03-12-2006, 15:04 | #1 |
شـاعر
|
الطبلون :) . يالاجودي
درءا للشبهات التي حامت حول زعلتي من الشيبان المنسمين وجبرا لخاطر اخوي نايف راع الاوله. ولا يهونون الباقين اقول يالاجودي استلم لا هنت ترى ماهيب الا لك : يقول من له في ربوع " النظم " مرباع وخبيب .. اللي بيوته لو كسرها اسعد الله هدها اعدااااد ماهلت هماليــل وسقى الوبل الشعيب .. يالاجودي يامرحبا ترحيبتن وش قدها اخر تعديل كان بواسطة » يزيد بن غشيّان في يوم » 03-12-2006 عند الساعة » 15:10. |
03-12-2006, 15:12 | #2 |
شـاعر
|
رد : الطبلون :) . يالاجودي
على فكره نسيت اقول : نايف وفهد تراكم في صفي لا يجي غير ذالعلم انتظر تأكيدكم على ذلك هههههههههههههههه |
03-12-2006, 15:18 | #3 |
رجّال أجودي / شــاعر
|
رد : الطبلون :) . يالاجودي
اتشرف واقف احتراماً لهامتك الشعرية استلم من اخوك الصغير ابك البقاء ياشاعرٍ من وقفته يشبه حبيب***شاعر وشعره شدني بابيات شعرٍ عدها سلام تسليمة وفاء واخضع ياسجن ابو غريب***وارقا سنود بهامتك يالعنبو من لدها |
03-12-2006, 15:37 | #4 |
شـاعر
|
رد : الطبلون :) . يالاجودي
اللله الللله يا شيخ لا عدمتك ذرب وتحط على اليمنى . الله يشرف مقدارك وعذرا على التاخير ابشر بعزك لا تصوت قبل صوتك مستجيب .. وان كان لك في مقبل الايام حاجه بدّها يا صاحبي لو الليالي تظلم ومنته قريب .. ناخذ من القمرا لك سراج و يمينك مدها |
03-12-2006, 15:48 | #5 |
رجّال أجودي / شــاعر
|
رد : الطبلون :) . يالاجودي
ياسلام عليك البارحة ياابو هلا مريت مستشفى الحبيب***ولا لقيت الا هنوفٍ سحرها في خدها موضوع تافه لكن العاقل يميز واللبيب *** وتقول لي من جدها ..واقول لك من جدها |
03-12-2006, 15:57 | #6 |
رجّال أجودي / شــاعر
|
رد : الطبلون :) . يالاجودي
يزيد استاذنك فانا خارج التغطية فكم انت رائع والوقوف بجانبك اكثرمن رائع لم ننتهي بعد فلي عودة كي استمتع بالقرب منك |
03-12-2006, 16:05 | #7 |
شـاعر
|
رد : الطبلون :) . يالاجودي
اللــــــــه . المحاوره تاخذ المنحنى الخطير تقضبوا في العراوي عزي لحالك اشهد انك من مراميها صويب .. ما اقول لك من جدها الين اعاين قدّها وانا والله منيب داري انت رايح للطبيب .. ولا لعين اللي منى عينك تلامس يدّها |
03-12-2006, 16:17 | #8 |
شـاعر
|
رد : الطبلون :) . يالاجودي
اذنك معك اخوي وانا للاسف ما نيب داخل النت الليله الا كانه اخر الليل لذلك وعدنا بكره انشالله في نفس التوقيت وتراها على متمها للضروره تحياتي يا شنب |
03-12-2006, 19:49 | #9 |
موقوف
|
رد : الطبلون :) . يالاجودي
يزيد والاجودي شعاااااااااااااار لاعدمتكم واصلوا لاهنتوا والله انه طاروق يفتح النفس يازييييييين مستشفى الحبيب الله يغني عنه بالعافيه وااااااااصلوا |
04-12-2006, 00:18 | #10 |
شاعر
|
رد : الطبلون :) . يالاجودي
مرحبا يايزيد وأسعد اله هالوجود تراني في صفك وبغصب فهد يجي قايد للصف ولا نهضم أخونا الأجودي واصلو لاعدمناكم |
04-12-2006, 08:16 | #11 |
الضغط العالي
|
رد : الطبلون :) . يالاجودي
السلام عليكم ورحمه الله وبركاته الشعراء رجال اجودي يزيد غشيان كان ودي ان المحاوره تستمر لكن تجري الرياح بما لا تشتهي السفن لكن انشاء الله تعاوضنا في الايام القادمه وتقبلوا تحياتي |
04-12-2006, 14:20 | #12 |
المشرف العام
|
رد : الطبلون :) . يالاجودي
رجّال أجودي و يزيد بن غشيّان شعراء رائعين منورين كل منتدى يشاركون فيه لاعدمناهم صحت السنتكم متابعينكم دايم لاخلا ولا عدم منكم |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|