من خير الكلام


آخر 10 مشاركات
هلا بالجميع (الكاتـب : دغيفل - - الوقت: 20:59 - التاريخ: 14-11-2023)           »          اصعب سؤال (الكاتـب : علي التركي - - الوقت: 14:50 - التاريخ: 26-06-2020)           »          وريثة الغيم (الكاتـب : علي التركي - - الوقت: 10:37 - التاريخ: 21-03-2020)           »          الظِل.......! (الكاتـب : كريم العفيدلي - - الوقت: 23:00 - التاريخ: 26-01-2020)           »          آفـآ وآلله يـآمـجـرآك (الكاتـب : ناعم العنزي - - الوقت: 10:12 - التاريخ: 23-01-2020)           »          ثـقـوب (الكاتـب : عائشة الثبيتي - - الوقت: 10:25 - التاريخ: 17-12-2019)           »          ~{عجباً لك تدللني}~ (الكاتـب : شيخه المرضي - - الوقت: 23:39 - التاريخ: 26-11-2019)           »          تاهت خطاويه (الكاتـب : حمود الصهيبي - - الوقت: 08:55 - التاريخ: 14-11-2019)           »          خزامك وشيحك (الكاتـب : حمود الصهيبي - - الوقت: 22:43 - التاريخ: 08-11-2019)           »          موسم الصمان (الكاتـب : حمود الصهيبي - - الوقت: 14:58 - التاريخ: 08-11-2019)


 
العودة   شعبيات > > ضفاف الروح
تحديث هذه الصفحة منااااااا (ياووووطن..) اااااافي
 
إضافة رد
 
أدوات الموضوع
قديم 22-05-2011, 04:11   #61
محمد الدحيمي
متنبي الشعر الشعبي
 
الصورة الرمزية الخاصة بـ محمد الدحيمي
 

رد : منااااااا (ياووووطن..) اااااافي


ابطيت في وحدتي .. كالعاااااده لحااااالي
يااااارب
محتاااااااااااج
لأي انسااااان افضفض له



محتاج لأنسااااان بس .. يدااااري احوااالي
مابغى صديق ٍ ماغير .. اغمز واغمض له



ماني بحاااجة خسيس ٍ يشفق بحاااالي
والا قعدت احتري من عينه .. النضله




وش ذا القررررف ..
ياسنيني بأول وتاااالي ؟
حتيش والهم يفتل لي / وانا انقض له؟

 


الله خلقني انا والحظ / عذاااالي
من فطرته مقفي ٍ عني / وانا اركض له!


التوقيع: ..


منافي ..
كلها اوطاني
منافي
محمد الدحيمي غير متواجد حالياً   اضافة رد مع اقتباس
قديم 12-07-2011, 04:46   #62
محمد الدحيمي
متنبي الشعر الشعبي
 
الصورة الرمزية الخاصة بـ محمد الدحيمي
 

رد : منااااااا (ياووووطن..) اااااافي

يادرب ياللي ضعت به وسط الضحى
هذا وانا اللي كنت خايف فيك اضيع


انا ادري انك مستحيل الصحصحى
يعني لو انك مستطاع .. بنستطيع


لكنّك ابعد مـ النجوم .. السبّحا
في مهمان الفلك .. والكون الوسيع



الساق والا القلب ؟ مادري من نحا
ازريت وانا اذبها مع كل ريع



واوراق شعرٍ قد كتبته وانمحا
طشيتها وانا على الخط السريع


والحب ..

شف الحب ..



لو له وجه يغسله السحا ..
مادرّج العبرات / في عين الشجيع!!

التوقيع: ..


منافي ..
كلها اوطاني
منافي
محمد الدحيمي غير متواجد حالياً   اضافة رد مع اقتباس
قديم 27-08-2011, 17:03   #63
محمد الدحيمي
متنبي الشعر الشعبي
 
الصورة الرمزية الخاصة بـ محمد الدحيمي
 

رد : منااااااا (ياووووطن..) اااااافي

بعض الهقاوي عذرها قلّة الحيله
وبعض الهقاوي / عسى الله لايوفقها

يقلون لي ليه تعشق ريح هالشيله؟
.. فيها بعض ريحة امي !! ..
/ كيف ماعشقها؟!

التوقيع: ..


منافي ..
كلها اوطاني
منافي
محمد الدحيمي غير متواجد حالياً   اضافة رد مع اقتباس
قديم 12-09-2011, 09:03   #64
محمد الدحيمي
متنبي الشعر الشعبي
 
الصورة الرمزية الخاصة بـ محمد الدحيمي
 

رد : منااااااا (ياووووطن..) اااااافي

كيبوردية لاتحتمل اي حساب
اقبلوها كما هي بكل تلقائيتها وتقليديتها المباشره
ولكم الفضل في ذلك


..


الجادل اللي عقبتني مبري
قدرت علي وانا قوي الهمّه


كنها احلفت بالله لتحفر قبري
ولأورد قليب الموت واشرب جمه



قولوا لها تاخذ من الله .. اجري
وتخاف بي علاّم غيب الأمه


وان علموها ان الزمن ذا مغري
فـ انا الزمن علمني ارقى القمّه


مادري هي اصلاً تدري او ماتدري
اني لها اوله / مثل طفلٍ لأمه


وان حبها عوّد بدمي / يسري
لين استباحت من الدحيمي دمّه


بنتٍ تقووول : تحب ريحة عطري
من يومها واقسم قسم بالذّمه


اني شريته كلبووه وعذري _
مابغى لاجيت اشوفها .. ماتشمه


التوقيع: ..


منافي ..
كلها اوطاني
منافي
محمد الدحيمي غير متواجد حالياً   اضافة رد مع اقتباس
قديم 02-01-2012, 06:32   #65
محمد الدحيمي
متنبي الشعر الشعبي
 
الصورة الرمزية الخاصة بـ محمد الدحيمي
 

رد : منااااااا (ياووووطن..) اااااافي

اهداء للشاعر الجميل فهد الاحمد
وكل عشاق طلال المداح رحمه الله





..

البارحة واقصى الوجع يشبه ادناه
انا وحزني مثل هرشٍ وحاديه


ياقطع قلبي يابري الحال برياه
كني ضريرٍ مالقى من يقديه


صوتٍ يقول التتن يامال فرقاه
وصوتٍ يقول التتن حذرا تخليه


ماغير انا والتتن ومقيط ورشاه
والخبت والغدراء وليلٍ تواليه ..


تشبه ضعون مربعينٍ بمثناه
يبكي الخزام ضعونهم والتهاتيه


ياصاحبي ياعاشقٍ كني اياه
كنه يسولفني بعشقه وماضيه


عاشق تمثناه الغرام وتمثناه
صحيح كل اناء ينضح بمافيه


والله لمن حدّ الدحيمي من اقصاه
الين صارت كل ذكرى تناديه


اللي بلاني به من العشق يبلاه
واللي رماني به من الوجد يرميه


بعض الغلا تعجز توصفه الأفواه
وبعض الوفا / تلحقه بعض المشاريه


وبعض التوجد ضعف لاقيل ويلاه
والحر مايدري بسده بناخيه


والرجل لامنه توجد وقال اه
يما يبّكي الخلق .. يما يخليه


طرى علي وانا اعرف الدرب واقراه
وسجيت فيه .. وتوهتني المهامية


ومن دون مادري قمت اخايل محياه
وادرّج الزفره بصدري واناجيه


مادري على ايش ابكيه .. واسرفت ببكاه
بس احمد لله .. كنت وحدي وانا ابكيه


مع ( طلال) / اقفيت اغني .. لذكراه
(منهو حبيبك غايتي بس اهنيه)



التوقيع: ..


منافي ..
كلها اوطاني
منافي
محمد الدحيمي غير متواجد حالياً   اضافة رد مع اقتباس
قديم 02-01-2012, 06:48   #66
هناء محمد
شـاعرة
 

رد : منااااااا (ياووووطن..) اااااافي

بعض الهقاوي عذرها قلّة الحيله
وبعض الهقاوي / عسى الله لايوفقها

يقلون لي ليه تعشق ريح هالشيله؟
.. فيها بعض ريحة امي !! ..
/ كيف ماعشقها؟!

أقوى حروفك في هذه الزاوية ممتعةوتشعر القارئ بالسعادة وأبسطها مبكية وربي
لله درك حتى ترضى
دمت برعاية الله

هناء محمد غير متواجد حالياً   اضافة رد مع اقتباس
قديم 02-01-2012, 07:16   #67
محمد الدحيمي
متنبي الشعر الشعبي
 
الصورة الرمزية الخاصة بـ محمد الدحيمي
 

رد : منااااااا (ياووووطن..) اااااافي

الى حبي الأبدي
وعشقي الخالد ..










..




من علبة الوانش / الى علبة اااااالواني
هيّا .. بنرسم سوا / طفلة ويااااااسمينه


دلووووعتي / طفلتي / يا اجمل الحاني
تدللي / سوووي اللي بي / تسوووووينه


وان قلت لش لا / وقلتي لي .. علشااااااني ..
آآآجيش طفلٍ يكااااابر جرح .. سكينه


تدددلّعي .. واستبيحي كل وجدااااااني
لبببببيه / ياكبددددد ابيش / ويابعد عينه


انتي وبس الأميرة .. مامعش ثااااااني
ياسندريلا الدحيمي / واجمل سنينه


ضحكتتتش ..يـ ( الزينه ) / تنسيني احزاني
وازعّل الخلق / لأجل رضاش .. يـ ( الزينه )



...
..
.






يااااه ياطول وياحلو الحديث عن:
الزينة بنت محمد الدحيمي
وللحديث بقيّة..

التوقيع: ..


منافي ..
كلها اوطاني
منافي
محمد الدحيمي غير متواجد حالياً   اضافة رد مع اقتباس
قديم 22-02-2012, 19:29   #68
محمد الدحيمي
متنبي الشعر الشعبي
 
الصورة الرمزية الخاصة بـ محمد الدحيمي
 

رد : منااااااا (ياووووطن..) اااااافي


إقتباس »
الرسالة الأصلية كتبت بواسطة هناااء
بعض الهقاوي عذرها قلّة الحيله
وبعض الهقاوي / عسى الله لايوفقها

يقلون لي ليه تعشق ريح هالشيله؟
.. فيها بعض ريحة امي !! ..
/ كيف ماعشقها؟!

أقوى حروفك في هذه الزاوية ممتعةوتشعر القارئ بالسعادة وأبسطها مبكية وربي
لله درك حتى ترضى
دمت برعاية الله



حضورك الغيم اختي هناء
شكراً لك كل هذا المطر

التوقيع: ..


منافي ..
كلها اوطاني
منافي
محمد الدحيمي غير متواجد حالياً   اضافة رد مع اقتباس
قديم 22-02-2012, 19:29   #69
محمد الدحيمي
متنبي الشعر الشعبي
 
الصورة الرمزية الخاصة بـ محمد الدحيمي
 

رد : منااااااا (ياووووطن..) اااااافي

لاصار .. لاوازع حيائي .. ولا دين
بعض البشر مدحه يجيلك مسبّه !

عادي وجدا..! صدمتك في القريبين
بس الوجع .. صدمتك باللي تحبّه !

التوقيع: ..


منافي ..
كلها اوطاني
منافي
محمد الدحيمي غير متواجد حالياً   اضافة رد مع اقتباس
قديم 25-03-2012, 19:50   #70
محمد الدحيمي
متنبي الشعر الشعبي
 
الصورة الرمزية الخاصة بـ محمد الدحيمي
 

رد : منااااااا (ياووووطن..) اااااافي

ممنوع الدخول لأصحاب القلوب الضعيفة

..


,, االلي شرى له بندقٍ .. ( ام حبّه )
ليته شرى له بندق ٍ .. ( ام ناظور) ,,

وجعان واهل الطب عجزوا بطبّه
ان قلت هذا ثور .. قال احلب الثور !

مطفّف المكيال يشبع بحبّه
والشر مدحورٍ .. وراعيه مدحور


ياسيدددددي ..
كلن بيرزقّه ربّه

لكنّ .. / رح منّاااااك..! / دستور / دستور !


ماني بمن يُمدح بوجه المسبّه
او يحترم مدّاحه .. ببيت مكسور

والا خبيلٍ .. كل من جاء لعبّه
ويكبّر اللقمة / وهو ماش حنجور !


ماعمر مثلك / شال همّ المنبّه
او قوّمه جوعه / مع بزغة النور

من ذمّة مقاول على دين صبّّه
يمسي على همٍ / ويصبح على جور


يمّا غدى بين / اصطوانه ودبّه
او لاجل شيبانه .. شحذ كل دكتووووور


بالله تعرررفني ؟! او انك مشبّه ؟!
اقووووول سقها / لاتخليني اثوررر


الله ولا بعض الغلا والمحبّه
لاجتك من مفضوح .. في وجه مستور

ياشيييييخ / قفلها بقفلٍ / وضبّه
وطقطق على غيري وماجور ماجور


التوقيع: ..


منافي ..
كلها اوطاني
منافي
محمد الدحيمي غير متواجد حالياً   اضافة رد مع اقتباس
قديم 23-04-2012, 04:22   #71
محمد الدحيمي
متنبي الشعر الشعبي
 
الصورة الرمزية الخاصة بـ محمد الدحيمي
 

رد : منااااااا (ياووووطن..) اااااافي

ماكن بيني وبينك/ يالحزن موووونه ؟
عقب الوفا / كنك البارح تبي غدري !!


يقطعك يا خوّةٍ / ماهيب مضمونه
الله واكبر! كذا ؟! / كنك .. ولا تدري


خليتني من سفاف البيد / لضعونه
من سدرة المنتهى .. لـ منتهى السدري


القلب قلبي / وانا ابخص منك بطعونه
والقدر قدري / ولاني جاهل ٍ قدري


بعض الطواري / تجيك شطووون مجنونه
وبعض التناهيد / جاثومٍ على صدري


لاهان راسٍ وضح شيبه / ولا مهونه
ياعارضي / وان غزاك الشيب من بدري

التوقيع: ..


منافي ..
كلها اوطاني
منافي
محمد الدحيمي غير متواجد حالياً   اضافة رد مع اقتباس
قديم 17-05-2012, 04:38   #72
محمد الدحيمي
متنبي الشعر الشعبي
 
الصورة الرمزية الخاصة بـ محمد الدحيمي
 

رد : منااااااا (ياووووطن..) اااااافي

عملاااااااق.. ياعملاااااااق / في حفلة اقزام
وشللللك وللأقزام .. مادمت عملاق ؟


السالفة كبوة جوادٍ ولا قام
سبّاق شوط / وخمسة اشواط لحّاق !


وحنّا على الحروة نعض له الابهام
ونظلم (سبأ بلقيس) / يا فتنة الساق !!


لوما حسنّ الظن / باضغاث الاحلام
ماكان ضعنا بين طاقٍ وطرباق


ولاقيل لعيال الخزى سبعة انعام
او تشمت بعمر اللقاء / لحظة فراق


احدن يعيش / ويحتري حكم الإعدام
واحدن يموت / وكم يعيش له مشتاق


يااصاحبي .. لاتخدعك بعض الاقلام
وتضيع من ذمة .. منافق / لسراق


كم فاجرٍ / متستر بثوب الإسلام
وياما بـ برّ الوالدين / ايهذي .. عاق


وان شفت لك عملااااااق وانجب له اقزاااااام
طلاااااق ..
الاّ
حراااام / ماعمر القزم جاب عملاق

التوقيع: ..


منافي ..
كلها اوطاني
منافي
محمد الدحيمي غير متواجد حالياً   اضافة رد مع اقتباس
قديم 23-05-2012, 13:48   #73
محمد الدحيمي
متنبي الشعر الشعبي
 
الصورة الرمزية الخاصة بـ محمد الدحيمي
 

رد : منااااااا (ياووووطن..) اااااافي

لحظتي بكل صدق :
اكبر همومنا واسوء مايشغلنا ويقلقنا يتقزم امام عامل النظافة هذا ..



اللهم انس وحشتنا بقربك
وقربنا اليك كما قرّبته
وردنا اليك ردّا جميلا ..

التوقيع: ..


منافي ..
كلها اوطاني
منافي
محمد الدحيمي غير متواجد حالياً   اضافة رد مع اقتباس
قديم 30-05-2012, 09:51   #74
محمد الدحيمي
متنبي الشعر الشعبي
 
الصورة الرمزية الخاصة بـ محمد الدحيمي
 

رد : منااااااا (ياووووطن..) اااااافي

يا واحة الشعر.. علّك ما نسيتينى
ما تذكرين الدحيمى ؟؟ ..
ما تذكرين الدحيمى يا ربا الواحه..؟!


أنا الدحيمى ..! بعذرك ما عرفتينى
العرف ضاع بزمانٍ قلّت أفراحه



دخيل نزف القوافى لا تلومينى
مزّاح .. يحسب جميع الخلق مزّاحه



والله ذبحنى .. وهو من قبل مشقينى
قلبٍ يسجّ .. وصروف الوقت ذبّاحه


تدرين وش غلطتى واللى مخطينى؟
إنى مثل مسعف المجروح بجراحه..!


خطاى جيتك وأنا بأول ثلاثينى
طفلٍ .. تعانق براءة طيشه صياحه


فى حروة أمّه تنادى : .. يا بعد عينى
والى أنتهى من غبوقه.. تفرش مراحه


ياما .. نشدت القدم : وين بتودينى ؟
وياما .. نشدت العيون : لوووين نّزّاحه ؟



بالمسبحه قلت أبطوى هالقلق فينى
حتى طوانى القلق وأصبحت مسباحه



وأثار كلّى .. يدوّر فى شرايينى
عن بعضى اللى شهق بعروق نواحه



رجعنى الحظ الاقشر .. لاجمل سنينى
للفارس اللى .. تنثّر دمه بالساحه


يا راحة البال .. كيف تضمك ايدينى
لا صار بال الشقاوي .. فاقد الراحه ؟!



تكفين يا واحتى .. قولى عرفتينى ..!
قولى ذكرتى الدحيمى .. شاعر الواحه ..!

التوقيع: ..


منافي ..
كلها اوطاني
منافي
محمد الدحيمي غير متواجد حالياً   اضافة رد مع اقتباس
قديم 05-06-2012, 13:14   #75
محمد الدحيمي
متنبي الشعر الشعبي
 
الصورة الرمزية الخاصة بـ محمد الدحيمي
 

رد : منااااااا (ياووووطن..) اااااافي



وصلتني من احد اجمل قرائي الذين افتخر بهم

التوقيع: ..


منافي ..
كلها اوطاني
منافي
محمد الدحيمي غير متواجد حالياً   اضافة رد مع اقتباس
إضافة رد


عدد المتواجدون في هذا الموضوع » 4 , عدد الأعضاء » 0 , عدد الزوار » 4
 
أدوات الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع