14-06-2008, 13:15
|
#1 |
|
عضو شعبيات
|
أروع رســـــالة بالعالـــــــــم ( يا زين البساطــــه )
أهلا بكم يا أعضاء شعبيات الرائعــــون .. ما رأيكم بلحظات ممتعه مع سطور تنثر الطيبة والبساطه وعطر عبق قديم .. ركزوا بالرساله وحاولوا تفمهــــــــون ..  حرمه تراسل حرمه وشكلهن من القصيـــــــــم لأني فهمت كل شي رغم الطلاسم .. فلننطـــــــــلق .. السلام عليكم ورحمة الله وبركاته ، وبعد : خطتس اللي كزيتي وصلن وفرحت بُه ..  وكثر الله خيرتس على المقطع والغدفة اللي كزيتي لي ، وابشرتس أن اخبارنا تسرتس .. البقرة أضنت ، والبيض فقش ، والدجاجةالرقطا راجن .. ، وان ادحيم العلي أعرس ، ونوّير مخطوبة ، وعويش فطمناه ، وطريفة رقعناه من السقاط ، وصويلح شراله دنانة ، وسليّم ختم المصحف ، واعزيز الصالح طاب من الطنان ، وبريه ولد رقية بدا يحبي ، والحمد الله طاب الجحام اللي بعينه ، وانتي صادزه حطينا عليه تبنه ، وحصيصة طابت اقطوفه اللي براسه ، ومنيرة مشطناه بوردة ، وأم دريحم طلعت من الماجب ، وتممنا لدريحم ، والنعال الزنوبا اللي تخبرين عندنا هاك السنه خطناه ومقطع الروز خبناه ، والدوشق غيرنا قطاعته ، والسفرة الكبيرة علقناه بالقبه ، وحطينا بيت للرادو ، والمصحف حق عمي غيرنا ثوبه ، والسراج زينا فتيلته ، والزبيل مليناه حتات من إنخلتنا ، وشرينا سحارة ولقيناه مكسورة .. وبقولس إني مع هالحموله غاديتن حوسه ، الطاية تخر ، والمثعب منشق ، والقتالة منقلعة ، وباب الروشن منكسر ، والتسوله مسنيّه ، وبريدز الغرش الصغير منقشع ، والله يهديتس ... يا أم دحيم ... البزار اللي كزيتيه شوي كركمُه ، والمسمنة تقل رماد ما به ليمون ، والفتيت مسري ، والكليجا تقل عظامة . واذا بغيتوا تكزون شي .. كزوا شي يبل الريدز .. ويواجه عند الحمولة . معكم علم ان حمولتنا ناس ينقدون بتلة . وخالتي بس تشره ، وعمتنا حقنة ما يجوز لها الشين ابد ، وحريم عمومتنا صرت اثم لهن ، وجذعانهم فرقا عين جدي شيبان كبري وماغير يترددون على هالجصة أقضو تمره تقل دبا ، وأنا ما ودي أطول عليتس الحتسي عسى مايخلين منتس .. ، ولا من جناين قلبتس ، لاخلا ولا عدم وسلميلي على من نشد عنا ، وأخص بالسلام لطيفة وهيا وقوليلهن والله ما خلان أقصر عنوتي عنكم واشوفكم الا اني عجزتن عن روحي ولاصقه على ظهيري وضليعاتي ومارخة كتوفي ورجيلاتي بالفقس .. .. ومعتس علم هالارياح يعودنن بتلة ومع هالبراد صايلات علي يالله حسن الخاتمة والعمل الصالح .. وسلمي وأنتي سالمة .. الصراحه أروع رســــــــــــــــــاله مرت علــــي <<<<<<<< بدى يشم ريحة المزرعه والفلاحه والبركــــــه أدوخ على الدوشق المرقوع , والخبنه .. وتلاحظون الحموله دايم حقنه الله يصلحهم .. يا حبيل أم دحيـــــــــــم .. بشــــــــــــروا .. فهمتـــــــــــــوا شـــــــــي ..؟؟ اللي مو ب فاهم يقول ..فيه معاني للكلمات والقاموس المحيط قريبا ً .. |
|
|
|
14-06-2008, 14:19
|
#2 |
|
عطري أنفاسك
|
رد : أروع رســـــالة بالعالـــــــــم ( يا زين البساطــــه )
/ خخخ يآحليلهمـ << ياويلك وياسواد ليلك علي راح يجيك منهم يا سلمان << بيتكفخ تكفيخ موب صاحي << انا مالي شغل سلاموو |
|
|
|
|
14-06-2008, 15:12
|
#3 |
|
عضو فعّال
|
رد : أروع رســـــالة بالعالـــــــــم ( يا زين البساطــــه )
طقتني تأتأه  ترجم لنا سلمان  الآتي :// خبناه الدوشق >>السرير مو  وباب الروشن منكسر ، والتسوله مسنيّه ،>>>وا قلبي بس  يعني ايه روشن و.. تسوله>>بتنطق  احلى شئ كلمة .. بتله  يسعد قلبك سلمان  |
|
|
|
|
15-06-2008, 00:11
|
#4 | |
|
شاعر
|
رد : أروع رســـــالة بالعالـــــــــم ( يا زين البساطــــه )
|
|
|
|
|
|
15-06-2008, 09:22
|
#5 |
|
شــاعر
|
رد : أروع رســـــالة بالعالـــــــــم ( يا زين البساطــــه )
تسلم على النقل بس طلعت مثل ما دخلت شفرات وطلاسم ما قدرت افهم شي دمت بكل الود |
|
|
|
|
15-06-2008, 12:47
|
#6 |
|
عضو شعبيات
|
رد : أروع رســـــالة بالعالـــــــــم ( يا زين البساطــــه )
اهلن بكِ ياخلود حياك الله والواضح إنك عاجنتن هالعباراة وخابزتهن من ردك شكلتس لاحقتن على ايام الستينات والله العالم انهن مب بعيداتٍ عنك هالعجز < عشان اذا تكفخيصير بالن ريقه من قبل كل الشكر والتقدير على هذا الحضور اللطيف اختي |
|
|
|
|
15-06-2008, 13:05
|
#7 | |
|
عضو شعبيات
|
رد : أروع رســـــالة بالعالـــــــــم ( يا زين البساطــــه )
إقتباس:
من طلعتي وأنتي على السيراميك ابشري ياخيتي وصايف أي كلمة او عبارة تصعب عليك معناها احنا حاضرين نجيب لك معناها من القاموس  القاموس < شيبانا الله يحفظهم  COLOR="Red"]مقطع الروز خبناه = ثوب من قماش بارد يسمى ( روز ) والخبن هو خياطة جزء منه حتى يقصر .. الدوشق غيرنا قطاعته = الدوشق اسفنج يوضع في الارض للتبطح عليه ههههه يعني سرير قصير وتغيير القطاعه يعني القماش فوق الاسفنج غالبا يتعرض لعوامل تعريه وخرايط بحريه لذلك يغيرون القطاعه ايقاله جديد باب الروشن منكسر = الروشن وهو الغرفة الخاصة غالبا تكون للمعاريس في مكان مرتفع ومنكسر يعني منكسر ههههه والتسوله مسنيّه = التسوله هي الكوله ومصدرها مكيال والكاف قلبت تســ للثقل ( محظوظ سيبوبه انه مات ) وهو مكيال لقياس دقيق البر .. اشكرك اختي وصايف على هذا التواجد وإتمنى أني قد وفقت في الإيضاح [/COLOR] |
|
|
|
|
|
15-06-2008, 13:12
|
#8 | ||
|
عضو شعبيات
|
رد : أروع رســـــالة بالعالـــــــــم ( يا زين البساطــــه )
هلا والله بأخي وعزيزي ابو لاما إقتباس:
جنب الشايب عشان يوضح له بعض العباراة المبهمه إقتباس:
بالسطيح ايام الصيف هذا مثل قمصان النوم لهالوقت اسعدني تواجدك عزيزي صالح واذا تبوني اجتهـد واجيب لكم معنى جميع كلمات الرسالة أنا حاضر |
||
|
|
|
|
15-06-2008, 13:17
|
#9 | |
|
عضو شعبيات
|
رد : أروع رســـــالة بالعالـــــــــم ( يا زين البساطــــه )
إقتباس:
انا حاس وعارف انك قاعدن تلفت يمين ويسار ومتورط صايرن تقل واحد مسافر للخارج ولا عنده لغة تحتري بس تسمع واحد يحتسي عربي عشان تنشب في حلقه ابشر بالسعد ياخوي احمد ابجمع لكم معاني جميع الرسالة وبطرحها عشان تتضح الرسالة لجميع من يقرأها . |
|
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
