكل زهو .. . |
20-09-2004, 13:13 | #9 |
Banned
|
رد : .,~ الشاااااااعر الداااااااااج .,~
اخوي عبدالله مساك الله بكل خير .. عبدالله الرد عليك يبيله ساعه كامله قدام الكيبورد .. لي فتره جالسه ارد ويوم جيت لقصيدتك عدلت جلستي ووقفت عن الكتابه .. لاني مدري وش اكتب .. لااسلوب حلو ممكن يوصل رايي .. ولااسلوب عادي .. عبدالله تذكر هذا البيت حبيبي مالها داعي وربي مالها داعي * * * * تجي لاشتقت لك باوجاع وترحل للجفا باوجاع! قسما باالله العظيم انه مافي بيت علق بذاكرتي من عرفت الشعر زي هذا البيت .. عبدالله انت مدرسه شعريه مختلفه عن الكثيرين .. مدرسه مظلومه اعلاميا ! عبدالله اعفيني من الرد .. لان شكلي بجيب العيد دمت بخير .. اختك نجلا .. |
20-09-2004, 15:22 | #10 |
فـعـل مــاضي!
|
رد : .,~ الشاااااااعر الداااااااااج .,~
تسري بي الدنيا كذا ( خبط عشواء ) ـــــــــــ صدري ظهر ( مكه ) والأوجاع (حِجاج ) * جوّ / أرض ..!! لي عودة . 1حتر1111111111ما11111111111111تي |
20-09-2004, 16:31 | #11 |
شـــاعــر
|
رد : .,~ الشاااااااعر الداااااااااج .,~
الله عليك يا عبدالله كم انت رائع صح السانك ولاهنت اخوك |
20-09-2004, 17:02 | #12 |
شـــاعــر
|
رد : .,~ الشاااااااعر الداااااااااج .,~
اللللللللللله عليك يا عبدالله ... قصيده أسرت فيني القشعريره في كل بيت ... روعه يا عبدالله ... مدري وش اخلي والا ابدي ... بعض القصائد حين تقرأها .. تحس أن الشعر خلق لناس معينين فقط ... وانت منهم يا عبدالله ... قصيده اقل ما يقال عنها ( جـــــــــــــــــوهــــــره) ماشالله عليك.. أخوك : عبدالمجيد |
21-09-2004, 01:08 | #13 |
شـــاعر
|
رد : .,~ الشاااااااعر الداااااااااج .,~
0 0 0 بعد راسي الغالي .. / .. ناصر المطيري اشكر قلبك ياغلاي وأنتظر هطولك لك القلب 0 0 0 |
21-09-2004, 15:20 | #14 |
شـــاعر
|
رد : .,~ الشاااااااعر الداااااااااج .,~
0 0 0 الغالي جداً .. / .. العوووووفي أنتظرك والقلب موطنك وموطن الانقياء أمثالك ياغالي لك القلب 0 0 0 |
22-09-2004, 01:10 | #15 |
عضو شعبيات
|
رد : .,~ الشاااااااعر الداااااااااج .,~
برموشها دواءٍ وبعيونها داء ــــــــــــ فتنه ورب البيت تأليف وإخراج تمرني بااسم الغلا ( موجز أنباء ) ـــــــــــــ من دونها غير الحرس سور وأبراج قصيدة عذبة ورائعة سلسة خالية من التكلف تم توظيف مفرداتها بأناقةوأقتدار .. وأكلمك من منطلق ( باب ماجاء ـــــــــــــــ في حب " ست الحسن " " للشاعر الداج ") أضحك الله سنك شكرا لقد إمتعتنا بحروفك العذبة .. . . تحياتي وإعجابي .. |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|